«Автомобиль йўллари тўғрисида» Ўзбекистон Республикаси Қонунига мувофиқ, Ўзбекистон Республикаси Вазирлар Маҳкамасининг «Автомобиль йўллари қуриш ва фойдаланиш «Ўзавтойўл» давлат-акционерлик концернини ташкил этиш ва унинг фаолияти масалалари тўғрисида» 1993 йил 5 февралдаги 58-сон қарори асосида Вазирлар Маҳкамаси қарор қилади:

1. Умумий фойдаланишдаги автомобиль йўлларини лойиҳалаш, қуриш, қайта қуриш, тузатиш, сақлашни маблағ билан таъминлаш, шунингдек, республика йўл тармоқларининг самарали ишлашини таъминлаш мақсадида «Ўзавтойўл» концерни таркибида мустақил молия-кредит давлат муассасаси — Республика йўл жамғармаси, автомобиль йўллари ҳудудий давлат-акционерлик бирлашмалари ва туман бошқармаларида эса — тегишли равишда вилоят ва маҳаллий йўл жамғармалари ташкил этилсин.

Қорақалпоғистон Республикаси автомобиль йўллари тармоқларини сақлаш ва ривожлантириш учун маблағларни шакллантириш ва улардан фойдаланиш Қорақалпоғистон Республикаси қонунчилиги билан белгиланади.

2. Республика йўл жамғармаси маблағларини шакллантириш ва улардан фойдаланиш тўғрисидаги Низом 1-иловага мувофиқ тасдиқлансин.

3. Белгилаб қўйилсинки:

а) йўл жамғармалари қуйидаги манбалардан шаклланади:

жамоа ва давлат хўжаликлари, коорпоративлар, транспорт, қурилиш, кичик саноат, қўшма корхоналар ва бошқа ташкилотларнинг жорий йилда маҳсулотлар ишлаб чиқаришнинг ҳақиқий ҳажмидан, тайёрлов, савдо корхоналари ва ташкилотларининг, таъминот сотиш ташкилотларининг, тижорат банклари ва улар бўлимларининг жорий йилдаги ҳақиқий обороти (даромади)нинг бир фоизи миқдорида умумий фойдаланишдаги автомобиль йўлларини тузатишга ва уларни сақлаш харажатларига ажратадиган маблағларидан;

автомобиль транспортига эга бўлган барча корхоналар ва ташкилотларнинг автомобиль транспортидан ва автотранспорт воситаларидан фойдаланишдан олган даромадларнинг икки фоизи миқдоридаги ажратмаларидан;

енгил автомашиналарни сотиш қийматининг 5 фоизи ҳамда юк автомобилларни ва автобусларни сотиш қийматининг 10 фоизи миқдорида сотиб олинган автотранспорт воситаларининг қийматидан олинадиган йиғимларидан;

«Ўзавтойўл» концерни корхоналари ва ташкилотлари мол-мулкини сотиб олишдан бюджетга тушиши керак бўлган маблағлар умумий суммасининг 50 фоизидан;

«Ўзавтойўл» концернининг пудрат, тадбиркорлик ва бошқа фаолият билан шуғулланувчи корхоналари, бирлашмалари ва ташкилотларининг даромадларидан ажратмалар;

автотранспорт воситаларининг Ўзбекистон Республикаси ҳудудига кирганлиги учун олинадиган тўловлардан (у жорий этилгандан кейин белгиланган тартибда);

тушумларнинг бошқа манбалари — лотереялар, заёмлар ва хайрия бадаллари, Ўзбекистон Республикаси қонун ҳужжатларида назарда тутилган жарималар;

б) йўл жамғармалари маблағлари Ўзбекистон Республикасининг қуйидаги банк муассасаларида: Республика жамғармаси маблағлари — «Ўзавтойўл» концерни счётида, вилоят ва маҳаллий йўл жамғармалари автомобиль йўллари ҳудудий давлат акционерлик бирлашмаларининг ва туман бошқармаларининг счётларида сақланади;

в) йўл жамғармалари маблағлари республика давлат бюджетининг, бошқа жамғармаларнинг таркибига кирмайди ва мусодара қилиниши мумкин эмас, шунингдек уларга солиқ солинмайди. Жорий йилда фойдаланилмаган маблағлар кейинги йилларга ўтказилади ва улар мақсад бўйича сарфланади.

