Т/р

Чора-тадбирлар номи

Амалга ошириш механизми

Ижро муддати

Масъул ижрочилар

I. Норматив-ҳуқуқий базани такомиллаштириш

1.

Зўравонликдан жабрланган болалар учун профессионал тутинган оила хизматини йўлга қўйиш.

Профессионал тутинган оилани ташкил этиш бўйича норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш.

Бунда профессионал тутинган оилани ташкил этиш, фаолиятини молиялаштириш, зўравонлик натижасида оиласидан олинган ва ўзига нисбатан зўравонлик содир этилиши хавфи остида бўлган, шунингдек, ижтимоий жиҳатдан хавфли аҳволда бўлган болаларни жойлаштириш тартиби назарда тутилади.

2026 йил январь

Ижтимоий ҳимоя миллий агентлиги,

Ички ишлар вазирлиги,

Иқтисодиёт ва молия вазирлиги

2.

Зўравонликнинг ҳар қандай шаклидан жабрланган ва зўравонликка гувоҳ бўлган болаларни ҳимоя қилиш тизимини такомиллаштириш.

Қонун ҳужжатларига қуйидагиларни назарда тутувчи ўзгартириш ва қўшимчалар киритиш бўйича қонун лойиҳасини киритиш:

(а) вояга етмаганлар масалалари бўйича инспектор-психологлар (катта инспектор-психологлар)га зўравонлик содир этган ёхуд уларни содир этишга мойил бўлган шахс томонидан ҳимоя ордери талабларини бажармаганлик учун маъмурий ҳуқуқбузарлик тўғрисидаги баённомани тузиш ваколатини бериш;

(б) зўравонликдан жабрланган болаларга ва зўравонликка гувоҳ бўлган болаларга улар тегишли процессуал хатти-ҳаракатларга жалб этилган вақтдан эътиборан давлат ҳисобидан юридик ёрдамдан фойдаланиш ҳуқуқини бериш;

(в) болаларга нисбатан уларнинг қонуний вакиллари ёки бошқа қариндошлари томонидан зўравонлик ҳолатлари бўйича ишни судга қадар юритиш ва суд муҳокамаси жараёнларидаги барча процессуал ҳаракатларни амалга оширишда васийлик ва ҳомийлик органи вакилининг иштирокида кўриш амалиётини жорий этиш;

(г) болаларга нисбатан зўравонлик содир этиш билан боғлиқ жиноят ишлари бўйича жабрланган болаларнинг дастлабки кўрсатувларини мажбурий тарзда видео тасвирга тушириш тартибини жорий этиш;

(д) мулкчилик шаклидан қатъи назар таълим, соғлиқни сақлаш ва аҳолини ижтимоий ҳимоя қилиш ташкилотлари ходимлари томонидан болаларга нисбатан зўравонлик билан боғлиқ аниқланган фактлар ҳақида хабар бермаганлик учун маъмурий жавобгарлик киритиш;

(ж) Болалар масалалари бўйича Қорақалпоғистон Республикаси, вилоятлар, Тошкент шаҳри ва туман (шаҳар) комиссиялари қарорларини ижро этмаслик ёки ижро этишга тўсқинлик қилганлик учун маъмурий жавобгарлик белгилаш;

(з) вояга етмаган шахсни махсус ўқув-тарбия муассасасига жойлаштириш тариқасидаги мажбурлов чораси ўрнига муқобил мажбурлов чораларини жорий этиш.

2026 йил апрель

Ички ишлар вазирлиги,

Бош прокуратура,

Олий суд,

Адлия вазирлиги,

Болалар омбудсмани,

Ижтимоий ҳимоя миллий агентлиги

3.

Ўзбекистон Республикасининг Маъмурий жавобгарлик тўғрисидаги кодекси, Жиноят-ижроия кодекси, Жиноят кодекси ва Жиноят-процессуал кодексининг болаларни жисмоний зўравонлик, жинсий зўравонлик ва жинсий эксплуатация қилиш, руҳий зўравонлик, ғамхўрлик кўрсатмаслик, таъқиб этилишдан (шу жумладан, телекоммуникация тармоқларидан ёки Интернет жаҳон ахборот тармоғидан фойдаланган ҳолда) ҳимоя қилиш билан боғлиқ моддаларини қайта кўриб чиқиш.

1. Ишчи гуруҳ тузган ҳолда илғор хорижий давлатлар тажрибаларини ўрганиш.

