LexUZ шарҳи
Мазкур ҳужжатга Ўзбекистон Республикаси Вазирлар Маҳкамасининг 1997 йил 24 декабрдаги 568-сонли «Қорақалпоғистон Республикаси Вазирлар Кенгаши раиси ва вилоят ҳокимларининг Қишлоқ ва сув хўжалиги масалалари бўйича биринчи ўринбосари лавозимини киритиш тўғрисида»ги қарорига мувофиқ ўзгартиришлар киритилган. Қарорнинг рус тилидаги матнига қаранг.
Ҳудудларда ижтимоий-иқтисодий жараёнларни бошқаришни такомиллаштириш ва унинг бозор усулларига асосланган (замонавий тамойилларини ҳаётга кенг жорий этиш, бошқаришнинг тармоқ тизимидан функционал тизимига ўтишни таъминлаш ва ижтимоий-иқтисодий ислоҳотларни чуқурлаштиришда маҳаллий ҳокимият органлари фаолиятининг самарадорлигини янада ошириш мақсадида Ўзбекистон Республикаси Конституциясининг XXI боби ва «Маҳаллий давлат ҳокимияти тўғрисида»ги Қонуннинг 22-моддасига мувофиқ Вазирлар Маҳкамаси қарор қилади:
1. Вилоятлар ва Тошкент шаҳар ҳокимликлари аппаратида бошқаришнинг тармоқ тизимидан функционал тизимига ўтиш мақсадга мувофиқ деб ҳисоблансин.
2. Вилоятлар ва Тошкент шаҳар ҳокимликлари аппаратлари ташкилий тузилмаси ва масъул ходимларининг чекланган штатлари сони 1, 2 ва 3-иловаларга мувофиқ тасдиқлансин.
3. Вилоятлар ва Тошкент шаҳар ҳокимликлари аппаратига қуйидаги асосий вазифаларни ҳал этиш юклансин:
ҳудудларни ижтимоий-иқтисодий ривожлантириш юзасидан комплекс дастурларни ишлаб чиқиш ва ҳукумат дастурларини амалга ошириш, халқ хўжалиги тармоқларида ислоҳотларни чуқурлаштириш ва халқ фаровонлигини оширишни таъминлаш;
жойларда хўжалик юритиш шаклларини такомиллаштириш, молия ва тўлов интизомини мустаҳкамлаш ва тадбиркорликни қўллаб-қувватлаш;
табиий ва меҳнат ресурсларидан оқилона фойдаланиш, атроф-муҳитни муҳофаза этиш, фуқароларни ижтимоий ва ҳуқуқий ҳимоя қилиш тадбирларини амалга ошириш;
қонунлар, Олий Мажлис қарорлари, Ўзбекистон Республикаси Президент фармонлари ва фармойишлари, Вазирлар Маҳкамаси ва халқ депутатлари Кенгашлари қарорларининг ижросини таъминлаш;
вазирликлар, республика идоралари ва ташкилотлари ҳудудий бўлинмаларининг фаолиятини мувофиқлаштириш;
маҳаллий ҳокимият ва ўзини ўзи бошқариш органлари фаолиятини мувофиқлаштириш ва уларнинг ишини назорат қилиш.
Олдинги таҳрирга қаранг.
4. Вилоятлар ва Тошкент шаҳар ҳокимликлари аппарати тизимида Ахборот-таҳлил гуруҳлари ташкил этилсин ва уларнинг иш фаолияти Вазирлар Маҳкамасининг 1997 йил 16 апрелдаги 199-сон қарорига мувофиқ олиб борилсин.
(4-банд Ўзбекистон Республикаси Вазирлар Маҳкамасининг 2004 йил 29 мартдаги 147-сонли қарори таҳририда — ЎР ҚҲТ, 2004 й., 13-сон, 149-модда)
5. Вилоятлар ва Тошкент шаҳар ҳокимликлари Ахборот-таҳлил гуруҳининг ташкилий тузилмаси 3а-иловага мувофиқ тасдиқлансин.
ҳудудларда ижтимоий-иқтисодий ислоҳотлар амалга оширилишини ташкил этиш, уларнинг туман ва шаҳарларда ўтказилиш мониторингини амалга ошириш;
Вазирлар Маҳкамаси билан биргаликда ҳудудларни ижтимоий-иқтисодий ривожлантириш комплекс дастурларини ишлаб чиқишда фаол иштирок этиш ва уларнинг изчиллик билан амалга оширилишини таъминлаш;
вилоят ҳокимияти котибиятлари, гуруҳлари ва бошқа бўлинмаларининг ижтимоий-иқтисодий ислоҳотларни амалга ошириш соҳасидаги фаолиятини мувофиқлаштириб бориш;
ҳудудларда ижтимоий-иқтисодий ислоҳотлар боришини таҳлил қилиш ва мунтазам равишда Вазирлар Маҳкамаси ва ҳокимият раҳбариятига ахборот бериб туриш.
