Oʻzbekiston Respublikasi Prezidentining 2007-yil 12-dekabrdagi “Oʻzbekiston Respublikasining 2008-yilgi asosiy makroiqtisodiy koʻrsatkichlari va davlat budjeti parametrlari toʻgʻrisida”gi PQ-744-son qarorining 18-bandiga muvofiq Oʻzbekiston Respublikasi Xalq taʼlimi vazirligi va Moliya vazirligi qaror qiladi:

1. Maktabgacha tarbiya bolalar muassasalari va maktab-internatlardagi bolalar taʼminotiga haq toʻlash tartibi toʻgʻrisidagi nizom ilovaga muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgandan oʻn kundan soʻng kuchga kiradi.

Ushbu Nizom Oʻzbekiston Respublikasi Prezidentining “Oʻzbekiston Respublikasining 2008-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2007-yil 12-dekabrdagi PQ-744-son qarorining 18-bandiga muvofiq davlat maktabgacha taʼlim muassasalari (keyingi oʻrinlarda maktabgacha taʼlim muassasalari deb yuritiladi) va maktab-internatlarda (keyingi oʻrinlarda internatlar deb yuritiladi) bolalar taʼminotiga haq toʻlash tartibini belgilaydi.

1. Mazkur Nizom davlat budjeti mablagʻlari hisobiga moliyalashtiriladigan maktabgacha taʼlim muassasalari va internatlarga tatbiq etiladi, quyidagilar bundan mustasno:

a) futbol boʻyicha maktab-internatlar;

b) turli kasalliklar bilan kasallangan bolalar uchun maktab-internatlar;

v) kam taʼminlangan oilalardagi bolalar uchun maktab-internatlar;

g) yetim bolalar va ota-onalar qarovisiz qolgan bolalar uchun maktab-internatlar.

2. Davlat budjeti mablagʻlaridan moliyalashtirilmaydigan maktabgacha taʼlim muassasalari va internatlari taʼminotiga mablagʻlar miqdori va pul toʻlash tartibi ularning muassislari tomonidan belgilanadi.

3. Maktabgacha taʼlim muassasalarida bolalar va internatlarda tarbiyalanuvchilar taʼminoti uchun toʻlangan toʻlovlar budjetda nazarda tutilgan mablagʻlar bilan birga maqsadli ravishda bolalar (tarbiyalanuvchilar)ning oziq-ovqat taʼminotini yaxshilash uchun yoʻnaltiriladi.

4. Maktabgacha taʼlim muassasalari va internatlarda bolalar (tarbiyalanuvchilar) taʼminoti uchun toʻlovlar qonun hujjatlarida belgilanadigan miqdorlarda undiriladi.

5. Agar oilada ikki va undan ortiq bolalar turli maktabgacha taʼlim muassasalariga qatnasa, ushbu toifa oilalar uchun belgilangan toʻlov miqdorlarini qoʻllash uchun ota-onalar (ularning oʻrnini bosuvchi shaxslar) tegishli ravishda bir maktabgacha taʼlim muassasasidan boshqasiga bolalarning boshqa maktabgacha taʼlim muassasalarga qatnashi toʻgʻrisida maʼlumotnoma taqdim etishi lozim.

6. Maktabgacha taʼlim muassasalarida ushbu Nizomning ilovasida koʻrsatilgan kasalliklari boʻlgan ixtisoslashtirilgan maktabgacha taʼlim muassasalari va umumiy tipdagi maktabgacha taʼlim muassasalari qoshidagi guruhlarda tarbiyalanuvchi bolalar taʼminoti uchun toʻlovlar olinmaydi.

7. Maktabgacha taʼlim muassasalari va internatlarda bolalar (tarbiyalanuvchilar) taʼminoti uchun toʻlovlar ota-onalar (ularning oʻrnini bosuvchi shaxslar) va maktabgacha taʼlim muassasalari yoki internatlar maʼmuriyati oʻrtasida tuzilgan shartnomaga asosan toʻlanadi.

