LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 18-iyuldagi 553-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish hamda ba’zilarini o‘z kuchini yo‘qotgan deb hisoblash haqida (O‘zbekiston Respublikasi Prezidentining “O‘zbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari to‘g‘risida” 2018-yil 12-apreldagi PF-5414-son Farmoni, O‘zbekiston Respublikasi Prezidentining “O‘zbekiston Respublikasi Davlat bojxona xizmati organlarining faoliyatini tashkil etish to‘g‘risida” 2018-yil 12-apreldagi PQ-3665-son qarori)”gi qaroriga asosan o‘z kuchini yo‘qotgan.
Xorijiy avtomobilda yuk tashuvchilar avtotransport vositalarining O‘zbekiston Respublikasi hududida harakatlanishini tartibga solish va nazorat qilishni kuchaytirish, eksport qilinadigan yuklarni tashish uchun ulardan oqilona va samarali foydalanish maqsadida Vazirlar Mahkamasi qaror qiladi:
1. O‘zbekiston Respublikasi Davlat bojxona qo‘mitasining xorijiy avtomobilda yuk tashuvchilar avtotransport vositalarining O‘zbekiston Respublikasi hududida harakatlanish yo‘nalishlarini o‘zgartirish tizimini joriy etish to‘g‘risidagi taklifi qabul qilinsin.
2. Belgilab qo‘yilsinki, xorijiy avtomobilda yuk tashuvchilar avtotransport vositalarining O‘zbekiston Respublikasi hududida harakatlanish yo‘nalishlaridagi o‘zgartirishlar qat’iy ravishda O‘zbekiston Respublikasi Davlat bojxona qo‘mitasining hududiy boshqarmasi tomonidan beriladigan ruxsatnomalarga muvofiq amalga oshiriladi.
3. Xorijiy avtomobilda yuk tashuvchilar avtotransport vositalarining O‘zbekiston Respublikasi hududida harakatlanish yo‘nalishlarini o‘zgartirishga ruxsatnoma berish tartibi to‘g‘risidagi nizom ilovaga muvofiq tasdiqlansin.
4. O‘zbekiston Respublikasi Tashqi ishlar vazirligi diplomatik kanallar orqali xorijiy davlatlarning manfaatdor elchixonalari, konsulliklari va vakolatxonalarini xorijiy avtomobilda yuk tashuvchilar avtotransport vositalarining harakatlanish tartibini takomillashtirish yuzasidan ushbu qarorda nazarda tutilgan chora-tadbirlar to‘g‘risida xabardor qilsin.
5. O‘zbekiston Respublikasi Ichki ishlar vazirligi, Davlat bojxona qo‘mitasi xorijiy avtomobilda yuk tashuvchilar tomonidan respublika hududida belgilangan harakatlanish yo‘nalishlariga qat’iy rioya qilinishini ta’minlasinlar.
6. O‘zbekiston Respublikasi Davlat bojxona qo‘mitasi, Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiquvchi o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsinlar.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
1. Mazkur Nizom O‘zbekiston Respublikasi hududidan xorijiy avtomobilda yuk tashuvchilarning avtotransport vositalarida tovarlar olib chiqishni tartibga solish maqsadida ishlab chiqilgan hamda xorijiy avtomobilda yuk tashuvchilar avtotransport vositalarining O‘zbekiston Respublikasi hududida harakatlanish yo‘nalishlarini o‘zgartirishga 1-ilovaga muvofiq ruxsatnoma berish tartibini belgilaydi.
Mazkur Nizomning amal qilishi O‘zbekiston Respublikasining avtomobilda yuk tashuvchilariga nisbatan ushbu Nizomga o‘xshash ruxsat berish tartibotini qo‘llamayotgan davlatlar xorijiy avtomobilda yuk tashuvchilarning avtotransport vositalariga tatbiq etilmaydi.
