Oʻzbekiston Respublikasi Prezidentining “Oʻzbekiston Respublikasi hududida xorijiy davlatlarning malakali mutaxassislari tomonidan mehnat faoliyatini amalga oshirishi uchun qulay shart-sharoitlar yaratish chora-tadbirlari toʻgʻrisida” 2018-yil 7-noyabrdagi PQ-4008-son qarorining ijrosi yuzasidan Vazirlar Mahkamasi qaror qiladi:

2. Oʻzbekiston Respublikasi Bandlik va mehnat munosabatlari vazirligi Axborot texnologiyalari va kommunikatsiyalarini rivojlantirish vazirligi bilan birgalikda uch oy muddatda Oʻzbekiston Respublikasi Bandlikka koʻmaklashish davlat jamgʻarmasi mablagʻlari hisobiga xorijdan ishchi kuchini jalb qilish uchun ruxsatnomalar va Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomalarni olish boʻyicha onlayn-maydoncha ishlab chiqsin va amaliyotga joriy etsin.

3. Oʻzbekiston Respublikasi Davlat soliq qoʻmitasi:

Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomani olgan chet ellik yuqori malakali va malakali mutaxassislar daromadlaridan toʻlanadigan soliqlar summalari boʻyicha muntazam kameral nazorat olib borsin;

jismoniy shaxslar daromadlaridan toʻlanadigan soliq summasining tegishli toifadagi mutaxassislar uchun belgilangan ish haqiga (mukofotga) muvofiq emasligi aniqlanganda, Oʻzbekiston Respublikasi Bandlik va mehnat munosabatlari vazirligiga qonunchilik talablariga rioya etilishini rejadan tashqari qisqa muddatli tekshirish zarurati haqida yozma murojaatlar kiritsin.

4. Oʻzbekiston Respublikasi Bandlik va mehnat munosabatlari vazirligi Oʻzbekiston Respublikasi Prezidentining “Oʻzbekiston Respublikasi hududida xorijiy davlatlarning malakali mutaxassislari tomonidan mehnat faoliyatini amalga oshirishi uchun kulay shart-sharoitlar yaratish chora-tadbirlari toʻgʻrisida” 2018-yil 7-noyabrdagi PQ-4008-son qarori 5-bandining “a” kichik bandiga muvofiq biror-bir ruxsat berish tartib-taomilidan oʻtmagan xolda mehnat faoliyatini amalga oshirayotgan chet el fuqarolari tomonidan Oʻzbekiston Respublikasining mehnat toʻgʻrisidagi qonunchilikka rioya etilishi yuzasidan doimiy monitoring oʻrnatsin.

5. Oʻzbekiston Respublikasi Ichki ishlar vazirligi va Tashqi ishlar vazirligiga Oʻzbekiston Respublikasiga mehnat faoliyatini amalga oshirish maqsadida keladigan chet el fuqarolari mehnat faoliyatini amalga oshirish huquqi uchun tasdiqnoma olgach, ularga kirish vizalarini berish hamda uzaytirish vazifasi yuklansin.

6. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

7. Oʻzbekiston Respublikasi Bandlik va mehnat munosabatlari vazirligi manfaatdor idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Moliya vaziri D.A. Qoʻchqorov hamda Bandlik va mehnat munosabatlari vaziri Sh.D. Kudbiyev zimmasiga yuklansin.

1. Vazirlar Mahkamasining “Oʻzbekiston Respublikasi fuqarolarining chet eldagi hamda xorijiy fuqarolarning respublikadagi mehnat faoliyati toʻgʻrisida” 1995-yil 19-oktabrdagi 408-son qarori (Oʻzbekiston Respublikasi QT, 1995-y., 10-son, 41-modda).

2. Vazirlar Mahkamasining “Xorijiy tijorat tashkilotlarning Oʻzbekiston Respublikasi hududidagi vakolatxonalarini akkreditatsiya qilish tartibi va ularning faoliyati toʻgʻrisidagi nizomni tasdiqlash haqida” 2000-yil 23-oktabrdagi 410-son qaroriga (Oʻzbekiston Respublikasi QHT, 2000-y., 8-son, 127-modda) 1-ilovaning 3-bandi.

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2004-yil 29-apreldagi 203-son qaroriga (Oʻzbekiston Respublikasi QHT, 2004 y, 5 17-son, 199-modda) ilovaning 3-bandi.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2012-yil 31-iyuldagi 232-son qaroriga (Oʻzbekiston Respublikasi QHT, 2012-y., 31-son, 357-modda) ilovaning 2-bandi.

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2012-yil 1-noyabrdagi 313-son qaroriga (Oʻzbekiston Respublikasi QHT, 2012-yil, 44-son, 507-modda) 1-ilovaning 5-bandi.

8. Vazirlar Mahkamasining “Tadbirkorlik subyektlariga davlat xizmatlari koʻrsatish tartibini yanada takomillashtirish chora-tadbirlari toʻgʻrisida” 2014-yil 31-dekabrdagi 377-son qaroriga (Oʻzbekiston Respublikasi QHT, 2015-y., 1-son, 9-modda) ilovaning 1-bandi.

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2017-yil 13-apreldagi 207-son qaroriga (Oʻzbekiston Respublikasi QHT, 2017-y., 15-son, 257-modda) ilovaning 1-bandi.

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2017-yil 14-iyuldagi 499-son qaroriga (Oʻzbekiston Respublikasi QHT, 2017-y., 29-son, 693-modda) ilovaning 4-bandi.

11. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2017-yil 8-sentabrdagi 703-son qaroriga (Oʻzbekiston Respublikasi QHT, 2017-y., 37-son, 990-modda) ilovaning 5-bandi.