1-modda. Oʻzbekiston Respublikasining 1996-yil 26-aprelda qabul qilingan “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi 223-I-sonli Qonuniga (Oʻzbekiston Respublikasi Oliy Majlisining Axborotnomasi, 1996-yil, № 5-6, 61-modda; 1997-yil, № 2, 56-modda; 1998-yil, № 3, 38-modda, № 9, 181-modda; 1999-yil, № 9, 229-modda; 2001-yil, № 1-2, 23-modda; 2003-yil, № 1, 8-modda, № 9-10, 149-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda; 2007-yil, № 7, 325-modda, № 12, 598, 606, 608-moddalar) quyidagi oʻzgartish va qoʻshimchalar kiritilsin:

1) 7-modda uchinchi qismining birinchi jumlasi quyidagi tahrirda bayon etilsin:

“Yopiq aksiyadorlik jamiyati aksiyadorlari ushbu jamiyatning boshqa aksiyadorlari sotayotgan aksiyalarni uchinchi shaxsga taklif etilayotgan narxda va shartlarda, ularning har biriga tegishli aksiyalar soniga mutanosib ravishda imtiyozli olish huquqiga, agar jamiyat ustavida mazkur huquqni amalga oshirishning boshqacha tartibi nazarda tutilmagan boʻlsa, ega boʻladi”;

2) 11-moddaning ikkinchi qismidagi “xillari va” degan soʻzlar chiqarib tashlansin;

3) 13-moddaning birinchi qismi:

beshinchi xatboshisidagi “xillari va” degan soʻzlar chiqarib tashlansin;

quyidagi mazmundagi yettinchi xatboshi bilan toʻldirilsin:

“jamiyatning ijroiya organini tuzadi (saylaydi, tayinlaydi)”;

4) 15-modda birinchi qismi:

oltinchi xatboshisining ruscha matnidagi “vidi” va “vidov” degan soʻzlar tegishincha “tipi” va “tipov” degan soʻzlar bilan almashtirilsin;

quyidagi mazmundagi oʻn uchinchi xatboshi bilan toʻldirilsin:

“jamiyat tomonidan aksiyalarni joylashtirish tartibi va shartlari”;

5) 19-modda uchinchi qismining birinchi jumlasi quyidagi tahrirda bayon etilsin:

“Jamiyat oddiy aksiyalarni joylashtirishi shart, shuningdek bir yoki bir necha turdagi imtiyozli aksiyalarni joylashtirishga haqli”;

6) 20-moddaning birinchi qismi quyidagi tahrirda bayon etilsin:

“Aksiyadorlik jamiyati ustav fondining eng kam miqdori jamiyat davlat roʻyxatidan oʻtkazilgan sanada Oʻzbekiston Respublikasi Markaziy bankining kursi boʻyicha ellik ming AQSh dollariga teng boʻlgan summadan kam boʻlmasligi kerak”;

7) 21-modda beshinchi qismining ruscha matnidagi “etogo vida” degan soʻzlar chiqarib tashlansin;

8) 24-modda quyidagi tahrirda bayon etilsin:

Aksiyalar egasining nomi yozilgan emissiyaviy qimmatli qogʻozlar boʻlib, ular turiga koʻra oddiy va imtiyozli boʻlishi mumkin.

Aksiyalar mulk huquqi yoki boshqa ashyoviy huquq asosida qaysi yuridik yoki jismoniy shaxsga tegishli boʻlsa, oʻsha yuridik yoxud jismoniy shaxs aksiyaning egasi — aksiyador deb eʼtirof etiladi.

Oddiy aksiyalar ovoz beruvchi boʻlib, ularning egasiga dividendlar olish, aksiyadorlarning umumiy yigʻilishlarida va jamiyatni boshqarishda ishtirok etish huquqini beradi.

Aksiya egalariga dividendlarni, shuningdek jamiyat tugatilganda aksiyalarga qoʻyilgan mablagʻlarni birinchi navbatda olish huquqini beradigan aksiyalar imtiyozli aksiyalardir. Imtiyozli aksiyalar oʻz egalariga jamiyat foyda koʻrish-koʻrmasligidan qatʼi nazar, muayyan dividendlar olish huquqini beradi.

Chiqariladigan aksiyalarning turlari, ularni joylashtirish, ular boʻyicha dividendlar toʻlash tartibi qonun hujjatlariga muvofiq jamiyat ustavida belgilanadi”;

9) 26-moddaning:

ikkinchi qismi quyidagi tahrirda bayon etilsin:

“Jamiyat ustavida jamiyat joylashtirilgan aksiyalarga qoʻshimcha ravishda joylashtirishga haqli boʻlgan eʼlon qilingan (qoʻshimcha) aksiyalarning soni va nominal qiymati belgilanishi mumkin”;

uchinchi qismi chiqarib tashlansin;

toʻrtinchi — oltinchi qismlari tegishincha uchinchi — beshinchi qismlar deb hisoblansin;

toʻrtinchi qismi quyidagi tahrirda bayon etilsin:

“Jamiyat tomonidan aksiyalarga ayirboshlanadigan qimmatli qogʻozlar joylashtirilgan taqdirda eʼlon qilingan (qoʻshimcha) aksiyalarning soni ushbu qimmatli qogʻozlar muomalada boʻlishi muddati mobaynida ayirboshlash uchun zarur miqdordan kam boʻlmasligi lozim”;