(1-bandning ikkinchi, uchinchi va to‘rtinchi xatboshilari O‘zbekiston Respublikasi Vazirlar Mahkamasining 2007-yil 28-sentabrdagi 205-sonli qarori asosida ikkinchi xatboshi bilan almashtirilgan — O‘R QHT, 2007-y., 40-son, 416-modda)
2. O‘zbekiston Respublikasi rezidenti — transport-ekspeditorlik tashkilotlari yoki transport tashkilotlari (keyingi o‘rinlarda “ariza beruvchi” deb ataladi) xorijiy davlatning transport-ekspeditorlik tashkiloti bilan unga tegishli avtotransport vositalaridan foydalanish yuzasidan shartnoma tuzadi.
Ariza beruvchi yuk jo‘natuvchi — eksport qiluvchi bilan eksport qilinadigan mahsulotni O‘zbekiston Respublikasi hududidan olib chiqish uchun xorijiy avtomobilda yuk tashuvchilardan foydalanilishi to‘g‘risida shartnoma tuzadi.
Ariza beruvchi eksport qilinadigan mahsulotni olib chiqish uchun xorijiy avtomobilda yuk tashuvchining harakatlanish yo‘nalishini o‘zgartirgan holda xorijiy avtomobilda yuk tashuvchilardan foydalanishni mo‘ljallayotganligi to‘g‘risida O‘zbekiston Respublikasi Davlat bojxona qo‘mitasiga yozma ravishda murojaat qiladi.
3. Davlat bojxona qo‘mitasi O‘zbekiston Respublikasi Davlat bojxona qo‘mitasining hududiy boshqarmasini ariza beruvchining eksport qilinadigan mahsulotni olib chiqish uchun O‘zbekiston Respublikasi hududida harakatlanish yo‘nalishini o‘zgartirgan holda xorijiy avtomobilda yuk tashuvchilardan foydalanishni mo‘ljallayotganligi hamda ariza beruvchi muayyan xorijiy avtomobilda yuk tashuvchining harakatlanish yo‘nalishini o‘zgartirish to‘g‘risida murojaat qilgan taqdirda bir martalik ruxsatnoma berish haqida xabardor qiladi.
Oldingi tahrirga qarang.
4. Xorijiy avtomobilda yuk tashuvchi O‘zbekiston Respublikasiga import yuk bilan kirishda bojxona organiga murojaat qiladi, ushbu organ tovar-yo‘l hujjatlariga muvofiq uning O‘zbekiston Respublikasidagi borish joyigacha bo‘lgan harakatlanish yo‘nalishini belgilaydi.
(4-band O‘zbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — O‘R QHT, 2007-y., 40-son, 416-modda)
avtotransport vositasi O‘zbekiston Respublikasi hududiga import yuk bilan kirgan taqdirda — borish joyiga yetib kelgandan va import yuk tushirilgandan keyin;
xorijiy avtomobilda yuk tashuvchining transport vositasi tranzit orqali bo‘sh kelayotgan taqdirda — O‘zbekiston Respublikasi hududiga kirish bojxona maskaniga yetib kelguncha ariza beruvchini eksport qilinadigan mahsulotni O‘zbekiston Respublikasi hududidan olib chiqishga tayyorligi to‘g‘risida xabardor qiladi.
(5-band O‘zbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — O‘R QHT, 2007-y., 40-son, 416-modda)
6. Xorijiy avtomobilda yuk tashuvchining harakatlanish yo‘nalishini o‘zgartirish Davlat bojxona qo‘mitasi hududiy boshqarmasining mazkur Nizomga 2-ilovaga muvofiq shakldagi ruxsatnomasiga asosan amalga oshiriladi.