2026 йил март

Ички ишлар вазирлиги,

Бош прокуратура,

Олий суд,

Адлия вазирлиги,

Болалар омбудсмани,

Ижтимоий ҳимоя миллий агентлиги

2. Болаларга нисбатан жисмоний зўравонлик, жинсий зўравонлик ва жинсий эксплуатация қилиш, руҳий зўравонлик, ғамхўрлик кўрсатмаслик, таъқиб этганлик (шу жумладан, телекоммуникация тармоқларидан ёки Интернет жаҳон ахборот тармоғидан фойдаланган ҳолда) учун жавобгарликни кучайтиришни назарда тутувчи қонун лойиҳасини ишлаб чиқиш ва белгиланган тартибда киритиш. Бунда:

(а) болаларнинг ўлимига сабаб бўлган жиноий хатти-ҳаракатларни содир қилган шахслар амнистия акти асосида, ярашилганлиги муносабати билан жавобгарликдан озод қилинмаслиги, енгилроқ жазо тайинлаш ва шартли ҳукм қўлланилмаслигига;

(б) вояга етмаган шахсларга нисбатан жинсий зўравонлик содир этган шахсларни жавобгарликка тортиш ёки жазони ижро этиш муддати ўтиб кетганлиги муносабати билан жавобгарликдан ёки жазодан озод қилишга йўл қўйилмаслигига алоҳида эътибор қаратилади.

2026 йил апрель

4.

Европа Кенгашининг болаларни жинсий эксплуатация қилиш ва жинсий зўравонликдан ҳимоя қилиш тўғрисидаги Конвенциясига (Лансароте, 2007 йил 25 октябрь) қўшилишнинг мақсадга мувофиқлигини ўрганиб чиқиш.

1. Конвенцияга қўшилиш юзасидан миллий экспертлар гуруҳини шакллантириш.

2026 йил февраль

Инсон ҳуқуқлари бўйича миллий марказ,

Ижтимоий ҳимоя миллий агентлиги,

Бош прокуратура,

Ички ишлар вазирлиги,

Ташқи ишлар вазирлиги,

Адлия вазирлиги,

Олий суд

2. Конвенцияга қўшилишнинг мақсадга мувофиқлигини ўрганиш.

2026 йил март

3. Умумлашган хулосани Ўзбекистон Республикаси Президенти Администрациясига кўриб чиқиш учун киритиш.

2026 йил апрель

5.

Бола ҳуқуқлари тўғрисидаги конвенциянинг хабар бериш тартибига оид Факультатив протоколига қўшилиш масаласини кўриб чиқиш.

1. Факультатив протоколга қўшилиш юзасидан миллий экспертлар гуруҳини шакллантириш.

2026 йил январь

Инсон ҳуқуқлари бўйича миллий марказ,

Болалар омбудсмани,

Ижтимоий ҳимоя миллий агентлиги,

Ташқи ишлар вазирлиги,

Адлия вазирлиги,

Бош прокуратура

2. Факультатив протоколга қўшилишнинг мақсадга мувофиқлигини ўрганиш.

2026 йил февраль

3. Умумлашган хулосани Ўзбекистон Республикаси Президенти Администрациясига кўриб чиқиш учун киритиш.

2026 йил апрель

6.

Ҳуқуқни муҳофаза қилиш ва суд органлари томонидан амалга ошириладиган процессуал ҳаракатлар жараёнида болаларнинг ҳуқуқларини ишончли ҳимоя қилиш тизимини такомиллаштириш.

1. Мутасадди вазирлик ва идоралар мутахассисларидан иборат ишчи гуруҳ тузиш.

2026 йил февраль

Ички ишлар вазирлиги,

Бош прокуратура,

Олий суд,

Адлия вазирлиги,

Болалар омбудсмани,

Ижтимоий ҳимоя миллий агентлиги

2. Амалдаги қонунчиликни процессуал ҳаракатлар жараёнида болаларнинг манфаатларига дахл қилувчи, уларнинг ҳуқуқини чекловчи қоидаларнинг мавжудлиги нуқтаи назаридан тўлиқ хатловдан ўтказиш.

2026 йил март

3. Суриштирув, тергов ва суд жараёнида бола манфаатларини ифода этиш учун ижтимоий ходимни процесс иштирокчиси сифатида белгилаш масаласини кўриб чиқиш.

4. Илғор хорижий давлатлар тажрибаларини, халқаро ташкилотлар тавсияларини ўрганиш.

2026 йил апрель

5. Ўрганиш натижалари асосида тажриба синов тариқасида «Барнахус» моделини жорий этиш, шунингдек, болаларнинг манфаатларига дахл қилувчи, уларнинг ҳуқуқини чекловчи қоидаларни бекор қилиш ва ўзгартириш бўйича норматив- ҳуқуқий ҳужжат лойиҳасини ишлаб чиқиш ва белгиланган тартибда киритиш.

2026 йил июнь

7.

Болаларни уларнинг соғлиғига зарар етказувчи ахборотдан ҳимоя қилиш тўғрисидаги қонунчиликни бузганлик учун жавобгарликни кучайтириш.

