LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Tolasining sifati bo‘yicha jahon standartlari va talablariga javob beradigan g‘o‘zaning tezpishar va serhosil seleksiya navlarini respublika mintaqalarining tuproq-iqlim sharoitlaridan kelib chiqqan holda oqilona joylashtirish, 2010-yil hosili uchun chigit ekish bo‘yicha butun ishlar kompleksi o‘z vaqtida tashkil etilishini ta’minlash maqsadida:
1. Qoraqalpog‘iston Respublikasi Vazirlar Kengashi hamda viloyatlar hokimliklarining O‘zbekiston Respublikasi Qishloq va suv xo‘jaligi vazirligi, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, “O‘zpaxtasanoat” uyushmasi bilan kelishilgan:
2010-yil hosili uchun g‘o‘zaning rayonlashtirilgan va istiqbolli navlarini 1-ilovaga* muvofiq joylashtirish;
2010-yil uchun g‘o‘zaning asosiy seleksiya navlarini istiqbolliligi va iqtisodiy rag‘batlantirilishi bo‘yicha 2-ilovaga* muvofiq guruhlarga ajratish;
2010-yil hosili uchun chigitni 3-ilovaga* muvofiq plyonka ostiga ekish va paxtakor xo‘jaliklarni polietilen plyonkalar bilan ta’minlash;
2010-yilgi paxta hosili yetishtirishning 4-ilovaga* muvofiq prognoz hajmlari to‘g‘risidagi takliflariga rozilik berilsin.
2. 2010-yilda davlat ehtiyojlari uchun xarid qilinadigan paxta tolasi hajmi uning amalda yetishtiriladigan hajmining 50 foizi miqdorida saqlab qolinsin.
4-ilovada nazarda tutilgan paxta yetishtirish hajmlari 2010-yil hosili uchun paxta yetishtiruvchi xo‘jaliklar va tayyorlov tashkilotlari o‘rtasida kontraktatsiya shartnomalari tuzishda nazorat ko‘rsatkichlari sifatida qaralsin.
3. Belgilansinki, O‘zbekiston Respublikasi qishloq va suv xo‘jaligi vaziri, “O‘zpaxtasanoat” uyushmasi raisi, Qoraqalpog‘iston Respublikasi Vazirlar Kengashi raisi, viloyatlar va tumanlarning hokimlari:
har bir tumanda ikkitadan ortiq bo‘lmagan, xo‘jaliklarda esa bitta tavsiya etilgan g‘o‘za navi ekilishini hisobga olgan holda g‘o‘za navlarini joylashtirishning tasdiqlangan tartibiga rioya qilinishi;
respublika ilmiy-tadqiqot institutlari tomonidan ishlab chiqilgan tavsiyanomalarga muvofiq har bir seleksiya navlari uchun g‘o‘zani parvarish qilish agrotexnikasiga amal qilinishi uchun shaxsan javobgar bo‘ladilar.
2010-yil 25-fevralgacha urug‘lik paxtani tozalashni, 28-fevralgacha esa — ehtiyot zaxirasini hisobga olgan holda, urug‘lik chigit tayyorlashni tugallasin, shuningdek urug‘chilik korporatsiyalari va kompaniyalarini tuksizlantirilgan urug‘lar bilan 5-ilovaga muvofiq hajmlarda ta’minlasin;
xo‘jaliklarga yuqori sifatli urug‘lik chigitning faqat dorilangan va sertifikatlar mavjud bo‘lgan taqdirda, 50 foizdan kam bo‘lmagan miqdordagi haqini oldindan to‘lash sharti bilan, seleksiya navlarini joylashtirishning tasdiqlangan tartibiga qat’iy muvofiq ravishda berilishini ta’minlasin.
5. O‘zbekiston Respublikasi Qishloq va suv xo‘jaligi vazirligi, “O‘zpaxtasanoat” uyushmasi, Qoraqalpog‘iston Respublikasi Vazirlar Kengashi va viloyatlar hokimliklari:
urug‘lik chigit ekish uchun paxta yetishtiruvchi xo‘jaliklar ro‘yxatini bir oy muddatda tanlov asosida belgilangan tartibda qayta ko‘rib chiqsinlar;
g‘o‘zaning yangi navlarini sinashni faqat ilmiy-tadqiqot institutlarining eksperimental bazalarida, bazaviy xo‘jaliklarda, yangi navlarni oldindan ko‘paytirish xo‘jaliklari va davlat nav sinash uchastkalarida amalga oshirsinlar.
6. Paxtaning aniq navlari bo‘yicha mazkur qaror bilan belgilangan ekin maydonlari hajmlariga rioya etilishi yuzasidan shaxsiy javobgarlik tumanlar hokimlari va ularning birinchi o‘rinbosarlari zimmasiga yuklansin, belgilangan parametrlarga rioya qilinmaganligi uchun ularni ma’muriy javobgarlikka tortish nazarda tutilsin.
paxta yetishtiruvchi xo‘jaliklar bilan paxta tayyorlash korxonalari o‘rtasida kontraktatsiya shartnomalarining o‘z vaqtida tuzilishi ustidan nazoratni;
tuzilgan shartnomalarga muvofiq mineral o‘g‘itlar, yoqilg‘i-moylash materiallari, polietilen plyonkalar va boshqa moddiy-texnika resurslarini paxta yetishtiruvchi xo‘jaliklarga haqini belgilangan tartibda to‘lash sharti bilan o‘z vaqtida yetkazib berish ishlarining muvofiqlashtirilishini;
g‘o‘zani parvarish qilishda agrotexnika tadbirlarining sifatli o‘tkazilishini, moddiy-texnika resurslarini yetkazib berishda shartnoma majburiyatlariga amal qilinishida ta’minlamayotgan davlat va xo‘jalik boshqaruvi organlarining mansabdor shaxslariga nisbatan qattiq intizomiy javobgarlik choralari ko‘rilishini ta’minlasin.
“Sho‘rtangazkimyokompleksi” UShK — 2010-yilda chigit ekishga polietilen plyonka ishlab chiqarish uchun plenka ishlab chiqaruvchi zavodlar tomonidan taqdim etilgan hisob-kitoblarga muvofiq xomashyo (granulalar)ning jami hajmini sotishda;
“Jizzax plastmassa” aksiyadorlik jamiyati va “Andijonpolietileni” qo‘shma korxonasi — tayyor polietilen plyonkalarni paxta yetishtiruvchi xo‘jaliklarga sotishda;
ekish uchun mo‘ljallangan urug‘lik chigiti — tizim ichida harakatlanganda ham, shuningdek 2010-yil hosili uchun “O‘zpaxtasanoat” uyushmasining hududiy bo‘linmalari tomonidan sotilganda ham qo‘shilgan qiymat solig‘i to‘lashdan ozod qilinsin.
9. Vazirlar Mahkamasining “Paxta xomashyosi yetishtirishda bozor prinsiplarini amalga oshirish va uni yetishtirishni tashkil etishni yanada takomillashtirish chora-tadbirlari to‘g‘risida” 2003-yil 19-fevraldagi 93-sonli qarorining 6-bandi o‘z kuchini yo‘qotgan deb hisoblansin.
10. Mazkur Qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.