8. Maktabgacha taʼlim muassasalari va internatlardagi bolalar (tarbiyalanuvchilar) taʼminoti uchun toʻlovlar har oyda toʻlovi toʻlanayotgan joriy oyning 10-sanasidan kechikmasdan toʻlanadi.

9. Maktabgacha taʼlim muassasalari va internatlardagi bolalar (tarbiyalanuvchilar) taʼminoti uchun toʻlovlar bank muassasalariga toʻlanadi. Bunda toʻlov toʻlanganligini tasdiqlovchi hujjat (kvitansiya) nusxasi maktabgacha taʼlim muassasasiga taqdim etiladi.

10. Agar toʻlov naqd pulsiz shaklda amalga oshirilgan boʻlsa, maktabgacha taʼlim muassasasi yoki internatga toʻlov topshiriqnomasining nusxasi (toʻlov toʻlanganligi toʻgʻrisidagi bank belgisi qoʻyilgan holda) taqdim etiladi.

11. Bolalar (tarbiyalanuvchilar) taʼminoti uchun toʻlovlardan tushgan tushumlar:

yuridik shaxs maqomiga va budjet mablagʻlari boʻyicha talab qilib olinguncha depozit hisob raqamiga ega boʻlgan maktabgacha taʼlim muassasasi yoki internat;

maktabgacha taʼlim muassasasi yuridik shaxs maqomiga ega boʻlmasa, hududiy moliya organining xalq taʼlimi muassasalarini moliyalashtirish boʻlimi yoki ushbu muassasa balansida boʻlgan boshqa idoralarning budjet mablagʻlari boʻyicha talab qilib olguncha depozit hisob raqamiga oʻtkaziladi.

12. Hududiy gʻaznachilik hisob raqamlaridan foydalanadigan gʻaznachilik xizmatiga oʻtgan hududlar boʻyicha maktabgacha taʼlim muassasalari va internatlarda bolalar (tarbiyalanuvchilar) taʼminoti uchun toʻlovlar Qoraqalpogʻiston Respublikasi va mahalliy budjetlar hisobida turadigan maktabgacha taʼlim muassasalari va internatlar boʻyicha belgilangan tartibda hududiy gʻaznachilik hisob raqamlariga oʻtkaziladi va alohida shaxsiy hisob raqamlarida hisobga olinadi.

13. Maktabgacha taʼlim muassasalari va internatlarda bolalar (tarbiyalanuvchilar) taʼminoti uchun toʻlovlar ushbu Nizomning 9-bandida koʻrsatilgan muddatdan keyin ikki hafta mobaynida uzrli sabablarsiz toʻlanmagan taqdirda ota-onalar (ularning oʻrnini bosuvchi shaxslar) bilan shartnoma toʻxtatilishi yoxud bolalar (tarbiyalanuvchilar) maktabgacha taʼlim muassasasi yoki internatdan chiqarilishi mumkin.

14. Kreditor qarzdorlik paydo boʻlgan sanadan 90 kalendar kun mobaynida maktabgacha taʼlim muassasasidagi bola taʼminoti uchun mavjud boʻlgan qarzdorlik qoplanganda, bolani ushbu maktabgacha taʼlim muassasasiga tiklash majburiy tartibda amalga oshiriladi. Koʻrsatilgan muddat buzilgan taqdirda maktabgacha taʼlim muassasasiga bolani tiklash yangi qabul qilingan bolalar uchun belgilangan tartibda amalga oshiriladi.

15. Maktabgacha taʼlim muassasasidagi bola taʼminoti uchun toʻlovlarning bir kunlik qiymatini aniqlash uchun qonun hujjatlariga muvofiq ota-onalar bir oylik toʻlovlarining miqdori maktabgacha taʼlim muassasasining oylik ish jadvali boʻyicha ish kunlari soniga boʻlinadi.

