1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
[TSZ:
1.Davlat va jamiyat qurilishi / Davlat mukofotlari. Faxriy unvonlar. Yuqori darajalar va farqlovchi belgilar. Davlat mukofotlari va boshqa mukofotlar]
Oʻzbekiston Respublikasi Vazirlar Mahkamasining
qarori
“Inson faxri” milliy mukofotini taʼsis etish toʻgʻrisida
Jamiyatimizda insoniy qadriyatlarni ulugʻlash, turli sohalarda namunali faoliyat koʻrsatib, boshqalarga oʻrnak boʻlayotgan insonlarning mehnatini keng jamoatchilikka yetkazish va ularni davlat tomonidan munosib ragʻbatlantirish maqsadida Vazirlar Mahkamasi qaror qiladi:
[OKOZ:
1.01.00.00.00 Konstitutsiyaviy tuzum / 01.21.00.00 Unvon va faxriy unvonlar, ordenlari, medallar va Faxriy yorliqlar]
1. Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Ijtimoiy himoya milliy agentligi) “Inson faxri” milliy mukofotini (keyingi oʻrinlarda — mukofot) taʼsis etish toʻgʻrisidagi taklifi maʼqullansin.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
2. Quyidagilarni nazarda tutuvchi “Inson faxri” milliy mukofoti toʻgʻrisidagi nizom 1-ilovaga muvofiq tasdiqlansin:
mukofotga jami 50 nafar nomzodlar toʻgʻrisidagi hujjatlarni qabul qilish tartibi;
mukofotga nomzodlarni uch bosqichda oʻrganish va saralash shartlari;
mukofot gʻoliblarini tanlab olish va har yili 1-dekabrga qadar taqdirlash tartibi.
3. Belgilansinki:
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
mukofot jamiyat hayotining turli sohalarida, ustuvor ravishda ijtimoiy himoya sohasida jasorat, mardlik va fidoyilik koʻrsatgan, inson qadrini ulugʻlashga xizmat qilayotgan, ogʻir hayotiy vaziyatdagi insonlarga yordam bergan hamda mamlakat taraqqiyoti va jamiyat farovonligiga munosib hissa qoʻshayotgan shaxslarga tanlov asosida beriladi;
[OKOZ:
1.01.00.00.00 Konstitutsiyaviy tuzum / 01.17.00.00 Nodavlat notijorat tashkilotlari (shuningdek, 03.03.10.03ga qarang) / 01.17.01.00 Nodavlat notijorat tashkilotlari maqomining umumiy masalalari]
mukofotga nomzodlarni oʻrganish va saralash ishlari Ijtimoiy himoya milliy agentligi tomonidan davlat ijtimoiy buyurtmasi asosida belgilangan tartibda jalb etiladigan nodavlat notijorat tashkiloti tomonidan amalga oshiriladi;
[OKOZ:
1.01.00.00.00 Konstitutsiyaviy tuzum / 01.22.00.00 Pul va boshqa mukofotlar]
mukofotning nominatsiyalari boʻyicha gʻoliblarning har biri statuetka, diplom va bazaviy hisoblash miqdorining 20 baravari miqdorida bir martalik pul mukofoti bilan taqdirlanadi;
[OKOZ:
1.01.00.00.00 Konstitutsiyaviy tuzum / 01.22.00.00 Pul va boshqa mukofotlar]
gʻoliblarga mukofot tantanali ravishda topshiriladi;
mukofot gʻoliblarini taqdirlash bilan bogʻliq tadbirlarni tashkil etish va oʻtkazish Ijtimoiy himoya milliy agentligi tomonidan amalga oshiriladi;
mukofotning statuetkasi va diplomini tayyorlash, rasmiy veb-sahifasini ishlab chiqish, shuningdek, uning gʻoliblarini aniqlash va taqdirlash tadbirlarini tashkil etish, yoritib borish hamda boshqa xarajatlarni moliyalashtirish Ijtimoiy himoya davlat jamgʻarmasi mablagʻlari va qonunchilik hujjatlarida taqiqlanmagan boshqa manbalar hisobidan amalga oshiriladi.