4. Вазирликлар, концернлар ва идораларга, мулкчилик шаклидан ва идоравий мансублигидан қатъий назар, хўжалик ташкилотларига Республика йўл жамғармаси маблағларини шакллантириш улардан фойдаланиш тўғрисида Низомга мувофиқ барча корхоналар томонидан тегишли йиғимлар, ажратмалар ўтказилишини таъминлаш мажбурияти юклатилсин.

5. «Ўзавтойўл» концернига Республика йўл жамғармаси маблағларини тасарруф этиш, ҳудудий давлат акционерлик бирлашмаларига ва туман автомобиль йўллари бошқармаларига вилоят ва маҳаллий йўл жамғармаларни тасарруф этиш;

туман автомобиль йўллари бошқармаларига, давлат ҳудудий акционерлик бирлашмаларига, «Ўзавтойўл» концернига, муддати ўтиб кетган тўловлар бўйича маблағларни йўл жамғармаларига шак-шубҳасиз ундириб олиш ҳуқуқи берилсин.

6. Ўзбекистон Республикаси Ички ишлар вазирлигининг Давлат автомобиль назорати органларига харид қилинган автотранспорт воситалари қийматидан йиғимлар тўланганлиги тўғрисидаги квитанциясиз транспорт воситаларини рўйхатдан, қайта рўйхатдан ва техник кўрикдан ўтказмаслик юклатилсин.

7. Ўзбекистон Республикасининг вазирликлари, давлат қўмиталари ва идораларига «Автомобиль йўллари тўғрисида» Ўзбекистон Республикаси Қонунига ва мазкур қарорга зид бўлган идоравий норматив ҳужжатларни (йўриқномалар, қоидалар, буйруқларни) қайта кўриб чиқиш ва бекор қилиш топширилсин.

8. Ўзбекистон Республикаси Ҳукуматининг автомобиль йўллари масалалари бўйича қарорлари 2-иловага мувофиқ ўз кучини йўқотган деб ҳисоблансин.

1. «Автомобиль йўллари тўғрисида» Ўзбекистон Республикаси Қонунининг 10-моддасига мувофиқ, йўл ишларини (умумий фойдaлaнишдaги автомобиль йўлларини лойиҳалаш, қуриш, қайта қуриш, тузатиш ва сақлаш) маблағ билан таъминлаш йўл жамғармаси ҳисобидан амалга оширилади.

2. Ўзбекистон Республикаси йўл жамғармаси маблағлари йўл органлари томонидан автомобиль йўлларининг аҳамиятига бoғлиқ равишда республика, вилоят ва туман йўл жaмғapмaлapигa ўтказилади ва уларга солиқлар солинмайди.

3. Республика йўл жамғармаси маблағлари республика йўл хўжалигини ривожлантириш давлат дастурини ва фан техника тараққиётини, ходимлар малакасини оширишни, йўл хўжалигини оширишни мaблaғ билан таъминлашга сарфланади. Республика йўл жaмғapмacидaн умумий фойдаланишдаги автомобиль йўллари тармоқларининг ривожланиш даражасини тенглаштириш ва табиий офатларни бартараф этиш учун Қорақалпоғистон Республикасига ва вилоятларга субвенция ва дотациялар ажратилиши мумкин.

4. Вилоят ва туман йўл жамғармалари маблағлари умумий фойдаланишдаги автомобиль йўлларини қуриш, тузатиш, қайта қуриш ва сақлашни маблағ билан таъминлашга сарфланади.

