Мазкур Йўриқнома «Ўзбекистон Республикасининг ташқи иқтисодий фаолияти тўғрисида»ги Ўзбекистон Республикаси Қонуни, Ўзбекистон Республикасининг Божхона кодекси, Ўзбекистон Республикаси Президентининг «Ўзбекистон Республикаси Давлат божхона қўмитасини ташкил этиш тўғрисида» 1997 йил 8 июлдаги 1815-сон Фармони, Ўзбекистон Республикаси Вазирлар Маҳкамасининг «Ўзбекистон Республикаси Давлат божхона қўмитаси фаолиятини ташкил этиш масалалари тўғрисида» 1997 йил 30 июлдаги 374-сон қарори, Ўзбекистон Республикаси Вазирлар Маҳкамасининг 372-ф-сон Фармойиши, шунингдек МДҲ мамлакатлари божхона хизматлари раҳбарлари кенгашининг «Мустақил Давлатлар Ҳамдўстлиги иштирокчиси бўлган давлатларнинг божхона юк декларациясини тўлдириш тартиби ҳақидаги ягона йўриқномаси тўғрисида»ги қарорига мувофиқ ишлаб чиқилган ва товарларни Ўзбекистон Республикасининг божхона чегараси орқали олиб ўтиш пайтида давлат манфаатларига риоя этишни таъминлаш, юридик ва жисмоний шахсларнинг ҳуқуқлари ва манфаатларини ҳимоя қилишга йўналтирилган.

1.1. Мазкур Йўриқноманинг амал қилиши ҳар қандай транспортда ёки шахслар юкида Ўзбекистон Республикасидан олиб чиқилаётган ва Ўзбекистон Республикасига олиб кирилаётган барча товарларга, Ўзбекистон Республикаси божхона чегараси орқали мулкчилик шаклидан, мансублиги ва рўйхатга олинган жойидан қатъи назар, Ўзбекистон Республикаси ҳудудида жойлашган жисмоний ва юридик шахслар номига (манзилига) келаётган электр қуввати, қувур ўтказгичлар орқали етказиб берилаётган товарлар (нефть, газ)га нисбатан татбиқ этилади.

1.2. Божхона юк декларациясини тўлдириш тартиби тўғрисидаги мазкур йўриқнома божхона юк декларацияси (матн давомида — БЮД)ни қўллаган ҳолда товарлар ва транспорт воситаларини (матн давомида — товарлар) декларациялаш тартиби ва шаклини ҳамда экспорт божхона режимлари остида жойлаштириладиган ва эркин муомала (импорт) учун чиқариладиган товарлар тўғрисидаги, божхона мақсадлари учун зарур бўлган ва БЮДда кўрсатиладиган маълумотлар рўйхатини белгилайди.

1.3. БЮДни қўллаган ҳолда товарларни декларациялаш божхона мақсадлари учун зарур бўлган маълумотларни БЮД бланкида ёзма равишда кўрсатиш шаклида амалга оширилади. Бошқа божхона режимлари остида жойлаштириладиган товарларни декларациялаш шакли ва тартиби, шунингдек, бундай ҳолларда божхона мақсадлари учун зарур бўлган маълумотлар рўйхати мазкур йўриқнома қоидаларини ҳисобга олган ҳолда Ўзбекистон Республикаси ДБҚ меъёрий ҳужжатлари билан белгиланади.

1.4. Мазкур Йўриқномада асосий тушунчалар қуйидаги мазмунда қўлланилади:

— товарлар — олди-сотди ёки айирбошлаш объектлари бўлган ҳар қандай кўчма мулк, шу жумладан валюта ва валюта бойликлари, электр, иссиқлик ва бошқа турдаги қувватлар, ақлий мулк объектлари, бажарилган ишлар ва кўрсатилган хизматларнинг натижалари, шунингдек йўловчи ва товарларни ташиш учун қўлланиладиган транспорт воситаларидан ташқари транспорт воситалари, шу жумладан контейнерлар ва бошқа транспорт (ташиш) ускуналари;

— туркум — транспорт қоидаларига мувофиқ битта транспорт ҳужжати (юкхат, коносамент ва ҳоказолар) бўйича битта олувчи номига (манзилига) жўнатиладиган, шунингдек битга почта юкхати билан жўнатиладиган ёки Ўзбекистон Республикаси божхона чегараси орқали ўтаётган битта шахснинг қўл юки ва юкида олиб ўтиладиган товарлар;

— шахс — мулкчилик шакли, рўйхатга олинган жойи ва мансублигидан қатъи назар юридик шахслар, шунингдек жисмоний шахслар;

— жўнатувчи — ўз номидан товарларни ташиш учун ташувчига у билан тузилган шартномага мувофиқ берувчи ва у ҳақидаги маълумотлар транспорт ҳужжатларида кўрсатилган шахс, товарлар божхона режими ўзгарган ҳолларда эса — БЮДга мувофиқ бундай товарлар илгари, кўрсатилаётганидан олдинги божхона режими остида жойлашган, у ҳақидаги маълумотлар БЮДда (2-устун) кўрсатилган шахс;

— олувчи — ўзи билан тузилган шартномага мувофиқ юк ташишни амалга оширадиган ташувчи бериши шарт бўлган, ташилган товарларни ўз номидан қабул қилиб оладиган ва у ҳақда маълумотлар транспорт ҳужжатларида кўрсатилган шахс, товарлар божхона режими ўзгарган ҳолларда эса — БЮД топшириш вақтида декларацияланган товарларни, уларнинг божхона расмийлаштирувидан кейин божхона органларидан ўз тасарруфига ўз номидан олиш ваколатларига эга бўлган шахс;

— молиявий тартиблаштириш учун жавобгар бўлган шахс — ташқи савдога оид олди-сотди ёки алмашиш битимини тузган ва улар бўйича ҳисоб-китоблар қилиш учун жавобгар шахс;

— декларант — товарларни олиб ўтувчи, товарлар ва транспорт воситаларини ўз номидан декларация қилувчи, тақдим этувчи ва таклиф этувчи шахс ёки товарларни олиб ўтувчи шахс номидан иш юритувчи божхона брокери;

— божхона брокери — божхона брокери сифатида фаолият юритиш ҳуқуқи учун Ўзбекистон Республикаси ДБҚ лицензиясини олган Ўзбекистон Республикасининг юридик шахси;

— ташувчи — ҳақиқатда товарларни олиб ўтувчи ёки транспорт воситасидан фойдаланиш учун жавобгар шахс;

— транспорт ҳужжати — транспорт юкхати, коносамент ёки ташиш шартномаси ёхуд товарларни халқаро ташиш ва (ёки) уларни божхона назорати остида Ўзбекистон Республикаси божхона ҳудудидан ташиб ўтиш бўйича бошқа шартноманинг тузилганлигини тасдиқловчи ўзга ҳужжатлар.

— божхона назорати — ижро назорати Ўзбекистон Республикаси божхона идоралари зиммасига юклатилган божхона ишлари тўғрисидаги Ўзбекистон Республикаси қонун ҳужжатлари ва шунингдек, халқаро шартномаларга риоя этилишини таъминлаш мақсадида Ўзбекистон Республикаси божхона идоралари томонидан амалга ошириладиган чора-тадбирлар мажмуи;

— божхона режими — Ўзбекистон Республикаси божхона чегараси орқали олиб ўтиладиган товарлар ва транспорт воситалари мақомини божхона мақсадлари учун белгилаб берувчи қоидалар мажмуи;

— божхона расмийлаштируви — товарлар ва транспорт воситалари устидан божхона назоратини таъминлаш мақсадида божхона идораларининг мансабдор шахслари томонидан ўтказиладиган операциялар мажмуи.

1.5. Ўзбекистон Республикаси божхона чегараси орқали олиб ўтиладиган товарлар, божхона режими ўзгарадиган товарлар, шунингдек Ўзбекистон Республикаси қонун ҳужжатлари билан белгиланадиган ҳолатларда бошқа товарлар божхона органларига БЮД топшириш йўли билан декларацияланиши шарт.

1.6. БЮД комплекти рисола шаклига келтирилган, ўзидан нусха кўчирувчи, рақамланган Б1 (асосий варақ) шаклидаги 6 та варақдан иборат бўлади ва мазкур йўриқномада кўзда тутилган ҳолларда БД2 (қўшимча варақлар) шаклидан ташкил топиб, уларнинг ҳар бири ўз номи ва тартиб рақамига эга.

Мазкур Йўриқноманинг 1 ва 1а-сон иловалар*ида БД1 (асосий варақ) шакли ва БД2 (қўшимча варақлар) шаклидаги БЮД бланки намуналари келтирилган

1.7. БЮД битта шартномага мувофиқ олиб ўтилаётган товарларнинг ҳар бир туркуми учун тўлдирилади, бундай товарларга нисбатан бир хил божхона режими ўрнатилган бўлиши шарт. Агар туркумдаги товарларга нисбатан турли божхона режимлари ўрнатилган бўлса, бу ҳолда тўлдирилувчи божхона юк декларациялари сони божхона режимлари сонига мувофиқ бўлиши лозим.

Битта БЮДда қуйидаги маълумотлар кўрсатилиши мумкин;

бир хил божхона режими остида жойлаштирилган, бир тақвим ойи давомида битта шартномага мувофиқ қувур ўтказгич транспортида олиб ўтиладиган товарлар тўғрисида;

бир хил божхона режими остида жойлаштирилган, бир чорак давомида битта шартномага мувофиқ электр узатиш тармоқлари бўйича олиб ўтиладиган электр қуввати тўғрисида;

битта шартномага мувофиқ олди-сотди ёки алмашиш объектлари ҳисобланадиган бажарилган ишлар, хизматлар кўрсатиш натижалари тўғрисида;

Ўзбекистон Республикаси ДБҚ меъёрий ҳужжатлари билан белгиланадиган ҳолларда бошқа белгиларга эга бўлган товарлар тўғрисида.

1.8. Ўзбекистон Республикаси ДБҚ меъёрий ҳужжатларида бошқа ҳолатлар назарда тутилмаган бўлса, бир турдаги божхона тўловларига тортиладиган, бир мамлакатдан келиб чиққан ёки келиб чиқиш мамлакати номаълум бўлган, Ташқи иқтисодий фаолият товар номенклатурасига (матн давомида — ТИФ ТН) мувофиқ битта тўққиз белгили код билан тасниф қилинадиган бир номдаги, тур ва русумдаги товарлар тўғрисидаги маълумотлар БЮДда фақат БЮД асосий варағини қўллаган ҳолда товарларни декларациялашда кўрсатилиши мумкин.

1.9. Бир неча номдаги товарларни декларация қилишда БЮДнинг ажралмас қисми ҳисобланадиган қўшимча варақлар (БД2 шакли) қўлланади. Агар Ўзбекистон Республикаси ДБҚ меъёрий ҳужжатларида бошқа ҳолатлар назарда тутилмаган бўлса бир турдаги божхона тўловларига тортиладиган, бир мамлакатдан келиб чиққан ёки келиб чиқиш мамлакати номаълум бўлган, ҳар бири ТИФ ТНга мувофиқ битта тўққиз белгили код билан тасниф қилинадиган уч номдаги, тур ва русумдаги, БЮДда декларация қилинадиган товарлар тўғрисидаги маълумотлар битта қўшимча варақда кўрсатилиши мумкин.

1.10. Битга БЮДда (БД1 ва БД2 шакллари) 100 та номдаги товарлар тўғрисидаги маълумотларни кўрсатиш мумкин (асосий вараққа бир вақтнинг ўзида 33 тадан ортиқ бўлмаган қўшимча варақлар илова қилиниши мумкин). Қўшимча варақларни тўлдириш қоидалари БЮД асосий варағи тегишли устунларини тўлдириш қонунлари билан бир хилдир («А» устуни бундан мустасно бўлиб, у қўшимча варақларда декларант томонидан тўлдирилмайди).

1.11. БЮДда ўчириб ташлаш ва доғлар бўлмаслиги керак. Ҳар қандай тузатишлар хато маълумотларни чизиқ тортиб ўчириш, тегишли маълумотларни ёзув машинкасида ёки қўлда ёзиш йўли билан амалга оширилади. Ҳар бир тўғрилаш ваколатли шахс имзоси ва декларант муҳри билан тасдиқланади.

1.12. БЮД ўзбек (рус) тилида компьютернинг ёзув қурилмасида ёки ёзув машинкасида тўлдирилади.

Айрим ҳолларда қиймат кўрсаткичларини (фактура ва божхона қийматларини) божхона идоралари рухсати билан қўлда ёзиш мумкин, лекин бунда уларнинг қиймати 9 белгили сондан ортиқ бўлиши лозим.

БЮД бланклари ўқиб бўлмайдиган қилиб тўлдирилса, улар божхона декларацияси сифатида божхона идоралари томонидан расмийлаштириш учун қабул қилинмайди.