Илғор хорижий давлат тажрибаларини ўрганган ҳолда болаларни уларнинг соғлиғига зарар етказувчи ахборотдан ҳимоя қилиш тўғрисидаги қонунчиликни такомиллаштириш бўйича таклифлар ишлаб чиқиш ва белгиланган тартибда Ҳукуматга киритиш.

2026 йил март

Ахборотлаштириш ва телекоммуникациялар соҳасида назорат инспекцияси,

Болалар омбудсмани,

Бош прокуратура,

Олий суд,

Ички ишлар вазирлиги,

Адлия вазирлиги,

Ижтимоий ҳимоя миллий агентлиги

8.

Таълим ташкилотларида болаларга нисбатан зўравонлик содир этган ходимларнинг болаларга таълим ва тарбия бериш фаолияти билан шуғулланишини тақиқлаш масаласини ўрганиб чиқиш.

Меҳнат қонунчилигига таълим ташкилотларида болаларга нисбатан зўравонлик содир этган ходимларнинг келгусида болалар билан ишлаш бўйича меҳнат фаолиятини давом эттиришини чекловчи ёки тақиқловчи қоидаларни белгилаш нуқтаи назаридан таклифлар тайёрлаш ва Ҳукуматга киритиш.

2026 йил март

Камбағалликни қисқартириш ва бандлик вазирлиги,

Ижтимоий ҳимоя миллий агентлиги,

манфаатдор вазирлик ва идоралар

II. Болаларга нисбатан зўравонликни олдини олишда оилани қўллаб-қувватлаш (профилактика) тизимини такомиллаштириш

9.

Патронаж ҳамшираси томонидан хонадонларга ташриф буюриш жараёнида болаларга нисбатан зўравонлик ҳолатлари юзасидан зудлик билан «Инсон» ижтимоий хизматлар марказлари ва ички ишлар органларини мажбурий равишда хабардор қилиш амалиётини йўлга қўйиш.

Патронаж ҳамширасининг лавозим йўриқномаси ва функционал вазифаларини қайта кўриб чиқиш ҳамда хонадонларга ташриф буюриш жараёнида болаларга нисбатан зўравонлик ҳолатлари аниқланганда, «Инсон» ижтимоий хизматлар марказлари ва ички ишлар органларини хабардор қилиш мажбуриятини юклаш.

2026 йил январь

Соғлиқни сақлаш вазирлиги,

Ички ишлар вазирлиги,

Ижтимоий ҳимоя миллий агентлиги

10.

Зўравонликдан жабрланган, ўзига нисбатан зўравонлик содир этилиши хавфи остида бўлган ва ижтимоий жиҳатдан хавфли аҳволда бўлган болаларнинг ота-оналари (уларнинг ўрнини босувчи шахслар) учун «меҳрли оила» хизматини йўлга қўйиш.

1. Болаларни қўллаб-қувватлаш ва ижтимоий интеграция маркази томонидан «Меҳрли оила» хизматларини йўлга қўйиш.

2. Зўравонликдан жабрланган, ўзига нисбатан зўравонлик содир этилиши хавфи остида бўлган ва ҳуқуқбузарлик содир этган болаларнинг ота-оналари (уларнинг ўрнини босувчи шахслар)ни «Меҳрли оила» курсларига жалб этиш.

2026 йил мартдан бошлаб доимий равишда

Ижтимоий ҳимоя миллий агентлиги,

Мактабгача ва мактаб таълими вазирлиги,

Ички ишлар вазирлиги,

Оила ва хотин-қизлар қўмитаси,

Республика Маънавият ва маърифат маркази

11.

Ижтимоий жиҳатдан хавфли аҳволда бўлган оилалар билан ишлаш, оиладаги салбий одатларни бартараф этишга кўмаклашиш ва қўллаб-қувватлаш.

Вояга етмаган фарзандларининг хулқ-атворига салбий таъсир кўрсатаётган, шу жумладан, салбий одатлари (спиртли ичимликлар, гиёҳвандлик воситалари, психотроп ёки инсон ақл-иродасига таъсир этувчи бошқа моддаларга қарам бўлиб қолиш) мавжуд ёки улар билан шафқатсиз муомалада бўлаётган ота-оналарга:

(а) эҳтиёжлари асосида ижтимоий, психологик ва ҳуқуқий хизмат кўрсатиш;

(б) зарур ҳолларда тиббий ёрдам олишга кўмаклашиш;

(в) оилани мустаҳкамлаш ва қўллаб-қувватлашга, ота-оналик кўникмаларини ривожлантиришга қаратилган дастурларга жалб этиш орқали оиладаги муҳитни яхшилашга кўмаклашиш.

Доимий равишда

Ижтимоий ҳимоя миллий агентлиги,

Ички ишлар вазирлиги,

Соғлиқни сақлаш вазирлиги,

манфаатдор вазирлик ва идоралар

III. Болалар учун хавфсиз ва ҳар томонлама қулай таълим муҳитини яратиш

12.