10) 27-modda birinchi qismining:

uchinchi xatboshisi quyidagi tahrirda bayon etilsin:

“oʻzi haqida depozitariydagi depo hisobvaragʻidan koʻchirma olish”;

toʻqqizinchi xatboshisidagi “davlat tomonidan qimmatli qogʻozlar bozorini tartibga solish va muvofiqlashtirish yuzasidan vakolat berilgan organda” degan soʻzlar “qimmatli qogʻozlar bozorini tartibga solish boʻyicha vakolatli davlat organida” degan soʻzlar bilan almashtirilsin;

11) 30-modda quyidagi tahrirda bayon etilsin:

Aksiyalarga boʻlgan huquqlar aksiyalarni oluvchiga uning depo hisobvaragʻiga tegishli kirim yozuvi belgilangan tartibda kiritilgan paytdan eʼtiboran oʻtadi va qonun hujjatlarida belgilangan tartibda depozitariy tomonidan beriladigan depo hisobvaragʻidan koʻchirma bilan tasdiqlanadi.

Aksiya bilan tasdiqlanadigan huquqlar ularning oluvchisiga ushbu qimmatli qogʻozga boʻlgan huquqlar oʻtgan paytdan eʼtiboran oʻtadi”;

12) 31-modda chiqarib tashlansin;

13) 33-moddaning:

birinchi va ikkinchi qismlari quyidagi tahrirda bayon etilsin:

“Jamiyatni taʼsis etishda joylashtiriladigan aksiyalarga jamiyat davlat roʻyxatidan oʻtkazilgan sanadan eʼtiboran koʻpi bilan bir yil ichida muassislar tomonidan haq toʻlanishi lozim. Mazkur muddat oʻtganidan keyin muassislar tomonidan haqi toʻlanmagan aksiyalar bekor qilinishi kerak.

Jamiyatning qoʻshimcha aksiyalariga mazkur aksiyalarni chiqarish toʻgʻrisidagi qarorda koʻrsatilgan joylashtirish muddati ichida haq toʻlanishi lozim”;

beshinchi, toʻqqizinchi va oʻninchi qismlari chiqarib tashlansin;

oltinchi — sakkizinchi qismlari tegishincha beshinchi — yettinchi qismlar deb hisoblansin;

14) IV boʻlim nomidan “TARQATISh HAMDA” degan soʻzlar chiqarib tashlansin;

15) 35-modda chiqarib tashlansin;

16) 36-modda:

quyidagi mazmundagi uchinchi qism bilan toʻldirilsin:

“Davlat korxonalarini aksiyadorlik jamiyatlariga oʻzgartirish jarayonida chiqarilgan aksiyalar yangi mulkdorlarga belgilangan tartibda realizatsiya qilinadigan paytga qadar dastlabki joylashtirilgan davlat aktivlari hisoblanadi”;

uchinchi — oltinchi qismlari tegishincha toʻrtinchi — yettinchi qismlar deb hisoblansin;

toʻrtinchi qismi quyidagi tahrirda bayon etilsin:

“Emitent tomonidan aksiyalarni joylashtirish muddati ularning chiqarilishi davlat roʻyxatidan oʻtkazilgan paytdan eʼtiboran bir yildan oshmasligi kerak”;

17) 37¹-moddaning nomi quyidagi tahrirda bayon etilsin:

18) 39-modda:

nomidagi “Aksiyalarga” degan soʻz “Aksiyalarni va aksiyalarga” degan soʻzlar bilan almashtirilsin;

birinchi qismi “Agar jamiyat” degan soʻzlardan keyin “aksiyalarni va” degan soʻzlar bilan toʻldirilsin;

ikkinchi va uchinchi qismlaridagi “Ovoz beruvchi aksiyalarga ayirboshlanadigan” degan soʻzlar tegishincha “Aksiyalar va ovoz beruvchi aksiyalarga ayirboshlanadigan” va “Aksiyalarni va ovoz beruvchi aksiyalarga ayirboshlanadigan” degan soʻzlar bilan almashtirilsin;

quyidagi mazmundagi toʻrtinchi qism bilan toʻldirilsin:

“Aksiyalarni va ovoz beruvchi aksiyalarga ayirboshlanadigan qimmatli qogʻozlarni imtiyozli olish huquqiga ega boʻlgan shaxslarning roʻyxati ushbu qimmatli qogʻozlarni chiqarish toʻgʻrisidagi qaror qabul qilingan sanadagi jamiyat aksiyadorlari reyestrining maʼlumotlari asosida tuziladi”;

toʻrtinchi qismi beshinchi qism deb hisoblansin;

19) 40-moddaning:

nomidagi “Aksiyalarga” degan soʻz “Aksiyalarni va aksiyalarga” degan soʻzlar bilan almashtirilsin;

birinchi qismi “Jamiyat” degan soʻzdan keyin “aksiyalarni va” degan soʻzlar bilan toʻldirilsin;

ikkinchi qismi “Xabarnomada” degan soʻzdan keyin “aksiyalarning va” degan soʻzlar bilan toʻldirilsin;

uchinchi qismi “Aksiyador” degan soʻzdan keyin “aksiyalarni va” degan soʻzlar bilan toʻldirilsin;