1.13. Агар БЮД бирор устунининг матн маълумотлари илгари тўлдирилган устуннинг матн маълумотларини такрорласа, бу устунда илгари тўлдирилган устунга «_____-сон

устунга қаралсин» шаклидаги ҳавола келтирилиши мумкин. Кодларга нисбатан бундай ҳаволалар қўлланмайди.

1.14. Айрим турдаги товарлар учун, агар уларга нисбатан божхона божлари ва солиқлар ундирилмаса, шунингдек иқтисодий сиёсат чора-тадбирлари (лицензиялаш, квоталаш ва ҳоказо) қўлланмаса, қўшимча варақлар ўрнига спецификациялар, ўраш-жойлаш варақлари ёки айрим товарлар турлари учун рўйхатлар шаклидаги товарлар рўйхати қўлланишига йўл қўйилади. Бундай рўйхатда товарларнинг номлари, ТИФ ТНга мувофиқ уларнинг кодлари, сони, брутто вазни ва бож қиймати кўрсатилади.

1.15. БЮД бирорта устунида кўрсатилган маълумотларни (корхона номи, вагон, контейнер рақами ва ҳоказо) қайд этиш учун жой мавжуд бўлмаган ҳолларда уларнинг варақнинг орқа томонида кўрсатилишига йўл қўйилади. Бундай ёзув декларантнинг имзоси ва муҳри билан тасдиқланади, тегишли устунда эса «орқа томонига қаранг» белгиси қўйилади. Шунингдек, БЮД асосий варағининг орқа томонидан бошқа назорат қилувчи органларнинг штамп ва имзоларини қўйиш учун фойдаланишга йўл қўйилади.

1.16. БЮД бланкларидан декларантларнинг мазкур Йўриқномада назарда тутилмаган бошқа ахборотни киритиш учун фойдаланишларига йўл қўйилмайди.

1.17. БЮДнинг божхона органи томонидан қабул қилиниши уни рўйхатдан ўтказиш йўли билан расмийлаштирилади. Божхона идораси декларация ва қўшимча варақларни рўйхатдан ўтказиш учун БЮД асосий варағининг 7-устунида ва ҳар бир қўшимча варақ «А» устунининг пастки қисмига мазкур йўриқноманинг 3.4-бандида келтирилган чизма бўйича рўйхат рақамини ва санасини қўйиб рўйхатдан ўтказади.

БЮД қабул қилинганлиги расмийлаштирилган вақтдан бошлаб у юридик аҳамиятга эга бўлган фактлар тўғрисида гувоҳлик берувчи ҳужжат ҳисобланади.

1.18. Расмийлаштирилган БЮД варақлари қуйидаги тарзда тақсимланади:

— биринчи варақ — божхона органлари йиғма жилдида қолади;

— иккинчи варақ — ЎзР ДБҚ статистика ҳисоботи учун;

— учинчи варақ — декларантга қайтарилади;

— тўртинчи варақ — божхона тўловлари ҳисобини олиб борувчи божхона идораси учун;

— бешинчи варақ — товарларни олиб чиқишда товар транспорт ҳужжатлари билан биргаликда белгиланган мамлакатга юборилади; товарларни олиб киришда товарни олувчига қайтарилади;

— олишни варақ — товар экспортчиси/импортчиси учун.

1.19. БЮД электрон кўчирма нусхасининг ҳажми, тузилмаси ва божхона органига тақдим этиш тартиби Ўзбекистон Республикаси ДБҚ бошқа меъёрий ҳужжатлари билан белгиланади.

1.20. Ўзбекистон Республикаси божхона чегараси орқали олиб ўтиладиган, қиймати энг кам ойлик иш ҳақи белгиланган миқдорининг ўн бараваригача бўлган товарларга БЮД тақдим этилмайди ва товарлар товарга илова этилувчи ҳужжатлар асосида (қонун ҳужжатларида кўзда тутилган ҳоллар бундан мустасно) ўтказилади.

1.21. Айрим тоифадаги товарларни декларация қилишда Ўзбекистон Республикаси ДБҚ ўз ваколатлари доирасида БЮДни тўлдириш хусусиятларини белгилашга ҳақли.

1.22. БЮДда божхона мақсадлари учун зарур маълумотларни кўрсатиш тартиби, товарларни вақтинчалик ёки нотўлиқ, даврий божхона декларациясини қўллаган ҳолда декларация қилишда Ўзбекистон Республикаси ДБҚнинг бошқа меъёрий ҳужжатлари билан, мазкур йўриқнома қоидаларини ҳисобга олган ҳолда белгиланади.

1.24. Божхона расмийлаштируви ва божхона назорати якунланганидан кейин БЮД биринчи варағи божхона органининг махсус архивига сақлаш учун жўнатилади. Расмийлаштирилган БЮДлар қатъий молиявий ҳисобот ҳужжатларини сақлаш учун белгилаб қўйилган тартибда сақланади. БЮДларни сақлаш муддати экспорт божхона режимига мувофиқ олиб чиқиладиган товарлар учун 10 йилдан, бошқа божхона режимлари учун 5 йилдан иборат бўлади. Белгиланган сақлаш муддатлари тугаганидан сўнг улар Ўзбекистон Республикаси ДБҚ ташкил этган махсус комиссия томонидан йўқ қилинади. Товарларнинг божхона чегараларини кесиб ўтиши, олиб кириш олиб чиқиш муддатларига риоя этилиши устидан назоратни назарда тутувчи божхона режими остида товарларни жойлаштиришда БЮД тегишли божхона режимининг амал қилиш муддати давомида махсус назорат остида бўлади. БЮД қолган варақларини сақлаш, ҳисобга олиш ва йўқ қилиш тартиби бошқа меъёрий ҳужжатлар билан белгиланади.

2.1. Экспорт — шундай режимки, бунда товарлар уларни қайтадан олиб келиш мажбуриятисиз божхона ҳудуди ташқарисига олиб чиқилади.

Экспорт режимида товарларни олиб чиқиш божхона тўловлари тўланган, иқтисодий сиёсат чора-тадбирларига риоя қилинган ва қонун ҳужжатларида назарда тутилган бошқа талаблар бажарилган шароитда амалга оширилади.

Юридик шахслар томонидан экспорт божхона режими остига жойлаштириладиган товарларнинг божхона расмийлаштирувида мазкур расмийлаштирувини амалга оширувчи божхона идораларига қуйидаги ҳужжатлар тақдим этилади:

— ТИФ қатнашчисининг гувоҳномаси ва рўйхат варақчаси;

— тегишли ваколатли идораларда рўйхатга олинган контракт (шартнома, битим);

— лицензия (лицензиялаш талаб этиладиган товарлар учун);

— қонун ҳужжатларида назарда тутилган ҳолларда ҳисоб-китоблар тўғрисида ваколатли банклар томонидан берилган маълумотнома;

— транспортга оид ва товарларга илова қилинувчи ҳужжатлар;

— зарур ҳолларда келиб чиқиш сертификати, мувофиқлик сертификати, фитосанитария ва ветеринария сертификатларини тақдим этиш;

— божхона юк декларацияси;

— зарур ҳолларда ваколатли органлар рухсатномаси. Жисмоний шахслар томонидан экспорт божхона режимида жойлаштириладиган товарларнинг божхона расмийлаштирувида мазкур расмийлаштиришни амалга оширадиган божхона органларига қуйидаги ҳужжатлар тақдим этилади;

— транспортга оид ва товарга илова қилинувчи ҳужжатлар (товарлар қўл юкида ёки юк тарзида олиб ўтиладиган ҳоллардан ташқари);

— зарур ҳолларда келиб чиқиш, мувофиқлик, фитосанитария ва ветеринария сертификатларини тақдим этиш;

— божхона юк декларацияси;

— зарур ҳолларда ваколатли органларнинг рухсатномаси. Экспорт режимида олиб чиқишда товарлар солиқлардан озод қилинади ёки солиқларнинг тўланган суммалари қонун ҳужжатларига мувофиқ қайтарилиши керак.

Товарларни экспорт режимида чиқаришда товарлар божхона декларацияси қабул қилинган кунда қандай ҳолатда бўлган бўлса божхона ҳудудидан ташқарига шу ҳолда чиқарилиши лозим, товарларнинг табиий эскириши ёхуд транспортда ташиш ва сақлашнинг меъёрдаги шароитларида камайиши натижасида товарлар ҳолатининг ўзгариши бундан мустасно.

2.2. Амалдаги қонун ҳужжатларига мувофиқ Ўзбекистон Республикаси божхона ҳудудидан олиб чиқиш тақиқланган товарлар экспорт божхона режими остида жойлаштирилиши мумкин эмас.

2.3. Олди-сотди ёки алмашиш объектлари бўлиб ҳисобланмайдиган қуйидаги товарлар контрактларни тақдим этишсиз Ўзбекистон Республикасидан ташқарига ўтказилади:

— товарларнинг сарфланадиган намуналари;

— сарфланадиган товарлар;

— реклама материаллари ва эсдалик буюмлар;

Бундай товарларни чиқариш ўз фаолият зонасида товарларни олиб ўтиш амалга оширилаётган Ўзбекистон Республикаси божхона қўмитаси бошқарма бошлиғининг қарорига кўра, товарларни олиб ўтаётган шахсларнинг ёзма аризаси асосида амалга оширилади.

Кўрсатилган товарлар Ўзбекистон Республикасининг иқтисодий манфаатларига зарар етказиш мумкинлигига, шунингдек улардан бошқа мақсадларда фойдаланишга йўл қўймайдиган миқдорда ўтказилади.

3.1. Декларант томонидан БЮДнинг қуйидаги устунлари тўлдирилади: рақамли — 1, 2, 3, 4, 5, 6, 8, 9, 11, 12, 13, 14, 16, 17, 17а, 18, 19, 20, 21, 22, 23, 24, 25, 26, 28, 29, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 50, 54;

ҳарфли — А (фақат БЮД асосий варағида), В ва С, 3.3-бандда кўзда тутилган ҳолларда. БЮД қолган устунлари Ўзбекистон Республикасининг бошқа меъёрий ҳужжатларида кўзда тутилган ҳолларда тўлдирилади.

3.2. Божхона органларининг мансабдор шахслари томонидан 7, Д ва А (фақат қўшимча варақларда) устунлари тўлдирилади.

3.3. Устунларини декларант томонидан тўлдириш тартиби:

Устуннинг биринчи бўлимчасида товарларни олиб ўтишнинг йўналиши кўрсатилади — «ЭК».

Устуннинг иккинчи бўлимчасида Товарларни божхона чегараси орқали олиб ўтиш русум қоидалари таснифномаси (классификатори)га мувофиқ божхона режимининг икки белгили коди кўрсатилади (2-сон илова).

Учинчи бўлимчада кўрсатилади:

Учинчи бўлимчада кўрсатилади:

1 — агар экспортчи томонидан унинг ўзи томонидан ишлаб чиқарилган маҳсулот олиб чиқилса;

0 — агар экспортчи томонидан у ишлаб чиқармаган маҳсулот олиб чиқилса

Устунда товарни жўнатувчи тўғрисидаги маълумотлар кўрсатилади.

Агар товарни жўнатувчи юридик шахс бўлса, унинг тўлиқ номи ва жойлашган ери (юридик манзили) кўрсатилади.

Агар жўнатувчи номидан юридик шахснинг тузилмавий бўлинмаси ҳаракат қилса, тузилмавий бўлинманинг тўлиқ номи ва жойлашган ери (юридик манзили), шунингдек юридик шахс тўғрисидаги юқорида қайд этилган маълумотлар кўрсатилади.

Агар жўнатувчи жисмоний шахс бўлса, унинг фамилияси, исми, отасининг исми ва унинг доимий яшаш жойи манзили, шунингдек унинг шахсини тасдиқловчи ҳужжат тўғрисидаги маълумотлар кўрсатилади.

Устуннинг юқори қисми ўнг томонида «№» белгисидан кейин жўнатувчининг «Корхона ва ташкилотлар умумий таснифномаси» (КТУТ)га мувофиқ саккиз белгили коди кўрсатилади, жўнатувчининг номидан унинг тузилмавий бўлинмаси ҳаракат қилган ҳолларда эса бўлинманинг КТУТ коди кўрсатилади.

Хорижий давлатларнинг дипломатик ваколатхоналари, халқаро ташкилотлари ва бирлашмаларга тегишли товарлар декларация қилинганда аккредитация коди (Ташқи ишлар вазирлиги рўйхатининг муддати) кўрсатилади.

Устуннинг пастки қисмида «№» белгисидан кейин ташкилотларнинг ташқи иқтисодий фаолият қатнашчиси сифатида Ўзбекистон Республикаси ТИАВдан олган рўйхат рақами, шунингдек сертификат берилган сана кўрсатилади.