7. Harakatlanish yo‘nalishini o‘zgartirish uchun ariza beruvchi Davlat bojxona qo‘mitasining hududiy boshqarmasiga yozma ravishda murojaat qiladi. Yozma murojaatnomada quyidagi ma’lumotlar ko‘rsatiladi:
xorijiy avtomobilda yuk tashuvchi haydovchisining familiyasi, ismi va pasportiga oid ma’lumotlar, kirish vizasining amal qilish muddati;
8. Ariza beruvchining murojaatnomasi Davlat bojxona qo‘mitasining hududiy boshqarmasi tomonidan, murojaatnoma berilgan kundan boshlab uch ish kuni mobaynida ko‘rib chiqiladi.
9. Faqat quyidagi hollarda ariza beruvchiga harakatlanish yo‘nalishini o‘zgartirishga ruxsatnoma berish rad etilishi mumkin:
a) yozma murojaatnomada mazkur Nizomning 2 va 7-bandlariga muvofiq ma’lumotlar ko‘rsatilmagan va hujjatlar taqdim etilmagan bo‘lsa;
Oldingi tahrirga qarang.
b) murojaatnomada ko‘rsatilgan xorijiy avtomobilda yuk tashuvchilar avtotransport vositalari tomonidan bojxonaga oid qonun hujjatlari va harakatlanish yo‘nalishlari takroran buzilgan bo‘lsa;
(9-bandning “b” kichik bandi O‘zbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — O‘R QHT, 2007-y., 40-son, 416-modda)
v) xorijiy avtotransport vositasi haydovchisi kirish vizasining amal qilish muddati tovarni olib chiqish rejalashtirilayotgan muddatga muvofiq bo‘lmasa.
10. Davlat bojxona qo‘mitasining hududiy boshqarmasi ariza beruvchini qabul qilingan qaror to‘g‘risida bir ish kuni mobaynida yozma ravishda xabardor qiladi.
Ijobiy qaror qabul qilingan taqdirda Davlat bojxona qo‘mitasining hududiy boshqarmasi ariza beruvchining vakolatli shaxsiga belgilangan shakl bo‘yicha ruxsatnoma beradi.
Harakatlanish yo‘nalishini o‘zgartirishga ruxsatnoma berish rad etilgan taqdirda bildirishnomada ham rad etishning sabablari ko‘rsatilishi shart.
11. Harakatlanish yo‘nalishini o‘zgartirishga ruxsatnoma berish ushbu Nizomning 9-bandi “a” va “v” kichik bandlariga muvofiq rad etilgan taqdirda ariza beruvchi 15 kun mobaynida, rad etish sabablarini bartaraf etgan holda, Davlat bojxona qo‘mitasining hududiy boshqarmasiga harakatlanish yo‘nalishini o‘zgartirishga ruxsatnoma olish uchun yozma ravishda takroran murojaat qilish huquqiga ega.
Yo‘nalishni o‘zgartirish uchun ruxsatnoma berish to‘g‘risidagi arizani qayta ko‘rib chiqishda ilgari ushbu ruxsatnomani berishni rad etish to‘g‘risidagi qarorda ko‘rsatilmagan yangi asoslar bo‘yicha yo‘nalishni o‘zgartirish uchun ruxsatnoma berishni rad etishga yo‘l qo‘yilmaydi;
(11-band O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan ikkinchi xatboshi bilan to‘ldirilgan — O‘R QHT, 2012-y., 44-son, 507-modda)
Harakatlanish yo‘nalishini o‘zgartirishga ruxsatnoma berish rad etilgani to‘g‘risidagi bildirishnoma olingandan keyin belgilangan muddat o‘tgandan so‘ng berilgan yozma murojaatnoma yangidan berilgan hisoblanadi.
12. Ariza beruvchi yoxud uning vakolatli shaxsi harakatlanish yo‘nalishini o‘zgartirishga olingan ruxsatnomani:
avtotransport vositasi O‘zbekiston Respublikasi hududiga import yuk bilan kirgan taqdirda — import tovarlarning tushirilishini nazorat qilgan bojxona maskaniga;
xorijiy avtomobilda yuk tashuvchining transport vositasi tranzit orqali bo‘sh kelayotgan taqdirda — O‘zbekiston Respublikasi hududiga kirish bojxona maskaniga taqdim etadi.
