Toshkent viloyatidagi Do‘rmon posyolkasi bog‘ hududining tabiiy-ekologik, ilmiy, madaniy va estetik qimmatga ega bo‘lgan noyob, qimmatli o‘simlik navlarini saqlash, ko‘paytirish hamda ulardan oqilona foydalanish maqsadida Vazirlar Mahkamasi qaror qiladi:
1. O‘zbekiston Respublikasi Tabiatni muhofaza qilish davlat qo‘mitasi, O‘zbekiston Respublikasi Fanlar akademiyasi, Toshkent shahri va Toshkent viloyati hokimliklarining Toshkent viloyatidagi Qibray tumanining Do‘rmon posyolkasi bog‘ hududi negizida 32,4 gektar maydonga ega bo‘lgan “Do‘rmon” milliy bog‘ini tashkil etish to‘g‘risidagi taklifi qabul qilinsin.
“Do‘rmon” milliy bog‘i qo‘riqlanadigan tabiiy hudud toifasiga kiradi, alohida ilmiy, ekologik, madaniy va estetik qimmatga ega bo‘lgan davlat mulki hisoblanadi va davlat tomonidan qo‘riqlanadi;
“Do‘rmon” milliy bog‘i hududida undan foydalanish maqsadiga zid bo‘lgan hamda uning o‘simlik obyektlarini saqlashga, ko‘paytirishga va tiklashga xavf soladigan har qanday faoliyatni amalga oshirish taqiqlanadi;
Oldingi tahrirga qarang.
“Do‘rmon” milliy bog‘i yer uchastkalarini jamoat ehtiyojlari uchun olib qo‘yishga, shuningdek u erda sanoat, xo‘jalik obyektlari, uy-joylar va boshqa obyektlar qurilishini amalga oshirishga yo‘l qo‘yilmaydi (Milliy bog‘ ehtiyojlari uchun mo‘ljallanganlari bundan mustasno);
O‘zbekiston Respublikasi Tabiatni muhofaza qilish davlat qo‘mitasi, O‘zbekiston Respublikasi Fanlar akademiyasi, “Do‘rmon” milliy bog‘ini Qo‘riqlanadigan tabiiy hududlar davlat kadastriga belgilangan tartibda kiritsinlar.
O‘zbekiston Respublikasi Tabiatni muhofaza qilish davlat qo‘mitasi Toshkent shahar hokimligi, O‘zbekiston Respublikasi Adliya vazirligi, Fanlar akademiyasi hamda boshqa manfaatdor vazirliklar va idoralar bilan birgalikda o‘n kun muddatda “Do‘rmon” milliy bog‘i to‘g‘risidagi nizom loyihasini tasdiqlash uchun Vazirlar Mahkamasiga kiritsin.
3. Toshkent viloyati hokimligi tashkil etilayotgan “Do‘rmon” milliy bog‘i uchun Qibray tumanida qo‘shimcha ravishda 4,0 gektar yer uchastkasini belgilangan tartibda ajratsin.
4. Toshkent shahar hokimligi huzuridagi Obodonlashtirish bosh boshqarmasining Hukumat obyektlariga xizmat ko‘rsatish bo‘yicha Ixtisoslashtirilgan boshqarmasi tarkibida, yuridik shaxs tashkil etmasdan, “Do‘rmon” milliy bog‘i direksiyasi tashkil etilsin.
Direksiyaning Ixtisoslashtirilgan boshqarma xodimlarining belgilangan umumiy soni doirasida tashkil etilishi ma’lumot uchun qabul qilinsin.
5. Quyidagilar “Do‘rmon” milliy bog‘i direksiyasi faoliyatining asosiy vazifalari va yo‘nalishlari etib belgilansin:
Milliy bog‘ni ta’minlash, undan foydalanish va uni saqlash, shuningdek bog‘ni qo‘riqlash bo‘yicha ishlarning o‘z vaqtida va sifatli bajarilishini tashkil etish;
madaniy-ma’rifiy, estetik va ilmiy maqsadlarda foydalanish uchun Milliy bog‘ning tabiiy kompleksini saqlash va rivojlantirish;
dov-daraxtlarni saqlash (parvarish qilish), ularning zararkunandalari va kasalliklariga qarshi kurashish, Milliy bog‘ hududini qimmatli o‘simliklar navlari bilan yanada ko‘kalamzorlashtirish chora-tadbirlarini bajarish bo‘yicha kompleks agrotexnika tadbirlarini amalga oshirish;
obodonlashtirish obyektlarini sanitariya jihatidan tozalashni, sun’iy sug‘orish tizimlarining, nasos stansiyalarining, quduqlarning hamda Milliy bog‘dagi boshqa muhandislik tarmoqlari sanitariya va texnikaviy holatining zarur darajada bo‘lishini ta’minlash.