Агар жўнатувчи жисмоний шахс бўлса, юқори қисмнинг ўнг томонида «№» белгисидан кейин, код (КТУТ) ўрнида 00000001 рақамлари қўйилади, устуннинг пастки қисмида «№» белгисидан кейин «ФЛ» (жисмоний шахс — «ЖШ») ҳарфий белгиси қўйилади. Кейин эса Маъмурий-ҳудудий бўлиниши белгилаш тизимига мувофиқ равишда аҳоли пунктининг коди каср орқали берилади (11-илова).

Агар қўшимча варақлар қўлланса, бу устун тўлдирилади.

Устуннинг биринчи бўлимчасида варақнинг тартиб рақами кўрсатилади, иккинчисида қўшимча варақларни ҳам қўшган ҳолда тақдим этиладиган БЮД варақларининг умумий сони берилади.

Масалан, агар иккита қўшимча варақ билан битта декларация мавжуд бўлса, декларацияда — 1/3; биринчи қўшимча варақда 2/3; иккинчи қўшимча варақда — 3/3 кўрсатилиши керак.

Қўшимча варақлар ўрнига товарлар рўйхати берилганда тўлдирилади.

Илова қилинган варақларнинг умумий сони кўрсатилади.

Устунда товарлар декларация қилинаётган туркумининг БЮД асосий ва қўшимча варақлари 31-устунларида кўрсатилган номлари умумий миқдори қўйилади.

Устунда товарлар декларация қилинаётган туркумининг юк ўринлари умумий миқдори кўрсатилади. Сочилувчи, қуйилувчи товарлар ва қувур ўтказгич транспорти орқали, электр узатгич линиялари орқали ўтказиладиган, шунингдек уюлган товарларни олиб ўтишда устунда «0» қўйилади.

Контейнерларда, қутилар ёки тагликларда ташиладиган товарлар учун тегишли равишда контейнерлар, қутилар, тагликлар миқдори кўрсатилади.

Бир вақтнинг ўзида юқоридаги иккита хатбошида кўрсатилган белгиларга эга бўлган товарларни декларация қилишда контейнер, қути, тагликларнинг умумий сони кўрсатилади.

Устунда товарларни олувчи тўғрисидаги маълумотлар берилади: юридик шахснинг номи (жисмоний шахс учун — исм-шарифи), унинг жойлашган ери (манзили), шу жумладан у жойлашган ердаги мамлакатнинг қисқача номи.

Қўшимча варақда устун тўлдирилмайди.

Устунда юридик шахснинг номи ва почта манзили ёки ташқи савдо битимини тузган ва олди-сотди ёки алмашиш битими бўйича аниқ ҳисоб-китоблар учун жавобгар бўлган жисмоний шахснинг исм-шарифи, манзили ва шахсини тасдиқловчи ҳужжат тўғрисидаги маълумотлар кўрсатилади.

Устуннинг юқори қисмида «№» белгисидан кейин шахснинг КТУТга мувофиқ 8 белгили коди кўрсатилади.

Устуннинг пастки қисми худди 2-устундаги каби тартибда тўлдирилади.

Товарни жўнатувчи экспортчи бўлган ҳолларда 2-устунга ҳавола берилади (яъни, 2-устунга қаралсин).

Товарлар текин асосда амалга ошириладиган битимлар бўйича ўтказилган ҳолларда устун тўлдирилмайди.

Устунда Жаҳон мамлакатлари таснифномасига мувофиқ савдо қилувчи мамлакатнинг рақамли коди кўрсатилади (3-сон илова).

БЮД 9-устунида кўрсатилган шахс билан шартнома тузган шахс рўйхатга олинган ва доимий яшаётган, бу шартномага мувофиқ товарлар Ўзбекистон Республикаси божхона чегараси орқали олиб ўтиладиган ёки уни бажариш мақсадида Ўзбекистон Республикаси божхона чегараси орқали олиб ўтиладиган товарларнинг божхона режими ўзгартириладиган мамлакат савдо қилувчи мамлакат деб ҳисобланади.

Агар БЮДда декларация қилинадиган товарлар Ўзбекистон Республикаси божхона чегараси орқали олиб ўтилса ёки Ўзбекистон Республикаси божхона чегараси орқали олиб ўтиладиган товарларнинг божхона режими шартноманинг бажарилиши билан боғлиқ бўлмаган ҳолда божхона режими ўзгартирилса устун тўлдирилмайди.

Бу устунда декларация қилинадиган товарларнинг асосий ва қўшимча варақлар 45-устунида кўрсатилган товарлар қийматлари суммаси сифатида олинган умумий қиймати қўйилади.

Устунда декларация божхона расмийлаштирувига қабул қилинган санага АКД1 долларининг Ўзбекистон Республикаси Марказий банки томонидан Ўзбекистон Республикаси миллий валютасига нисбатан белгиланган курси кўрсатилади.

Устунда товарлар декларанти тўғрисидаги маълумотлар кўрсатилади.

Товарларни декларация қилувчи ташкилотнинг номи ва почта манзили кўрсатилади.

Устуннинг юқори қисмида «№» белгисидан кейин шу ташкилотнинг «Корхоналар ва ташкилотлар умумий таснифномаси» (КТУТ)га мувофиқ 8 белгили коди кўрсатилади.

Устуннинг пастки қисмида, мазкур ташкилот божхона брокери бўлган тақдирда, товарларни шартнома асосида божхона брокери сифатида декларация қилиш ҳуқуқини берувчи, Ўзбекистон Республикаси Давлат божхона қўмитаси томонидан берилган лицензиянинг рақами, берилган санаси кўрсатилади. Мустақил декларация қилинган ҳолатларда устуннинг пастки қисми 2-устундаги тартибда тўлдирилади.

Устунда «Жаҳон мамлакатлари таснифномаси»га мувофиқ товар келиб чиқиш мамлакатининг қисқача номи кўрсатилади (3-сон илова).

Агар божхона расмийлаштируви вақтида келиб чиқиш мамлакати номаълум бўлса, бу ҳолда устунда «номаълум» деб кўрсатилади.

Агар товар турли мамлакатлардан келиб чиққан бўлса, бу ҳолда устунда «турли» деб кўрсатилади.

Устунда Жаҳон мамлакатлари таснифномасига (3-сон илова) мувофиқ тайинланган мамлакатнинг қисқача номи кўрсатилади.

Устунда Жаҳон мамлакатлари таснифномасига (3-сон илова) мувофиқ тайинланган мамлакатнинг рақамли коди кўрсатилади.

Устунда Ўзбекистон Республикаси божхона чегарасидаги ўтказиш пунктига етказиб бериш учун товарлар юклатиши керак бўлган транспорт воситалари тўғрисидаги маълумотлар кўрсатилади.

Устуннинг чап бўлимчасида транспорт воситаларининг сони қўйилади, бўш жойдан кейин эса товарлар божхона чегарасидаги ўтказиш пунктига жўнатиш учун юкланадиган транспорт воситаси тўғрисидаги маълумотлар кўрсатилади (денгиз ёки дарё кемасининг номи, рейс рақами ва ҳаво кемасининг борт рақами, темир йўл вагонининг рақами, йўл-транспорт воситасининг рўйхат рақами ва шу тарздаги маълумотлар).

Барча маълумотларни кўрсатиш имконияти бўлмаганда «орқа томонига қаралсин» ҳаволаси берилиб, БЮД варақлари орқа томонида транспорт воситалари рақамлари кўрсатилади.

Устуннинг ўнг бўлимчасида Жаҳон мамлакатлари таснифномасига мувофиқ равишда (3-сон илова) транспорт воситаси тегишли бўлган мамлакатнинг рақамли коди кўрсатилади.

Устунда кўрсатилади:

— «1» — агар товар контейнерда ўтказилса;

— «0» — агар товарлар контейнерда олиб ўтказмаса.

Агар декларация қилинадиган товарлар Ўзбекистон Республикаси божхона чегараси орқали ҳақи тўланадиган шартномага мувофиқ ўтказилса, устун тўлдирилади.

Устуннинг биринчи бўлимчасида Етказиб бериш шартлари таснифномасига мувофиқ етказиб бериш шартларининг рақамли коди кўрсатилади (4-сон илова).

Устуннинг иккинчи бўлимчасида Етказиб бериш шартлари таснифномасига мувофиқ контракт бўйича товарни етказиб бериш шартларининг ҳарфли кодлари кўрсатилади. (4-илова). Бунда географик пункт ва валюта тушумининг олти рақамли келиб тушиш муддати кўрсатилади. Уларнинг ҳар бир жуфти нуқталар билан ажратилади ва тегишли равишда кун, ой ва йилни англатади.

Устуннинг учинчи бўлимчасида олди-сотди шартномаси шартларига мувофиқ равишда экспорт қилинадиган товар учун қўлланадиган ҳисоб-китоблар шаклининг икки белгили рақамли коди кўрсатилади:

«10» — аккредитив;

«20» — инкассо;

«30» — ўтказма;

«40» — аккредитив/инкассо;

«50» — аккредитив/ўтказма;

«60» — инкассо/ўтказма;

«70» — аккредитив/инкассо/ўтказма.

Товарларни олди-сотди шартномасидан фарқ қилувчи шартнома бўйича олиб чиқишда ёки шартнома ёхуд томонларнинг мақсадларини тасдиқловчи бошқа ҳужжатлар мавжуд бўлмаганда устун тўлдирилмайди.

Ҳисоб-китобларнинг аралаш шакллари қўлланган ҳолларда устунда мутлақ ифодада устувор бўлган шакл кўрсатилади.

Бартер операцияларида, шунингдек контрактлар (шартномалар)ни бажаришда ҳисоб-китоблар Ўзбекистон Республикаси миллий валютасида кўрсатилганда валюта тушуми келиб тушган сана кўрсатилмайди ва учинчи бўлимча тўлдирилмайди.

Устунда товарлар ҳақиқатан Ўзбекистон Республикаси божхона чегараси орқали олиб ўтиладиган транспорт воситалари тўғрисидаги маълумотлар кўрсатилади.

Устуннинг чап бўлимчасида транспорт воситаларининг миқдори қўйилади, бўш жойдан кейин товарлар божхона ҳудудидан ташқарига олиб чиқиладиган транспорт воситаси тўғрисидаги маълумотлар кўрсатилади (денгиз ёки дарё кемасининг номи, рейс рақами ва ҳаво кемасининг борт рақами, темир йўл вагони рақами, йўл транспорт воситасининг рўйхат рақами ва шу тарздаги маълумотлар).

Барча маълумотларни кўрсатишнинг имкони бўлмаганда «орқа томонига қаралсин» ҳаволаси келтирилади, БЮД варақларининг орқа томонида транспорт воситаларининг рақамлари кўрсатилади.

Устуннинг ўнг бўлимчасида транспорт воситаси тегишли бўлган мамлакатнинг рақамли коди кўрсатилади. Код Жаҳон мамлакатлари таснифномасига мувофиқ кўрсатилади (3-илова).

Товарлар божхона ҳудудидан ташқарига олиб чиқиладиган транспорт воситаси тўғрисида декларантда маълумотлар мавжуд бўлмаган ҳолларда (товарлар божхона назорати остида қайта юклаганда) устун тўлдирилмайди.

Устуннинг чап бўлимчасида контракт (шартнома) валютасининг рақамли коди Валюталар таснифномасига мувофиқ кўрсатилади (5-сон илова).

Контракт (шартнома) валютаси деганда контракт (шартнома)га мувофиқ товар етказиб бериладиган валюта тушунилади.

Контракт (шартнома) валютаси деганда контракт (шартнома)га мувофиқ товар етказиб бериладиган валюта тушунилади.

Ўнг бўлимчада БЮДнинг асосий ва қўшимча варақлари 42-устунларида кўрсатилган қийматлар суммаси сифатида олинган, декларация қилинадиган товарлар туркумининг умумий фактура қиймати рақамларда кўрсатилади.

Устунда БЮД божхона расмийлаштирувига қабул қилинган кунга контракт валютасининг Ўзбекистон Республикаси миллий валютасига нисбатан Марказий банк томонидан тасдиқланган курси қўйилади.

Агар Ўзбекистон Республикаси миллий валютаси контракт валютаси бўлса, устун тўлдирилмайди.

Устуннинг чап бўлимчасида Битимлар хусусияти таснифномасига мувофиқ битим хусусияти коди кўрсатилади (6-сон илова).

Устуннинг ўнг бўлимчасида Валюталар таснифномасига мувофиқ етказиб берилган товар учун контрагент билан ҳисоб-китоб қилиш валютасининг рақамли коди кўрсатилади (5-сон илова).

Ҳисоб-китоб валютаси деганда декларациянинг 9-устунида кўрсатилган ташкилотнинг ташқи иқтисодий битими бўйича ўзаро ҳисоб-китоб амалга оширилган ёки амалга ошириладиган валюта тушунилади.

Устунда Транспорт турлари таснифномасига мувофиқ 21-устунда кўрсатилган транспорт воситаси тури коди кўрсатилади (7-сон илова).

Устунда Транспорт турлари таснифномасига мувофиқ 18-устунда кўрсатилган транспорт воситаси тури коди кўрсатилади (7-сон илова).