4. Ijtimoiy himoya milliy agentligi:
[OKOZ:
1.01.00.00.00 Konstitutsiyaviy tuzum / 01.17.00.00 Nodavlat notijorat tashkilotlari (shuningdek, 03.03.10.03ga qarang) / 01.17.10.00 Ijtimoiy jamgʻarmalar]
a) bir oy muddatda davlat ijtimoiy buyurtmasi asosida mukofotning statuetkasi va diplom namunalari ishlab chiqilishi va tasdiqlanishini hamda rasmiy veb-sayti va ijtimoiy tarmoqlardagi rasmiy sahifalari yaratilishini taʼminlasin;
[OKOZ:
1.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.09.00 Ommaviy axborot vositalaridagi axborot]
b) mukofot gʻoliblarini aniqlash va taqdirlash bilan bogʻliq tadbirlarni belgilangan tartibda jalb etiladigan nodavlat telekanallar, ommaviy axborot vositalari va ijtimoiy tarmoqlarda quyidagi tartibda keng yoritilishini taʼminlasin:
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.20.00 Audio va video yozuvlar]
gʻoliblarni tanlash jarayonlari hamda gʻoliblar toʻgʻrisida kichik metrajli hujjatli filmlar, videoroliklar va ijtimoiy reklamalarni tayyorlash;
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.19.00 Radio, televideniye va boshqalar]
tayyorlangan kichik metrajli hujjatli filmlar, videoroliklar va ijtimoiy reklamalarni televideniyeda namoyish etish va ijtimoiy tarmoqlarga joylashtirish;
[OKOZ:
1.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.09.00 Ommaviy axborot vositalaridagi axborot]
respublika va mahalliy ommaviy axborot vositalarida maxsus koʻrsatuv va eshittirishlar tashkil etish;
v) har yili 1-martga qadar mukofotga nomzodlarni oʻrganish va saralash ishlarini amalga oshirish uchun davlat ijtimoiy buyurtmasi asosida nodavlat notijorat tashkilotini belgilangan tartibda jalb etib borsin.
5. Vazirlar Mahkamasining 2023-yil 28-dekabrdagi 687-son qarori bilan tasdiqlangan Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi toʻgʻrisidagi nizomga2-ilovaga muvofiq mukofot gʻoliblarini aniqlash va taqdirlash bilan bogʻliq xarajatlarni Ijtimoiy himoya davlat jamgʻarmasi mablagʻlari hisobidan amalga oshirishni nazarda tutuvchi oʻzgartirish va qoʻshimcha kiritilsin.
6. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2026-yil 7-oktabr,
540-son
Vazirlar Mahkamasining 2026-yil 7-oktabrdagi 540-son qaroriga 1-ILOVA
“Inson faxri” milliy mukofoti toʻgʻrisida
NIZOM
1-bob. Umumiy qoidalar
[OKOZ:
1.01.00.00.00 Konstitutsiyaviy tuzum / 01.22.00.00 Pul va boshqa mukofotlar]
1. Mazkur Nizom “Inson faxri” milliy mukofotiga (keyingi oʻrinlarda — mukofot) nomzodlarni oʻrganish va saralash, mukofot gʻoliblarini tanlab olish hamda ularni taqdirlash tartibini belgilaydi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
2. Mukofot jamiyat hayotining turli sohalarida, ustuvor ravishda ijtimoiy himoya sohasida jasorat, mardlik va fidoyilik koʻrsatgan, inson qadrini ulugʻlashga xizmat qilayotgan, ogʻir hayotiy vaziyatdagi insonlarga yordam bergan hamda mamlakat taraqqiyoti va jamiyat farovonligiga munosib hissa qoʻshayotgan shaxslarga beriladi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi;
2.01.00.00.00 Konstitutsiyaviy tuzum / 01.21.00.00 Unvon va faxriy unvonlar, ordenlari, medallar va Faxriy yorliqlar]
3. Mukofotga nomzodlarni oʻrganish va saralash ishlari Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Ijtimoiy himoya milliy agentligi) tomonidan davlat ijtimoiy buyurtmasi asosida belgilangan tartibda jalb etiladigan nodavlat notijorat tashkiloti tomonidan amalga oshiriladi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