Таълим ташкилотлари (мактабгача таълим, умумий ўрта ва ўрта махсус таълим, ихтисослаштирилган ҳамда касбий таълим ташкилотлари)да хавфсиз таълим муҳитини яратиш, болаларни зўравонликдан ҳимоя қилиш қоидалари (тартиб-таомиллари) ва тизимини жорий этиш.

1. Таълим ташкилотлари (мактабгача таълим, умумий ўрта ва ўрта махсус таълим, ихтисослаштирилган ҳамда касбий таълим ташкилотлари) ходимларининг болаларга нисбатан зўравонлик содир этмаслик, зўравонликка учраган болалар тўғрисида «Инсон» ижтимоий хизматлар марказлари ва ички ишлар органларини хабардор қилиш бўйича мажбуриятларини одоб-ахлоқ қоидалари, меҳнат шартномаси ва лавозим йўриқномасига киритиш.

2026 йил январь

Мактабгача ва мактаб таълими вазирлиги,

Олий таълим, фан ва инновациялар вазирлиги,

Ички ишлар вазирлиги,

Ижтимоий ҳимоя миллий агентлиги,

манфаатдор вазирлик ва идоралар

2. Таълим ташкилотлари (мактабгача таълим, умумий ўрта ва ўрта махсус таълим, ихтисослаштирилган ҳамда касбий таълим ташкилотлари)да болаларга нисбатан зўравонликдан холи муҳитни яратиш.

Доимий равишда

3. Таълим ташкилотлари (мактабгача таълим, умумий ўрта ва ўрта махсус таълим, ихтисослаштирилган ҳамда касбий таълим ташкилотлари)да болаларга нисбатан зўравонликнинг олдини олиш учун масъул бўлган шахсларни тайинлаш.

Доимий равишда

4. Болаларга зўравонликдан ҳимояланиш бўйича уларнинг ёшига мос бўлган тарқатма материалларни тайёрлаш.

Доимий равишда

13.

Умумий ўрта таълим ташкилотларида хавфсиз, зўравонликдан ҳоли муҳитни яратиш.

1. «Хавфсиз мактаб» концепциясини ва «Хавфсиз мактаб» муҳитини жорий этиш бўйича услубий қўлланмани ишлаб чиқиш ва тасдиқлаш.

2026 йил апрель-май

Мактабгача ва мактаб таълими вазирлиги,

Ички ишлар вазирлиги,

Иқтисодиёт ва молия вазирлиги

2. Намунали мактаблар рейтингини шакллантириш бўйича баҳолаш мезонларининг индикаторларига умумий ўрта таълим ташкилотларида болаларга нисбатан зўравонлик ҳолатларини киритиш.

2026 йил май

3. Барча умумий ўрта таълим ташкилотларида алоҳида психолог хонасини ташкил этиш ва зарур инвентарлар билан жиҳозлаш (зарур инвентарлар билан жиҳозланган алоҳида хоналар ажратилган таълим ташкилотлари бундан мустасно).

2026-2027 йиллар давомида

4. Зўравонлик ҳолатларини олдини олишда ўқувчиларнинг ҳаётий кўникмаларини ривожлантириш, шу жумладан, уларда шахсий чегараларни белгилаш, зўравонликка учраганда ёки зўравонликка гувоҳ бўлганда муносабат билдириш, ваколатли органларга мурожаат қилиш, айбдорлик ёки қўрқув ҳиссини енгиш бўйича кўникмаларни шакллантириш.

Доимий равишда

14.

Умумий ўрта таълим ташкилотларида ўқувчиларнинг зўравонликка қарши курашиш бўйича ижтимоий фаоллигини ошириш.

1. Ҳар йили умумий ўрта таълим ташкилотларида зўравонликни олдини олиш бўйича давра суҳбатлари, танловлар ва семинарлар ўтказиш.

2. Зўравонликни олдини олиш ва унга қарши курашишга қаратилган маданий-маърифий тадбирлар ва тўгараклар ташкил қилиш.

3. Ўқувчилар учун болаларга нисбатан зўравонлик ҳолатлари ҳақида хабар беришнинг қулай механизмларини яратиш.

2026 йил январдан бошлаб доимий равишда

Мактабгача ва мактаб таълими вазирлиги,

Ички ишлар вазирлиги,

Республика Маънавият ва маърифат маркази

15.

Болаларга нисбатан телекоммуникация тармоқлари ёки Интернет жаҳон ахборот тармоғи орқали зўравонликнинг барча шакллари, шу жумладан, улар ўртасида кибержиноятчиликнинг олдини олиш чораларини кўриш.