16. Bola kasalligi yoki uning oila aʼzolari kasallanganligi (karantin boʻlgan) tufayli, shuningdek ota-onalar (ularning oʻrnini bosuvchi shaxslar)ning mehnat taʼtili davrida bolaning maktabgacha taʼlim muassasasiga ketma-ket uch kundan ortiq kelmagan davr uchun toʻlangan toʻlovlar, keyingi toʻlovlarda hisobga olinadi (faqat maktabgacha taʼlim muassasasining ish kunlari soni hisobga olinadi).

Bolaning kasalligi yoki uning oila aʼzolari kasallanganligi (karantin boʻlgani) tufayli bolaning kelmaganligi tegishli davolash muassasasi yoki uchastka vrachi tomonidan beriladigan maʼlumotnoma bilan tasdiqlanishi shart.

17. Bola uyda qolgan boshqa barcha holatlarda maktabgacha taʼlim muassasasida bolalar taʼminoti uchun toʻlovlar umumiy asoslarda undiriladi.

18. Ota-onalar (ularning oʻrnini bosuvchi shaxslar)ning arizasiga koʻra toʻlovlar toʻliq boʻlmagan oy uchun yaʼni, bolaning ushbu maktabgacha taʼlim muassasasiga qatnashni toʻxtatadigan va roʻyxatdan chiqariladigan kungacha boʻlgan davr uchun undirilishi mumkin.

19. Ota-onalar (ularning oʻrnini bosuvchi shaxslar) maktabgacha taʼlim muassasasiga bolaning ushbu muassasaga qatnashi toʻxtatilishi toʻgʻrisida kamida bir hafta oldin yozma ravishda ogohlantirishi lozim. Agar bu haqda maktabgacha taʼlim muassasasi ogohlantirilmagan boʻlsa, toʻlangan pulni qaytarish qonun hujjatlarida belgilangan tartibda hal etiladi.

Bunda bolaning maktabgacha taʼlim muassasalarida toʻlov toʻlangan davrdan ortiq muddatga qolishi, ushbu oy uchun toʻlovning qolgan qismi toʻlanmaguncha mumkin emas.

20. Maktabgacha taʼlim muassasasi boshqa ish rejimiga oʻtgan holatlarda, muassasa boshqa ish rejimiga oʻtgan kundan boshlab toʻlovlar bolalarning boʻlishi tegishli uzaytirilgan, muddatli guruhlar uchun belgilangan miqdorda toʻlanadi.

21. Internatlardagi tarbiyalanuvchilar taʼminoti uchun toʻlovlarning bir kunlik qiymatini aniqlash uchun qonun hujjatlariga muvofiq ota-onalar (ularning oʻrnini bosuvchi shaxslar) bir oylik toʻlovlarining miqdori internatning oylik ish jadvali boʻyicha ish kunlari soniga boʻlinadi.

22. Tarbiyalanuvchining kasalligi yoki uning oila aʼzolari kasallanganligi (karantin boʻlgan) tufayli, shuningdek ota-onalar (ularning oʻrnini bosuvchi shaxslar)ning mehnat taʼtili davrida tarbiyalanuvchining internatga ketma-ket uch kundan ortiq kelmagan davr uchun toʻlangan toʻlovlar, keyingi toʻlovlarda hisobga olinadi (faqat internatning ish kunlari soni hisobga olinadi).

Tarbiyalanuvchining kasalligi yoki uning oila aʼzolari kasallanganligi (karantin boʻlgan) tufayli tarbiyalanuvchining kelmaganligi tegishli davolash muassasasi yoki uchastka vrachi tomonidan beriladigan maʼlumotnoma bilan tasdiqlanishi shart.

23. Tarbiyalanuvchi uyda qolishining boshqa barcha holatlarida internatda tarbiyalanuvchilar taʼminoti uchun toʻlovlar qonun hujjatlarida belgilangan tartibda undiriladi.