Устунда божхона тўловларини тўловчи шахснинг молиявий ва банк маълумотлари кўрсатилади, бунда реквизитларнинг ҳар бири янги сатрдан бошланади ва улардан ҳар бирининг олдига тартиб рақами қўйилади:

1 — тўловчининг КТУТ коди/банкнинг КТУТ коди;

2 — банкнинг тўлиқ номи;

3 — банкнинг почта манзили;

4 — Ўзбекистон Республикаси миллий валютасидаги ҳисобварақнинг рақами;

5 — эркин алмаштириладиган валютада тўловлар мавжуд бўлганда валюта ҳисобварағи рақами.

Жисмоний шахслар томонидан божхона тўловлари нақд пул тўлаш йўли билан амалга оширилганда 28-устунда «Нақдина тўлов» деб ёзилади.

Устунда «Божхона постлари таснифномаси»га мувофиқ Ўзбекистон Республикасидан товарлар олиб чиқиладиган (8-сон илова) божхона постининг номи ва коди кўрсатилади.

ТИФ ТН бўйича товарни таснифлаш қоидаларга мувофиқ декларация қилинадиган товарларни бир турда 9 белгили муайян қуйи субпозицияда таснифлаш имконини берадиган товарларнинг фирма номи ва уларнинг техник тавсифлари, шу жумладан модел рақамлари, турлари, ўлчамлари, ГОСТлари, кўрсаткичлари (параметрлари) ва ҳоказолар кўрсатилади.

ТИФ ТНда келтирилган товар позицияси умумий номи билан декларация қилинадиган товарларни кўрсатишга йўл қўйилмайди.

Бундан кейин юк жойлари тури ва миқдори ҳамда уларни тамғалаш тўғрисидаги маълумотлар кўрсатилади.

Контейнерларда ташиладиган товарлар учун контейнерларнинг миқдори ва бўш жойдан кейин рақамлари кўрсатилади.

Агар бу устунда декларация қилинадиган товарлар ҳамма юк жойларини ёки контейнерларни тўлиқ эгалламаса, устунда «қутининг бир қисми», «контейнернинг бир қисми» ва бошқалар кўрсатилади.

Устуннинг пастки ўнг бурчагида махсус ажратилган ҳошияда товарларнинг миқдори қўшимча ўлчов бирлигида кўрсатилади ва ТИФ ТНга мувофиқ равишда ўлчов бирлигининг шартли белгиси кўрсатилади (қўшимча ўлчов бирлиги коди 41-устунда қўйилади).

Фақат асосий ўлчов бирлиги — «кг» қўлланган ҳолларда устуннинг пастки ўнг бурчаги тўлдирилмайди.

Қўшимча варақлардаги фойдаланилмаган «Товарнинг тавсифи» устунлари устига чизиб ўчирилади.

Пастки чап бурчакда, махсус ажратилган ҳошияда КТУТга мувофиқ декларация қилинаётган товарни тайёрловчи ташкилотнинг 8 белгили коди кўрсатилади.

Агар мазкур товарнинг тайёрловчиси аниқланмаган бўлса, у ҳолда мазкур товарни экспорт қилувчи ташкилотнинг КТУТ коди кўрсатилади.

Устунда 31-устунда декларация қилинаётган товарнинг тартиб рақами кўрсатилади.

Декларацияда ва қўшимча варақларда декларация қилинаётган товарлар миқдори 100 дан ошмаслиги керак. Бу миқдордан ошиб кетганда янги декларация расмийлаштирилади.

Агар декларация қилинадиган товарлар бир номда бўлса, устунда «1» қўйилади.

Устуннинг чап қисмида 31-устунда декларация қилинувчи ТИФ ТН бўйича товарларнинг 9 белгили коди кўрсатилади. Тузилиши жиҳатидан код бўш жойларсиз ва бошқа ажратиш белгиларсиз ёзилади.

Устуннинг чап бўлимчасида 31-устунда декларация қилинувчи товарларнинг «Жаҳон мамлакатлари таснифномаси»га мувофиқ келиб чиқиш мамлакати рақамли коди кўрсатилади.

Божхона расмийлаштируви вақтида келиб чиқиш мамлакати номаълум бўлса, у ҳолда «000» коди қўйилади.

Устунда 31-устунда тавсифланган товарнинг брутто вазни (килограммда) кўрсатилади. Брутто вазни — товар умумий вазнининг ўраб-жойлаш материаллари вазнини ҳам қўшганда яхлитлаш қоидаларига кўра тўлиқ яхлитланган миқдоридир.

Вазни бир килограммдан кам бўлган товарлар учун нуқтали 0.ХХХ сони кўрсатилади, бу ерда XXX — товарнинг граммлардаги вазни.

Устунда «Преференциялар, имтиёзлар ва божхона тўловларини тўлашнинг бошқа хусусиятлари таснифномаси»га мувофиқ (9-сон илова) берилган преференциялар, имтиёзлар ёки божхона тўловларини тўлашнинг бошқа хусусиятларининг қуйидаги чизма бўйича бериладиган ҳарфий кодлари кўрсатилади:

1/2/3/4, бу ерда тегишли равишда:

1 — божхона расмийлаштируви учун божхона йиғимларини тўлаш бўйича хусусият коди;

2 — божхона божини тўлаш бўйича хусусият коди;

3 — акциз солиғини тўлаш бўйича хусусият коди;

4 — қўшилган қиймат солиғини тўлаш бўйича хусусият коди.

«Товарларни Ўзбекистон Республикаси божхона чегараси орқали олиб ўтишнинг русум-қоидалари таснифномаси»га мувофиқ (2-сон илова) товарларнинг Ўзбекистон Республикаси божхона чегараси орқали олиб ўтиш қуйидаги учта таркибий қисмдан иборат бўлган русум-қоидаларнинг олти белгили таркибий коди кўрсатилади:

дастлабки икки рақам — эълон қилинаётган божхона режими коди;

кейинги икки рақам — аввалги божхона режимининг коди, агар у мавжуд бўлса. Агар аввалги божхона режими номаълум бўлса ёки мавжуд бўлмаса, у ҳолда «00» қўйилади;

охирги икки рақам — «Товарларни Ўзбекистон Республикаси божхона чегараси орқали олиб ўтишнинг русум-қоидалари таснифномаси» билан белгиланган, декларация қилинган товарларни олиб ўтишнинг хусусият коди. Агар товарларни олиб ўтиш хусусияти юқорида номи қайд этилган таснифномада аниқланмаса, у ҳолда «00» қўйилади.

Устунда 31-устунда тавсифланган товарнинг нетто вазни (килограммларда) кўрсатилади. Нетто вазни — товарнинг у истеъмол қилингунига қадар ажралмас қисми бўлган ва у билан товар чакана савдога қўйилган сиртқи ўралмасини ҳам қўшиб ҳисоблангандаги вазни ёки қуйиладиган ва сочиладиган товарлар учун яхлитлаш қоидаларига кўра тўлиқ миқдорларгача яхлитланган умумий вазнидир.

Вазни бир килограммдан кам бўлган товар учун нуқтали 0.ХХХ сони берилади, бу ерда XXX — товарнинг граммлардаги вазни.

Миқдорий чеклашлар белгиланган товарлар учун тўлдирилади.

Устунда олинган лицензияга мувофиқ ўлчов бирлигида ажратилган квота қолдиғи кўрсатилади. Квота қолдиғини белгилаш пайтида товарларнинг декларация қилинаётган туркуми ҳисобга олинмайди.

Агар эълон қилинаётган божхона режимидан олдин бошқа божхона режими мавжуд бўлган бўлса ёки вақтинчалик, даврий ёки умумий декларация тақдим этилган бўлса устун тўлдирилади.

Устунда аввалги декларациянинг маълумот рақами кўрсатилади.

Устунда ТИФ ТНда келтирилган, «Ўлчов бирликлари жадвали»га мувофиқ 31-устуннинг пастки ўнг бўлимчасида кўрсатилган товарлар миқдорининг қўшимча ўлчов бирлиги коди кўрсатилади.

Агар мазкур товарга ТИФ ТН бўйича фақат асосий ўлчов бирлиги (кг) қўлланса, устун тўлдирилмайди.

Устунда 31-устунда декларация қилинаётган товарнинг ҳақиқатда тўланган ёки тўланиши лозим бўлган ёхуд бепул бўлмаган шартнома шартларига мувофиқ товарлар, ишлар, хизматлар, ақлий мулк натижаларининг муқобил етказиб бериш билан компенсацияланадиган фактура қиймати шартнома валютасида кўрсатилади.

Устунда 9-устунда кўрсатилган ташкилот валюта тушумининг бир қисмини сотиш белгиланган тартиби коди кўрсатилади:

«0» — агар ташкилот валюта тушумининг бир қисмини сотишдан озод қилинмаган бўлса;

«1» — агар ташкилот валюта тушумининг бир қисмини сотишдан озод қилинган бўлса;

«2» — агар валюта тушумининг бир қисмини мажбурий сотишнинг имтиёзли тартиби белгиланган бўлса;

«3» — агар валюта тушумининг бир қисмини мажбурий сотишнинг имтиёзли тартиби белгиланмаган бўлса.

Устунда (ҳар бир реквизитни янги сатрдан бошлаб ва улардан ҳар бирининг олдидан тартиб рақамини қўйиб) кўрсатилади:

1 — лицензия рақами ва берилган санаси, шунингдек унинг амал қилиш муддати;

2 — товар-транспорт ҳужжатлари, ҳисобварақ-фактуралар, инвойслар рақамлари;

3 — шартнома (контракт, битим), шартномага қўшимчанинг рақами ва санаси, шунингдек шартноманинг умумий суммаси;

4 — бошқа давлат органлари (уларнинг номи кўрсатилади) рухсатномалари рақами ва берилган санаси, агар бу товарлар ана шу органларнинг назоратига тегишли бўлган ҳолларда;

5 — контрактнинг Ўзбекистон Республикаси ТИАВ да рўйхатдан ўтказилган рақами ва санаси;

6 — божхона тўловларини тўлашдан озод қилишни кўзда тутадиган ҳужжатнинг номи, рақами ва санаси

7 — товарнинг келиб чиқиши тўғрисидаги сертификатнинг рақами ва санаси;

8 — божхона расмийлаштирувида зарур бўлган бошқа ҳужжатлар ва маълумотлар (божхона тўловларини тўлаш муддатларининг узайтирилиши, гаров шартномалари, НТЗ баённомалари, қайта декларация қилиш ва ҳоказо).

Устуннинг чап бўлимчасида контракт (шартнома) валютаси коди кўрсатилади

Устуннинг ўнг бўлимчасида 31-устунда декларация қилинаётган товарнинг ФОБ баҳоларида ҳисобланган қиймати рақамларда кўрсатилади ёки контракт валютасида экспортчи мамлакатнинг франко — чегараси кўрсатилади.

Агар товар бошқа шартларда сотилган бўлса, тегишли нархни ФОБ нархига қайта баҳолаш 46-устунга мувофиқ амалга оширилади.

Агар товар бошқа шартларда сотилган бўлса, тегишли нархни ФОБ нархига қайта баҳолаш 46-устунга мувофиқ амалга оширилади.

Товарнинг ФОБ ёки экспортчи мамлакатнинг франко-чегараси баҳоларида, минг АҚШ долларида ҳисобланган қиймати Х.ХХнинг иккинчи белгиси аниқлигига қадар кўрсатилади.

Агар товар харидор мамлакатининг франко-чегара шартларида сотилган бўлса, бу ҳолда бошқа мамлакатлар ҳудуди орқали товарни ташиб ўтиш бўйича хорижий валютадаги ҳақиқатдаги харажатларни товар нархидан — чиқариш йўли билан контрактнинг баҳоси экспортчи мамлакат франко чегараси нархларида қайта ҳисоблаб чиқилади. СИФ ва КАФ — харидор мамлакати порти шартларида сотилган товар ФОБ баҳосида ҳисобга олинади. Бу ҳолда контрактнинг баҳоси СИФ баҳосидан ҳақиқий харажатларни ва суғуртани, КАФ баҳосидан эса фрахт бўйича харажатларни айириш йўли билан ФОБ баҳосида қайта баҳоланади.

45-устунда кўрсатилган ва контракт валютасида ифода этилган (шу жумладан Ўзбекистон Республикаси миллий валютасида тузилган битимлар бўйича ҳам) товар қийматини АҚШ долларига қайта ҳисоблаш декларация божхона расмийлаштирувига қабул қилинган санага Ўзбекистон Республикаси Марказий банки томонидан белгиланган курс бўйича амалга оширилади.

Божхона тўловлари суммасини ҳисоблаш БЮД асосий варағи ва қўшимча варақларда 31-устунда эълон қилинган ҳар бир товар бўйича алоҳида амалга оширилади, БЮД асосий варағининг 47-устунида доимо кўрсатиладиган божхона расмийлаштируви учун божхона йиғимлари бундан мустасно.