1. Таълим ташкилотларида болалар ўртасида онлайн зўравонлик ва кибержиноятчиликнинг олдини олиш бўйича профилактик тадбирларни амалга ошириш.

2. Ўқувчилар ва уларнинг ота-оналарини «рақамли хавфлар» тўғрисида хабардорлигини ошириш бўйича чора-тадбирларни амалга ошириш.

2026 йил январдан бошлаб доимий равишда

Ички ишлар вазирлиги,

Рақамли технологиялар вазирлиги,

Мактабгача ва мактаб таълими вазирлиги

16.

Таълим ташкилотлари (мактабгача таълим, умумий ўрта ва ўрта махсус таълим, ихтисослаштирилган ҳамда касбий таълим ташкилотлари) педагоглари ва бошқа ходимлари томонидан болаларга нисбатан зўравонлик содир этилишини олдини олиш чораларини кўриш.

1. Таълим ташкилотлари (мактабгача таълим, умумий ўрта ва ўрта махсус таълим, ихтисослаштирилган ҳамда касбий таълим ташкилотлари) педагоглари ва бошқа ходимлари томонидан болаларга нисбатан зўравонлик содир этиш ҳолатини таълим ташкилотларининг ички меҳнат тартиб-қоидалари ва меҳнат шартномаларида белгиланадиган меҳнат мажбуриятларининг бир марта қўпол равишда бузилишлари рўйхатига киритиш.

2. Педагог кадрларни тайёрлайдиган олий таълим ташкилотлари, қайта тайёрлаш ва малака ошириш ташкилотларининг таълим дастурларида болаларнинг ҳуқуқларини ҳимоя қилиш, уларни зўравонликнинг барча шаклларидан ҳимоя қилиш, болаларга нисбатан зўравонлик содир этмаслик, синфни бошқариш, таълим-тарбия жараёнида ижобий тартиб-интизомни сақлашни назарда тутувчи дарс соатларини киритиш.

2026 йил январь

Мактабгача ва мактаб таълими вазирлиги,

Олий таълим, фан ва инновациялар вазирлиги,

манфаатдор вазирлик ва идоралар

3. Зўравонликдан жабрланган ва ўзига нисбатан зўравонлик содир этилиши хавфи остида бўлган болаларга психологик-ижтимоий ёрдам кўрсатиш учун таълим ташкилотлари психологларининг малакасини ошириш.

Доимий равишда

IV. Зўравонликнинг олдини олиш ва болаларга нисбатан салбий стереотипларга қарши курашиш бўйича тарғибот тадбирлари

17.

Болаларга нисбатан зўравонликни қўллаб-қувватловчи стереотиплар ва зарарли одатларнинг олдини олиш.

Оилаларда, маҳаллаларда ва таълим ташкилотларида:

(а) болаларга нисбатан зўравонликнинг салбий таъсири ҳақида аҳолининг хабардорлигини ошириш, оилаларда соғлом ижтимоий муҳит ва гендер тенглигини тарғиб қилиш, эрта никоҳни олдини олиш бўйича «маҳалла еттилиги» ҳамда диний уламоларни жалб қилган ҳолда давра суҳбатлари, тадбирлар ташкил этиш;

(б) зўравонликка (шу жумладан, ахборот-коммуникация технологияларидан фойдаланган ҳолда ёки Интернет жаҳон ахборот тармоғи орқали) йўл қўймаслик ва оилада ўзаро ҳурматга асосланган муносабатларни ривожлантиришга қаратилган тарғибот материалларини тайёрлаш, тарғибот тадбирларини ташкил қилиш;

(в) зўравонликнинг олдини олиш бўйича болалар ва ёшлар иштирокида тадбирлар ўтказиш.

2026 йил январдан бошлаб ҳар ойда камида бир марта

Ўзбекистон маҳаллалари уюшмаси,

Оила ва хотин-қизлар қўмитаси,

Республика Маънавият ва маърифат маркази,

Дин ишлари бўйича қўмита,

Ички ишлар вазирлиги

18.

Болаларни зўравонликнинг барча шаклларидан ҳимоя қилишда оммавий ахборот воситалари ролини ошириш.

1. Болаларга нисбатан зўравонликнинг зарари ва мавжуд ҳимоя тизими тўғрисида оммавий ахборот воситалари ходимларининг хабардорлигини ошириш, улар учун қисқа муддатли малака ошириш курсларини ташкил қилиш.

2026-2027 йиллар давомида

Ўзбекистон Миллий телерадиокомпанияси,

Ижтимоий ҳимоя миллий агентлиги,

Ички ишлар вазирлиги

2. Болаларга нисбатан зўравонлик ҳолатларини ахлоқий ва конструктив ёритиш учун оммавий ахборот воситалари ходимларининг салоҳиятини ошириш, журналистик этикасига риоя этишни таъминлаш.

Доимий равишда

19.