4. Mukofotga nomzodlarni oʻrganish va saralash, mukofot gʻoliblarini tanlab olish quyidagi uch bosqichda amalga oshiriladi:
birinchi bosqich — mukofotning rasmiy veb-sayti yoki ijtimoiy tarmoqlardagi rasmiy sahifasi orqali mukofotga nomzodlar toʻgʻrisidagi hujjatlar qabul qilinadi;
ikkinchi bosqich — mukofotga nomzodlar va ular toʻgʻrisida taqdim etilgan hujjatlarni oʻrganish va saralash ishlari nodavlat notijorat tashkiloti tomonidan tashkil etiladigan “Inson faxri” milliy mukofotiga nomzodlarni oʻrganish va saralash boʻyicha ishchi guruh (keyingi oʻrinlarda — ishchi guruh) tomonidan amalga oshiriladi hamda uning xulosasi asosida mukofotga eng munosib 50 nafar nomzodning roʻyxati “Inson faxri” milliy mukofoti kengashiga (keyingi oʻrinlarda — Kengash) taqdim etiladi;
uchinchi bosqich — Kengash ishchi guruh xulosasiga asosan saralangan nomzodlar orasidan mukofot gʻoliblarini tanlab oladi va bu toʻgʻrisida qaror qabul qiladi.
5. Kengash tarkibi Ijtimoiy himoya milliy agentligi direktori buyrugʻi bilan tasdiqlanadi.
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.10.00 Tasviriy sanʼat, haykaltaroshlik, musiqa]
Kengash tarkibiga fuqarolik jamiyati institutlari va jamoatchilik vakillari, davlat, madaniyat, sanʼat va sport arboblari, faol yoshlar va volonterlar hamda jamiyatdagi boshqa faol insonlar kiritilishi mumkin.
Kengash jamoatchilik asosida faoliyat yuritadi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
Kengash tarkibiga uning raisi, rais oʻrinbosari, kotibi va aʼzolari kiradi. Bunda Kengash kotibi mukofot uchun gʻoliblarni tanlab olish ishlarini koʻrib chiqish yakunlari boʻyicha ovoz berishda ishtirok etmaydi.
6. Mukofot gʻoliblari Kengash tomonidan tasdiqlanadigan nominatsiyalar asosida tanlab olinadi.
7. Ijtimoiy himoya milliy agentligi Kengashning ishchi organi hisoblanadi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi;
2.01.00.00.00 Konstitutsiyaviy tuzum / 01.21.00.00 Unvon va faxriy unvonlar, ordenlari, medallar va Faxriy yorliqlar]
8. Mukofotga nomzodlarni oʻrganish va saralash, mukofot gʻoliblarini tanlab olish hamda taqdirlash ushbu Nizomga ilovadagi sxemaga muvofiq har yili bir marta amalga oshiriladi.
2-bob. Mukofotga nomzodlarni oʻrganish va saralash, mukofot gʻoliblarini tanlab olish tartibi
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
9. Ijtimoiy himoya milliy agentligi mukofotga nomzodlar toʻgʻrisidagi hujjatlarni qabul qilish muddatlari va mukofot nominatsiyalari haqidagi maʼlumotlarni, qoida tariqasida, hujjatlarni qabul qilish boshlanishidan bir hafta oldin mukofotning rasmiy veb-sayti hamda ijtimoiy tarmoqlardagi sahifalariga joylashtiradi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
10. Mukofotga nomzodlar toʻgʻrisidagi hujjatlar ishchi guruh tomonidan har yili 15-martdan 1-iyunga qadar mukofotning rasmiy veb-sayti yoki ijtimoiy tarmoq orqali qabul qilinadi.
[OKOZ:
1.01.00.00.00 Konstitutsiyaviy tuzum / 01.21.00.00 Unvon va faxriy unvonlar, ordenlari, medallar va Faxriy yorliqlar]
11. Mukofotga nomzodlar ushbu Nizomning 10-bandiga muvofiq mustaqil ravishda ariza taqdim etish orqali yoki vazirlik va idoralar, nodavlat notijorat tashkilotlar yoxud boshqa jamoatchilik vakillarining tavsiyanomasi asosida tanlovda ishtirok etishi mumkin.