«Тури» кичик устунида божхона тўловлари таснифномаси (10-сон илова)га мувофиқ божхона тўлови турининг коди кўрсатилади.

«Ҳисоблаш асоси» кичик устунида Ўзбекистон Республикаси миллий валютасида қонун ҳужжатларига мувофиқ белгиланадиган божхона тўловини ҳисоблаш асоси кўрсатилади.

Ҳисоблаш асосини белгилашда товарнинг 12 ва 45-устунларда кўрсатилган қийматларини қайта ҳисоблаш божхона расмийлаштирувига декларацияни қабул қилиш санасига Марказий банк курси бўйича амалга оширилади.

«Ставка» кичик устунида божхона тўлови суммасини ҳисоблашда қўлланадиган божхона тўловлари ставкасининг белгиланган миқдори кўрсатилади.

«Сумма» кичик устунида божхона тўловининг Ўзбекистон Республикаси миллий валютасида ҳисобланган суммаси кўрсатилади.

«ТУ» — кичик устунида тўлов усулининг икки белгили ҳарфли коди кўрсатилади:

«нҳ» — банк орқали нақдсиз ҳисоб-китоб;

«нт» — божхона тўловлари суммасининг нақд пул билан тўлови;

«ут» — божхона тўловларини тўлаш бўйича узайтирилган муддат тақдим этилади;

«бт» — божхона тўловларини тўлаш бўйича бўлиб-бўлиб тўлаш муддати тақдим этилади;

«00» — тўлов амалга оширилмаслиги керак.

Устунда божхона тўловларини тўлаш муддатини узайтириш ёки бўлиб-бўлиб тўлаш тақдим этилганда бу тўловларнинг олти рақамли узил-кесил муддати кўрсатилади. Бунда ҳар бир жуфтлик нуқталар билан ажратилади ва тегишли равишда кун, ой ва йилни англатади

Агар декларация қилинадиган товарлар илгари тегишли режимларга жойлаштирилган бўлса, у ҳолда устунда божхона ва эркин омборни ташкил этиш учун лицензиянинг рақами ва берилган санаси кўрсатилади.

Устунда қуйидаги мазмундаги ёзув ёзилади:

«Тақдим этилган маълумотлар учун жавобгар ...»,

кейин декларацияга киритиш учун зарур маълумотларни божхона расмийлаштируви бўйича мутахассисга тақдим этган, товарлар ва транспорт воситаларини божхона чегараси орқали олиб ўтувчи ташкилот ёки жисмоний шахслар ишончнома берувчи шахсининг фамилияси, исми, отасининг исми, лавозими ва телефон рақамлари, унинг шахсий имзоси ва сана кўрсатилади

Агар ишончнома берувчи шахс декларацияни тўлдирган божхона расмийлаштируви бўйича мутахассис бўлса, қуйидаги мазмундаги ёзув ёзилади: «Берилган маълумотлар учун жавобгар 54-устунга қаралсин».

Устунда 14-устунда кўрсатилган шахс томонидан БЮД топширувчи, божхона расмийлаштируви бўйича мутахассис тўғрисидаги қуйидаги маълумотлар кўрсатилади.

— БЮД тўлдирилган жой ва сана;

— божхона расмийлаштируви бўйича мутахассиснинг фамилияси ва инициаллари, малака шаҳодатномасининг рақами, шунингдек унинг амал қилиш муддати;

— декларант ташкилотнинг телефон рақами. БЮДда эълон қилинган маълумотларнинг ишончлилиги божхона расмийлаштируви мутахассисининг имзоси ва декларант ташкилотнинг муҳри билан тасдиқланади.

Бундай тасдиқлаш қўшимча варақларда «С» устунидан юқорида жойлашган, устун пастки ўнг қисмида ҳар бир қўшимча варақда амалга оширилади.

Устунда 9-устунда кўрсатилган шахснинг ташқи савдо шартномаси (контракти) ҳисобга олинган ваколатли банкнинг реквизитлари ва бу шахс ҳисобварақларининг рақамлари (ҳар бир реквизитни янги сатрдан бошлаб ва улар ҳар бирининг олдидан тартиб рақамини қўйиб) кўрсатилади.

1 — банкнинг КТУТ коди;

2 — банкнинг тўлиқ номи;

3 — банкнинг почта манзили;

4 — Ўзбекистон Республикаси миллий валютаси ҳисобварағининг рақами;

5 — валюта ҳисобварағининг рақами.

Товарларни банкда ҳисобга олинмайдиган шартномалар бўйича олиб ўтиш ҳолларида, 9-устунда кўрсатилган шахснинг ҳисоб-китобларига хизмат кўрсатувчи банкнинг реквизитлари кўрсатилади.

Банкда ҳисобварақларга эга бўлмаган жисмоний шахслар томонидан экспорт амалга оширилганда «А» устуни тўлдирилмайди.

В устуни. «Ҳисоб-китоб тафсилотлари» Устунда Божхона тўловлари таснифномасига (10-сон илова) мувофиқ тўлов коди, БЮД асосий варақ ва қўшимча варақлари бўйича тўловлардан таркиб топган, мазкур код бўйича тўловларнинг умумий суммаси шунингдек божхона тўловлари тўланганини тасдиқловчи тўлов ҳужжатларининг рақами ва санаси кўрсатилади.

Мазкур устунда 1 рақами остида кўрсатилади:

1-экспорт, бартер, биржа контрактларининг Ўзбекистон Республикаси божхона органларида ҳисобга олиш (рўйхатдан ўтказиш) символи, рақами ва санаси.

Шуни таъкидлаш лозимки, символ деганда қуйидаги мазмунлардаги муҳр оттиск (из)лари қуйиладиган контрактларнинг божхона органларида ҳисобга ва рўйхатга олиниши тушунилади:

«Экспорт контракти № рақами билан ҳисобга олинди» ёки «Экспорт-бартер контракти № ____ рақам билан ҳисобга олинди». Бунда ҳисобга олиш амалга ошириладиган муҳрларда тегишли вилоятлар белгиланган — ТН — Тошкент шаҳри, СН — Самарқанд ва ҳоказо.

Ўзбекистон Республикаси ДБКда ҳисобга олинган контрактларда «Ўз» белгили муҳр қўйилади.

Масалан:

ЭК — Ўз 123-сон 12.05.98 й. — ДБКда 123-сон билан

12.05.98 йилда ҳисобга олинган экспорт контрактини англатади. ЭБк— ЎЗ 2351-сон 12.05.98 й. — ДБҚда 12.05.98

йилда 2351-сон билан ҳисобга олинган экспорт-импорт бартер контрактини англатади.

БЖк — Ўз 151-сон 12.05.98 й. — биржа контракти ДБҚ томонидан 12.05.98 йилда 151-сон билан ҳисобга қўйилганлигини англатади.

ЭК — ТН 523-сон 12.05.98 й. — экспорт контракти ДБҚ Тошкент шаҳар бошқармаси томонидан 523-сон билан 12.05.98 йилда ҳисобга олинганини англатади. ЭБк СД 1223-сон 12.05.98 й. — экспорт бартер контракти ДБҚ Сурхондарё вилоят бошқармаси томонидан 1223-сон билан 12.05.98 йилда ҳисобга олинганлигини англатади.

Устунда қуйидаги чизма бўйича декларацияни қабул қилиш рақами ва санаси кўрсатилади.

1-сон унсур — Божхона постлари таснифномасига мувофиқ божхона органининг 5 белгили рақамли коди;

2, 3 ва 4-сон унсурлар — декларацияни божхона расмийлаштирувига қабул қилиш санаси, ойи ва йили;

5-унсур — тегишли божхона органи томонидан расмийлаштирилган декларациянинг тартиб рақами (жорий йилдаги ўсиб борувчи натижа билан, йил тугаганида рақамлаш янгиланади). Декларациянинг тартиб рақами такрорланмаслиги лозим.

Устунда божхона органларининг бурчак муҳрлари ва муҳрлари, шунингдек, зарур ҳолларда божхона назорати натижалари тўғрисида гувоҳлик берувчи бошқа белгилари қўйилади.

Божхона назорати натижалари тўғрисидаги бурчак муҳрлар товарларни ўтказиш тўғрисида қарор қабул қилган божхона органи инспекторининг шахсий рақамли муҳри билан тасдиқланади.

Божхонанинг бошқа бурчак муҳрларини қўйиш учун орқа томондан фойдаланишга йўл қўйилади.

4.1. Товарларни эркин муомалага чиқариш (импорт) — шундай божхона режимидирки, бунда Ўзбекистон Республикаси божхона ҳудудига олиб кирилган товарлар уларни бу ҳудуддан олиб чиқиш мажбуриятисиз унда доимий қолади.

Режим импорт божлари тўловларини, қўшилган қиймат солиш, акцизлар ва бошқа божхона тўловларини, шунингдек иқтисодий сиёсат чора-тадбирларига риоя этишни (квоталаш, лицензиялаш ва ҳоказо) кўзда тутади.

4.2. Эркин муомалага (импорт) чиқариш учун божхона режими остида Ўзбекистон Республикаси божхона ҳудудидан вақтинчалик олиб чиқиш ва божхона ҳудудидан ташқарида қайта ишлаш божхона режимларига мувофиқ Ўзбекистон Республикаси ҳудудидан олиб чиқилган товарлар, шунингдек вақтинча олиб кириш, вақтинча сақлаш, божхона ҳудудида қайта ишлаш, божхона назорати остида қайта ишлаш, божсиз савдо дўкони, эркин божхона ҳудуди ва эркин омбор, божхона омбори ва транзит божхона режимларига мувофиқ Ўзбекистон Республикаси ҳудудига киритилган товарлар жойлаштирилиши мумкин.

4.3. Эркин муомала учун чиқариш (импорт) божхона режими остида амалдаги қонун ҳужжатларига мувофиқ Ўзбекистон Республикаси божхона ҳудудига олиб кириш тақиқланган товарларни жойлаштириш мумкин эмас.

4.4. Товарлар эркин муомала учун мазкур низомга мувофиқ улардан фақат Ўзбекистон Республикаси божхона ҳудудида фойдаланиш мақсадидагина чиқарилиши мумкин.

5.1. Эркин муомала учун чиқариладиган товарларнинг божхона расмийлаштируви мазкур Низом ва ЎзР ДБҚнинг эркин муомала учун чиқариш божхона режимига тегишли бўлган меъёрий ҳужжатлари билан белгиланган тартибда амалга оширилади.

5.2. Эркин муомала учун чиқариладиган товарларнинг божхона расмийлаштируви Ўзбекистон Республикаси Божхона кодексининг III бўлимига мувофиқ киритиладиган товарларнинг божхона назоратини ўтказиш имконияти мавжуд бўлгандагина амалга оширилади.

5.3. Эркин муомала учун чиқариладиган товарларнинг божхона расмийлаштируви уларни олувчи ёки унинг тузилмавий бўлинмаси жойлашган ҳудудда фаолият юритувчи божхона органида амалга оширилади.

Товарлар Ўзбекистон Республикасининг бошқа минтақасига келиб тушган ҳолларда манфаатдор шахснинг ёзма аризасига кўра шу товарлар келиб тушган минтақада фаолият юритувчи божхона органи томонидан божхона расмийлаштируви амалга оширилиши мумкин.

5.4. Ўзбекистон Республикаси божхона ҳудудига олиб кирилган ва олди-сотди ёки алмашиш объекти ҳисобланмайдиган қуйидаги товарлар эркин муомалага учун контрактлар тақдим этилмасдан ўтказилади:

— товарларнинг сарфланадиган намуналари;

— сарфланадиган товарлар;

— реклама материаллари ва эсдалик буюмлар;

— вакиллик мақсадлари учун мўлжалланган товарлар. Бундай товарларни чиқариш товарларни олиб ўтиш;

амалга оширилаётган ҳудудда фаолият юритувчи Ўзбекистон Республикаси Давлат божхона қўмитаси бошқармаси бошлиғининг қарори билан, товарларни олиб ўтаётган шахсларнинг ёзма аризалари асосида божхона божлари ва солиқлар тўланадиган ёки тўланмайдиган ҳолда амалга оширилади.

Кўрсатилган товарлар Ўзбекистон Республикасининг иқтисодий манфаатларига зарар етказиш, шунингдек улардан бошқа мақсадларда фойдаланиш мумкинлигини истисно этувчи миқдорларда ўтказилади.