20) 41-modda:

toʻrtinchi qismining ruscha matnidagi “vidi” va “vida” degan soʻzlar tegishincha “tipi” va “tipa” degan soʻzlar bilan almashtirilsin;

oltinchi va yettinchi qismlarining ruscha matnidagi “vidov” degan soʻz “tipov” degan soʻz bilan almashtirilsin;

quyidagi mazmundagi toʻqqizinchi — oʻn ikkinchi qismlar bilan toʻldirilsin:

“Jamiyat tasarrufiga oʻtgan aksiyalar ovoz berish huquqini bermaydi, ovozlarni sanab chiqishda hisobga olinmaydi, ular boʻyicha dividendlar hisoblab chiqarilmaydi. Bunday aksiyalar jamiyat tasarrufiga oʻtgan paytdan eʼtiboran bir yildan kechiktirmay realizatsiya qilinishi kerak, aks holda, aksiyadorlarning umumiy yigʻilishi jamiyatning ustav fondini kamaytirish toʻgʻrisida qaror qabul qilishi lozim.

Ushbu moddaning toʻqqizinchi qismida nazarda tutilgan muddatlarda realizatsiya qilinmagan aksiyalar qonun hujjatlarida belgilangan tartibda bekor qilinishi lozim.

Jamiyat tomonidan oʻz aksiyalarini olinishi qonun hujjatlarida belgilangan tartibda mustaqil ravishda yoki investitsiya institutlari orqali amalga oshiriladi.

Jamiyat oʻzi chiqargan aksiyalar boʻyicha ularni qayta sotib olish sharti bilan bitimlar tuzishga, shuningdek oʻzi chiqargan aksiyalarni ishonchli boshqaruvga berishga haqli emas”;

21) 43-moddaning ruscha matnidagi “vida” degan soʻz “tipa” degan soʻz bilan almashtirilsin;

22) 44-moddaning ikkinchi qismidagi “aksiyadorlar roʻyxati tuzilgan kundagi” degan soʻzlar chiqarib tashlansin;

23) 47-modda quyidagi tahrirda bayon etilsin:

Jamiyat aksiyadorlari reyestri roʻyxatdan oʻtkazilgan aksiyalar egalarining belgilangan sanadagi holatga koʻra shakllantirilgan, ularga tegishli aksiyalarning nomi, soni, nominal qiymati va turi, shuningdek reyestrda roʻyxatdan oʻtkazilgan shaxslarga axborotni yuborish imkoniyatini beradigan maʼlumotlar koʻrsatilgan roʻyxatidir.

Jamiyat aksiyadorlari reyestrini shakllantirish qonun hujjatlarida belgilangan tartibda, qimmatli qogʻozlar egalarining depozitariylardagi depo hisobvaraqlari holatiga koʻra markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysi tomonidan amalga oshiriladi.

Agar jamiyatga nisbatan “oltin aksiya”ni joriy etish toʻgʻrisida qaror qabul qilingan boʻlsa, jamiyat aksiyadorlari reyestriga davlat vakili ham kiritiladi.

Aksiyadorning aksiyadorlar umumiy yigʻilishida ishtirok etishi, dividendlar olishi va emitent tomonidan korporativ harakatlar bajarilganda qonun hujjatlarida nazarda tutilgan boshqa huquqlarni amalga oshirishi jamiyat aksiyadorlarining belgilangan sanadagi holatga koʻra shakllantirilgan reyestri asosida amalga oshiriladi.

Shakllantirilgan va markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysidan olingan jamiyat aksiyadorlari reyestriga oʻzgartirishlar kiritilishiga yoʻl qoʻyilmaydi.

Jamiyat aksiyadorlari reyestrini shakllantirish tartibini buzgan shaxslar belgilangan tartibda javobgar boʻladi.

Jamiyat aksiyadorlari reyestrini shakllantirish uchun depozitariylar:

reyestrda roʻyxatdan oʻtkazilgan shaxslarning identifikatsiya qilinishi;

reyestrda roʻyxatdan oʻtkazilgan shaxslarning axborot olish va uni mazkur shaxslarga yoʻllash hamda reyestrni shakllantirish imkonini beradigan aksiyalarga boʻlgan huquqlari hisobga olinishini;

reyestrga oʻzgartirishlar kiritilishiga sabab boʻladigan hujjatlarni va barcha faktlar toʻgʻrisidagi hamda depozitariylarning bunday oʻzgartirishlarni kiritish borasidagi barcha harakatlari haqidagi axborotni qonun hujjatlarida belgilangan muddatlar mobaynida toʻplanishi va saqlanishini taʼminlamogʻi lozim.

Jamiyat aksiyadorlari reyestrida roʻyxatdan oʻtkazilgan har bir shaxs, uning nomiga yozilgan aksiyalar soni va turlari toʻgʻrisidagi maʼlumotlar, shuningdek qonun hujjatlarida nazarda tutilgan boshqa maʼlumotlar koʻrsatiladi.

Qonun hujjatlarida nazarda tutilgan tartibda:

markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysi jamiyatlar aksiyadorlari reyestrlari shakllantirilishini taʼminlashi va shakllantirilgan reyestrlarni saqlashi shart;

jamiyat davlat roʻyxatidan oʻtkazilgan sanadan eʼtiboran bir oydan kechiktirmay markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysi bilan shartnoma tuzishi shart.