5. Йўл жамғармалари маблағлари мусодара қилиниши ва умумий фойдаланишдаги автомобиль йўлларини қуриш, тузатиш, қайта қуриш ва сақлаш билан бoғлиқ бўлмаган эҳтиёжлар учун сарфланиши мумкин эмас. Жорий йилда фойдаланилмаган маблағлар захира жамғармасига ўтказилади ва улар келгуси даврда мақсадга мувофиқ сарфланади.

6. Қуйидагилар йўл жамғармаларини шакллантириш манбалари ҳисобланади:

корхоналар, хўжаликлар, ташкилотлар томонидан ажратиладиган маблағлар;

сотиб олинган автотранспорт воситалари қийматидан ажратиладиган йиғимлар;

автомобиль транспортидан олинадиган даромадларнинг икки фоизи миқдоридаги ажратмалар;

«Ўзавтойўл» концерни корхоналари ва ташкилотларнинг мол-мулкини сотиб олишдан бюджетга тушиши керак бўлган маблағлар умумий миқдорининг 50 фоизи;

«Ўзвтайўл» концернининг пудрат, тадбиркорлик ва бошқа фаолият билан шуғулланувчи корхоналари, бирлашмалари, ташкилотлари даромадларидан ажратмалар;

хорижий давлатлар транспорт воситаларининг Ўзбекистон Республикаси ҳудудига кирганлиги учун тўловлар (у жорий этилгандан кейин).

Йўл жамғармаларига ихтиёрий бадаллар, республика бюджетидан ажратмалар, шунингдек, Ўзбекистон Республикаси қонунчилигида тақиқланмаган бошқа манбалардан маблағ ажратилиши мумкин.

7. Республика йўл жамғармасига қуйидагилар ўтказилади:

«Ўзавтойўл» концернининг Тошкент шаҳри бўйича корхона ва ташкилотлари мол-мулкини сотиб олишдан бюджетга тушиши керак бўлган мaблaғлap умумий миқдорининг 50 фоизи;

автотранспорт воситаларининг Ўзбекистон Республикаси ҳудудига кириши учун олинадиган тўлов тушумлари;

Тошкент шаҳрида тўланадиган қуйидаги ажратмалар:

қурилиш, саноат, транспорт, қўшма корхоналарнинг ва бошқа ташкилотларнинг, шунингдек, кооператив, тайёрлов корхоналари ва ташкилотларининг, шу жумладан, умумий овқатланиш корхоналари, улгуржи савдо ташкилотлари, таъминот-сотиш ташкилотлари, тижорат банклари ва улар бўлинмаларининг 1 фоизли ажратмалари;

автотранспортга эга бўлган барча корхоналар ва ташкилотларнинг автомобиль транспорт ва авиатранспорт воситаларидан фойдаланиш бўйича олган даромадларнинг 2 фоизи миқдоридаги ажратмалари.

8. Вилоят ва туман йўл жамғармаларга тегишли ҳудуддаги:

жамоа хўжаликлари, давлат хўжаликлари, қурилиш, саноат, кичик, транспорт, қўшма корхоналар ва бошқа ташкилотларнинг, шунингдек, кооперативларнинг — жорий йилда ишлаб чиқарилган маҳсулотнинг ҳақиқий ҳажмидан, тайёрлов савдо корхоналари ва ташкилотларининг, шу жумладан, умумий овқатланиш корхоналари ва улгуржи-савдо, таъминот-сотиш ташкилотлари, тижорат банклари ва улар бўлинмаларининг ҳақиқий оборотдан (йиллик даромаддан) бир фоиз миқдоридаги ажратмалари;

автотранспортга эга бўлган корхоналар ва ташкилотларнинг автотранспорт воситаларидан фойдаланиш бўйича даромадларининг икки фоизи миқдоридаги ажратмалар;

«Ўзавтойўл» концернининг туман, вилоят ҳудудида жойлашган корхоналари ва ташкилотлари мол-мулкини сотиб олиш маблағларидан 50 фоизли ажратмалар;

«Ўзвтойўл» концернининг хўжалик фаолияти билан шуғулланувчи корхоналари, бирлашмалари ва ташкилотларининг «Корхоналар, бирлашмалар ва ташкилотлардан олинадиган солиқлар тўғрисида» Ўзбекистон Республикаси Қонунига мувофиқ ундириладиган солиқлар ўрнига даромадларидан ажратмалар;

сотиб олинган автотранспорт воситалари қийматидан йиғмалар.