Tavsiyanoma asosida mukofotga nomzod koʻrsatilganda nomzodning yozma roziligi olinadi. Yozma rozilik bermagan shaxslar tanlovda ishtirok etmaydi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
Arizada (tavsiyanomada) mukofotga nomzodning ilmiy, ijodiy ishlari, amalga oshirgan loyihalari, erishgan yutuqlari va faoliyatiga oid boshqa maʼlumotlar koʻrsatiladi va ularni tasdiqlovchi hujjatlar arizaga (tavsiyanomaga) ilova qilinadi.
12. Mukofotga nomzodlar faoliyati Ijtimoiy himoya milliy agentligi tomonidan tasdiqlanadigan mukofot gʻoliblarini tanlab olish mezonlari asosida oʻrganiladi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi;
2.01.00.00.00 Konstitutsiyaviy tuzum / 01.21.00.00 Unvon va faxriy unvonlar, ordenlari, medallar va Faxriy yorliqlar]
13. Ishchi guruh har yili 1-sentabrga qadar mukofotga nomzodlarning faoliyati, erishgan yutuqlarini taqdim etilgan tasdiqlovchi hujjatlar va ular bilan suhbatlashish va boshqa usullar orqali oʻrganib, eng munosib deb topilgan 50 nafar nomzodlar roʻyxatini shakllantiradi va har bir nomzod boʻyicha alohida xulosa rasmiylashtiradi hamda Kengashga taqdim etadi.
Ishchi guruhning xulosasi eʼlon qilinmaydi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
14. Kengash har yili 1-oktabrga qadar saralangan mukofotga nomzodlar va ular boʻyicha rasmiylashtirilgan xulosalarni koʻrib chiqib, mukofot gʻoliblarini tanlab olish toʻgʻrisida Kengash yigʻilishida qaror qabul qiladi.
Ishchi guruh tomonidan taqdim etilgan saralangan mukofotga nomzodlar roʻyxatiga Kengash aʼzolarining tavsiyasiga koʻra qoʻshimcha nomzodlar kiritilishi mumkin. Bunda mazkur nomzodlarni oʻrganish Kengash tomonidan umumiy tartibda amalga oshiriladi.
15. Kengashning qarori uning yigʻilishida ishtirok etayotgan aʼzolarining oddiy koʻpchilik ovozi bilan qabul qilinadi. Bunda hech bir aʼzo ovoz berishda betaraf qolishga haqli emas.
Ovozlar teng boʻlgan hollarda yigʻilishga raislik qiluvchining ovozi hal qiluvchi ovoz hisoblanadi.
16. Kengash qarorlari Kengash yigʻilishining bayoni bilan rasmiylashtiriladi va Kengash raisi yoki yigʻilishga raislik qilgan Kengash raisining oʻrinbosari tomonidan imzolanadi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
17. Kengash yoki ishchi guruh aʼzolari mukofotga nomzod sifatida tanlovda ishtirok etishi mumkin emas hamda mukofotga nomzodlar toʻgʻrisida taqdim etilgan hujjatlarni oʻrganish va saralash, shuningdek, saralangan nomzodlar orasidan mukofot gʻoliblarini tanlash jarayonida manfaatlar toʻqnashuvi bilan bogʻliq holatlari yuzaga kelsa, ular Kengash yoki ishchi guruh tarkibida boʻlishni ixtiyoriy ravishda oʻzini oʻzi rad etadi yoxud Kengash raisi yoki ishchi guruh aʼzolari tomonidan majburan chetlashtiriladi.
18. Ijtimoiy himoya milliy agentligi tomonidan mukofot gʻoliblari roʻyxatini ommaviy axborot vositalarida hamda mukofot rasmiy veb-saytida eʼlon qilinadi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
19. Ijtimoiy himoya milliy agentligi tomonidan mukofot gʻoliblarining ilmiy, ijodiy va boshqa faoliyatiga oid maʼlumotlari, amalga oshirilayotgan loyihalari, ishlari va ijod namunalarini ommalashtirish choralari koʻriladi.