24. Ota-onalar (ularning oʻrnini bosuvchi shaxslar)ning arizasiga koʻra toʻlovlar toʻliq boʻlmagan oy uchun yaʼni, tarbiyalanuvchining ushbu internatga qatnashni toʻxtatadigan va roʻyxatdan chiqariladigan kungacha boʻlgan davr uchun undirilishi mumkin.

25. Ota-onalar internatga tarbiyalanuvchining ushbu muassasaga qatnashi toʻxtatilishi toʻgʻrisida kamida bir hafta oldin yozma ravishda ogohlantirishi lozim. Agar bu haqda internat ogohlantirilmagan boʻlsa, toʻlangan pulni qaytarish qonun hujjatlarida belgilangan tartibda hal etiladi.

Bunda tarbiyalanuvchining internatda toʻlov toʻlangan davrdan ortiq muddatga qolishi, ushbu oy uchun toʻlovning qolgan qismi toʻlanmaguncha mumkin emas.

26. Maktabgacha taʼlim muassasalari va internatlarda bolalar taʼminoti uchun toʻlovlardan kam taʼminlangan oilalarning bolalari qonun hujjatlariga muvofiq ushbu muassasalarda (internatlarda)gi ularning umumiy sonidan 15 foizi doirasida ozod qilinadi. Bunda ota-onalari (bittasi yoki ikkalasi) I yoki II guruh nogironlari boʻlgan kam taʼminlangan oilalarning bolalari, birinchi navbatda toʻlovlardan ozod qilinadi.

27. Bolalar (tarbiyalanuvchilar)ni toʻlovlardan ozod qilish uchun fuqarolarning oʻzini oʻzi boshqarish organlari tomonidan berilgan oilaning kam taʼminlanganligi toʻgʻrisidagi maʼlumotnoma asos boʻladi.

Ushbu hujjatlar maktabgacha taʼlim muassasasi va internatga tegishli tartibda koʻrib chiqish uchun taqdim etiladi.

28. Toʻlovlardan ozod qilinadigan kam taʼminlangan oilalarning bolalari (tarbiyalanuvchilar) roʻyxati moliyaviy yil boshlangunga qadar (umumiy rejadagi bolalar, tarbiyalanuvchilar sonidan 15 foiz doirasida) vasiylik kengashi majlisi bayoniga asosan maktabgacha taʼlim muassasasi yoki internat rahbarining buyrugʻi bilan tasdiqlanadi.

29. Roʻyxatga kirmagan kam taʼminlangan oilalarning bolalari qatoridan, roʻyxat maktabgacha taʼlim muassasasidan yoki internatdan butunlay chiqib ketishi munosabati bilan oʻzgartirilgan hollarda yuqorida koʻrsatilgan roʻyxat toʻldirib boriladigan zaxira shakllantiriladi. Roʻyxat oilaning bir aʼzosiga bir oyda toʻgʻri keladigan jami daromadi eng past darajada boʻlgan kam taʼminlangan oilalarning bolalarini unga birinchi navbatda kiritish tamoyiliga rioya qilgan holda toʻldirib boriladi.

30. Bolalar (tarbiyalanuvchilar) taʼminoti uchun toʻlovlarni hisoblab chiqarish va mablagʻlarni tushirish boʻyicha buxgalteriya hisobi:

yuridik shaxs maqomiga ega boʻlmagan maktabgacha taʼlim muassasalarida — hududiy moliya organining xalq taʼlimi muassasalarini moliyalashtirish boʻlimi tomonidan;

yuridik shaxs maqomiga ega boʻlgan maktabgacha taʼlim muassasalarida — ularning buxgalteriyasi tomonidan amalga oshiriladi.

31. Bolalar (tarbiyalanuvchilar) taʼminoti uchun ota-onalar toʻlovi boʻyicha hisob-kitoblarning tahliliy hisobi 327-shakl boʻyicha maktabgacha taʼlim muassasalaridagi bolalar taʼminoti uchun ota-onalar bilan hisob-kitoblar jadvali (vedomosti)da yuritiladi.

