Oʻzbekiston Respublikasi Prezidentining 2018-yil 3-iyuldagi PQ-3832-son “Oʻzbekiston Respublikasida raqamli iqtisodiyotni va kripto-aktivlar aylanmasi sohasini rivojlantirish chora-tadbirlari toʻgʻrisida”gi hamda 2026-yil 17-apreldagi PQ-143-son “Qoraqalpogʻiston Respublikasida maxsus mayning zonasini tashkil etish va uning faoliyatini yoʻlga qoʻyish chora-tadbirlari toʻgʻrisida”gi qarorlariga muvofiq Oʻzbekiston Respublikasi Istiqbolli loyihalar milliy agentligi, Iqtisodiyot va moliya vazirligi va Soliq qoʻmitasi qaror qiladi:

1. Oʻzbekiston Respublikasi Istiqbolli loyihalar milliy agentligining 2022-yil 30-avgustdagi 2-son, Moliya vazirligining 2022-yil 30-avgustdagi 45-son va Davlat soliq qoʻmitasining 2022-yil 18-avgustdagi 2022-26-son qarori (roʻyxat raqami 3388, 2022-yil 28-sentabr) (Qonunchilik maʼlumotlari milliy bazasi, 28.09.2022-y., 10/22/3388/0864-son) bilan tasdiqlangan Kripto-aktivlar aylanmasi sohasidagi faoliyatni amalga oshirish uchun yigʻimlar miqdorini belgilash, ularni toʻlash va taqsimlash tartibi toʻgʻrisidagi nizomga ilovaga muvofiq qoʻshimchalar va oʻzgartirish kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 1-band quyidagi mazmundagi xatboshi bilan toʻldirilsin:

“Qoraqalpogʻiston Respublikasi hududida tashkil etiladigan “Besqala Mining Valley” maxsus mayning zonasi rezidentlari 2035-yil 1-yanvarga qadar mazkur yigʻimlarni toʻlashdan ozod etiladi.”.

2. 5-bandning birinchi xatboshisi “Oʻzbekiston Respublikasi Istiqbolli loyihalar milliy agentligi” degan soʻzlardan keyin “(bundan buyon matnda Agentlik deb yuritiladi)” degan soʻzlar bilan toʻldirilsin.

3. 6-bandning uchinchi xatboshisidagi “Istiqbolli loyihalar milliy agentligining” degan soʻzlar “Agentlikning” degan soʻz bilan almashtirilsin.