3-bob. Mukofotni topshirish tartibi
20. Mukofot gʻoliblarga tantanali ravishda topshiriladi.
21. Mukofotni tantanali ravishda topshirish joyi va vaqti Ijtimoiy himoya milliy agentligi tomonidan belgilanadi.
[OKOZ:
1.01.00.00.00 Konstitutsiyaviy tuzum / 01.20.00.00 Davlat mukofoti berish tartibi]
22. Mukofotning nominatsiyalari boʻyicha gʻoliblarining har biri statuetka, diplom va bazaviy hisoblash miqdorining 20 baravari miqdorida bir martalik pul mukofoti bilan taqdirlanadi.
23. Bir shaxs mukofot bilan bir marta taqdirlanishi mumkin.
4-bob. Yakunlovchi qoidalar
24. Barcha mukofot nomzodlarining hujjatlari Ijtimoiy himoya milliy agentligida saqlanadi va qaytarilmaydi.
25. Ushbu Nizom talablarini buzgan shaxslar qonunchilik hujjatlarida belgilangan tartibda javob beradilar.
“Inson faxri” milliy mukofoti toʻgʻrisidagi nizomga ILOVA
“Inson faxri” mukofotiga nomzodlarni oʻrganish va saralash, mukofot gʻoliblarini tanlab olish hamda taqdirlash
Qoida tariqasida, hujjatlarni qabul qilish boshlanishidan bir hafta oldin
2-bosqich
Nomzodlar, vazirlik va idoralar, nodavlat notijorat tashkilotlar yoki jamoatchilik vakillari
Mukofotning rasmiy veb-sayti yoki ijtimoiy tarmoqlardagi sahifalari orqali ariza (tavsiyanoma) taqdim etadi.
Har yili 15-martdan 1-iyunga qadar
3-bosqich
“Inson faxri” milliy mukofotiga nomzodlarni oʻrganish va saralash boʻyicha ishchi guruh
Mukofotga nomzodlarning faoliyati, erishgan yutuqlarini taqdim etilgan tasdiqlovchi hujjatlar va ular bilan suhbatlashish va boshqa usullar orqali oʻrganib, eng munosib deb topilgan 50 nafar nomzodlar roʻyxatini shakllantiradi va har bir nomzod boʻyicha alohida xulosa rasmiylashtiradi hamda “Inson faxri” milliy mukofoti kengashiga taqdim etadi.
Har yili 1-sentabrga qadar
4-bosqich
“Inson faxri” milliy mukofoti kengashi
Saralangan nomzodlar va ular boʻyicha rasmiylashtirilgan xulosalarni koʻrib chiqib, mukofot gʻoliblarini tanlab olish boʻyicha qaror qabul qiladi.
Har yili 1-oktabrga qadar
5-bosqich
Ijtimoiy himoya milliy agentligi
Mukofot gʻoliblari haqida hujjatli filmlarni tayyorlash.
Har yili 1-noyabrga qadar
6-bosqich
“Inson faxri” milliy mukofoti kengashi
Mukofot gʻoliblarni taqdirlash boʻyicha tadbirda mukofot gʻoliblariga mukofot statuetkasi, diplomi va bir martalik pul mablagʻlarini topshiradi.
Har yili 1-dekabrga qadar
Vazirlar Mahkamasining 2026-yil 7-oktabrdagi 540-son qaroriga 2-ILOVA
Vazirlar Mahkamasining 2023-yil 28-dekabrdagi 687-son qarori bilan tasdiqlangan Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi toʻgʻrisidagi nizomga kiritilayotgan oʻzgartirish va qoʻshimcha
quyidagi mazmundagi qirq sakkizinchi xatboshi bilan toʻldirilsin:
“Inson faxri” milliy mukofotining rasmiy veb-sahifasini ishlab chiqish, statuetkasi va diplomini tayyorlash, shuningdek, uning gʻoliblarini aniqlash va taqdirlash tadbirlarini tashkil etish, yoritib borish hamda boshqa xarajatlarni moliyalashtirish”;