9. Йиғимлар ва ажратмаларни тури ҳисоблаш ва уларнинг ўз вақтида тўланиши учун жавобгарлик солиқ тўловчиларга юклатилади, улар қуйидагиларга мажбурдирлар:

йиғим ва тўловларнинг мазкур Низом билан белгиланган тартибда ва муддатларда тўғри ҳисоблаб чиқилишини ва ўз вақтида тўланишини таъминлаш;

тўлов ҳужжатларида йиғим ва ажратмаларнинг турини кўрсатиш;

тўланган йиғимлар ва ажратмалар ҳисобини олиб бориш;

автомобиль йўллари ҳудудий давлат-акционерлик бирлашмалари ва туман бошқармаларининг ходимларини, шунингдек, «Ўзавтойўл» концерни вакилларини ажратмалар ва йиғимларнинг тўғри ҳисоблаб чиқилиши ва тўланишини текшириш учун йўл жамғapмacигa киритиш ва уларнинг талабларига кўра бу йиғимлар ва ажратмаларни ҳисоблаб чиқиш ҳамда тўлаш билан боғлиқ зарур ҳужжатлар ва маълумотларни тақдим этиш;

ўзи жойлашган жой бўйича йўл органларига йиғимлар ва aжратмаларнинг суммалари тўғpиcидaги ҳисоб-китобларни «Ўзавтойўл» концерни томонидан белгиланган ҳамда Ўзбекистон Республикаси Вазирлар Маҳкамасининг ҳузуридаги Давлат солиқ бош бошқармаси билан келишилган муддатларда ва шакллар бўйича тақдим этиш;

мазкур Низомга мувофиқ йўл жамғармасига мaблағ тўплаш билан шуғулланувчи органларга банк реквизитларини маълум қилиш.

10. Автомобиль йўллари, ҳудудий давлат-акционерлик бирлашмалари, автомобиль йўллари туман бошқармалари, «Ўзавтойўл» концерни;

йиғимлар ва ажратмалар тушиши керак бўлган банк реквизитлари ва счётларнинг номерларини хат ёки оммавий ахборот воситалари орқали маълум қилишга;

йиғим ва ажратмаларни ҳисоблаб чиқиш тартиби ва тўлаш муддатлари бўйича ўзгаришлар тўғрисида йиғим ва ажратмалар тўловчиларни хабардор қилишга;

йиғимлар ва ажратмаларнинг ўз вақтида тўланишини назорат қилишга;

йўл жaмғармаларига тушувчи йиғимлар, ажратмалар ва бошқа маблағларнинг ҳисобини юритишга мажбурдирлар.

11. Йиғимлар ва ажратмаларни белгиланган муддатларда йўл жамғармасига тўлашдан бош тортилган ҳолларда бу мaблaғлap автомобиль йўллари ҳудудий давлатга акционерлик бирлашмалари ёки туман бошқармалари, «Ўзавтойўл» концерни томонидан шак-шубҳасиз ундириб олинади. Муддати ўтказиб юборилган ҳар бир кун учун тўланмаган сумманинг 0,2 фоизи миқдорида пеня тўланади.

12. Йиғим ва ажратмаларни тўловчилар билан автомобиль йўллари ҳудудий давлат-акционерлик бирлашмалари, туман бошқармалари ўртасида пайдо бўладиган низолар хўжалик суди томонидан ҳал этилади.

13. Йиғимлар ва ажратмаларни валюта ўрнига сўмларда тўлаш Ўзбекистон Республикаси банклари томонидан белгиланадиган чет эл валютасининг амалдаги курси бўйича амалга оширилади.