Болаларни зўравонликдан ҳимоя қилиш соҳасидаги қонунчилик ҳужжатлари ва дастурлар ҳақида жамоатчиликнинг хабардорлигини ошириш.

1. Жамоат жойларида ҳамда марказий телевидение орқали болаларни зўравонликнинг барча шаклларидан ҳимоя қилиш, зўравонлик шакллари, уларнинг болалар ривожланишидаги салбий оқибатлари тўғрисида визуал видео-анимацион клиплар, қисқа метражли фильмлар ва кўрсатувларни намойиш этиш.

2. Зўравонликдан жабрланган ва ўзига нисбатан зўравонлик содир этилиши хавфи остидаги, шунингдек, ижтимоий жиҳатдан хавфли аҳволдаги болаларни оилага яқин муҳитда ғамхўрлик кўрсатиш ҳамда тарбиялашга фуқароларни кенг жалб қилиш бўйича тарғибот материалларини тайёрлаш ва оммавий ахборот воситалари орқали ёритиш.

2026 йил мартдан бошлаб доимий равишда

Ўзбекистон Миллий телерадиокомпанияси,

Кинематография агентлиги,

Ижтимоий ҳимоя миллий агентлиги,

Ички ишлар вазирлиги,

Адлия вазирлиги,

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

V. Зўравонликдан жабрланган болаларга ижтимоий хизмат, тиббий ёрдам ҳамда бошқа хизматлар кўрсатиш тизимини такомиллаштириш

20.

Зўравонлик ҳолатлари бўйича очиқ ёки махфий тарзда (шу жумладан, Телеграм-бот орқали) хабар беришнинг болалар учун тушунарли бўлган механизмларини яратиш.

1. Зўравонлик ҳолатлари тўғрисида болалар учун тушунарли бўлган хабар бериш бўйича тарғибот материалларини тайёрлаш ва таълим ташкилотлари ва маҳаллаларда, шунингдек, оммавий ахборот воситалари ва ижтимоий тармоқлар орқали кенг ёритиш.

2. «Ишонч телефони» операторлари, таълим ташкилотлари ходимлари, ижтимоий ходимлар, тиббиёт ходимлари, профилактика инспекторлари ва инспектор-психологларни болаларга нисбатан зўравонлик ҳолатлари ҳақидаги хабарларга тўғри муносабат билдириш бўйича ўқитиш, зўравонлик ҳолати бўйича хабарларни қонунчиликда назарда тутилган ҳоллардан ташқари учинчи шахсларга ошкор этмаслик мажбуриятини юклаш.

2026 йил февраль

Ижтимоий ҳимоя миллий агентлиги,

Соғлиқни сақлаш вазирлиги,

Ички ишлар вазирлиги,

Мактабгача ва мактаб таълими вазирлиги,

Ўзбекистон Миллий телерадиокомпанияси

21.

Зўравонликдан жабрланган болаларга тиббий ёрдам кўрсатиш тизимини такомиллаштириш.

1. Зўравонликдан жабрланган болаларга тиббий ёрдам кўрсатиш (аниқлаш, текшириш, расмийлаштириш, даволаш ва йўналтириш) бўйича клиник баённомалар (клиник протоколлар) ишлаб чиқиш ҳамда амалиётга жорий этиш.

2026 йил февраль

Соғлиқни сақлаш вазирлиги,

Иқтисодиёт ва молия вазирлиги

2. Зўравонлик ҳолатлари бўйича мурожаатларни рўйхатга олиш, ҳисобот шакллари ва мониторинг қилиш тартибини ишлаб чиқиш ва амалиётга жорий этиш.

2026 йил март

3. Клиник баённомалар (клиник протоколлар)ни қайта кўриб чиқиш ҳамда уларни халқаро стандартларга, шу жумладан, Жаҳон соғлиқни сақлаш ташкилотининг клиник тавсияларига мувофиқлаштириш.

2026 йил март

4. Зўравонликдан жабрланган болаларни суд-тиббий экспертиза, суд-психиатрия ва суд-психологик экспертизадан ўтказиш баённомаларини халқаро стандартларга мувофиқ қайта кўриб чиқиш ва уларга мувофиқлаштириш.

2026 йил апрель

5. Зўравонликдан жабрланган болаларга тиббий хизмат кўрсатишда тиббиёт ходимлари ва экспертлар (суд-тиббиёт экспертлари, эксперт-психиатрлар ва психологлар) малакасини ошириш, шунингдек, малака ошириш ва қайта тайёрлаш бўйича ўқув дастурларини қайта кўриб чиқиш ҳамда уларга зўравонликдан жабрланган болаларга тиббий хизмат кўрсатишга доир мавзулар, дарс соатларини киритиш.

2026 йил апрель

22.

