1-modda. “Sodiq xizmatlari uchun” medali ta’sis etilsin.
4-modda. O‘zbekiston Respublikasining 1995-yil 22-dekabrda qabul qilingan “Davlat mukofotlari to‘g‘risida”gi 176-I-sonli Qonunining (O‘zbekiston Respublikasi Oliy Majlisining Axborotnomasi, 1995-yil, № 12, 266-modda; 1996-yil, № 5-6, 63-modda, № 9, 120-modda; 1998-yil, № 9, 163-modda; 2000-yil, № 7-8, 202-modda; 2003-yil, № 9-10, 149-modda; 2005-yil, № 1, 18-modda) 12-moddasi “Jasorat” medali” degan so‘zlardan keyin “Sodiq xizmatlari uchun” medali” degan so‘zlar bilan to‘ldirilsin.
LexUZ sharhi
1. “Sodiq xizmatlari uchun” medali bilan yuksak kasbiy mahoratini, harbiy va vatanparvarlik burchiga sadoqatini namoyon etgan O‘zbekiston Respublikasi fuqarolari mamlakatning mudofaa qobiliyati hamda milliy xavfsizligini mustahkamlash, O‘zbekiston Respublikasi Qurolli Kuchlarining jangovar shayligini oshirish va O‘zbekistonda huquq-tartibotni ta’minlash ishidagi katta xizmatlari uchun mukofotlanadilar.
“Sodiq xizmatlari uchun” medali bilan ayrim hollarda O‘zbekiston Respublikasi fuqarosi bo‘lmagan shaxslar ham mukofotlanishi mumkin.
2. “Sodiq xizmatlari uchun” medali bilan O‘zbekiston Respublikasi Prezidenti mukofotlaydi. Mukofotlash to‘g‘risidagi farmon matbuotda va boshqa ommaviy axborot vositalarida e’lon qilinadi.
Oldingi tahrirga qarang.
3. “Sodiq xizmatlari uchun” medali bilan mukofotlash O‘zbekiston Respublikasi Vazirlar Mahkamasi, O‘zbekiston Respublikasi Mudofaa vazirligi, O‘zbekiston Respublikasi Davlat xavfsizlik xizmati, O‘zbekiston Respublikasi Prezidenti davlat xavfsizlik xizmati, O‘zbekiston Respublikasi Milliy gvardiyasi, O‘zbekiston Respublikasi Ichki ishlar vazirligi, O‘zbekiston Respublikasi Favqulodda vaziyatlar vazirligi, Qoraqalpog‘iston Respublikasi Jo‘qorg‘i Kengesi Raisi, viloyatlar va Toshkent shahar hokimlarining taqdimnomasiga binoan amalga oshiriladi.
(3-band O‘zbekiston Respublikasining 2019-yil 5-sentabrdagi O‘RQ-564-sonli Qonuni tahririda — Qonun hujjatlari ma’lumotlari milliy bazasi, 05.09.2019-y., 03/19/564/3690-son)
Oldingi tahrirga qarang.
4. “Sodiq xizmatlari uchun” medalini hamda mukofotlash haqidagi tegishli hujjatni tantanali va keng oshkoralik vaziyatida topshirish O‘zbekiston Respublikasi Prezidenti yoki uning nomidan O‘zbekiston Respublikasi Oliy Majlisi Qonunchilik palatasining Spikeri, O‘zbekiston Respublikasi Oliy Majlisi Senatining Raisi, O‘zbekiston Respublikasi Bosh vaziri, O‘zbekiston Respublikasi mudofaa vaziri, O‘zbekiston Respublikasi Davlat xavfsizlik xizmati raisi, O‘zbekiston Respublikasi Prezidenti davlat xavfsizlik xizmati raisi, O‘zbekiston Respublikasi Milliy gvardiyasi qo‘mondoni, O‘zbekiston Respublikasi ichki ishlar vaziri, O‘zbekiston Respublikasi favqulodda vaziyatlar vaziri, Qoraqalpog‘iston Respublikasi Jo‘qorg‘i Kengesi Raisi, viloyatlar va Toshkent shahar hokimlari, boshqa bunga vakolatli shaxslar tomonidan amalga oshiriladi.
(4-band O‘zbekiston Respublikasining 2019-yil 5-sentabrdagi O‘RQ-564-sonli Qonuni tahririda — Qonun hujjatlari ma’lumotlari milliy bazasi, 05.09.2019-y., 03/19/564/3690-son)
Oldingi tahrirga qarang.
5. “Sodiq xizmatlari uchun” medali bilan mukofotlangan shaxslar bazaviy hisoblash miqdorining o‘n baravari miqdorida bir yo‘la to‘lanadigan pul mukofoti oladilar.
(5-moddaning birinchi qismi O‘zbekiston Respublikasining 2019-yil 3-dekabrdagi O‘RQ-586-sonli Qonuni tahririda — Qonun hujjatlari ma’lumotlari milliy bazasi, 04.12.2019-y., 03/19/586/4106-son)
LexUZ sharhi
Qarang: O‘zbekiston Respublikasi Vazirlar Mahkamasining 2021-yil 4-martdagi 120-sonli qarori bilan tasdiqlangan O‘zbekiston Respublikasi davlat mukofotlari berilgan shaxslarga bir yo‘la to‘lanadigan pul mukofotlarini to‘lashga mablag‘lar ajratish va to‘lash tartibi to‘g‘risidagi nizom.
Oldingi tahrirga qarang.
“Sodiq xizmatlari uchun” medali bilan mukofotlangan shaxslar qonunchilikda belgilab qo‘yiladigan imtiyozlardan foydalanadilar.
(5-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
7. “Sodiq xizmatlari uchun” medali bilan vafotidan keyin mukofotlangan taqdirda, medal, mukofotlash to‘g‘risidagi hujjat va bir yo‘la to‘lanadigan pul mukofoti mukofotlanganning oilasiga topshiriladi.
“Sodiq xizmatlari uchun” medali 0,25 mikron qalinlikda oltin qoplangan mis qotishmasidan tayyorlanadi va diametri 34 millimetrli doira ko‘rinishidadir.
Medalning old tomonida doirada yoqut rangli emal bilan qoplangan sakkiz qirrali yulduz fonida harbiy xizmatchining tasviri (Vatan qahramoni — himoyachisining timsoli) joylashgan. Medalning yuqori qismida aylana bo‘ylab aks ettirilgan lentaga “SODIQ XIZMATLARI UCHUN” so‘zlari yozilgan. Medalning pastki qismida sakkiz qirrali yulduz va aylana bo‘ylab yashil rangli emal bilan qoplangan dafna barglari tasvirlangan.
Medalning orqa tomonida O‘zbekiston Respublikasining Davlat gerbi tasvirlangan, pastki qismida medalning raqami yozilgan.
Medal eni 24 millimetrli zangori shoyi lenta sirilgan besh qirrali qadag‘ichga halqa va ilmoqcha yordamida ulanadi, lentaning o‘rtasida eni 7 millimetrli oq yo‘l bo‘lib, u eni 1 millimetrli qizil yo‘llar bilan hoshiyalangan.