14. Йўл жамғармаларига маблағлар ажратиш суммаси, кейинчалик бухгалтерия ва статистика маълумотлари бўйича ўсиб борувчи якун билан ҳақиқатда бажарилган ҳажм юзасидан йилнинг хар чорагида қайта ҳисоб-китоб қилинган ҳолда, режалаштирилаётган йил учун назарда тутилган маҳсулотлар ишлаб чиқиш бажарилган ишлар, хизматлар ва оборот ҳажмига, даромадга нисбатан ҳисоблаб чиқиш орқали белгиланади.

Режали тўловлар автомобиль йўллари ҳудудий давлат-акционерлик бирлашмалари, туман бошқармалари счётларига ҳар ойининг 15-кунидан кечикмай йил чораги суммасининг учдан бир миқдори ҳажмида ўтказилади.

Ажратмалар суммасини ҳақиқатда бажарилган ҳажмларга нисбатан қайта ҳисоблаб чиқиш натижасида аниқланган қўшимча тўлов ҳисобот чорагидан кейинги ойнинг 15-кунига қадар бўлган муддатда тўланади. Ортиқча тўланган сумма тўловчига қайтарилади ёки навбатдаги тўловлар ўрнига ҳисобга олинади.

Тўлаш, субъектларнинг молия-хўжалик фаолияти натижаларидан қатъи назар, амалга оширилади.

15. Корхоналар ва ташкилотларнинг юридик шахс ҳисобланмаган, аммо мустақил ҳисоб-китоб счётига эга бўлган таркибий бўлинмалари пул мaблaғлapини ўзлари жойлашган жойдаги ҳудудий йўл жaмғapмacигa ўтказадилар бундай бўлинмаларнинг банк муассасаларида счётлари мавжуд бўлмаган тақдирда пул маблағлари ўтказишни уларнинг юқори ташкилотлари амалга оширадилар.

16. Хорижий фирмалар билан биргаликда ташкил этилган корхоналар ва ташкилотлар ёки уларнинг филиаллари, ваколатхоналари ҳамда ҳисоб-китобларни эркин алмаштириладиган валютада амалга оширувчи уларга тенглаштирилган ташкилотлар, мулкчилик шаклидан ва Ўзбекистон Республикаси ҳудудида жойлашганликларидан қатъи назар, ажратмаларни 14-бандда кўрсатилган муддатларда сўмларда ёки эркин алмаштириладиган валютада амалга оширадилар.

17. Йиғим ва ажратмаларни тўловчиларнинг пул маблағлари мавжуд бўлмаган тақдирда улар автомобиль йўллари ҳудудий давлат-акционерлик бирлашмаларининг, туман бошқармаларининг розилиги билан ажратмаларни ишлар ҳажмини бажариш, бинокорлик материаллари, конструкциялар, деталлар, машина ва механика жисмларни, уларни маҳсулотлар (ишлар, хизматларни ишлаб чиқариш ва сотиш харажатлари таркибига киритган ҳолда, эквивалент қиймати бўйича тайёрлаш ва етказиб бериш билан алмаштиришлари мумкин.

18. Қуйидагилар корхоналар ва хўжалик ташкилотлари томонидан йўл жамғармаларига маблағ ажратишдан озод қилинадилар:

давлат бюджетида бўлган ташкилотлар ва муассасалар, томоша корхоналари, санаторийлар, дам олиш уйлари ва пансионатлар умумий фойдаланишдаги автомобиль йўлларини қуриш, тузатиш, қайта қуриш ва сақлашни амалга оширувчи йўл хўжалиги ташкилотлари уй-жойлардан фойдаланиш идоралари ва уй бошқармалари, Марказий банк муассасалари, давлат суғурта органлари, Ўзбекистон Республикаси Ташқи иқтисодий алоқалар вазирлигининг ташқи савдо бирлашмалари давлат, кооператив ва жамоат ташкилотларининг республика ва маҳаллий бошқарув органлари, Ўзбекистон Республикаси Мудофаа вазирлиги ва Ички ишлар вазирлигининг корхоналари ва ташкилотлари (уларга бўйсунувчи хўжалик ҳисобидаги хўжалик ташкилотларидан ташқари).