5.5. Эркин муомала (импорт) учун чиқариш божхона режими остида жойлаштирилган товарларнинг божхона расмийлаштирувида мазкур божхона расмийлаштирувини амалга ошираётган божхона идорасига юридик шахслар томонидан қуйидаги ҳужжатлар тақдим этилади:

— ТИФ қатнашчисининг шаҳодатномаси ва рўйхати варақчаси;

— тегишли органларда рўйхатдан ўтказилган контракт (шартнома, битим);

— товарнинг келиб чиқиш сертификати («Бож тарифи тўғрисида»ги Қонуннинг 28-моддаси билан белгиланган ҳолларда);

— контракт (шартнома, битим)нинг ТИАВда рўйхатдан ўтказилганлиги тўғрисидаги сертификат ва/ёки ваколатли банкда ҳисобга олинганлиги тўғрисида белги қўйилган контракт;

— импорт битими паспорти (хорижий капитал иштирокидаги корхоналар устав фонди ҳисобига товар етказиб бериш, шунингдек техник, мурувват ёрдами, текинга етказиб бериш доирасидаги ҳолатлар бундан мустасно);

— ТИАВда рўйхатдан ўтказиш шарт бўлмаган контрактлар учун — мажбуриятлардан холи бўлган ўз маблағлари мавжудлиги тўғрисида маълумотнома ёки мазкур контракт бўйича импорт қилувчининг тўлов қобиллилигини тасдиқловчи, белгиланган шаклда, ваколатли банк томонидан бериладиган кафолатнома;

— транспортга оид ва товарга илова қилинадиган ҳужжатлар (инвойс);

— мувофиқлик сертификати (мажбурий сертификатлаштириладиган товарлар учун);

— фитосанитария, карантин (ветеринар) сертификатлари (белгиланган тартибда, зарур ҳолларда ваколатли органлар томонидан тақдим этилади);

— лицензия (мажбурий тарзда лицензияланадиган товарлар учун);

— зарурий ҳолларда ваколатли органлар рухсатномаси;

— божхона юк декларацияси.

Жисмоний шахслар томонидан импорт божхона режими остида жойлаштирилган товарларнинг божхона расмийлаштирувида мазкур расмийлаштирувини амалга ошираётган божхона идораларига қуйидаги ҳужжатлар тақдим этилади:

— транспортга оид ва товарга илова қилинадиган ҳужжатлар (товарларни қўлда ёки кузатилувчи юқда олиб ўтиш ҳоллари бундан мустасно);

— зарур ҳолларда келиб чиқиш, мувофиқлик сертификати, фитосанитария ва ветеринария сертификатларини тақдим этиш;

— божхона юк декларацияси;

— зарур ҳолларда ваколатли органлар рухсатномаси.

6.1. Товарларни эркин муомала учун чиқариш (импорт) режими остида жойлаштиришда, улар қуйидаги қоидаларга мувофиқ тўлдирилган божхона юк декларацияси (матн давомида — БЮД)ни божхона органига тақдим этиш йўли билан декларациялаши шарт.

6.2. Декларант томонидан БЮДнинг қуйидаги устунлари тўлдирилади: 1, 2, 3, 4, 5, 6, 8, 9, 11, 12, 13, 14, 15, 15а, 16, 18, 19, 20, 21, 22, 23, 24, 25, 26, 28, 29, 31, 32, 33, 34, 35, 36, 37, 38, 39, 40, 41, 42, 44, 45, 46, 47, 48, 49, 50, 53. 54, А (БЮДнинг фақат асосий варағида, В ва С 3.4-бандда кўзда тутилган ҳолларда. БЮДнинг бошқа устунлари Ўзбекистон Республикаси ДБҚ бошқа меъёрий ҳужжатларида кўзда тутилган ҳолларда тўлдирилади).

6.3. Товарларни экспорт пайтида олиб чиқишдаги каби тартибда 7, Д ва А (фақат қўшимча варақларда) устунлари божхона идорасининг мансабдор шахси томонидан тўлдирилади.

6.4. Устунларни декларант томонидан тўлдириш тартиби:

Устуннинг 1-бўлимчасида олиб ўтиладиган товарларнинг йўналиши кўрсатилади — «ИМ».

Устуннинг иккинчи бўлимчасида Товарларнинг божхона чегараси орқали олиб ўтилиши русум-қоидалари таснифномасига мувофиқ божхона режимининг икки белгили коди кўрсатилади (2-сон илова).

Учинчи бўлимчада кўрсатилади:

1 — агар импортчи томонидан шахсий эҳтиёжлари учун мўлжалланган маҳсулот олиб кирилса;

0 — агар импортчи томонидан шахсий эҳтиёж учун мўлжалланмаган маҳсулот олиб кирилса.

Устунда товарларининг жўнатувчиси тўғрисидаги маълумотлар берилади:

юридик шахснинг номи (жисмоний шахс учун — исм-шарифи), унинг жойлашган ери (манзили), шу жумладан у жойлашган мамлакатнинг қисқача номи.

Қўшимча варақда устун тўлдирилмайди.

Агар қўшимча варақлар қўлланса устун тўлдирилади.

Агар қўшимча варақлар қўлланса устун тўлдирилади.

Устуннинг биринчи бўлимчасида варақнинг тартиб рақами кўрсатилади, иккинчисида — БЮДда қўшимча варақларни ҳам қўшганда тақдим этилаётган варақларнинг умумий миқдори кўрсатилади.

Масалан, агар иккита қўшимча варақли битта декларация мавжуд бўлса, декларациянинг ўзида — 1/3; биринчи қўшимча варақда — 2/3; иккинчисида 3/3 кўрсатилади.

Қўшимча варақлар ўрнига товарлар рухсатидан фойдаланганда тўлдирилади.

Илова қилинган варақларнинг умумий миқдори кўрсатилади.

Устунда БЮД асосий ва қўшимча варақларининг 31-устунида кўрсатилган, декларация қилинган туркумдаги товарлар номларининг умумий миқдори қўйилади.

Устунда декларация қилинган товарлар туркумининг юк жойлари умумий миқдори кўрсатилади.

Сочиладиган, қуйиладиган товарларни, қувур ўтказгач транспорти орқали, электр ўтказгич линиялар орқали олиб ўтиладиган, шунингдек уйма (уюши) товарларни олиб ўтишда устунда «0» кўрсатилади.

Контейнерларда, қутилар ёки тагликларда олиб ўтиладиган товарлар учун тегишли равишда контейнер, қути, тагликлар миқдори кўрсатилади.

Бир вақтнинг ўзида юқоридаги икки хатбошида кўрсатилган белгиларга эга бўлган товарларни декларация қилишда контейнер, қути, тагликларнинг умумий миқдори кўрсатилади.

Устунда товарларни олувчи тўғрисидаги маълумотлар берилади.

Агар товарларни олувчи юридик шахс бўлса, унинг тўлиқ номи ва жойлашган ери (юридик манзили) кўрсатилади.

Агар олувчи номидан юридик шахснинг тузилмавий бўлинмаси ҳаракат қилса, бу ҳолда тузилмавий бўлинманинг номи ва жойлашган ери (юридик манзили), шунингдек юридик шахс тўғрисида юқорида кўрсатилган маълумотлар берилади.

Агар олувчи жисмоний шахс бўлса, унинг фамилияси, исми, отасининг исми ва унинг доимий яшаш жойининг манзили, шунингдек унинг шахсини тасдиқловчи ҳужжат тўғрисидаги маълумотлар кўрсатилади.

Устуннинг юқоридаги ўнг қисмида «№» белгисидан кейин «Корхона ва ташкилотлар умумий таснифномаси (КТУТ)»га мувофиқ олувчининг 8 белгили коди кўрсатилади, олувчи номидан унинг тузилмавий бўлинмаси ҳаракат қилган ҳолларда тузилмавий бўлинманинг КТУТ коди кўрсатилади.

Хорижий давлатлар, халқаро бирлашма ва ташкилотларнинг дипломатик ваколатхоналарига тегишли товарлар декларация қилинганда аккредитация коди (ТИВ рўйхати муддати) кўрсатилади.

Устуннинг пастки қисмида «№» белгисидан кейин ташкилотнинг Ўзбекистон Республикаси ТИАВда ташқи иқтисодий фаолият қатнашчиси сифатида олинган рўйхат рақами, шунингдек сертификат берилган сана кўрсатилади.

Устуннинг пастки қисмида «№» белгисидан кейин ташкилотнинг Ўзбекистон Республикаси ТИАВда ташқи иқтисодий фаолият қатнашчиси сифатида олинган рўйхат рақами, шунингдек сертификат берилган сана кўрсатилади.

Агар олувчи жисмоний шахс бўлса, юқоридаги ўнг қисмда «№» белгисидан кейин код (КТУТ) ўрнига 00000001 рақамлари, устуннинг пастки қисмидаги «№» белгисидан кейин эса «ЖШ» (ФЛ), яъни жисмоний шахс белгиси ҳарфларда қўйилади, кейин эса каср орқали аҳоли

пунктининг коди Маъмурий-ҳуқуқий бўлиниш белгиси тизимига мувофиқ қўйилади (11-сон илова).

Устунда юридик шахснинг номи ва почта манзили ёки ташқи иқтисодий битимни тузган ва олди-сотди ёки алмашишнинг аниқ битими бўйича ҳисоб-китоблар учун жавобгар бўлган жисмоний шахснинг исм-шарифи, манзили ва унинг шахсини тасдиқловчи ҳужжат тўғрисидаги маълумотлар кўрсатилади.

Устуннинг юқори қисмида «№» белгисидан кейин шахснинг КТУТга мувофиқ 8 белгили коди кўрсатилади.

Устуннинг пастки қисми ҳам худди 8-устундаги каби тартибда тўлдирилади.

Агар товар олувчи импорт қилувчи бўлса, 8-устунга ҳавола берилади (яъни, 8-устунга қаралсин, деган ҳавола).

Текин асосларда амалга ошириладиган битимлар бўйича товарларни олиб ўтишларда устун тўлдирилмайди.

Устунда Жаҳон мамлакатлари таснифномасига мувофиқ (3-сон илова) савдо қилувчи мамлакатнинг рақамли коди кўрсатилади.

Унга мувофиқ равишда, товарлар Ўзбекистон Республикаси божхона чегараси орқали олиб ўтиладиган ёхуд уни бажариш мақсадида Ўзбекистон Республикаси божхона чегараси орқали олиб ўтиладиган товарларнинг божхона режими ўзгартириладиган шартномани БЮД 9-устунида кўрсатилган шахс билан тузган шахс рўйхатига олинган ёки доимий яшайдиган мамлакатни савдо қилувчи мамлакат деб ҳисоблаш лозим.

Агар БЮД да декларация қилинадиган товарлар Ўзбекистон Республикаси божхона чегараси орқали олиб ўтилса ёки Ўзбекистон Республикаси божхона чегараси орқали олиб ўтиладиган товарларнинг божхона режими шартномани бажариш билан боғлиқ бўлмаган ҳолда ўзгартирилса устун тўлдирилмайди.

Устунда контракт (шартнома) валютасида декларация қилинадиган товарларнинг асосий ва қўшимча варақлар 45-устунларида кўрсатилган товарлар қийматларининг суммаси сифатида олинган умумий бож қиймати кўрсатилади.

Устунда БЮДнинг божхона расмийлаштирувига қабул қилинган санага АҚШ долларининг Ўзбекистон Республикаси миллий валютасига нисбатан Ўзбекистон Республикаси Марказий банки томонидан белгиланган курси кўрсатилади.

Устунда товарлар декларанти тўғрисидаги маълумотлар кўрсатилади.

Товарларни декларация қилувчи ташкилотнинг номи ва почта манзили кўрсатилади.

Устуннинг юқори қисмида «№» белгисидан кейин КТУТга мувофиқ бу ташкилотнинг 8 белгили коди кўрсатилади.

Устуннинг пастки қисмида, агар мазкур ташкилот божхона брокери бўлса, бу ҳолда божхона брокери сифатида шартнома асосида товарларни декларация қилиш ҳуқуқини берувчи лицензиянинг Ўзбекистон Республикаси Давлат божхона қўмитаси томонидан берилган санаси, лицензия рақами кўрсатилади. Мустақил декларация қилинган ҳолларда устуннинг пастки қисми худди 8-устундаги каби тартибда тўлдирилади.

Устунда «Жаҳон мамлакатлари таснифномаси» (3-сон илова)га мувофиқ жўнатиш мамлакатининг қисқача номи кўрсатилади.

Ўзбекистон Республикаси божхона чегараси орқали олиб ўтиладиган товарларни декларация қилишда, тегишли равишда товарларни халқаро ташиш амалга оширилган транспорт ҳужжатларида келтирилган маълумотлар асосида жўнатиш мамлакати аниқланади, божхона режими ўзгарадиган товарларни декларация қилишда эса жўнатиш мамлакати тўғрисидаги маълумотлар аввалги БЮД тегишли устунларидан олиб кўрсатилади.

Устуннинг биринчи бўлимчасида «Жаҳон мамлакатлари таснифномаси»га мувофиқ (3-сон илова) товарлари Ўзбекистон Республикасига жўнатилган мамлакатнинг рақамли коди кўрсатилади.

Устунда «Жаҳон мамлакатлари таснифномаси»га мувофиқ товарнинг келиб чиқиш мамлакати қисқача номи кўрсатилади. Агар божхона расмийлаштируви санасида келиб чиқиш мамлакати номаълум бўлса, бу ҳолда устунда «номаълум» деб, агар товар турли мамлакатлардан келиб чиққан бўлса, устунда «турли» деб ёзилади.