Зўравонликнинг барча шаклларидан жабрланган болаларга психологик хизмат кўрсатиш тизимини такомиллаштириш.

«Инсон» ижтимоий хизматлар марказлари, Ижтимоий ҳимоя миллий агентлиги тизимидаги болалар билан бевосита ишлайдиган тузилмалар, таълим ташкилотлари, заруратга кўра соғлиқни сақлаш муассасалари, ички ишлар органлари мутахассисларини болаларга психологик хизмат кўрсатиш бўйича касбий салоҳиятини ошириш.

2026 йил апрелдан бошлаб ҳар олти ойда бир марта

Ижтимоий ҳимоя миллий агентлиги,

Ички ишлар вазирлиги,

Мактабгача ва мактаб таълими вазирлиги,

Ўзбекистон психологлар ассоциацияси

23.

Зўравонликнинг барча шаклларидан жабрланган болаларга психологик ва психиатрия хизматларини кўрсатиш бўйича стандартлар ва тавсиялар (протоколлар)ни белгилаш.

Зўравонликнинг барча шаклларидан жабрланган болаларга психологик ва психиатрия хизматларини кўрсатиш бўйича стандартлар ва тавсиялар (протоколлар)ни ишлаб чиқиш ва тасдиқлаш.

2026 йил апрель

Соғлиқни сақлаш вазирлиги,

Ижтимоий ҳимоя миллий агентлиги,

Ички ишлар вазирлиги,

Мактабгача ва мактаб таълими вазирлиги,

Ўзбекистон психологлар ассоциацияси

24.

Болаларни зўравонликнинг барча шаклларидан ҳимоя қилиш, уларга ижтимоий, психологик ва ҳуқуқий хизмат кўрсатиш мақсадида туну кун фаолият кўрсатувчи «ишонч телефони» фаолиятини йўлга қўйиш.

1. «Ишонч телефони» фаолиятини йўлга қўйиш ва унга мурожаат қилган зўравонликдан жабрланган ёки зўравонликка гувоҳ бўлган, шунингдек, ижтимоий жиҳатдан хавфли аҳволда бўлган болаларга ижтимоий, психологик ва ҳуқуқий хизмат кўрсатиш.

2026 йил июль

Ижтимоий ҳимоя миллий агентлиги,

Рақамли технологиялар вазирлиги,

Ички ишлар вазирлиги,

Соғлиқни сақлаш вазирлиги,

Мактабгача ва мактаб таълими вазирлиги,

Адлия вазирлиги

VI. Болаларга нисбатан зўравонликни олдини олишда тадқиқотлар ўтказишни йўлга қўйиш

25.

Тошкент шаҳридаги «А.И. Герцен номидаги Россия давлат педагогика университети» Федерал давлат бюджети олий таълим муассасаси филиали фаолиятини такомиллаштириш.

1. Тошкент шаҳридаги «А.И. Герцен номидаги Россия давлат педагогика университети» Федерал давлат бюджети олий таълим муассасаси филиалини амалдаги молиялаштириш манбалари, штат бирликлари, ҳуқуқ ва мажбуриятлари, мол-мулки ҳамда бошқа товар-моддий бойликлари билан биргаликда Мактабгача ва мактаб таълими вазирлиги тизимидан Ижтимоий ҳимоя миллий агентлиги тузилмасига ўтказиш.

2. Тошкент шаҳри Яккасарой тумани Бобур кўчаси 55-уй манзилида жойлашган бино ва иншоотларни оператив бошқариш ҳуқуқи билан Ижтимоий ҳимоя миллий агентлигига бериш.

Мазкур бино ва иншоотлардан Тошкент шаҳридаги «А.И. Герцен номидаги Россия давлат педагогика университети» Федерал давлат бюджети олий таълим муассасаси филиали текин фойдаланиш ҳуқуқи асосида фойдаланишини таъминлаш.

2026 йил январь

Мактабгача ва мактаб таълими вазирлиги,

Давлат активларини бошқариш агентлиги,

Ижтимоий ҳимоя миллий агентлиги

3. Тошкент шаҳридаги «А.И. Герцен номидаги Россия давлат педагогика университети» Федерал давлат бюджети олий таълим муассасаси филиалида адаптив спорт турлари бўйича йўналиш очиш.

2026 йил август

26.

Республикада болаларга нисбатан зўравонлик ҳолатини ўрганиш тизимини жорий этиш.

1. ЮНИСЕФнинг Ўзбекистондаги ваколатхонаси, Ҳамжамиятларни мустаҳкамлаш ва ижтимоий фаровонликни ривожлантириш маркази ва бошқа халқаро ташкилотлар ҳамда институтлар вакилларидан иборат ишчи гуруҳ ташкил этиш.