Умумий фойдаланишдаги автомобиль йўлларини қуриш, тузатиш ва сақлашни амалга оширувчи корхоналар ва ташкилотларга ихтисослаштирилган йўл корхоналари ва ташкилотларидан ташқари автомобиль йўллари ҳудудий давлат-акционерлик бирлашмалари, автомобиль йўллари туман бошқармалари, шунингдек, «Ўзавтойўл» концерни билан умумий фойдаланишдаги автомобиль йўллари қуриш, тузатиш ва сақлашга улар томонидан бажариладиган қурилиш-монтаж ишлари умумий ҳажмининг камида 75 фоизи суммасида бажариш учун шартнома (контракт) тузган юридик шахслар ҳам тегишли бўлади.

19. Сотиб олинган автотранспорт воситалари қийматидан олинадиган йиғимларни бу воситаларни сотиб олувчилар (мулкчилик шаклидан қатъи назар) рўйхатга олингунга қадар, автотранспорт воситаси эгаси ўзгарган ҳолда эса автотранспорт воситаларини қайта рўйхатдан ўтказиш чоғида сотиб олинган енгил автомобиль (автомобиль — пикаплар, енгил фургонлар, тиркама ва яримтиркамалар ҳам шу жумлага киради) нархининг 5 фоизи уларнинг қаерда сотиб олинганлигидан қатъи назар, бошқа автотранспорт воситалари (юк автомобиллари, автобуслар, махсус автомобиллар) нархининг, 10 фоизи миқдорида тўлайдилар, текин берилган ҳолларда эса — қолдиқ баланс қийматдан мана шу ставка бўйича тўланади.

Сотиб олинган автотранспорт воситалари қийматидан олинадиган йиғимлар суммаси йиғимларни тўловчи корхоналар томонидан маҳсулотлар, ишлар, хизматларни ишлаб чиқариш ва сотиш харажатлари таркибига киритилади.

20. Автотранспорт воситалари, уларни сотиб олганлик ёки қайта сотганлик йиғими тўланганлиги ҳақидаги ҳужжат тақдим этилмаса, рўйхатга, қайта рўйхатга олинмайди ва техник назоратдан ўтказилмайди.

21. Қуйидагилар йиғимдан озод қилинадилар:

мотоколяскалар ва автомобилларга эга бўлган ҳамда уларни сотиб олувчи барча гуруҳларга тегишли ногиронлар;

ихтисослаштирилган тармоқдан «ЎзДЭУавто» қўшма корхонасида ишлаб чиқарилган автомобилларни сотиб олувчи фуқаролар.

транспорт воситалари орқали йўловчилар ташишни амалга оширувчи умумий фойдаланишдаги автотранспорт корхоналари (таксидан ташқари);

умумий фойдаланишдаги автомобиль йўлларини қуриш, қайта қуриш, тузатиш ва сақлашни амалга оширувчи корхоналар, бирлашмалар ва ташкилотлар;

40 тоннадан ортиқ юк кўтарадиган, кон ишларида фойдаланиладиган автосамосвалларни сотиб олувчи корхоналар.

Амалдаги қонунчиликка мувофиқ йўловчилар ташиш учун белгиланган намунадаги лицензияга эга бўлган автокорхоналар умумий фойдаланишдаги йўловчилар ташиш транспорти корхоналарига тегишли бўлади. Лицензиялаштириш жорий этилгунга қадар «Ўзавтотранс» корпорацияси ва «Тошшаҳартранскорхона» уюшмасининг йўловчилар ташиш транспорти корхоналари мана шундай корхоналар жумласига тегишли бўлади.