Устуннинг чап бўлимчасида товарлар Ўзбекистон Республикасига жўнатишда юкланган транспорт воситалари тўғрисидаги маълумотлар кўрсатилади (дарё кемасининг номи, ҳаво кемасининг рейс рақами ва борт рақами, темир йўл вагони рақами, йўл транспорт воситасининг рўйхат рақами ва шу каби бошқа маълумотлар).

Барча маълумотларни кўрсатиш имкони бўлмаганда «орқа томонига қаралсин» деган ҳавола берилади, БЮД варақларининг орқа томонида транспорт воситалари рақамлари кўрсатилади.

Ўнг бўлимчада транспорт воситаси тегишли бўлган мамлакатнинг рақамли коди кўрсатилади. Код «Жаҳон мамлакатлари таснифномаси» (ЖМТ)га мувофиқ кўрсатилади.

Устунда кўрсатилади:

— агар товарлар контейнерда бораётган бўлса 1;

— агар товарлар контейнерда бормаётган бўлса 0.

Устуннинг биринчи бўлимчасида Етказиб бериш шартлари таснифномасига (4-сон илова) мувофиқ етказиб бериш шартларининг рақамли коди кўрсатилади.

Устуннинг иккинчи бўлимчасида Етказиб бериш шартлари таснифномасига (4-сон илова) мувофиқ географик пунктни кўрсатган ҳолда товарни етказиб бериш шартларининг ҳарфий номи кўрсатилади.

Устунда Ўзбекистон Республикаси божхона чегараси орқали декларация қилинган товарлар ҳақиқатда олиб ўтилган транспорт воситалари тўғрисидаги маълумотлар кўрсатилади.

Устуннинг чап бўлимчасида транспорт воситаси тўғрисидаги қуйидаги маълумотлар кўрсатилади: дарё кемасининг номи, ҳаво кемасининг рейс рақами ва борт рақами, темир йўл вагони рақами, йўл транспорт воситасининг рўйхат рақами ва шу каби маълумотлар.

Устуннинг ўнг бўлимчасида транспорт воситаси тегишли бўлган мамлакатнинг рақамли коди кўрсатилади. Код «Жаҳон мамлакатлари таснифномаси» (3-сон илова)га мувофиқ кўрсатилади.

Устуннинг чап бўлимчасида Валюталар таснифномаси (5-сон илова)га мувофиқ контракт (шартнома) валютасининг рақамли коди кўрсатилади.

Контракт (шартнома) валютаси деганда етказиб берилган товар баҳоланган валюта тушунилади.

Ўзбекистон Республикаси Марказий банки томонидан котировка қилинмайдиган валютада контракт (шартнома) тузилган ҳолда биринчи бўлимчада «100» қўйилади.

Ўнг бўлимчада асосий варақ ва қўшимча варақларнинг 42-устунида кўрсатилган, товарларнинг декларация қилинадиган туркумининг қийматлар суммаси сифатида олинган умумий фактура қиймати рақамларда кўрсатилади.

Устунда контракт валютасининг Ўзбекистон Республикаси миллий валютасига нисбатан БЮД божхона расмийлаштирувига қабул қилинган санага Марказий банки томонидан белгиланган курси кўрсатилади.

Агар Ўзбекистон Республикаси миллий валютаси контракт валютаси бўлса, устун тўлдирилмайди.

24-устун. «Битимнинг хусусияти» Устуннинг чап бўлимчасида Битим хусусияти таснифномаси (6-сон илова)га мувофиқ битим хусусиятининг коди кўрсатилади.

Устуннинг ўнг бўлимчасида Валюталар таснифномаси (5-сон илова)га мувофиқ етказиб берилган товар учун контрагент билан ҳисоб-китоб қилиш валютасининг рақамли коди кўрсатилади.

Ҳисоб-китоб валютаси деганда декларациянинг 9-устунида кўзда тутилган, ташкилотнинг ташқи савдо бити ми бўйича ўзаро ҳисоб-китоблари амалга оширилган ёки ошириладиган валюта тушунилади.

26-устун. «Мамлакат ичидаги транспорт тури» Устунда, товарларни декларация қилиш ҳам амалга ошириладиган божхона органига товарлар етказиб берилган транспорт тури коди кўрсатилади. Код «Транспорт турлари . таснифномаси» (7-сон илова)га мувофиқ кўрсатилади.

28-устун. «Молиявий ва банк маълумотлари» Устунда божхона тўловларини тўловчи шахснинг молиявий ва банк маълумотлари кўрсатилади.

Реквизитларнинг ҳар бири янги сатрдан бошланади ва улар ҳар бирининг олдига тартиб рақами қўйилади:

1 — тўловчининг КТУТ коди / банкнинг КТУТ коди;

2 — банкнинг тўлиқ номи;

3 — банкнинг почта манзили;

4 — Ўзбекистон Республикаси миллий валютасидаги ҳисобварақ рақами;

5 — эркин алмаштириладиган валютадаги тўловлар мавжуд бўлганда валюта ҳисобварағи рақами.

Божхона тўловлари жисмоний шахслар томонидан нақд тўланган ҳолларда 28-устунда «Нақдина тўлов» деб ёзилади.

Устунда товарлар Ўзбекистон Республикасига киритиладиган божхона постининг номи, шунингдек унинг «Божхона пости таснифномаси»га мувофиқ коди (8-илова) кўрсатилади.

ТИФ ТН бўйича товарлар таснифи қоидаларига мувофиқ декларация қилинадиган товарларни муайян 9 белгили субпозицияга бир хилда таснифлаш имконини берувчи товарларнинг фирма номлари ва уларнинг техник хусусиятлари, шу жумладан модель рақамлари, турлари, ўлчамлари, ГОСТлар, кўрсаткичлар ва ҳоказолар кўрсатилади. Декларация қилинадиган товарларни ТИФ ТНда келтирилган товар позицияси умумий номи билан кўрсатишга йўл қўйилмайди.

Шундан кейин юк жойларининг тури ва миқдори ҳамда уларнинг тамғаланиши бўйича маълумотлар берилади.

Контейнерларда ташиладиган товарлар учун миқдор кўрсатилади ва бўш жойдан кейин контейнерлар рақами кўрсатилади.

Устуннинг пастки ўнг бурчагида махсус ажратилган ҳошияда товарларнинг қўшимча ўлчов бирлигида миқдори, ТИФ ТНга мувофиқ ўлчов бирлигининг шартли белгиси кўрсатилади (қўшимча ўлчов бирлиги коди 41-устунда қўйилади).

Фақат асосий ўлчов бирлиги — «кг» қўлланган ҳолларда устуннинг пастки ўнг қисми тўлдирилмайди.

Қўшимча варақлардаги фойдаланилмаган «Товар тавсифи» устунлари чизиб ўчирилади.

Пастки чап бурчакда ажратилган ҳошиядаги «№» белгиси остида декларация қилинадиган товар истеъмолчиси бўлган ташкилотнинг КТУТига мувофиқ 8 белгили коди кўрсатилади.

Агар истеъмолчилар бир нечта бўлса, у ҳолда мазкур товарни импорт қилувчи ташкилот КТУТига мувофиқ код кўрсатилади.

Устунда 31-устунда декларация қилинадиган товарнинг тартиб рақами кўрсатилади.

Декларацияда ва қўшимча варақларда декларация қилинадиган товарлар миқдори 100 тадан ошмаслиги керак. Бу миқдордан ошиб кетилганда янги декларация расмийлаштирилади.

Агар бир номдаги товарлар декларация қилинса, бу ҳолда устунда «1» қўйилади.

Устуннинг чап қисмида 31-устунда декларация қилинадиган товарларнинг ТИФ ТН бўйича 9 белгили коди кўрсатилади. Код тузилиш жиҳатидан бўш жойларсиз ва бошқа ажратиш белгиларисиз ёзилади.

Устуннинг чап бўлимчасида «Жаҳон мамлакатлари таснифномаси»га мувофиқ 31-устунда декларация қилинадиган товарлар келиб чиқиш мамлакатининг рақамли коди кўрсатилади.

Агар божхона расмийлаштируви вақтига келиб чиқиш мамлакати номаълум бўлса, у ҳолда «000» коди қўйилади.

Устунда 31-устунда тавсифланган товарнинг брутто вазни (килограммларда) кўрсатилади. Брутто вазни — ўраб-жойлаш материаллари вазнини ҳам қўшиб ҳисоблаганда, товарнинг яхлитлаш қоидалари бўйича бутун миқдорларгача яхлитланган умумий вазнидир.

Вазни бир килограммдан кам бўлган товарлар учун 0.ХХХ нуқтали сони кўрсатилади, бу ерда XXX — товарнинг граммлардаги вазни.

Устунда «Преференциялар, имтиёзлар ёки божхона тўловларини тўлашнинг бошқа хусусиятлари таснифномаси»га мувофиқ берилган преференциялар, имтиёзлар ёки божхона тўловларини тўлашнинг бошқа хусусиятларининг ҳарфли коди (9-сон илова) куйидаги чизма бўйича кўрсатилади: 1/2/3/4, бу ерда тегишли равишда:

1 — божхона расмийлаштируви учун божхона йиғимларини тўлаш бўйича хусусият коди;

2 — божхона божини тўлаш бўйича хусусият коди;

3 — акциз солиғини тўлаш бўйича хусусият коди;

4 — қўшилган қиймат солиғини тўлаш бўйича хусусият коди.

Устунда «Ўзбекистон Республикаси божхона чегараси орқали товарларни олиб ўтиш русум-қоидалари таснифномаси»га мувофиқ (2-сон илова) қуйидаги уч таркибий қисмдан иборат бўлган Ўзбекистон Республикаси божхона чегараси орқали товарларни олиб ўтиш русум-қоидаларининг 6 белгили таркибий коди кўрсатилади:

кейинги икки рақам — аввалги божхона режими коди, агар у мавжуд бўлса. Агар аввалги божхона режими номаълум ёки бўлмаган бўлса, у ҳолда «00» қўйилади;

охирги икки рақам — «Ўзбекистон Республикаси божхона чегараси орқали товарларни олиб ўтиш русум-қоидалари таснифномаси»да белгилаб қўйилган, декларация қилинадиган товарларнинг хусусият коди. Агар юқорида қайд этилган таснифномада товарларни ўтказиш хусусиятлари аниқланмаса, у ҳолда «00» қўйилади.

Устунда 31-устунда таснифланган товарнинг нетто вазни (килограммларда) кўрсатилади. Нетто вазни — товарнинг соф вазни бўлиб, унинг истеъмол қилиниши чоғигача ажралмас қисми бўлиб ҳисобланадиган ва товар чакана савдога етиб келгунига қадар унда бўладиган ўраб-жойлаш сиртини ҳам ўз ичига олади ёки қуйилувчи ва сочилувчи товарлар учун яхлитлаш қоидалари бўйича бутун миқдорларгача яхлитланган умумий вазн.

Вазни бир килограммдан кам бўлган товарлар учун 0.ХХХ нуқтали сони кўрсатилади, бу ерда XXX — товарнинг граммлардаги вазни.

Миқдорий чеклашлар белгиланган товарлар учун тўлдирилади.

Устунда ажратилган квота қолдиғи олинган лицензияга мувофиқ ўлчов бирлигида кўрсатилади.

Товарнинг декларация қилинаётган туркуми квота қолдиғини белгилашда ҳисобга олинмайди.

Агар эълон қилинаётган божхона режимидан олдин бошқа божхона режими бўлган бўлса ёки вақтинча, даврий ёхуд умумий декларация тақдим этилган бўлса, устун тўлдирилади.

Устунда аввалги декларациянинг маълумот рақами кўрсатилади.

Устунда ТИФ ТНда келтирилган «Ўлчов бирликлари жадвали»га мувофиқ, 31-устуннинг пастки ўнг бўлимчасида берилган товарлар миқдорининг қўшимча ўлчов бирликлари коди кўрсатилади.

Агар мазкур товар учун ТИФ ТН бўйича фақат асосий ўлчов бирлиги (кг) кўрсатилса, устун тўлдирилмайди.

Устунда 31-устунда декларация қилинадиган товарнинг ҳақиқатда тўланган ёки тўланиши лозим бўлган ёхуд товарлар, ишлар, хизматларни муқобил етказиб бериш билан компенсацияланадиган, ҳақи тўланадиган шартнома шартларига мувофиқ ақлий мулк натижаларининг фактура қиймати шартнома валютасида кўрсатилади.