(12-band O‘zbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — O‘R QHT, 2007-y., 40-son, 416-modda)
avtotransport vositasi O‘zbekiston Respublikasi hududiga import yuk bilan kirgan taqdirda — import tovarlarning tushirilishini nazorat qilgan bojxona maskani vakolatli xodimi;
xorijiy avtomobilda yuk tashuvchining transport vositasi tranzit orqali bo‘sh kelayotgan taqdirda — O‘zbekiston Respublikasi hududiga kirish bojxona maskani vakolatli xodimi tomonidan ruxsatnomaning tartib raqamini va berilgan sanasini ko‘rsatgan holda rasmiylashtiriladi.
(13-band O‘zbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — O‘R QHT, 2007-y., 40-son, 416-modda)
14. O‘zgartirish boriladigan joy harakatlanish yo‘nalishi varaqasining o‘ng tomondagi pastki burchagida olib chiqiladigan tovarning yuklangan joyi va sanasini hamda xorijiy avtomobilda yuk tashuvchi tovarni olib chiqadigan, bojxona maskani vakolatli xodimining imzosi va tartib raqamli shaxsiy muhri bilan tasdiqlangan yangi harakatlanish yo‘nalishini ko‘rsatish yo‘li bilan amalga oshiriladi.
15. Harakatlanish yo‘nalishini o‘zgartirishga ruxsatnoma o‘zgartirilgan harakatlanish yo‘nalishi varaqasi bilan birga xorijiy avtomobilda yuk tashuvchiga qaytariladi.
16. Harakatlanish yo‘nalishi o‘zgartirilgandan keyin ruxsatnomaning to‘ldirilgan yirtma koreshogi bojxona maskani tomonidan ruxsatnomani bergan Davlat bojxona qo‘mitasining hududiy boshqarmasiga hisobga olish va nazorat qilish uchun jo‘natiladi.
17. Xorijiy avtomobilda yuk tashuvchi O‘zbekiston Respublikasi tashqarisiga chiqib ketayotganda harakatlanish yo‘nalishini o‘zgartirishga ruxsatnoma xorijiy avtomobilda yuk tashuvchi tomonidan chiqib ketish joyidagi bojxona maskaniga topshiriladi.
18. Harakatlanish yo‘nalishini o‘zgartirishga ruxsatnoma hisobga olish va nazorat qilish uchun tegishli bojxona maskanining hujjatlar yig‘majildida qoladi.
Oldingi tahrirga qarang.
(19-band O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan o‘z kuchini yo‘qotgan — O‘R QHT, 2012-y., 44-son, 507-modda)
Oldingi tahrirga qarang.
(20-band O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan o‘z kuchini yo‘qotgan — O‘R QHT, 2012-y., 44-son, 507-modda)
Xorijiy avtomobilda yuk tashuvchilar avtotransport vositalarining O‘zbekiston Respublikasi hududida harakatlanish yo‘nalishlarini o‘zgartirishga ruxsatnoma berish tartibi to‘g‘risidagi nizomga
1-ILOVA
1-ILOVA
(1-ilova O‘zbekiston Respublikasi Vazirlar Mahkamasining 2007-yil 28-sentabrdagi 205-sonli qarori tahririda — O‘R QHT, 2007-y., 40-son, 416-modda)
Xorijiy avtomobilda yuk tashuvchilar avtotransport vositalarining O‘zbekiston Respublikasi hududida harakatlanish yo‘nalishlarini o‘zgartirishga ruxsatnoma berish tartibi to‘g‘risidagi nizomga
2-ILOVA
2-ILOVA
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan o‘z kuchini yo‘qotgan — O‘R QHT, 2012-y., 44-son, 507-modda)