LexUZ шарҳи
Мазкур қарор Ўзбекистон Республикаси Марказий банки бошқаруви, Молия вазирлиги ва Давлат солиқ қўмитасининг 2020 йил 25 августдаги 18/4, 38 ва 2020-32-сонли ««Ўзбекистон Республикаси ҳудудида нақд чет эл валютасини қабул қилиш тартиби тўғрисидаги низомни тасдиқлаш ҳақида»ги қарор, шунингдек унга ўзгартириш ва қўшимчаларни ўз кучини йўқотган деб топиш тўғрисида»ги қарорига (рўйхат рақами 1165-10, 31.08.2020 й.) асосан 2020 йил 1 сентябрдан ўз кучини йўқотади.
Ўзбекистон Республикасининг «Ўзбекистон Республикаси Марказий банки тўғрисида»ги Қонуннинг 40-моддаси ва «Валютани тартибга солиш тўғрисида»ги Қонуннинг 7 ва 21-моддаларига мувофиқ ва Ўзбекистон Республикаси Президентининг 2002 йил 27 июндаги ПФ-3099-сонли «Ўзбекистон Республикасида нақд хорижий валютанинг муомаласини тартибга солиш бўйича қўшимча чоралар тўғрисида»ги Фармони, Вазирлар Маҳкамасининг 2001 йил 22 июндаги 263-сонли «Валюта бозорини янада эркинлаштириш чора-тадбирлари тўғрисида»ги ҳамда 2002 йил 28 июндаги 235-сонли «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида»ги қарорларининг ижросини таъминлаш мақсадида, Ўзбекистон Республикаси Марказий банки Бошқаруви, Ўзбекистон Республикаси Молия вазирлиги ва Ўзбекистон Республикаси Давлат солиқ қўмитаси қарор қилади:
1. Ўзбекистон Республикаси ҳудудида нақд хорижий валютани қабул қилиш тартиби тўғрисидаги низом (янги таҳрирда) иловага мувофиқ тасдиқлансин.
2. Ушбу қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб, 10 кундан сўнг кучга киритилсин.
3. Мазкур қарор кучга киритилгандан сўнг «Ўзбекистон Республикаси ҳудудида товарлар ва хизматлар тўлови учун нақд хорижий валютани қабул қилиш тартиби тўғрисидаги Низом» (рўйхат рақами 1046, 3.07.2001 й., Меъёрий ҳужжатлари ахборотномаси, 2001 й., 13-сон) ва «Ўзбекистон Республикаси ҳудудида товарлар ва хизматлар тўлови учун нақд хорижий валютани қабул қилиш тартиби тўғрисидаги Низомга 1-сон ўзгартириш» (рўйхат рақами 1046-1, 31.08.2001 й., Меъёрий ҳужжатлари ахборотномаси, 2001 й., 16-сон) ўз кучини йўқотган деб ҳисоблансин.
Ўзбекистон Республикаси Марказий банки Бошқаруви, Молия вазирлиги ва Давлат солиқ қўмитаси томонидан 2002 йил 27 июль, 222-В, 89, 2002-62-сон қарори билан
«ТАСДИҚЛАНГАН»
«ТАСДИҚЛАНГАН»
Мазкур Низом Ўзбекистон Республикасининг «Ўзбекистон Республикаси Марказий банки тўғрисида»ги ва «Валютани тартибга солиш тўғрисида»ги (янги таҳрирда) қонунларига мувофиқ ишлаб чиқилган ҳамда қонун ҳужжатларида назарда тутилган ҳолларда Ўзбекистон Республикаси ҳудудида чет эл валютасида ҳисоб-китоблар ва тўловларни амалга ошириш пайтида нақд чет эл валютасини қабул қилиш тартибини белгилайди.