6. “Do‘rmon” milliy bog‘i direksiyasining boshqaruv xodimlarining cheklangan soni 7 nafardan iborat bo‘lgan tuzilmasi 1-ilovaga muvofiq tasdiqlansin.
har yili obodonlashtirishga ajratiladigan mablag‘lar doirasida Toshkent shahrining mahalliy budjeti mablag‘lari hisobiga;
Oldingi tahrirga qarang.
(5-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Toshkent shahar hokimligi huzuridagi Obodonlashtirish bosh boshqarmasining Hukumat obyektlariga xizmat ko‘rsatish bo‘yicha Ixtisoslashtirilgan boshqarmasi “Do‘rmon” milliy bog‘i ta’minoti uchun zarur budjet mablag‘larini nazarda tutsin;
2015-yilda “Do‘rmon” milliy bog‘i direksiyasi uchun ixtisoslashtirilgan avtotransport hamda 2-ilovaga muvofiq ro‘yxat bo‘yicha kichik mexanizatsiya vositalari sotib olishga zarur mablag‘lar ajratsin;
“Do‘rmon” milliy bog‘ining tashqi yoritish vositalariga va favvorasiga Toshkent shahar hokimligining tegishli foydalanish tashkilotlari tomonidan xizmat ko‘rsatishning amaldagi tartibini saqlab qolsin.
“Do‘rmon” milliy bog‘i direksiyasining malakali agronomlar, muhandis-texnik va ishlab chiqarish xodimlari bilan butlanishini;
Direksiya xodimlarining tutash hududdagi mavjud ma’muriy va ishlab chiqarish binolarida joylashtirilishini;
“Do‘rmon” milliy bog‘ini zamonaviy mexanizatsiya vositalari bilan jihozlash va hududning muhandislik infratuzilmasini rivojlantirishni davom ettirish yo‘li bilan samarali boshqarish tadbirlari kompleksi amalga oshirilishini;
tegishli organlar bilan birgalikda “Do‘rmon” milliy bog‘i obyektlaridan foydalanishda belgilangan xavfsizlik talablarini hisobga olgan holda, Milliy bog‘ hududiga kirish rejimi to‘g‘risidagi nizom ishlab chiqilishi va tasdiqlanishini ta’minlasin.
10. O‘zbekiston Respublikasi Fanlar akademiyasi, Tabiatni muhofaza qilish davlat qo‘mitasi O‘simlik va hayvonot olami genofondi instituti bilan birgalikda, mahalliy tabiiy-iqlim sharoitlarini hisobga olgan holda, xo‘jalik yuritishni ilmiy asoslangan tarzda tashkil etish va yuritish yo‘li bilan “Do‘rmon” milliy bog‘i o‘simlik dunyosi obyektlaridan maqsadli va samarali, shuningdek tabiatni muhofaza qilish, ekologiya-ma’rifiy va ilmiy-tadqiqot maqsadlarida foydalanish yuzasidan o‘zaro hamkorlikni tizimli asosda amalga oshirsinlar.
11. O‘zbekiston Respublikasi Tabiatni muhofaza qilish davlat qo‘mitasi Toshkent shahar hokimligi, Adliya vazirligi bilan birgalikda qonun hujjatlariga ushbu qarordan kelib chiquvchi o‘zgartirish va qo‘shimchalar to‘g‘risida belgilangan tartibda Vazirlar Mahkamasiga takliflar kiritsin.
12. Mazkur qarorning bajarilishini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
T/r | Mashina va mexanizmlar nomi | Soni (ta) |
1. | Maysa o‘rish mashinasi (gazonokosilka) | 4 |
2. | O‘ziyurar maysa o‘rish mashinasi (gazonokosilka) | 2 |
3. | Trimmer | 2 |
4. | Purkagich (100 l) | 2 |
5. | Ko‘tarib yuriladigan purkagich | 1 |
6. | Avtobus | 2 |
7. | Suv sepadigan mashina (qor tozalash uskunalari bilan) | 2 |
8. | Avtominora | 1 |
9. | “Damas”avtomobili | 1 |
10. | Axlat tashish mashinasi | 2 |