Умумий фойдаланишдаги автомобиль йўлларини сақлаш, тузатиш, қайта қуриш ва қуришни амалга оширувчи корхоналар ва ташкилотларга ихтисослаштирилган йўл корхоналари ва ташкилотларидан ташқари автомобиль йўллар ҳудудий давлат-акционерлик бирлашмалари, автомобиль йўллари туман бошқармалари, шунингдек, «Ўзавтойўл» концерни билан ана шу ишларни улар томонидан бажариладиган ишлар умумий ҳажмининг камида 75 фоизи суммасида бажариш учун шартнома (контракт) тузадиган юридик шахслар ҳам тегишли бўлади.

22. Ўзбекистон Республикаси ҳудудида автомобиль транспортига эга бўлган корхоналар, бирлашмалар, ташкилотлар, мулкчилик шаклидан қатъи назар, автомобиль транспортидан фойдаланиш жараёнида олинадиган даромадларнинг икки фоизи миқдоридаги ажратмани йўл жамғармасига тўлайдилар, улар қайд этиб ўтилган ажратмаларни автомобилда ташиш тарифига киритадилар.

23. Автомобиль хўжалигига (автотранспортга) эга бўлган, мустақил балансга ўтказилмаган ҳамда автотранспортдан фойдаланишдан олинадиган даромадларнинг алоҳида ҳисобини юритмайдиган корхоналар ва ташкилотлар икки фоизи ажратма суммасини ташиладиган юк ҳажми ёки йўловчилар сонидан, ташишнинг ўртача масофаси ва тариф ставкасидан келиб чиққан ҳолда ҳисоблаб, йўл органлари билан келишув бўйича белгилайдилар.

Ўз автотранспортини сақлаш харажатларини таннархга ёки муассаса сметаси ҳисобига ўтказиш бу корхоналар ва ташкилотларни қайд этиб ўтилган даромадларни тўлашдан озод қилмайди.

24. Режали тўловлар, шунингдек, ажратмалар ва қўшимча тўловларни қайта ҳисоблаб чиқиш мазкур Низомнинг III бўлимида белгиланган тартибда ва муддатларда амалга оширилади.

25. Хорижий фирмалар билан биргаликда ташкил этилган корхоналар ва ташкилотлар, мулкчилик шаклидан қатъи назар, ёки уларнинг филиаллари ва ваколатхоналари, ҳисоб-китобларни эркин алмаштириладиган валютада амалга оширувчи уларга тенглаштирилган бошқа ташкилотлар, бошқа давлатларнинг Ўзбекистон Республикаси ҳудудидаги юридик шахслари ажратмаларни сўмларда ёки эркин алмаштириладиган валютада тўлайдилар.

26. Қуйидагилар автомобиль транспортидан олинган даромадлардан икки фоизли ажратмалар тўлашдан озод қилинадилар:

давлат бюджетида бўлган ташкилотлар ва муассасалар;

умумий фойдаланишдаги автомобиль йўлларини, шу жумладан, маҳаллий йўлларни қуриш, қайта қуриш, тузатиш ва сақлашни амалга оширувчи, йўл ташкилотлари билан улар томонидан бажариладиган ишлар умумий ҳажмининг камида 75 фоизи миқдорида қуриш, қайта қуриш, тузатиш ва сақлаш ишларини бажаришга шартнома (контракт) тузган корхоналар, бирлашмалар ва ташкилотлар.

27. «Ўавтойўл» концернининг пудрат, тадбиркорлик ва бошқа фаолият билан шyғyллaнyвчи корхоналари, бирлашмалари ва ташкилотлари даромадларидан ажратмалар «Корхоналар, бирлашмалар ва ташкилотлардан олинадиган солиқлар тўғрисида» Ўзбекистон Республикаси Қонунига мувофиқ ундириладиган солиқлар ўрнига белгиланган муддатда ва миқдорда амалга оширилади.

28. Йўл жамғармасининг бўш маблағлари йўл жамғармасига қўшимча мaблaғ олиш учун мазкур Низомда назарда тутилган фаолият билан боғлиқ тадбиркорликка шу жумладан, йўл хўжалигини ривожлантиришда қатнашувчи корхоналар ва бошқа юридик шахсларнинг харажатлари учун қарз беришга сарфланиши мумкин.

