LexUZ шарҳи
Ушбу қарор Ўзбекистон Республикаси Вазирлар Маҳкамасининг 2002 йил 23 октябрдаги 368-сонли «Ўзбекистон Республикаси Ташқи иқтисодий алоқалар агентлиги фаолиятини ташкил этиш тўғрисида»ги қарорига асосан ўз кучини йўқотган.
Ўзбекистон Республикасида Ташқи иқтисодий алоқалар ва экспорт-импорт фаолият самарадорлигини ошириш мақсадида Вазирлар Маҳкамаси қарор қилади:
1. Ўзбекистон Республикаси Ташқи иқтисодий алоқалар вазирлигига қуйидагилар учун жавобгарлик юклансин:
товарлар ва хизматлар халқаро бозорларини таҳлил этиш, уларнинг ривожланиш тамойилларини прогнозлаштириш;
товар, илмий-техникавий, нарх, сотиш, реклама ва ахборот соҳасидаги ташқи-иқтисодий фаолият стратегиясини ишлаб чиқиш;
давлат ресурсларини ва марказлаштирилган ресурсларни экспорт қилиш ҳамда Ўзбекистон Республикасининг экспорт имкониятларидан фойдаланиш самарадорлигини ошириш учун зарур шарт-шароитлар яратиш;
2. Экспорт-импорт операцияларини марказлаштиришга барҳам бериш мақсадида қуйидагиларни Ташқи иқтисодий алоқалар вазирлиги тизимидан чиқарган ҳолда:
«Ўздонимпекс» республика хўжалик ҳисобидаги ташқи савдо бирлашмасини — «Ўздонмаҳсулот» давлат-акционерлик корпорацияси таркибига;
«Ўзозиқовқатимпекс» ва «Интералоқа» — республика хўжалик ҳисобидаги ташқи савдо бирлашмаларини — «Ўзбексавдо» давлат уюшмаси таркибига;
«Ўзтиббиётимпекс» республика хўжалик ҳисобидаги ташқи савдо бирлашмасини — «Дори-Дармон» давлат-акционерлик уюшмаси таркибига киритиш мақсадга мувофиқ деб ҳисоблансин.
Ўзбекистон Республикаси Ташқи иқтисодий алоқалар вазирлиги бир ой муддатда экспорт-импорт квоталарини, амалдаги ташқи савдо операциялари бўйича активлар ва пассивларни, шунингдек, кўрсатиб ўтилган ташқи савдо бирлашмаси мол-мулкини бўлиш балансини тайёрласин.
LexUZ шарҳи
2-бандига Ўзбекистон Республикаси Вазирлар Маҳкамасининг 1995 йил 4 апрелдаги 120-сонли қарорига асосан қисман ўзгартириш киритилиб, «Ўзозиқовқатимпекс» республика хўжалик ҳисобидаги ташқи савдо бирлашмасини, «Интералоқа» республика хўжалик ҳисобидаги ташқи савдо бирлашмасини, «Ўздонимпекс» республика хўжалик ҳисобидаги ташқи савдо бирлашмасини, «Ўзагроимпекс» республика хўжалик ҳисобидаги ташқи савдо бирлашмасини тугатиш мақсадга мувофиқ деб ҳисобланган.
3. Маҳсулотлари давлат эҳтиёжлари учун экспорт қилиш дастурига киритилган республика корхоналари ва ташкилотларининг уларда назарда тутилган топшириқлар сўзсиз бажарилиши учун жавобгарлиги оширилсин.
корхоналар ва ташкилотлар Ташқи иқтисодий алоқалар вазирлигига давлат эҳтиёжлари учун товарлар, ишлар ва хизматлар экспорти тўғрисида ахборот тақдим этсинлар. Ташқи иқтисодий алоқалар вазирлиги кўрсатиб ўтилган материалларни умумлаштирсин ва йилнинг ҳар чорагида уларни Молия вазирлигига тақдим этсин.
4. «Ўзистиқболстат» давлат қўмитаси, Молия вазирлиги ва Ташқи иқтисодий алоқалар вазирлиги 10 кун муддатда 1995 йилга Республика валюта фондининг асосий параметрларини кўриб чиқиш учун Вазирлар Маҳкамасига тақдим этсин.
Олдинги таҳрирга қаранг.
пахта толасини импорт қилиш ҳисобига тушаётган эркин алмаштириладиган валютадаги бутун тушум, харажатлар (транспорт, суғурта, комиссион тўлов ва бошқалар) чиқариб ташланган ҳолда, мажбурий равишда Ўзбекистон Республикаси Марказий банкига сотилиши керак;
(5-банднинг иккинчи хатбоши Ўзбекистон Республикаси Вазирлар Маҳкамасининг 2002 йил 5 январдаги 7-сонли қарори таҳририда — ЎР ҚҲТ, 2002 й., 1-сон, 7-модда)
кўрсатиб ўтилган маблағларни сарфлаш уларни белгиланган тартибда Республика валюта биржаси орқали сотиш йўли билан амалга оширилади.
