Sholi hosilini uyushqoqlik bilan yigʻishtirib olish maqsadida Vazirlar Mahkamasi qaror qiladi:

1. Qoraqalpogʻiston Respublikasi Vazirlar Kengashi, viloyatlar hokimliklari, Qishloq xoʻjaligi vazirligi, “Oʻzqishloqxoʻjalik-taʼminottuzatish” davlat-kooperativ qoʻmitasi, “Oʻzdonmahsulot” davlat korporatsiyasi oʻn kun muddatda sholi oʻrish kombaynlari, boshqa texnika va asbob-uskunalar, shuningdek qabul qilish punktlari komissiyalar tomonidan qabul qilib olinishini tashkil etsinlar, maqbul muddatlardan kelib chiqib 1-ilovaga muvofiq sholi hosilini yigʻishtirish jadvalini tasdiqlasinlar.

4. “Oʻzqishlokxoʻjalikmash-xolding” kompaniyasi (Matchonov), “Oʻzqishloqxoʻjaliktaʼminottuzatish” davlat-kooperativ qoʻmitasi (Jabborov) sholi hosilini yigʻishtirish davrida Qoraqalpogʻiston Respublikasi, Surxondaryo, Sirdaryo, Toshkent va Xorazm viloyatlarida sholi yigʻishtirish texnikasi uchun asosiy uzellar, agregatlar va ehtiyot qismlar zaxirasini yaratsinlar, oʻrim-yigʻim mavsumini oʻtkazishning boshqa masalalarini tezkorlik bilan koʻrib chiqsinlar.

5. “Oʻzavtotrans” davlat korporatsiyasi (Axmetov), “Oʻzqishloq-xoʻjaliktaʼminottuzatish” davlat-kooperativ qoʻmitasi (Jabborov) sholi hosilini yigʻishtirish davrida Qoraqalpogʻiston Respublikasi, Surxondaryo, Sirdaryo, Toshkent va Xorazm viloyatlariga xoʻjaliklarning buyurtmanomalariga muvofiq shartnoma asosida yuk avtomashinalari yuborsinlar.

Zarurat boʻlganda sholi tashish uchun Mudofaa vazirligi boʻlinmalarining, respublikaning boshqa vazirliklari, idoralarining avtotransporti shartnoma asosida jalb qilinsin.

Xoʻjaliklarning sholini don qabul qilish punktlariga yetkazib berish bilan bogʻliq xarajatlari “Oʻzdonmahsulot” davlat korporatsiyasi korxonalari hisobidan qoplanadi.

6. “Oʻzdonmahsulot” davlat korporatsiyasi (Mutalov) Qoraqalpogʻiston Respublikasi Vazirlar Kengashi va viloyat hokimliklari bilan birgalikda tayyorlov punktlarining kecha-kunduz bir maromda ishlashini taʼminlasin, sholi ortilgan transport vositalarining bekor turib qolishiga yoʻl qoʻymasin.

Qoraqalpogʻiston Respublikasi Vazirlar Kengashi va viloyatlar hokimliklari, Oʻzbekiston Respublikasi Ichki ishlar vazirligi hosilni yigʻishtirib olish joylarida uni tashishda va qabul qilish punktlarida sholini oʻgʻirlash va talon-toroj qilish faktlariga barham berish chora-tadbirlarini belgilasinlar va amalga oshirsinlar zarurat boʻlganda maxsus postlar oʻrnatsinlar.

7. 1996-yil sholi hosilini yigʻishtirib olish va tayyorlash davrida xoʻjaliklarni yoqilgʻi-moylash materiallari bilan taʼminlashning Vazirlar Mahkamasining 1996-yil 22-avgustdagi 295-son qarori 12-bandi bilan belgilangan shartlari joriy etilsin.

8. “Oʻzdonmahsulot davlat korporatsiyasi topshirilgan sholi uchun xoʻjaliklar bilan har besh kunda kontraktatsiya shartnomalarida nazarda tutilgan narxlar boʻyicha hisob-kitob qilsin.

9. Qishloq xoʻjaligi vazirligi (Jumaniyozov) Oʻzbekiston Qishloq xoʻjaligi fanlari akademiyasi (Usmonov) sholi hosilini yigʻishtirishda band boʻlgan xodimlar mehnatiga haq toʻlash va ularni moddiy ragʻbatlantirishga doir tavsiyalarni bir hafta muddatda xoʻjaliklarga yetkazsinlar. Mehnatga natura bilan haq toʻlash hisobiga sholi berish uni “Oʻzdonmahsulot davlat korporatsiyasiga sotish yuzasidan kontraktatsiya shartnomalari bajarilgandan hamda 2-ilovaga muvofiq urugʻlik fondlari gʻamlangandan keyin amalga oshirilsin.

“Oʻzdonmahsulot davlat korporatsiyasi tegishli saqlash joylari boʻlmagan xoʻjaliklardan urugʻlikni masʼuliyatli saqlash uchun qabul qilib olsin.

Markaziy bank, “Paxta-bank”, “Gʻalla-bank” va boshqa tijorat banklari sholi yigʻishtirish mavsumi qatnashchilari bilan oʻz vaqtida hisob-kitob qilish uchun xoʻjaliklarni naqd pul bilan taʼminlasin.

10. “Oʻzdonmahsulot” davlat korporatsiyasi Qishloq xoʻjaligi vazirligi, Oʻzbekiston Qishloq xoʻjaligi fanlari akademiyasiga urugʻchilik xoʻjaliklaridan navli sholi urugʻligini — super-elita navli urugʻlikni tovar sholiga belgilangan narxlardan 300 foiz yuqori, elita navli urugʻlikni — 200 foiz yuqori, birinchi reproduksiyali urugʻlikni — 150 foiz yuqori, ikkinchi reproduksiyali urugʻlikni — 100 foiz miqdori narxlarda xarid qilishga ruxsat berilsin, ular davlat resurslari uchun sholi xarid qilish hajmlarida hisobga olinmasin.

Urugʻlik sholini kontraktatsiya shartnomalari boʻyicha sotishning umumiy miqdorlari hisobiga topshirish amaliyoti qoralansin. Tovar sholining urugʻlik maqsadlarida foydalanilishi qatʼiyan taqiqlansin. Ushbu talablar bajarilishi uchun shaxsiy javobgarlik Qoraqalpogʻiston Respublikasi Vazirlar Kengashi Raisiga, viloyatlar va tumanlar hokimlariga yuklansin.

11. Oʻzistiqbolstat davlat qoʻmitasi:

sholi xarid qilinishi toʻgʻrisidagi statistika hisoboti yuritilishini taʼminlasin, statistika hisobotini Oʻzdonmahsulot korporatsiyasi don qabul qilish punktlarining qabul kvitansiyalari nusxalarisiz qabul qilmasin, sholining yalpi hosilini hisoblab chiqishda aholining xoʻjaliklarida yetishtirilgan sholini alohida hisobga olsin;

sholi tayyorlash davrida statistika hisobotining ishonchliligini muntazam tekshirib tursin, statistika hisobotini buzib koʻrsatish aniqlangan hollarda oʻz vaqtida Vazirlar Mahkamasiga axborot bersin.

12. Qishloq xoʻjaligi vazirligi Qoraqalpogʻiston Respublikasi Vazirlar Kengashi va viloyatlar hokimliklarining 1997-yil hosili uchun sholi ekish maydonlari haqidagi takliflariga 3-ilovaga muvofiq rozilik berilsin.

13. Mazkur qarorning bajarilishini nazorat qilish Bosh vazirning oʻrinbosari R.A. Giniyatullin zimmasiga yuklansin.