2026 йил январь

Ижтимоий ҳимоя миллий агентлиги,

Болалар омбудсмани,

Инсон ҳуқуқлари бўйича миллий марказ,

Соғлиқни сақлаш вазирлиги,

Ички ишлар вазирлиги,

Мактабгача ва мактаб таълими вазирлиги

2. Зўравонлик ҳолатини ўрганиш бўйича аҳоли, давлат органлари ва ташкилотлар ўртасида ижтимоий сўровлар ўтказиш.

2026 йил январь — декабрь

3. Ўтказилган ижтимоий сўровлар натижаси бўйича умумий хулоса ва тавсиялар ишлаб чиқиш.

2027 йил март

27.

Болаларни зўравонликнинг барча шаклларидан ҳимоя қилишда халқаро ташкилотлар ва институтлар билан ҳамкорликни кенгайтириш.

1. Болаларни зўравонликнинг барча шаклларидан ҳимоя қилишга ихтисослашган халқаро ташкилотлар ва институтлар фаолиятини ўрганиш.

2026 йил январь — декабрь

Болалар омбудсмани,

Инсон ҳуқуқлари бўйича миллий марказ,

Ижтимоий ҳимоя миллий агентлиги,

Соғлиқни сақлаш вазирлиги,

Ички ишлар вазирлиги,

Мактабгача ва мактаб таълими вазирлиги

2. Болаларни зўравонликнинг барча шаклларидан ҳимоя қилишга ихтисослашган халқаро ташкилотлар ва институтларга аъзо бўлиш (ҳамкорлик қилиш) бўйича таклифлар ишлаб чиқиш.

2027 йил февраль

VII. Ахборот базалари ва платформалар интеграциясини таъминлаш

28.

«Ягона миллий ижтимоий ҳимоя» ахборот тизимида ғамхўрликка муҳтож болалар ҳамда зўравонлик содир этган ёки уни содир этишга мойил бўлган шахслар ҳақидаги маълумотларни алмашиш ва улар тўғрисидаги маълумотларни ўз ичига олган ягона электрон платформани ишлаб чиқиш.

Платформани болаларни зўравонликнинг барча шаклларидан ҳимоя қилишга доир фаолиятни амалга оширувчи давлат органлари ва ташкилотлар, Олий суд, Адлия вазирлиги, Миллий статистика қўмитаси, Ички ишлар вазирлиги ҳузуридаги Миграция ва персоналлаштириш департаментининг ахборот тизимлари ҳамда «112» қисқа рақам орқали фуқароларнинг чақирувларини қабул қилиш ва автоматлаштирилган тарзда қайта ишлаш имконини берувчи ягона диспетчерлик хизмати билан «Рақамли ҳукумат» тизимининг идоралараро интеграциялашув платформаси орқали интеграция қилиш.

2026 йил март

Рақамли технологиялар вазирлиги,

Ижтимоий ҳимоя миллий агентлиги,

Ички ишлар вазирлиги,

Бош прокуратура,

Олий суд,

Адлия вазирлиги,

Миллий статистика қўмитаси,

Соғлиқни сақлаш вазирлиги,

Мактабгача ва мактаб таълими вазирлиги

29.

«Алоҳида тоифадаги шахслар», «Е-ижтимоий профилактика» ва «Е-вояга етмаганлар» ахборот тизимларини «Ягона миллий ижтимоий ҳимоя» ахборот тизими билан интеграция қилиш.

1. «Алоҳида тоифадаги шахслар», «Е-ижтимоий профилактика» ва «Е-вояга етмаганлар» ахборот тизимларини «Ягона миллий ижтимоий ҳимоя» ахборот тизими билан интеграция қилиш.

2. Ижтимоий ҳимоя миллий агентлигига «Алоҳида тоифадаги шахслар» ахборот тизимида юритиладиган алоҳида тоифадаги шахслар реестри маълумотларидан фойдаланиш ҳуқуқини бериш.

2026 йил февраль

Ички ишлар вазирлиги,

Ижтимоий ҳимоя миллий агентлиги,

Рақамли технологиялар вазирлиги

30.

«Адолат» ахборот тизимлари комплексини «Ягона миллий ижтимоий ҳимоя» ахборот тизими билан интеграция қилиш.

1. «Адолат» ахборот тизимлари комплексини «Ягона миллий ижтимоий ҳимоя» ахборот тизими билан интеграция қилиш.

2. «Ягона миллий ижтимоий ҳимоя» ахборот тизимига ота-оналик ҳуқуқидан маҳрум қилинган, ота-оналик ҳуқуқи чекланган, муомалага лаёқатсиз ёки муомала лаёқати чекланган деб топилган, шунингдек, фарзандлик бекор қилинган шахс(лар) тўғрисидаги маълумотларни тақдим этиш имкониятини яратиш.

2026 йил февраль

Олий суд,

Ижтимоий ҳимоя миллий агентлиги