в1) Ўзбекистон Республикаси Президентининг 2017 йил 29 декабрдаги ПҚ-3451-сон «Хорижий давлатларда кўргазма тадбирларини ўтказиш учун мўлжалланган товарларни олиб чиқиш тартибини соддалаштириш чора-тадбирлари тўғрисида»ги қарорига мувофиқ хорижий давлатларда ўтказиладиган кўргазма ва ярмаркаларда сотилган товарлар;
д) бож тўламасдан савдо қиладиган дўконлардаги ҳисоб-китоблар билан, шунингдек халқаро ташишлар пайтида транспорт воситаларининг бориш йўлида йўловчиларга товарлар ва хизматлар сотилганда ҳисоб-китоблар билан боғлиқ операциялар;
е) кредитлар бўйича муддатли ва кечиктирилган қарзларни ҳамда улар бўйича чет эл валютасидаги фоизларни сўндириш;
ж) қонун ҳужжатларида белгиланган тартибда юридик шахсларнинг устав фондига (устав сармоясига) бадални тўлаш;
к) қонун ҳужжатларида белгиланган тартибда суғурталаш ва қайта суғурталаш шартномалари бўйича қарзларни сўндиришда;
к1) норезидент хўжалик юритувчи субъектлар томонидан экспорт қилинадиган товарлар (ишлар, хизматлар);
к2) жисмоний шахс — норезидент томонидан ташқи савдо шартномаси бўйича дебитор қарздорликларни сўндириш учун;
(1-банд Ўзбекистон Республикаси Марказий банки Бошқаруви, Молия вазирлиги, Давлат солиқ қўмитасининг 2019 йил 22 июндаги 222-B-9, 80, 2019-42-сонли қарорига (рўйхат рақами 1165-9, 05.07.2019 й.) асосан «к2» кичик банд билан тўлдирилган — Қонун ҳужжатлари маълумотлари миллий базаси, 05.07.2019 й., 10/19/1165-9/3382-сон)
2. Кўрсатилган тўловлар нақд хорижий валютада, шунингдек пластик тўлов ва кредит карточкалар орқали ҳам амалга оширилиши мумкин.
3. Мазкур Низом доирасида сотилган товарлар (ишлар, хизматлар) тўлови учун қуйидаги хорижий валюталар қабул қилиниши мумкин:
4. Мазкур Низом 1-бандининг «в1» , «е» , «ж» , «з» , «и» , «к» , «к1» , «н» кичик бандларида назарда тутилган ҳолларда нақд чет эл валютасини қабул қилиш тижорат банкларининг кассаларида Тижорат банкларида касса ишини ташкил этиш, нақд пул ва бошқа қимматликларни инкассация қилишга доир йўриқномага (рўйхат рақами 3028, 2018 йил 29 июнь) мувофиқ амалга оширилади.
(4-банд Ўзбекистон Республикаси Марказий банки Бошқаруви, Молия вазирлиги, Давлат солиқ қўмитасининг 2019 йил 16 февралдаги 222-В-8, 15, 2019-11-сонли қарори (рўйхат рақами 1165-8, 28.02.2019 й.) таҳририда — Қонун ҳужжатлари маълумотлари миллий базаси, 28.02.2019 й., 10/19/1165-8/2685-сон)
41. Мазкур Низомнинг 1-банди «ж», «з», «к1» ва «к2» кичик бандларида назарда тутилган ҳолларда жисмоний шахс — норезидент томонидан қуйидаги ҳужжатлардан бири тақдим этилганда нақд чет эл валютаси банк кассасига қабул қилинади:
жисмоний шахс — норезидент томонидан нақд чет эл валютасини чет элдан олиб келганлигини тасдиқловчи йўловчи божхона декларацияси;
маблағлар банкомат (терминал) орқали жисмоний шахс — норезидентнинг банк карталаридан ечилганлигини тасдиқловчи чеклар;
жисмоний шахс — норезидент номига унинг Ўзбекистон Республикаси банкларида очилган ҳисобварақларига чет элдан келиб тушган маблағларнинг ечилганлигини тасдиқловчи банк маълумотномалари.
Нақд чет эл валютаси норезидент томонидан берилган ишончнома асосида жисмоний шахс — резидентлардан қабул қилинганда, пул маблағлари ушбу жисмоний шахс-резидент томонидан чет элдан олиб келганлигини тасдиқловчи йўловчи божхона декларациясининг тақдим этилиши мажбурий шарти бўлиб ҳисобланади.
(41-банд Ўзбекистон Республикаси Марказий банки Бошқаруви, Молия вазирлиги, Давлат солиқ қўмитасининг 2019 йил 22 июндаги 222-B-9, 80, 2019-42-сонли қарорига (рўйхат рақами 1165-9, 05.07.2019 й.) асосан киритилган — Қонун ҳужжатлари маълумотлари миллий базаси, 05.07.2019 й., 10/19/1165-9/3382-сон)
9. Мазкур Низом 1-бандининг «в» ва «д» кичик бандларида назарда тутилган ҳолларда корхоналар ва ташкилотларнинг махсус кассаларига нақд хорижий валютани қабул қилиш Ўзбекистон Республикаси ҳудудида чет эл валютасида касса операцияларини юритиш тартибига (рўйхат рақами 611, 1999 йил 22 январь) мувофиқ, валюта тушумини белгиланган тартибда инкассация қилган ҳолда амалга оширилади.
12. Мазкур Низомнинг талабларини бузганликда айбдор бўлган шахслар қонунчиликда белгиланган тартибда жавобгарликка тортиладилар.