Устунда қуйидагилар кўрсатилади (реквизитларнинг ҳар бири янги сатрдан бошланади ва улардан ҳар бирининг олдидан тартиб рақами кўрсатилади):

1 — лицензия рақами ва берилган санаси, шунингдек унинг амал қилиш муддати;

2 — товар-транспорт ҳужжатлари, ҳисобварақ-фактуралар, инвойсларнинг рақамлари;

3 — шартнома (контракт, битим)нинг, шартномага қўшимчанинг рақами ва санаси, шунингдек шартноманинг умумий суммаси;

4 — бошқа давлат органлари (уларнинг номи кўрсатилади) рухсатномасининг рақами ва берилган санаси, агар товарлар бу органларнинг назоратига тегишли бўлса;

5 — контрактнинг Ўзбекистон Республикаси ТИАВда рўйхатдан ўтказилган рақами ва санаси;

6 — божхона тўловларини тўлашдан озод этишни кўзда тутган ҳужжатнинг номи, рақами ва санаси;

7 — товарнинг келиб чиқиши тўғрисидаги сертификатнинг рақами ва санаси;

8 — божхона расмийлаштируви учун зарур бўлган бошқа ҳужжатлар ва маълумотлар (божхона тўловлари муддатининг узайтирилиши, гаров шартномалари, НТЗ баённомаси, қайта декларациялаш ва ҳоказо).

Устунда 31-устунда декларация қилинадиган товарларнинг бож қиймати декларациясида (БҚД) эълон қилинадиган «Бож тарифи тўғрисида»ги Ўзбекистон Республикаси қонунида белгиланган, товарларнинг бож қийматини белгилаш усулларига мувофиқ ҳисоблаб чиқилган бож қиймати контракт валютасида кўрсатилади.

Устунда товарларнинг 45-устунда келтирилган бож қиймати бўйича Х.ХХнинг иккинчи белгисигача аниқликда қайта ҳисоблаб чиқилган статистик қиймати минг АҚТТТ доллари миқдорида кўрсатилади.

Статистик қийматни АКД1 долларида қайта ҳисоблашда Ўзбекистон Республикаси Марказий банки томонидан белгиланган, декларация божхона расмийлаштирувига қабул қилинган санадаги курси қўлланилади.

Божхона тўловлари суммасини ҳисоблаш БЮД асосий варағи ва қўшимча варақларидаги 31-устунларда эълон қилинган ҳар бир товар бўйича божхона тўловлари турларига кўра алоҳида амалга оширилади. Доимо БЮДнинг асосий варағи 47-устунида кўрсатиладиган жисмоний шахслар томонидан олиб кириладиган товарлар учун йиғимлар ва божхона расмийлаштируви учун йиғимлар бундан мустасно.

«Тури» кичик устунида Божхона тўловлари таснифномаси (10-сон илова)га мувофиқ божхона тўлови турининг коди кўрсатилади.

«Ҳисоблаш асоси» кичик устунида божхона тўловининг қонун ҳужжатларига мувофиқ белгиланган ҳисоблаш асоси кўрсатилади. Ҳисоблаш асосини аниқлашда 12 ва 45-устунларда кўрсатилган товарлар қийматларини декларация божхона расмийлаштирувига қабул қилинган санадаги Марказий банк томонидан белгиланган курс бўйича қайта ҳисоблаш амалга оширилади.

«Ставка» кичик устунида божхона тўлови суммасини ҳисоблашда қўлланадиган божхона тўловлари ставкасининг белгиланган миқдори кўрсатилади.

«Сумма» кичик устунида божхона тўловининг Ўзбекистон Республикаси миллий валютасида ҳисобланган суммаси кўрсатилади.

«ТУ» кичик устунида тўлов усулининг икки белгили ҳарфий коди кўрсатилади:

«нҳ» — банк орқали нақдсиз ҳисоб-китоб;

«нт» — божхона тўловларининг нақд тўлов суммаси;

«му» — божхона тўловлари бўйича муддати узайтирилган тўлов тақдим этилган;

«бт» — божхона тўловлари бўйича бўлиб-бўлиб тўлаш тақдим этилган;

«00» — тўлов амалга оширилмаслиги керак.

Устунда тўловлар бўйича узайтирилган муддат ёки бўлиб-бўлиб тўлаш тақдим этилган ҳолда бундай тўловларни тўлашнинг охирги муддати кўрсатилади. У олти рақамли бўлиб, уларнинг ҳар бир жуфтлиги нуқталар билан ажратилади ва тегишли равишда кун, ой ва йилни англатади.

Устунда божхона ёки эркин омборни ташкил этиш учун берилган лицензия рақами ва санаси кўрсатилади, агар декларация қилинадиган товарлар илгари тегишли режимларда жойлаштирилган бўлса.

50-устун. «Ишончнома берувчи шахс» Устунда қуйидаги мазмундаги ёзув ёзилади:

«Тақдим этилган маълумотлар учун жавобгар ... », кейин эса божхона расмийлаштируви бўйича мутахассисга декларацияга киритиш учун зарур маълумотларни тақдим этган, божхона чегараси орқали товар ва транспорт воситаларини олиб ўтувчи ташкилот ёки жисмоний шахсга ишончнома берувчи шахснинг фамилияси, исми, отасининг исми, лавозими, телефон рақамлари, унинг шахсий имзоси ва сана кўрсатилади.

Агар ишончнома берувчи шахс декларацияни тўлдирган божхона расмийлаштируви бўйича мутахассис бўлса, қуйидаги мазмундаги ёзув ёзилади:

«Тақдим этилган маълумотлар» учун жавобгар 54-устунга қаралсин.

53-устун. «Божхона ва тайинланган мамлакат» Устунда, божхона расмийлаштирувини ўтказиш учун ички божхона органига товарлар келтирилишига асос бўлган божхона транзити ҳужжатлари тўғрисидаги маълумотлар кўрсатилади (реквизитларнинг ҳар бири янги сатрдан бошланади ва улар ҳар бирининг олдига тартиб рақами қўйилади):

1 — етказиб бериш назорати ҳужжатининг (ЕБНҲ) рақами;

2 — МДП дафтарчасининг рақами ва санаси.

Устунда 14-устунда кўрсатилган шахс номидан БЮД топширувчи, божхона расмийлаштируви бўйича мутахассис тўғрисида қуйидаги маълумотлар кўрсатилади:

— БЮД тўлдирилган жой ва сана;

— божхона расмийлаштируви бўйича мутахассиснинг фамилияси, инициаллари, ихтисослик шаҳодатномасининг рақами, шунингдек унинг амал қилиш муддати;

— декларант ташкилотнинг телефон рақами. БЮДда эълон қилинган маълумотларнинг ишончлилиги божхона расмийлаштируви бўйича мутахассиснинг имзоси ва декларант-ташкилотнинг муҳри билан тасдиқланади.

Қўшимча варақларда бундай тасдиқнома ҳар бир қўшимча варақнинг «С» устуни устида жойлашган, пастки ўнг қисмида амалга оширилади.

А устуни

Устунда 9-устунда кўрсатилган шахснинг ташқи савдо шартномаси (контракт)ни ҳисобга олган ваколатли банкнинг реквизитлари, шунингдек бу шахснинг ҳисоб варақлари рақами кўрсатилади (реквизитларнинг ҳар бири янги сатрдан бошланади ва хар бирининг олдига тартиб рақами қўйилади):

1 — банкнинг КТУТ коди;

2 — банкнинг тўлиқ номи;

3 — банкнинг почта манзили;

4 — Ўзбекистон Республикаси миллий валюта ҳисобварағи рақами;

5 — валюта ҳисобварағи рақами.

Товарларни банкда ҳисобга олиш шарт бўлмаган шартномалар бўйича олиб ўтиш ҳолларида, 9-устунда кўрсатилган шахснинг ҳисобварақларда хизмат кўрсатувчи банкнинг ҳисобварақлари кўрсатилади.

Товарлар банқда ўз ҳисобварақларига эга бўлмаган жисмоний шахслар томонидан импорт қилинганда «А» устуни тўлдирилмайди.

В устуни. «Ҳисоблаш тафсилотлари»

Устунда Божхона тўловлари таснифномасига (10-сон илова) мувофиқ БЮД асосий варағи ва қўшимча варақлар бўйича тўловлардан иборат бўлган тўлов коди кўрсатилади, шунингдек божхона тўловлари тўланганини тасдиқловчи тўлов ҳужжатларининг рақами ва санаси кўрсатилади.

Устунда қуйидагилар кўрсатилади (реквизитларнинг ҳар бири янги сатрдан бошланади ва уларнинг ҳар бирининг олдига тартиб рақами қўйилади):

1 — импорт контрактларини Ўзбекистон Республикаси божхона органларида ҳисобга (рўйхатга) қўйиш символи, рақами ва санаси.

Масалан: Им-Ўз 123-сон 12.05.98 й. - ДБҚда 12.05.98 й. да 123-сон билан ҳисобга қўйилган импорт контракти-ни англатади. Бунда ДБҚ томонидан ҳисобга олинган импорт контрактининг символи «Им-Ўз» билан белгиланади. Вилоятларда ҳисобга қўйилган импорт контракти символининг иккинчи қисмида тегишли вилоят белгиси қўйилади, яъни «Им-ТН» — Тошкент шаҳри, «Им-ТШ» — Тошкент вилояти, «Им-СН» — Самарқанд вилояти ва ҳоказо;

2 — товарларни Ўзбекистон Республикаси ҳудудига олиб кириш санаси.

Олиб кириш санаси қуйидагича белгиланади:

— авиа- ва темир йўл транспорти учун _ товарнинг Ўзбекистон Республикаси божхона чегарасидан ўтишининг товар-транспорт юкхатида кўрсатилган санаси бўйича;

— автотранспорт учун — олиб ўтиш қайдномаси берилган сана бўйича товарга илова қилинувчи ҳужжатларга чегарадаги божхона постида — Ўзбекистон Республикаси чегарасини кесиб ўтиш пунктида бурчак муҳр қўйилган сана бўйича;

3 — импорт битими паспортини расмийлаштириш рақами ва санаси.

Устунда қуйидаги чизма бўйича декларация қабул қилиш режими ва санаси кўрсатилади:

1-сон элемент — Божхона постлари таснифномасига мувофиқ божхона органининг беш белгили рақамли коди;

2, 3 ва 4-сон элементлар — божхона расмийлаштирувига декларация қабул қилиш куни, ойи ва йили;

5-сон элемент — тегишли божхона органи томонидан расмийлаштирилган декларантнинг тартиб рақами (жорий йилда ўсиб борувчи якун билан, йил тугаши билан рақамлаш янгиланади).

Декларациянинг тартиб рақами такрорланмаслига керак.

Устунда божхона органларининг муҳр ва бурчак муҳрлари, шунингдек зарур ҳолларда божхона назорати натижаларидан далолат берувчи бошқа белгилар қўйилади.

Божхона назорати натижалари хусусидаги бурчак муҳрлар товарларни олиб ўтиш тўғрисида қарор қабул қилган божхона органи инспекторининг рақамли муҳри билан тасдиқланади. Божхонанинг бошқа бурчак муҳрларини қўйиш учун БЮД орқа томонидан фойдаланишга йўл қўйилади.

БЮД орқа томонидан бошқа зарурий маълумотларни тақдим этиш учун, шунингдек БЮД устунларига тегишли маълумотларни уларни олд томонига сиғдириш имконияти бўлмаган ҳолларда фойдаланишга йўл қўйилади. Бундай ҳолларда мазкур маълумотлар битта чизиқ билан ўралади ва товарни декларация қилувчи шахс (декларант ёки божхона брокери) муҳри билан, шунингдек товарни ўтказиш тўғрисида қарор қабул қилган божхона органи мансабдор шахсининг шахсий рақамли муҳри билан тасдиқланади.

Мазкур меъёрий ҳужжат қабул қилиниши муносабати билан «Ўзбекистон Республикаси божхона чегараси орқали олиб ўтиладиган товарларни ўтказиш ва декларация қилиш тартиби тўғрисида»га Вақтинчалик йўриқноманинг I, II, IX, X бўлимлари ва Давлат божхона қўмитаси томонидан 1993 йил 23 декабрда 162-сон буйруқ билан тасдиқланган, Ўзбекистон Республикаси Адлия вазирлиги томонидан 1993 йил 14 октябрда 3-сон билан рўйхатга олинган «Божхона юк декларациясини тўлдириш тартиби тўғрисида»ги Вақтинчалик йўриқноманинг I, II, III бўлимлари ва иловалар, Ўзбекистон Республикаси Адлия вазирлиги томонидан 1995 йил 20 сентябрда 176-сон билан рўйхатга олинган «Жисмоний шахслар томонидан Ўзбекистон Республикаси божхона чегараси орқали олиб ўтиладиган товарларга божхона юк декларацияси тўлдириш тартиби тўғрисида»ги Вақтинчалик йўриқнома, шунингдек Ўзбекистон Республикаси Адлия вазирлиги томонидан 1995 йил 20 сентябрда 175-сон билан рўйхатга олинган Экспорт ва импорт божларини ҳамда божхона русум-қоидаларини ўтказиш учун йиғимларни ҳисоблаш ва ундириш Вақтинчалик йўриқномасининг божхона юк декларацияси устунларини тўлдириш қисми ўз кучини йўқотади.