LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Respublika iqtisodiyoti tarmoqlarida va mintaqalarida talab etiladigan ixtisosliklar bo‘yicha yuqori malakali mutaxassislarni sifatli tayyorlashni ta’minlash, shuningdek mamlakatni ijtimoiy-iqtisodiy rivojlantirish, iqtisodiyot tarkibini modernizatsiyalash hamda diversifikatsiyalash istiqbollarini hisobga olgan holda oliy ta’lim yo‘nalishlari va mutaxassisliklarini yanada maqbullashtirish va unifikatsiya qilish maqsadida:
1. Ma’lumot uchun qabul qilinsinki, O‘zbekiston Respublikasi Iqtisodiyot vazirligi Mehnat va aholini ijtimoiy muhofaza qilish vazirligi, Oliy va o‘rta maxsus ta’lim vazirligi bilan birgalikda, davlat va xo‘jalik boshqaruvi organlari, mahalliy davlat hokimiyati organlari va boshqa tashkilotlar — oliy ta’lim muassasalari bitiruvchilarining potensial iste’molchilari ishtirokida:
yo‘nalishlar va mutaxassisliklar bo‘yicha bakalavrlar hamda magistrlarni tayyorlashda real iqtisodiyotning tarmoqlari va sohalarining amalda ta’minlanganligi tanqidiy o‘rganib chiqildi;
O‘zbekiston Respublikasi Prezidentining 2011-yil 20-maydagi PQ–1533-sonli qarori bilan tasdiqlangan 2011 — 2016-yillarda oliy ta’lim muassasalarining moddiy-texnika bazasini modernizatsiya qilish va mutaxassislar tayyorlash sifatini tubdan yaxshilash Dasturi parametrlaridan kelib chiqib, ijtimoiy-iqtisodiy rivojlanish va iqtisodiyotni tarkibiy o‘zgartirish istiqbollarini hisobga olgan holda tarmoqlar va mintaqalar doirasida bakalavriat yo‘nalishlari hamda magistratura mutaxassisliklari bo‘yicha respublikaning oliy ta’lim muassasalariga 2012/2013 o‘quv yilida qabul kvotalariga oid takliflar ishlab chiqildi.
bakalavrlarni 56 607 nafar, shu jumladan davlat grantlari bo‘yicha — 19 340 va to‘lov-kontrakt asosida — 37 267 nafar miqdorida, 1-ilovaga* muvofiq;
magistrlarni 6 300 nafar, shu jumladan davlat grantlari bo‘yicha — 1 566 va to‘lov-kontrakt asosida — 4 734 nafar miqdorida, 2-ilovaga* muvofiq;
Toshkent kimyo-texnologiya instituti (Qo‘ng‘irot bo‘limi)ning maxsus sirtqi bo‘limida bakalavrlarni tayyorlash davlat grantlari bo‘yicha 65 nafar va Toshkent axborot texnologiyalari universitetining maxsus sirtqi bo‘limida — 50 nafar, shu jumladan davlat grantlari bo‘yicha — 15 nafar va to‘lov-kontrakt asosida — 35 nafar qabul qilish umumiy kvotalari 3-ilovaga* muvofiq belgilansin.
3. 2012/2013 o‘quv yilida O‘zbekiston Respublikasi ta’lim muassasalariga qabul qilish bo‘yicha Davlat komissiyasining yangilangan tarkibi 4-ilovaga* muvofiq tasdiqlansin.
Davlat komissiyasiga oliy ta’lim muassasalariga kirish chog‘ida bakalavriat tayyorlov yo‘nalishlari va magistratura mutaxassisliklari bo‘yicha abituriyentlar to‘plagan ballarning reyting baholanishini hisobga olgan holda bakalavriat va magistraturaga qabulning belgilangan umumiy kvotalar doirasida oliy ta’lim muassasalarining qabul ko‘rsatkichlariga o‘zgartirishlar kiritish huquqi berilsin.
4. Tasarrufida oliy ta’lim muassasalari bo‘lgan vazirliklar va idoralar O‘zbekiston Respublikasi Vazirlar Mahkamasi huzuridagi Davlat test markazi bilan birgalikda bir hafta muddat ichida o‘zlariga qarashli oliy ta’lim muassasalari doirasida bakalavriat va magistratura bo‘yicha davlat granti hamda to‘lov-kontrakt asosida o‘rinlar kvotasini ta’lim tillariga qarab taqsimlashga oid takliflarni O‘zbekiston Respublikasi ta’lim muassasalariga qabul qilish bo‘yicha Davlat komissiyasiga tasdiqlash uchun kiritsin.
5. O‘zbekiston Respublikasi Moliya vazirligi 2012/2013 o‘quv yilida davlat grantlari asosida bakalavriat va magistraturaga qabul qilish bo‘yicha belgilangan kvotalarni hisobga olgan holda, O‘zbekiston Respublikasi Davlat budjetidan zarur mablag‘lar ajratilishini ta’minlasin.
6. O‘zbekiston Respublikasi Iqtisodiyot vazirligi, Oliy va o‘rta maxsus ta’lim vazirligi tasarrufida oliy ta’lim muassasalari bo‘lgan vazirliklar va idoralar, Mehnat va aholini ijtimoiy muhofaza qilish vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, ish beruvchilar bilan birgalikda oliy ta’lim muassasalari bitiruvchilari o‘zlari olgan bilim yo‘nalishiga muvofiq ishga joylashganliklari ustidan tizimli nazorat o‘tkazib tursin.
7. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.