LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Тошкент шаҳрини қайта қуриш ва янада обод қилиш мақсадида Вазирлар Маҳкамаси қарор қилади:
Тошкент шаҳар ҳокимлиги ва бошқа буюртмачилар бир ой муддатда 1-иловада кўрсатилган объектларни маблағ билан таъминлаш параметрларини белгилаш учун бажариладиган ишларнинг аниқ ҳажмини аниқласинлар.
«Ўзистиқболстат» давлат қўмитаси ва Ўзбекистон Республикаси Молия вазирлиги 1-иловада кўрсатилган объектлар қурилишини 1996 йилги республика бюджетидан марказлаштирилган капитал қўйилмаларни маблағ билан таъминлаш учун назарда тутилган маблағлар доирасида қурилишнинг аниқ рўйхатига киритсинлар;
1-иловада кўрсатилган вазирликлар, идоралар, корпорациялар ва концернлар, уюшмалар, корхоналар ва ташкилотлар мўлжалланган Дастурни белгиланган муддатларда сўзсиз бажариш юзасидан аниқ тадбирларни ишлаб чиқсинлар ва амалга оширсинлар.
3. «Ўзсаноатқурилишбанк»нинг Отчопар бозорининг иккинчи навбатини, Миробод бозорини қуриш ва қайта қуришга, Сирғали, Паркент, Бешёғоч, Мирзо Улуғбек ва Олой (хўжалик ҳовлиси) бозорларидаги ишларни тугаллашга кредит беришни давом эттириши;
Ташқи иқтисодий фаолият миллий банкининг Бектемир туманида бозорлар қурилишига кредитлар бериш ва Тошкент шаҳрида битта гузар қурилиши учун ўз маблағларини ажратиш ҳақидаги таклифлари қабул қилинсин.
4. Ўзбекистон Республикаси Халқ банки Тошкент шаҳрининг эски шаҳар қисмидаги қайта қурилаётган зонадан кўчирилиши керак бўлган аҳолига якка тартибдаги уй-жой қурилиши учун кредит ресурслари ажратишни назарда тутсин.
Ўзбекистон Республикаси Халқ банкига якка тартибда уй-жой қурувчиларнинг кўрсатиб ўтилган тоифаси учун кредит ресурслари ажратишда Ўзбекистон Республикаси Жамғарма банки бошқаруви томонидан 1994 йил 16 июнда тасдиқланган Шахсий уй-жой қурилиши учун фуқароларга кредит бериш қоидаларининг 5-банди талабларини қўлламаслик тавсия этилсин.
5. Тошкент шаҳар ҳокимлиги 1996 йилда 3000 квартирани фойдаланишга топширишни ҳисобга олган ҳолда микрорайонларни обод қилиш, шу жумладан «Қоратош» микрорайонини обод қилишнинг аниқ дастурини белгиласин, шунингдек 2000 йилгача Соғбон, Қорасой, Форобий кўчалари бўйлаб биринчи қаватга савдо ва маиший хизмат кўрсатиш объектлари жойлаштириладиган 24-30 квартирали уч қаватли уйлар қуриш дастурини ишлаб чиқсин, 1996 йилдаги биринчи навбатдаги вазифаларни аниқлаштирсин. Маблағ билан таъминлаш манбалари бўйича таклиф киритсин.
6. «Тошкентуйжойинвестқурилиш» корпорациясига объектларни зарур ускуналар ва материаллар билан таъминлаш, шунингдек қурилиш-безаш ишларининг айрим турларини бажариш учун чет эл фирмаларини тендер асосида жалб этишга рухсат берилсин.
8. «Тошкентуйжойинвестқурилиш» корпорацияси ва «Ўзсаноатхўжаликқурилиш» давлат корпорацияси, Мелиорация ва сув хўжалиги вазирлиги, «Ўзсувқурилиш» концерни, «Ўзколхозқурилиш» ва «Ўзагроқурилиш» давлат бирлашмалари биттадан гузар қурилишига киришсинлар ва уларнинг 1996 йил 1 сентябргача фойдаланишга топширилишини таъминласинлар.
Пул кредит сиёсати бўйича республика комиссияси «Озиқовқатсаноат» уюшмаси томонидан тақдим этилган ҳисоб-китобларга мувофиқ пиво заводи қурилиши учун узоқ муддатли кредит ажратилишини назарда тутсин.
10. Пайдо бўлувчи масалаларни тезкорлик билан ҳал этиш учун Тошкент шаҳрини қайта қуриш ва қуришнинг боришини мувофиқлаштириш ва назорат қилиш бўйича республика комиссияси 2-иловага* мувофиқ таркибда тузилсин.
11. Вазирлар Маҳкамасининг 1994 йил 23 ноябрдаги 563-сон қарорига 2-илова ўз кучини йўқотган деб ҳисоблансин.