Ташқи иқтисодий алоқалар вазирлиги ва Марказий банк билан биргаликда давлат эҳтиёжлари учун экспорт-импорт операциялари бўйича ўзаро ҳисоб-китоблар тартиби тўғрисидаги Низомни ишлаб чиқсин ва тасдиқласин;
Ташқи иқтисодий алоқалар вазирлиги билан биргаликда импорт маҳсулотлар буюртмачиларнинг фойдаланилган хорижий кредитлар бўйича Ташқи иқтисодий алоқалар вазирлиги билан ўзаро ҳисоб-китоблари тартибини белгиласин.
7. Ташқи иқтисодий алоқалар вазирлиги бир ой муддатда 1993 ва 1994 йилларда экспортга ажратилган ресурслардан фойдаланилганлиги тўғрисидаги ҳисоботни Вазирлар Маҳкамасига ва унинг нусхасини Молия вазирлигига тақдим этсин.
8. 1-иловага мувофиқ стратегик жиҳатдан муҳим товарларни экспорт қилишга квоталаштириш ва лицензиялашни сақлаб қолган ҳолда 1995 йил 1 январдан бошлаб квоталанадиган ва лицензияланадиган товарлар, ишлар ва хизматлар рўйхати қисқартирилсин. Кўрсатиб ўтилган товарлар экспорти бўйича контрактлар Ташқи иқтисодий алоқалар вазирлигида рўйхатдан ўтказилиши керак.
9. Ўзбекистон Республикаси Ташқи иқтисодий алоқалар вазирлигининг тузилмаси 2-иловага мувофиқ тасдиқлансин. Вазирлик марказий аппарати ва унинг минтақавий вакил қилинган ходимларининг чекланган сони тегишли иш ҳақи фонди билан биргаликда 416 нафардан иборат қилиб белгилансин (қўриқлаш ва бинога хизмат кўрсатувчи ходимлардан ташқари).
10. Ўзбекистон Республикаси Ташқи иқтисодий алоқалар вазирлиги бир ой муддатда Вазирлар Маҳкамасига:
«Ўзбекистон темир йўллари» давлат-акционерлик компанияси, «Ўзбекистон ҳаво йўллари» миллий авиакомпанияси ва «Ўзавтотранс» давлат корпорацияси билан биргаликда халқаро нормалар ва қоидаларни ҳисобга олган ҳолда ташқи савдо ва йўловчилар ташишни транспорт билан таъминлашни мувофиқлаштириш;
Ўзбекистон Республикаси Молия вазирлиги, Давлат мулки қўмитаси ва Адлия вазирлиги билан биргаликда хорижий инвестициялар жалб этилган корхоналарни ташкил этиш ва уларни давлат рўйхатидан ўтказиш тартибини соддалаштириш тўғрисида таклифлар киритсин.
11. «Ўзистиқболстат» давлат қўмитаси, Ўзбекистон Республикаси давлат солиқ қўмитаси ташқи иқтисодий алоқалар бўйича статистика ҳисоботида давлат эҳтиёжлари учун экспорт ва импорт бўйича маълумотларни алоҳида қаторда кўрсатсинлар.
12. Ўзбекистон Республикаси Молия вазирлигининг вазирлик марказий аппарати ходимлари сонини 1995 йил 1 январдан бошлаб 25 кишига кўпайтирган ҳолда унинг марказий аппарати тузилмасида хорижий валютадаги қарз маблағларидан фойдаланишни ҳисобга олиш ва назорат қилиш учун махсус бўлинма, шунингдек, валюта маблағларини ҳисобга олиш бўйича марказлаштирилган бухгалтерия ташкил этиш тўғрисидаги таклифи қабул қилинсин.
14. Вазирлар Маҳкамасининг «Ўзбекистон Республикаси Ташқи иқтисодий алоқалар вазирлиги фаолиятини ташкил этиш тўғрисида» 1992 йил 26 мартдаги 147-сон қарорининг вазирлик тузилмасини тасдиқлашга оид 3-банди, Вазирлар Маҳкамасининг «Ташқи савдо операцияларини тартибга солишга оид чора-тадбирлар тўғрисида» 1994 йил 25 мартдаги 163-сон қарорига 3-илова ўз кучини йўқотган деб ҳисоблансин.
15. Мазкур қарорнинг бажарилишини назорат қилиш Бош вазирнинг ўринбосарлари Ў. Т. Султонов ва Б. С. Ҳамидов зиммасига юклансин.
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 1995 йил 25 июлдаги 287-сонли қарорига мувофиқ ўз кучини йўқотган)
Ташқи иқтисодий алоқалар норматив-ҳуқуқий ҳужжатлари, қонунларни тартибга солиш ва кодификациялаш бошқармаси