7. Қуйидагилар вилоятлар ва Тошкент шаҳар ҳокимликлари котибиятларининг асосий вазифалари этиб белгилансин:
ҳудудларда ўтказилаётган ижтимоий-иқтисодий ислоҳотларни чуқурлаштириш юзасидан ишлаб чиқилган дастурларнинг амалда бажарилишини таъминлаш;
ҳокимият муҳокамасига киритилаётган ҳужжатлар лойиҳаларининг ҳоким ва унинг ўринбосарлари кўриб чиқиши учун мутахассислар томонидан ишлаб чиқилишини ташкил қилиш;
ҳоким ва унинг ўринбосарлари топшириқларига биноан ҳокимликнинг қарор лойиҳалари ва бошқа тегишли ҳужжатларини тайёрлаш;
юқори ташкилотлар ҳамда ҳокимият қарор ва фармойишларининг маҳаллий бошқарув органлари ва идоралари томонидан ўз вақтида бажарилишини таъминлаш;
котибият ваколатига тааллуқли масалалар бўйича таҳлилий ҳужжатларни тайёрлаш ва ҳокимликка тушган ахборот, таклиф ва мулоҳазаларни умумлаштириш.
8. Белгилаб қўйилсинки, ҳокимликлар котибиятларида тайёрланадиган қарорлар лойиҳалари ва ҳужжатлар Ахборот-таҳлил гуруҳи томонидан албатта маъқулланган бўлиши керак.
Олдинги таҳрирга қаранг.
(9-банд Ўзбекистон Республикаси Вазирлар Маҳкамасининг 2004 йил 29 мартдаги 147-сонли қарорига асосан ўз кучини йўқотган — ЎР ҚҲТ, 2004 й., 13-сон, 149-модда)
10. Вилоятлар ва Тошкент шаҳар ҳокимликлари аппарати ва бошқарув органлари ходимларига меҳнат ҳақи тўлаш бўйича гуруҳлар жадвали ва тариф разрядлари 4 ва 5-иловаларга мувофиқ тасдиқлансин.
11. Вазирлар Маҳкамасининг ушбу масалага оид аввал қабул қилинган қарорлари 6-иловага мувофиқ ўз кучини йўқотган деб ҳисоблансин.
12. Мазкур қарорнинг бажарилишини назорат қилиш Ўзбекистон Республикасининг Бош вазири Ў. Султонов зиммасига юклансин.
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2004 йил 5 январдаги 2-сонли қарорига асосан ўз кучини йўқотган — ЎР ҚҲТ, 2004 й., 1-2-сон, 11-модда)
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2004 йил 5 январдаги 2-сонли қарорига асосан ўз кучини йўқотган — ЎР ҚҲТ, 2004 й., 1-2-сон, 11-модда)
Олдинги таҳрирга қаранг.
(3-илова Ўзбекистон Республикаси Вазирлар Маҳкамасининг 2004 йил 5 январдаги 2-сонли қарорига асосан ўз кучини йўқотган — ЎР ҚҲТ, 2004 й., 1-2-сон, 11-модда)
Олдинги таҳрирга қаранг.
(3а-илова Ўзбекистон Республикаси Вазирлар Маҳкамасининг 2004 йил 5 январдаги 2-сонли қарорига асосан ўз кучини йўқотган — ЎР ҚҲТ, 2004 й., 1-2-сон, 11-модда)
Андижон | I |
Бухоро* | II |
Жиззах | III |
Қашқадарё | I |
Навоий | II |
Наманган | II |
Самарқанд | I |
Сурхондарё | II |
Сирдарё | III |
Тошкент* | I |
Фарғона | I |
Хоразм | II |
Тошкент шаҳри | гуруҳдан ташқари |
LexUZ шарҳи
5-иловага Ўзбекистон Республикаси Вазирлар Маҳкамасининг 2000 йил 3 августдаги 303-сонли «Вилоятлар, шаҳарлар ва туманлар ҳокимликлари ташкилий-кадрлар хизмати мақомини ўзгартириш тўғрисида»ги қарорига мувофиқ ўзгартиришлар киритилган.
Гуруҳдан | Биринчи | Иккинчи | Учинчи | |
Ахборот -таҳлил гуруҳи | 18 | 17 | 16 | 15 |
Ишлар бошқарувчиси | 16 | 15 | 14 | 13 |
Котибият мудири | 16 | 15 | 14 | 13 |
Гуруҳ раҳбари | 16 | 15 | 14 | 13 |
Бош мутахассис | 14 | 13 | 12 | 11 |
Етакчи мутахассис | 13 | 12 | 11 | 10 |
Референт | 12 | 11 | 10 | 9 |
1. Ўзбекистон Республикаси Президенти ҳузуридаги Вазирлар Маҳкамасининг «Вилоят ва Тошкент шаҳар ҳокимликларининг ходимлари сони ва тахминий тузилиши тўғрисида» 1992 йил 7 февралдаги 55-сон қарори.
2. Ўзбекистон Республикаси Вазирлар Маҳкамасининг «Ўзбекистон Республикаси Коммунал хизмат кўрсатиш вазирлигини ташкил этиш ва унинг фаолияти масалалари тўғрисида» 1993 йил 22 июлдаги 371-сон қарори 4-бандининг 3 қисми.
3. Ўзбекистон Республикаси Вазирлар Маҳкамасининг «Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари аппарати таркибида халқ истеъмол товарлари ишлаб чиқариш, савдо ва хизмат кўрсатиш соҳасида тадбиркорлик, хусусий бизнес ва тижорат ишларини мувофиқлаштириш ва қўллаб-қувватлаш бўлимлари ташкил этиш тўғрисида» 1995 йил 4 апрелдаги 117-сон қарори.