29. «Ўзавтойўл» концерни йўл жамғармасининг йиллик бюджетидан фойдаланилганлиги тўғрисида ҳар йили Ўзбекистон Республикаси Вазирлар Маҳкамасига ахборот беради. Йўл жaмғapмaси маблағларидан фойдаланиш мазкур Низомга мувофиқ келмай қолган тақдирда Вазирлар Маҳкамаси уларнинг ғайриқонуний сарфланишини тўхтатиб қўяди.

1. Ўзбекистон Компартияси Марказий Комитети ва Ўзбекистон ССР Министрлар Советининг «1959-1965 йилларда Ўзбекистон ССР автомобиль йўллари қурилиши режаси тўғрисида» 1959 йил 5 майдаги 320-сон қарорининг 7-банди.

2. «КПСС Марказий Комитети ва СССР Министрлар Советининг «СССРда йўл қурилишини янада ривожлантириш тўғрисида» 1968 йил 5 августдаги 599-0014-сон қарори» юзасидан Ўзбекистон Компартияси Марказий Комитети ва Ўзбекистон ССР Министрлар Советининг 1968 йил 14 октябрдаги 453-сон қарори 7-бандининг «б» кичик банди (ЎзССР ҚТ, 1968 й.,7-сон, 56-модда).

3. Ўзбекистон ССР Министрлар Советининг «1986—1990 йилларда автомобиль йўллари қурилишига мақсадли ажратмалар тўғрисида» 1985 йил 22 июлдаги 381-сон қарори.

4. Ўзбекистон ССЖ Вазирлар Маҳкамасининг «Маҳаллий автомобиль йўлларини қуриш ва ремонт қилишга колхозлар, совхозлар, саноат, транспорт, қурилиш ва бошқа корхоналар ҳамда хўжалик ташкилотлари томонидан маблағлар ажратиш тартиби тўғрисида» 1989 йил 7 августдаги 250-сон қарори.

5. «Ўзбекистон ССЖ Вазирлар Кенгашининг «Маҳаллий автомобиль йўлларини қуриш ва ремонт қилишга колхозлар, совхозлар, саноат, транспорт, қурилиш ва бошқа корхоналар ҳамда хўжалик ташкилотлари томонидан маблағлар ажратиш тартиби тўғрисида» 1989 йил 7 августдаги 250-сон қарорига ўзгартишлар киритиш ҳақида» Ўзбекистон ССЖ Вазирлар Кенгашининг 1990 йил 17 августдаги 295-сон қарори.

6. Ўзбекистон ССЖ Президенти ҳузуридаги Вазирлар Кенгашининг «Ўзбекистон ССР Вазирлар Кенгашининг 1989 йил 7 августдаги 250-сон қарорига ўзгартиришлар киритиш тўғрисида» 1991 йил 8 январдаги 1-сон қарори.

7. Ўзбекистон Республикаси Президенти ҳузуридаги Вазирлар Маҳкамасининг Ўзбекистон ССР Министрлар Советининг 1989 йил 7 августдаги 250-сон қарорига қўшимчалар киритиш ҳақида 1991 йил 5 ноябрдаги 281-сон қарори.

8. Ўзбекистон Республикаси Президенти ҳузуридаги Вазирлар Маҳкамасининг «Ўзбекистон ССР Министрлар Советининг 1985 йил 22 июлдаги 381-сон қарорининг амал қилиш муддатини узайтириш тўғрисида» 1992 йил 6 апрелдаги 180-сон қарори.

9. Ўзбекистон Республикаси Президенти ҳузуридаги Вазирлар Маҳкамасининг «Умумий фойдаланишдаги автомобиль йўлларини тузатиш ва сақлашни маблағ билан таъминлаш тартибини ўзгартириш тўғрисида» 1992 йил 31 октябрдаги 504-сон қарори.