Aksiyador oʻz aksiyalariga boʻlgan huquqlarini hisobga olish boʻyicha xizmat koʻrsatuvchi depozitariyni oʻziga oid maʼlumotlardagi oʻzgarishlar haqida oʻz vaqtida xabardor qilishi shart. U oʻziga oid maʼlumotlar oʻzgarganligi haqidagi axborotni taqdim etmagan hollarda, shuning oqibatida aksiyadorga yetkazilgan zarar uchun markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysi va aksiyadorning oʻz aksiyalariga boʻlgan huquqlarini hisobga olish boʻyicha xizmat koʻrsatuvchi depozitariy javobgar boʻlmaydi”;

24) 48-modda quyidagi tahrirda bayon etilsin:

Depo hisobvaragʻidan koʻchirma aksiyadorning aksiyalarga boʻlgan huquqlarini tasdiqlaydigan, depozitariy tomonidan beriladigan hujjatdir.

Aksiyadorga uning aksiyalarga boʻlgan huquqlarini hisobga olish boʻyicha xizmat koʻrsatuvchi depozitariy aksiya egasining yoki uning qonuniy vakilining talabiga binoan ikki ish kuni ichida depo hisobvaragʻidan koʻchirma berishi shart. Qimmatli qogʻozlar egasi depo hisobvaragʻidan koʻchirmaga oʻziga oid boʻlmagan axborotni, shu jumladan boshqa qimmatli qogʻozlar egalari hamda ularga tegishli qimmatli qogʻozlarning soni toʻgʻrisidagi axborotni kiritishni talab qilish huquqiga ega emas.

Depo hisobvaragʻidan koʻchirma bergan shaxs unda koʻrsatilgan maʼlumotlarning toʻliqligi va toʻgʻriligi uchun javobgardir. Depo hisobvaragʻidan koʻchirma berish tartibi, koʻchirmaning shakli va mazmuniga oid talablar qimmatli qogʻozlar bozorini tartibga solish boʻyicha vakolatli davlat organi tomonidan belgilab qoʻyiladi.

Davlat vakiliga depo hisobvaragʻidan koʻchirma berish qonun hujjatlarida belgilangan tartibda amalga oshiriladi”;

25) 49-modda quyidagi tahrirda bayon etilsin:

Jamiyat aksiyadorlari reyestrini shakllantirish aksiyadorlik jamiyatining yoki qimmatli qogʻozlar bozorini tartibga solish boʻyicha vakolatli davlat organining topshirigʻi asosida markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysi tomonidan amalga oshiriladi. Reyestrning qaysi sanaga shakllantirilishi reyestrni shakllantirish toʻgʻrisidagi topshiriqda koʻrsatiladi.

Aksiyadorlik jamiyati jamiyatning aksiyadorlari reyestrini shakllantirish toʻgʻrisidagi topshiriqlarda imzo qoʻyish huquqiga ega boʻlgan shaxslar haqida markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysini qonun hujjatlarida belgilangan tartibda yozma shaklda xabardor qilishi shart.

Davlat vakilini jamiyat aksiyadorlari reyestriga kiritish haqidagi yozuv, davlat vakilini tayinlash toʻgʻrisidagi tegishli qaror ilova qilingan holda, Oʻzbekiston Respublikasi Davlat mulkini boshqarish davlat qoʻmitasi tomonidan markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysiga bildirish asosida amalga oshiriladi.

Jamiyat aksiyadorlari reyestrini shakllantirishni rad etishga yoʻl qoʻyilmaydi, qonun hujjatlarida nazarda tutilgan hollar bundan mustasno.

Jamiyat aksiyadorlari reyestrini shakllantirish rad etilgan taqdirda, markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysi reyestrni shakllantirish rad etilganligi toʻgʻrisidagi asoslantirilgan bildirishnomani topshiriq kelib tushgan paytdan eʼtiboran besh kundan kechiktirmay yuboradi.

Jamiyat aksiyadorlari reyestrini shakllantirish rad etilganligi ustidan sudga shikoyat qilish mumkin”;

26) 50-modda quyidagi tahrirda bayon etilsin:

Aksiyadorlik jamiyati, transfer-agent, markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysi va qimmatli qogʻozlarning nominal saqlovchilari jamiyat aksiyadorlari reyestridagi maʼlumotlarning toʻliqligi hamda toʻgʻriligi uchun solidar javobgar boʻladi va oʻzlarining harakatlari yoki harakatsizligi bilan aksiyadorga yetkazilgan zararning oʻrnini qoplashi shart”;

27) 51-moddaning matni quyidagi tahrirda bayon etilsin:

“Qimmatli qogʻozlarning nominal saqlovchilari depozitariylardir”;

28) 52-moddaning matni quyidagi tahrirda bayon etilsin:

“Aksiyalarni saqlash qonun hujjatlarida belgilangan tartibda Qimmatli qogʻozlar markaziy depozitariysida amalga oshiriladi”;

29) 53-modda:

ikkinchi qismining ruscha matnidagi “vidu” degan soʻz “tipu” degan soʻz bilan almashtirilsin;

toʻrtinchi qismining ruscha matnidagi “vidu prinadlejaщix aksiy” degan soʻzlar “tipu prinadlejaщix im aksiy” degan soʻzlar bilan almashtirilsin;

