Oldingi tahrirga qarang.
(buyruqning nomi O‘zbekiston Respublikasi ichki ishlar vazirining 2021-yil 8-iyuldagi 231-sonli buyrug‘i (ro‘yxat raqami 2591-2, 14.07.2021-y.) tahririda — Qonunchilik ma’lumotlari milliy bazasi, 14.07.2021-y., 10/21/2591-2/0679-son)
O‘zbekiston Respublikasi Jinoyat-ijroiya kodeksi va O‘zbekiston Respublikasi Prezidentining 2013-yil 15-iyuldagi PQ-2003-sonli “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash to‘g‘risida”gi qaroriga asosan, buyuraman:
Oldingi tahrirga qarang.
1. Ozodlikdan mahrum etishga hukm qilingan, narkologik kasallikka (surunkali alkogolizm, giyohvandlik, zaharvandlik) yo‘liqqan shaxslarga nisbatan tibbiy yo‘sindagi majburlov choralarini qo‘llash tartibi to‘g‘risidagi nizom ilovaga muvofiq tasdiqlansin.
(1-band O‘zbekiston Respublikasi ichki ishlar vazirining 2021-yil 8-iyuldagi 231-sonli buyrug‘i (ro‘yxat raqami 2591-2, 14.07.2021-y.) tahririda — Qonunchilik ma’lumotlari milliy bazasi, 14.07.2021-y., 10/21/2591-2/0679-son)
2. O‘zbekiston Respublikasi ichki ishlar vazirining 1994-yil 20-oktabrdagi 268-sonli “Ixtisoslashtirilgan axloq tuzatish muassasalarida saqlanayotgan mahbuslarni giyohvandlikdan majburiy davolashni tashkil etish to‘g‘risidagi yo‘riqnomani tasdiqlash haqida”gi buyrug‘i o‘z kuchini yo‘qotgan deb topilsin.
Oldingi tahrirga qarang.
(ilovaning nomi O‘zbekiston Respublikasi ichki ishlar vazirining 2021-yil 8-iyuldagi 231-sonli buyrug‘i (ro‘yxat raqami 2591-2, 14.07.2021-y.) tahririda — Qonunchilik ma’lumotlari milliy bazasi, 14.07.2021-y., 10/21/2591-2/0679-son)
Oldingi tahrirga qarang.
Mazkur Nizom O‘zbekiston Respublikasining Jinoyat kodeksi, Jinoyat-ijroiya kodeksi va O‘zbekiston Respublikasi Prezidentining 2013-yil 15-iyuldagi PQ-2003-sonli “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash to‘g‘risida”gi qaroriga muvofiq, ozodlikdan mahrum etishga hukm qilingan, narkologik kasallikka (surunkali alkogolizm, giyohvandlik, zaharvandlik) yo‘liqqan shaxslarga (bundan buyon matnda hukm qilingan shaxslar deb yuritiladi) nisbatan tibbiy yo‘sindagi majburlov choralarini qo‘llash tartibini belgilaydi.
(muqaddima O‘zbekiston Respublikasi ichki ishlar vazirining 2021-yil 8-iyuldagi 231-sonli buyrug‘i (ro‘yxat raqami 2591-2, 14.07.2021-y.) tahririda — Qonunchilik ma’lumotlari milliy bazasi, 14.07.2021-y., 10/21/2591-2/0679-son)
Oldingi tahrirga qarang.
1. O‘zbekiston Respublikasi Jinoyat kodeksining 96-moddasiga asosan alkogolizmga, giyohvandlikka yoki zaharvandlikka yo‘liqqan yoxud aqli rasolikni istisno etmaydigan tarzda ruhiy holati buzilgan shaxslar tomonidan jinoyat sodir etilgan taqdirda, agar tibbiy xulosa mavjud bo‘lsa, sud jazo tayinlash bilan birga ularga nisbatan tibbiy yo‘sindagi majburlov choralarini tayinlashi mumkin.
(1-band O‘zbekiston Respublikasi ichki ishlar vazirining 2021-yil 8-iyuldagi 231-sonli buyrug‘i (ro‘yxat raqami 2591-2, 14.07.2021-y.) tahririda — Qonunchilik ma’lumotlari milliy bazasi, 14.07.2021-y., 10/21/2591-2/0679-son)
2. Hukm qilingan shaxslarga nisbatan tibbiy yo‘sindagi majburlov choralari ularni davolash maqsadida qo‘llaniladi.
3. Tibbiy yo‘sindagi majburlov choralarini ijro etish uchun sudning qonuniy kuchga kirgan hukmi yoki ajrimi asos bo‘ladi.
4. Tibbiy yo‘sindagi majburlov choralari qo‘llanilgan hukm qilingan shaxslar jazoni ijro etish muassasalarining qabul bo‘limida shifokor-narkolog yoki shifokor-psixiatr tomonidan ro‘yxatga olinadi va 3 kun ichida tibbiy tekshiruvdan o‘tkaziladi.
5. Tibbiy yo‘sindagi majburlov choralari qo‘llanilgan hukm qilingan shaxslar klinik, anamnestik, psixopatologik, somatonevrologik va laboratoriya tekshiruvlaridan o‘tkaziladi va ularga shifokor-narkolog yoki shifokor-psixiatr tomonidan tashxis qo‘yiladi hamda individual ravishda davolash rejasi belgilanadi.