32. Bankka toʻlangan yoki topshirilgan summalar 01 8 30 “Oziq-ovqat mahsulotlari sotib olish xarajatlari” tipi, obyekti va obyekt osti boʻyicha gʻazna xarajatlarini tiklash uchun 294-shakl daftariga yozib boriladi.

33. Toʻlovlarni hisoblash 305-shakl boʻyicha bolalarni davomat tabeliga asosan amalda qatnagan kunlari uchun har oyning oxirgi ish kunida amalga oshiriladi.

34. Buxgalteriya hisobida ota-onalar kiritadigan toʻlovlarini hisoblash quyidagi buxgalteriya oʻtkazmalari orqali rasmiylashtiriladi:

35. Ota-onalar tomonidan toʻlangan mablagʻlar summasiga quyidagi buxgalteriya oʻtkazmalari beriladi:

36. Yil oxirida 236 yordamchi hisobvaragʻi debet qismiga budjet boʻyicha (200 yordamchi hisobvaragʻi) amaldagi xarajatlar 236 yordamchi hisobvaragʻiga hisoblab yozilgan summalar doirasida koʻchirib yoziladi.

37. Hududiy gʻaznachilik hisob raqamlaridan foydalangan holda gʻaznachilik xizmatiga oʻtgan mintaqalar boʻyicha ota-onalar toʻlovlarini hisoblash quyidagi buxgalteriya oʻtkazmalari orqali rasmiylashtiriladi:

38. Ota-onalardan kelib tushgan summalar ularni maktabgacha taʼlim muassasalarining (internatlarning) alohida shaxsiy hisob raqamlarida aks ettirgan holda hududiy gʻaznachilik hisob raqamlariga yozilib boriladi, jumladan:

a) toʻlovlarni shaxsiy hisob raqamiga oʻtkazish yoʻli bilan:

b) keyinchalik maktabgacha taʼlim muassasalari (internatlar)ning alohida shaxsiy hisob raqamlariga oʻtkazgan holda:

39. Tushgan mablagʻlarni maktabgacha taʼlim muassasalari (internatlar) tomonidan sarflashda quyidagi oʻtkazmalar qoʻllanadi:

40. Yil oxirida 236 yordamchi hisobvaragʻi debet qismiga budjet boʻyicha (209 yordamchi hisobvaragʻi) amaldagi xarajatlar 236 yordamchi hisobvaragʻiga hisoblab yozilgan summalar doirasida koʻchirib yoziladi.

41. Bolalar (tarbiyalanuvchilar) taʼminoti uchun toʻlovlarning toʻgʻri hisoblanishi va oʻz vaqtida kelib tushishi, hisob va hisobotni yuritishi, shuningdek, tushgan mablagʻlardan maqsadli foydalanishi ustidan nazorat Oʻzbekiston Respublikasi Moliya vazirligi Nazorat-taftish bosh boshqarmasi va uning joylardagi hududiy boshqarmalari tomonidan amalga oshiriladi.

42. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladi.

43. Ushbu Nizom Oʻzbekiston Respublikasi Sogʻliqni saqlash vazirligi bilan kelishilgan.

1. Qulogʻi kar (jumladan zaif eshitadigan)

2. Koʻzi ojiz (jumladan koʻrish qobiliyati past)

3. Nutqning ogʻir buzilishlari (alaliya, dizartriya, rinolaliya, afaziya, duduqlik, nutqning I va II darajali umumiy rivojlanmaganligi)

4. Tayanch-harakat apparatining buzilishi (tserebral falajlik, poliomiyelit asoratlari, artrogippoz, xondrodistrofiya, miopatiya)

5. Aqli zaiflik, ruhiy rivojlanishining sustligi (aqliy qobiliyatning buzilishi)

6. Sil kasalligining ilk koʻrinishi (bemor bilan aloqada boʻlish va tubviraj), shuningdek sil kasalligi va gepatit kasalligidan keyingi tiklash davri.