30) 54-moddaning nomidagi “va shakllari” degan soʻzlar chiqarib tashlansin;

31) 55-modda quyidagi tahrirda bayon etilsin:

Aksiyalarning har bir turi boʻyicha dividendlar (yilning har bir choragi, yarim yilligi, yilligi boʻyicha) toʻlash, dividendning miqdori hamda uni toʻlash shakli toʻgʻrisidagi qaror jamiyat kuzatuv kengashining tavsiyasi asosida aksiyadorlar umumiy yigʻilishi tomonidan qabul qilinadi. Dividendlarning miqdori jamiyat kuzatuv kengashi tavsiya etgan miqdordan koʻp boʻlishi mumkin emas. Aksiyadorlarning umumiy yigʻilishi aksiyalarning muayyan turlari boʻyicha dividendlar toʻlamaslik toʻgʻrisida, shuningdek jamiyat ustavida dividend miqdori belgilab qoʻyilgan imtiyozli aksiyalar boʻyicha toʻliq boʻlmagan miqdorda dividendlar toʻlash haqida qaror qabul qilishga haqli.

Dividendlar toʻlash toʻgʻrisidagi qarorda dividendlar toʻlash boshlanadigan va tugaydigan sanalar koʻrsatilgan boʻlishi lozim.

Yilning har bir choragi, yarim yilligi boʻyicha dividendlar toʻlash toʻgʻrisidagi qaror (eʼlon) tegishli davr tugaganidan soʻng ikki oy ichida qabul qilinishi mumkin.

Agar dividendlar toʻlash oqibatida aksiyadorlik jamiyatining moliya-xoʻjalik ahvoli jiddiy tarzda yomonlashadigan boʻlsa, dividendlar toʻlash taqiqlanadi”;

32) 56-moddaning:

ikkinchi qismi quyidagi tahrirda bayon etilsin:

“Dividendlar toʻlash muddati va tartibi jamiyat ustavida yoki aksiyadorlarning umumiy yigʻilishi qarori bilan belgilanadi. Dividendlar toʻlash muddati shunday qaror qabul qilingan kundan eʼtiboran 60 kundan kech boʻlmasligi lozim”;

uchinchi qismi chiqarib tashlansin;

toʻrtinchi — oltinchi qismlari tegishincha uchinchi — beshinchi qismlar deb hisoblansin;

toʻrtinchi qismi quyidagi tahrirda bayon etilsin:

“Oʻzbekiston Respublikasining norezident aksiyadorlari tomonidan olingan dividendlarni erkin almashtiriladigan valyutaga ayirboshlash qonun hujjatlarida belgilangan tartibda amalga oshiriladi”;

33) 57-moddaning birinchi qismi quyidagi tahrirda bayon etilsin:

“Dividendlarni eʼlon qilish toʻgʻrisida qaror qabul qilingan aksiyadorlarning umumiy yigʻilishini oʻtkazish uchun shakllantirilgan jamiyat aksiyadorlari reyestrida qayd etilgan aksiyadorlar dividend olish huquqiga ega”;

34) 61-modda birinchi qismining ikkinchi jumlasi quyidagi tahrirda bayon etilsin:

“Ochiq aksiyadorlik jamiyati toʻlanadigan dividendlar miqdori toʻgʻrisidagi maʼlumotlarni qonun hujjatlarida belgilangan muddatlarda ommaviy axborot vositalarida eʼlon qiladi”;

35) 65-modda birinchi qismining oʻn beshinchi xatboshisidagi “aksiyalarga” degan soʻz “aksiyalarni va aksiyalarga” degan soʻzlar bilan almashtirilsin;

36) 66-moddaning toʻqqizinchi qismi “qaror qabul qilishga” degan soʻzlardan keyin “shuningdek kun tartibiga oʻzgartirishlar kiritishga” degan soʻzlar bilan toʻldirilsin;

37) 68-modda quyidagi tahrirda bayon etilsin:

Aksiyadorlarning umumiy yigʻilishida ishtirok etish huquqiga aksiyadorlarning umumiy yigʻilishi oʻtkaziladigan rasmiy eʼlon qilingan sanadan 3 kalendar kun oldin shakllantirilgan jamiyat aksiyadorlari reyestrida qayd etilgan aksiyadorlar ega boʻladi.

Aksiyadorning talabiga binoan jamiyat aksiyadorga aksiyadorlarning umumiy yigʻilishini oʻtkazish uchun shakllantirilgan jamiyat aksiyadorlari reyestriga kiritilganligi toʻgʻrisidagi axborotni taqdim etishi shart.

Jamiyat aksiyadorlarining shakllantirilgan reyestriga oʻzgartirishlar mazkur reyestr tuzilgan sanada unga kiritilmay qolgan shaxslarning buzilgan huquqlari tiklangan yoki reyestrni tuzishda yoʻl qoʻyilgan xatolar tuzatilgan taqdirdagina qonun hujjatlarida belgilangan tartibda kiritilishi mumkin”;

38) 69-modda quyidagi tahrirda bayon etilsin:

Aksiyadorlarning umumiy yigʻilishini oʻtkazish toʻgʻrisida aksiyadorlarga va davlat vakiliga xabar berish tegishli axborotni matbuotda eʼlon qilish hamda aksiyadorlarning umumiy yigʻilishi oʻtkazilishi rasmiy eʼlon qilingan sanadan 30 kalendar kun oldin shakllantirilgan jamiyat aksiyadorlari reyestri asosida ularga bildirishnoma yuborish orqali amalga oshiriladi.