6. Tibbiy yo‘sindagi majburlov choralari qo‘llanilgan hukm qilingan shaxslarga shifokor-narkolog yoki shifokor-psixiatr xulosasiga muvofiq davolash rejasiga asosan tibbiy yordam ko‘rsatiladi.
7. Tibbiy yo‘sindagi majburlov choralari qo‘llanilgan hukm qilingan shaxslar dori vositalari hamda psixoterapevtik ta’sir o‘tkazish choralari bilan davolanadi.
Bunda tibbiy yo‘sindagi majburlov choralari qo‘llanilgan hukm qilingan shaxslarga motivatsion intervyu, kognitiv-axloqiy, suggestiv, ratsional va psixologik (ijtimoiy psixologik va retsidivga qarshi) treninglar orqali psixoterapiya, tibbiy-ijtimoiy hamda kasbiy reabilitatsiya usullari qo‘llaniladi.
8. Tibbiy yo‘sindagi majburlov choralari qo‘llanilgan hukm qilingan shaxslarda faol sil kasalligi mavjudligi aniqlangan taqdirda, ularga nisbatan tibbiy yo‘sindagi majburlov choralarini qo‘llash faol sil kasalligiga ixtisoslashtirilgan jazoni ijro etish muassasalarida amalga oshiriladi.
9. Tibbiy yo‘sindagi majburlov choralari qo‘llanilgan hukm qilingan shaxslarga shifokor-narkolog yoki shifokor-psixiatr xulosasiga asosan statsionar yoki ambulatoriya kuzatuvi tayinlanadi.
10. Statsionar kuzatuvda dori vositalarini qo‘llagan holda patogenetik va simptomatik davolash amalga oshiriladi.
11. Statsionar kuzatuv yakunlangandan so‘ng, tibbiy yo‘sindagi majburlov choralari qo‘llanilgan hukm qilingan shaxslarga ambulator kuzatuv tayinlanadi va tegishli davolash ishlari amalga oshiriladi.
12. Statsionar yoki ambulator kuzatuv davrida shaxsda unga nisbatan tibbiy yo‘sindagi majburlov choralarini qo‘llashga to‘sqinlik qiluvchi kasallik mavjudligi aniqlangan taqdirda, tibbiy komissiya tomonidan berilgan xulosaga muvofiq tibbiy yo‘sindagi majburlov choralarini qo‘llash vaqtinchalik to‘xtatib turiladi.
Oldingi tahrirga qarang.
13. Hukm qilingan shaxs tibbiy yo‘sindagi majburlov choralari qo‘llanilishidan bosh tortsa, tibbiyot bo‘limi boshlig‘i jazoni ijro etish muassasasi boshlig‘ini bu haqda yozma ravishda darhol xabardor qiladi. Bunda tibbiy yo‘sindagi majburlov choralari qo‘llanilishidan bosh tortgan hukm qilingan shaxsga nisbatan qonunchilik hujjatlariga muvofiq choralar qo‘rilishi mumkin.
(13-band O‘zbekiston Respublikasi Adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
14. Tibbiy yo‘sindagi majburlov choralarini qo‘llash jazoni ijro etish muassasasi tibbiy komissiyasining xulosasiga asosan yakunlanadi.
15. Jazoni ijro etish muassasasi boshlig‘i tibbiy komissiya xulosasiga asosan o‘n kun ichida tibbiy yo‘sindagi majburlov chorasini tugatishni so‘rab tegishli sudga yozma ravishda murojaat qiladi. Bunda tibbiy xulosa va tibbiy yo‘sindagi majburlov choralari qo‘llanilgan hukm qilingan shaxsning shaxsiy hujjatlari yig‘majildi mazkur murojaatga ilova qilinishi lozim.
16. Tibbiy xulosadagi ma’lumotlar tibbiy yo‘sindagi majburlov choralari qo‘llanilgan hukm qilingan shaxsning tibbiy ambulator varaqasiga qayd etiladi.
Oldingi tahrirga qarang.
17. Jazoni ijro etish muassasasining ma’muriyati narkologik kasallikdan (surunkali alkogolizm, giyohvandlik, zaharvandlik) majburiy davolash kursini tugallamagan shaxslarga nisbatan — viloyat, shahar sog‘liqni saqlash boshqarmalari (bo‘limlari) yoki sog‘liqni saqlash organlarining davolash muassasalarini ularning ozod etilganligi to‘g‘risida oldindan xabardor etadi. Bunda tibbiy yo‘sindagi majburlov choralari qo‘llanilgan hukm qilingan shaxsning tibbiy ambulator kartasidan ko‘chirma ham yuboriladi.
(17-band O‘zbekiston Respublikasi ichki ishlar vazirining 2021-yil 8-iyuldagi 231-sonli buyrug‘i (ro‘yxat raqami 2591-2, 14.07.2021-y.) tahririda — Qonunchilik ma’lumotlari milliy bazasi, 14.07.2021-y., 10/21/2591-2/0679-son)