Aksiyadorlik jamiyati aksiyadorga va davlat vakiliga bildirishnomani mustaqil ravishda yoxud jamiyat va qimmatli qogʻozlar bozorining professional ishtirokchisi oʻrtasida tegishli xizmatlar koʻrsatilishi uchun tuziladigan shartnomaga muvofiq qimmatli qogʻozlar bozorining professional ishtirokchisi orqali yuborishga haqli.

Aksiyadorlarning umumiy yigʻilishi oʻtkazilishi toʻgʻrisida aksiyadorlarga va davlat vakiliga xabar qilish muddati jamiyat ustavida belgilab qoʻyiladi. Ochiq aksiyadorlik jamiyati aksiyadorlariga va davlat vakiliga aksiyadorlarning umumiy yigʻilishini oʻtkazish toʻgʻrisidagi bildirishnoma yigʻilish oʻtkaziladigan sanadan kamida 10 kalendar kun oldin yuborilishi kerak.

Aksiyadorlarning umumiy yigʻilishini oʻtkazish toʻgʻrisidagi xabarda quyidagilar koʻrsatilishi kerak:

jamiyatning nomi va joylashgan yeri (pochta manzili);

umumiy yigʻilish oʻtkaziladigan sana, vaqt va joy;

jamiyat aksiyadorlari reyestri tuziladigan sana;

umumiy yigʻilishning kun tartibiga kiritilgan masalalar;

umumiy yigʻilishni oʻtkazishga tayyorgarlik koʻrishda aksiyadorlarga va davlat vakiliga taqdim etilishi lozim boʻlgan axborot (materiallar) bilan aksiyadorlarni va davlat vakilini tanishtirish tartibi.

Aksiyadorlarning umumiy yigʻilishini oʻtkazishga tayyorgarlik koʻrishda aksiyadorlarga va davlat vakiliga taqdim etilishi lozim boʻlgan axborotga (materiallarga) jamiyatning yillik hisoboti, jamiyatning yillik moliya-xoʻjalik faoliyatini tekshirish natijalari yuzasidan jamiyat taftish komissiyasining (taftishchisining) va auditorlik tashkilotining xulosasi, jamiyat kuzatuv kengashining yakkaboshchilik asosidagi ijroiya organi bilan, kollegial ijroiya organining aʼzolari, boshqaruvchi tashkilot yoki boshqaruvchi bilan tuzilgan shartnomaning amal qilish muddatini uzaytirish, shartnomani qayta tuzish yoki uni bekor qilish mumkinligi toʻgʻrisida xulosasi, jamiyat kuzatuv kengashi hamda taftish komissiyasi aʼzoligiga (taftishchiligiga) nomzodlar toʻgʻrisidagi maʼlumotlar, jamiyat ustaviga kiritiladigan oʻzgartishlar va qoʻshimchalar loyihasi yoxud jamiyatning yangi tahrirdagi ustavi loyihasi kiradi.

Aksiyadorlarning umumiy yigʻilishini oʻtkazishga tayyorgarlik koʻrishda aksiyadorlarga va davlat vakiliga taqdim etilishi majburiy boʻlgan qoʻshimcha axborot (materiallar) roʻyxati qimmatli qogʻozlar bozorini tartibga solish boʻyicha vakolatli davlat organi tomonidan belgilab qoʻyilishi mumkin”;

39) 70-modda ikkinchi va uchinchi qismlarining ruscha matnidagi “vida” va “vid” degan soʻzlar tegishincha “tipa” va “tip” degan soʻzlar bilan almashtirilsin;

40) 71-moddaning matni quyidagi tahrirda bayon etilsin:

“Aksiyadorlarning umumiy yigʻilishini oʻtkazishga tayyorgarlik koʻrilayotganda jamiyat kuzatuv kengashi, ushbu Qonun 72-moddasining oʻn ikkinchi qismida nazarda tutilgan hollarda esa umumiy yigʻilishni chaqiruvchi shaxslar quyidagilarni belgilaydi:

umumiy yigʻilish oʻtkaziladigan sana, vaqt va joyni;

umumiy yigʻilishning kun tartibini;

umumiy yigʻilish oʻtkazilishi haqida xabar qilish uchun jamiyat aksiyadorlari reyestri tuziladigan sanani;

umumiy yigʻilishni oʻtkazish uchun jamiyat aksiyadorlari reyestri tuziladigan sanani;

umumiy yigʻilish oʻtkazilishi haqida aksiyadorlarga va davlat vakiliga xabar qilish tartibini;

umumiy yigʻilishni oʻtkazishga tayyorgarlik koʻrilayotganda aksiyadorlarga va davlat vakiliga taqdim etiladigan axborot (materiallar) roʻyxatini;

ovoz berish byulletenining shakli va matnini.

Aniq masala qoʻyilishini aks ettirmaydigan taʼriflarning (shu jumladan, “turli masalalar”, “boshqa masalalar”, “oʻzga masalalar” va hokazolarning) aksiyadorlarning umumiy yigʻilishi kun tartibiga kiritilishiga yoʻl qoʻyilmaydi.

Aksiyadorlarning umumiy yigʻilishi oʻtkaziladigan sana uni oʻtkazish toʻgʻrisida qaror qabul qilingan kundan eʼtiboran 30 kundan kam va 45 kundan koʻp belgilanishi mumkin emas”;

41) 72-moddaning beshinchi qismidagi “turi (xili) koʻrsatilgan” degan soʻzlar “turi koʻrsatilgan” degan soʻzlar bilan almashtirilsin;

42) 73-moddaning:

birinchi qismi quyidagi tahrirda bayon etilsin:

“Ovozlarni sanab chiqish, aksiyadorlarning umumiy yigʻilishida ishtirok etishi uchun aksiyadorlarni roʻyxatga olish, shuningdek ovoz berish byulletenlarini tarqatish uchun jamiyat kuzatuv kengashi tomonidan sanoq komissiyasi tuzilib, uning aʼzolari soni va shaxsiy tarkibi aksiyadorlarning umumiy yigʻilishi tomonidan tasdiqlanadi”;

uchinchi qismi chiqarib tashlansin;

toʻrtinchi qismi uchinchi qism deb hisoblansin;

43) 74-moddaning:

toʻrtinchi qismi chiqarib tashlansin;

beshinchi qismi toʻrtinchi qism deb hisoblansin;

44) 75-moddaning beshinchi qismidagi “roʻyxatiga” degan soʻz “reyestriga” degan soʻz bilan almashtirilsin;

45) 77-moddaning:

birinchi qismidagi “amalga oshirilishi mumkin” degan soʻzlar “amalga oshiriladi” degan soʻzlar bilan almashtirilsin;

ikkinchi qismi chiqarib tashlansin;

uchinchi — beshinchi qismlari tegishincha ikkinchi — toʻrtinchi qismlar deb hisoblansin;

46) 82-moddaning:

beshinchi — oʻn birinchi xatboshilari quyidagi mazmundagi beshinchi — oʻn uchinchi xatboshilar bilan almashtirilsin:

“aksiyadorlarning umumiy yigʻilishi oʻtkaziladigan sanani belgilash;

aksiyadorlarning umumiy yigʻilishi oʻtkazilishi haqida xabar qilish uchun jamiyat aksiyadorlari reyestrini shakllantirish sanasini belgilash;

ushbu Qonun 65-moddasi birinchi qismining ikkinchi, oʻn ikkinchi xatboshilarida nazarda tutilgan masalalarni hal etishni aksiyadorlarning umumiy yigʻilishiga kiritish;

aksiyalarning nominal qiymatini koʻpaytirish orqali yoki eʼlon qilingan aksiyalarning soni va turlari doirasida jamiyat tomonidan qoʻshimcha aksiyalarni joylashtirish orqali jamiyat ustav fondini koʻpaytirish, agar jamiyat ustaviga muvofiq yoki aksiyadorlar umumiy yigʻilishining qaroriga binoan kuzatuv kengashiga shunday huquq berilgan boʻlsa;

emissiyaviy qimmatli qogʻozlarni joylashtirish toʻgʻrisida qarorlar qabul qilish, agar jamiyat ustavida boshqacha qoida nazarda tutilmagan boʻlsa;

mol-mulkning bozor qiymatini aniqlash;

ushbu Qonunda nazarda tutilgan hollarda jamiyat tomonidan joylashtirilgan aksiyalar, obligatsiyalar va boshqa qimmatli qogʻozlarni olish toʻgʻrisida qarorlar qabul qilish, agar jamiyat ustaviga muvofiq yoki aksiyadorlar umumiy yigʻilishining qaroriga binoan kuzatuv kengashiga shunday huquq berilgan boʻlsa;

agar jamiyatning yillik biznes-rejasini tasdiqlash jamiyat ustavida kuzatuv kengashining vakolati doirasiga kiritilgan boʻlsa yoki bu masalani hal etish aksiyadorlarning umumiy yigʻilishida kuzatuv kengashiga topshirilgan boʻlsa, bunday biznes-rejani tasdiqlash;

korporativ maslahatchini tayinlash, agar jamiyat ustavida bunday lavozimni joriy etish nazarda tutilgan boʻlsa”;

oʻn ikkinchi — yigirma beshinchi xatboshilari tegishincha oʻn toʻrtinchi — yigirma yettinchi xatboshilar deb hisoblansin;

47) 83-modda:

quyidagi mazmundagi oʻninchi va oʻn birinchi qismlar bilan toʻldirilsin:

“Jamiyatning kuzatuv kengashi aʼzolari saylovi kumulyativ ovoz berish orqali amalga oshiriladi.

Kumulyativ ovoz berishda har bir aksiyadorga tegishli ovozlar soni jamiyatning kuzatuv kengashiga saylanishi lozim boʻlgan shaxslar soniga koʻpaytiriladi va aksiyador shu tariqa olingan ovozlarni bitta nomzodga toʻliq berishga yoki ularni ikki va undan ortiq nomzodlar oʻrtasida taqsimlashga haqlidir”;

oʻninchi qismi oʻn ikkinchi qism deb hisoblansin;

48) 85-moddaning toʻqqizinchi qismidagi “majlisda raislik qilgan shaxs tomonidan imzolanadi, u” degan soʻzlar “majlisda ishtirok etayotgan jamiyat kuzatuv kengashi aʼzolari tomonidan imzolanadi, ular” degan soʻzlar bilan almashtirilsin;

49) 86-modda:

quyidagi mazmundagi toʻrtinchi qism bilan toʻldirilsin:

“Aksiyadorlarning umumiy yigʻilishi tomonidan tayinlanadigan ijroiya organi tarkibiga kirgan shaxsning vakolatlari muddatidan ilgari tugatilgan taqdirda, jamiyat kuzatuv kengashi qarori bilan belgilangan shaxs uning vazifalarini jamiyat aksiyadorlarining navbatdagi umumiy yigʻilishigacha boʻlgan davrda vaqtincha bajarib turishiga yoʻl qoʻyiladi”;

toʻrtinchi — oʻn uchinchi qismlari tegishincha beshinchi — oʻn toʻrtinchi qismlar deb hisoblansin;

50) 102-modda quyidagi mazmundagi sakkizinchi qism bilan toʻldirilsin:

“Tugatuvchi ushbu moddada nazarda tutilgan tartib-taomillar oxiriga yetkazilganidan soʻng jamiyatning qimmatli qogʻozlarini muomaladan chiqarish va jamiyat qimmatli qogʻozlari chiqarilishlarining davlat roʻyxatidan oʻtkazilganligini bekor qilish yuzasidan qonun hujjatlarida belgilangan tartibda va muddatlarda zarur tadbirlarni amalga oshiradi”;

51) 104-modda quyidagi mazmundagi ikkinchi qism bilan toʻldirilsin:

“Yuridik shaxslarni davlat roʻyxatidan oʻtkazuvchi organ jamiyat tugatilganligi haqidagi tegishli yozuvni jamiyat qimmatli qogʻozlari chiqarilishlarining davlat roʻyxatidan oʻtkazilganligi bekor qilinganidan keyingina kiritadi”;

52) 106-modda:

oʻn birinchi xatboshisining ruscha matnidagi “vidov” degan soʻz “tipov” degan soʻz bilan almashtirilsin;

quyidagi mazmundagi oʻn ikkinchi xatboshi bilan toʻldirilsin:

“markaziy roʻyxatdan oʻtkazuvchi vazifasini bajaruvchi Qimmatli qogʻozlar markaziy depozitariysidan olingan jamiyatlar aksiyadorlari reyestrlarini”;

oʻn ikkinchi va oʻn uchinchi xatboshilari tegishincha oʻn uchinchi va oʻn toʻrtinchi xatboshilar deb hisoblansin;

53) 108-modda quyidagi tahrirda bayon etilsin:

Aksiyadorlik jamiyati qonun hujjatlarida belgilangan tartibda va muddatlarda axborotni oshkor qilishi shart.

Aksiyadorlik jamiyati, shu jumladan yopiq aksiyadorlik jamiyati emissiyaviy qimmatli qogʻozlarni ommaviy joylashtirgan taqdirda, bu xususdagi axborotni qimmatli qogʻozlar bozorini tartibga solish boʻyicha vakolatli davlat organi belgilagan hajmda va tartibda eʼlon qilishi shart.

Aksiyadorlik jamiyatining ushbu Qonunda nazarda tutilgan axborotini eʼlon qilishni ommaviy axborot vositalari tomonidan asoslantirilmagan ravishda rad etilishiga yoʻl qoʻyilmaydi.

Davlat mulkini tasarruf etishga vakolatli organ davlatga tegishli aksiyalar realizatsiya qilinishi toʻgʻrisidagi maʼlumotlarni ommaviy axborot vositalarida eʼlon qiladi”;

54) 109-modda:

ikkinchi qismining ruscha matnidagi “vidov” degan soʻz “tipov” degan soʻz bilan almashtirilsin;

toʻrtinchi qismi quyidagi mazmundagi jumla bilan toʻldirilsin:

“Ochiq aksiyadorlik jamiyati affillangan shaxslar roʻyxatini ularga tegishli aksiyalar soni va turlarini koʻrsatgan holda qonun hujjatlarida belgilangan tartibda har yili eʼlon qilishi shart”;

55) 114-modda birinchi qismining oltinchi xatboshisidagi “davlat tomonidan qimmatli qogʻozlar bozorini tartibga solish va muvofiqlashtirish yuzasidan vakolat berilgan organ” degan soʻzlar “qimmatli qogʻozlar bozorini tartibga solish boʻyicha vakolatli davlat organi” degan soʻzlar bilan almashtirilsin.

2-modda. Ushbu Qonun rasmiy eʼlon qilingan kundan eʼtiboran kuchga kiradi, 1-moddaning 6-bandi bundan mustasno.

Ushbu Qonun 1-moddasining 6-bandi 2009-yil 1-yanvardan eʼtiboran kuchga kiradi. Ustav fondlarini 2009-yilning 1-yanvariga qadar ushbu Qonun 1-moddasining 6-bandi talablariga muvofiqlashtirmagan yopiq aksiyadorlik jamiyatlari qonun hujjatlarida belgilangan tartibda boshqa tashkiliy-huquqiy shakllarga oʻzgartirilishi yoki tugatilishi kerak.