LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикасининг 1992 йилги 12 фоизли ички ютуқли заёми облигацияларини муомалага чиқаришни оператив таъминлаш мақсадида Вазирлар Маҳкамаси қарор қилади:
1. Ўзбекистон Республикаси Давлат банки (ўртоқ Муллажонов)нинг 1992 йилнинг 20 июнига қадар бирлашма томонидан Давлат банки инкассациясига 1992 йилги ички ютуқли заёми 01-номерли разряди облигацияларининг Ўзбекистон жамғармалар банки разнарядкасига биноан (1-илова*) Ўзбекистон жамғармалар банки, Ўзбекистон саноат-қурилиш банки ва Ўзбекистон агросаноат банкининг ҳар бир муассасасига ва кейинчалик шу заёмнинг бошқа разрядлари облигацияларини ана шундай тартибда етказишни таъминлаш ҳақидаги таклифлари қабул қилинсин.
*1-илова рус тилидаги матнда берилган.
ички ютуқли заём облигацияларининг сақланишини ва банкларнинг талабномаларига биноан облигациялар етказиб беришни таъминласин;
Давлат хазинасидан Ўзбекистон Республикасининг 1992 йилги заёми облигацияларининг келишига қараб ўтказилган тиражлар бўйича ютуқ чиққан облигацияларни бекор қилишга доир тегишли ишларни ташкил этишни таъминласин;
3. Ўзбекистон Республикасининг 1992 йилги 12 фоизли ички ютуқли заёми облигациялари бўйича ютуқлар тиражларини ўтказишнинг илова қилинаётган графиги тасдиқлансин (2-илова*).
*2-илова рус тилидаги матнда берилган.
4. Ўзбекистон Республикасининг 1992 йилги 12 фоизли ички ютуқли заёми облигацияларини сотиш курс қийматининг жадвали тасдиқлансин (3-илова*).
*3-илова рус тилидаги матнда берилган.
Ўзбекистон Республикасининг 1992 йилги ички ютуқли заёми облигацияларини муомалага чиқаришни амалга ошириш, облигациялар депозитини бошқариш устидан ҳамма жойда назорат ўрнатсин;
1992 йилнинг 1 июлига қадар Ўзбекистон жамғармалар банки билан биргаликда ютуқлар тиражларини ўтказиш Қоидасини ишлаб чиқсин ва тасдиқласин ҳамда тиражларни тасдиқланган графикка мувофиқ ўтказишни таъминласин.
6. Бозор муносабатлари шароитларида заём қийматини сақлашни таъминлаш мақсадида Вазирлар Маҳкамаси, пулнинг қадрсизланишини ҳисобга олган ҳолда, Ўзбекистон Республикасининг 12 фоизли заёми ютуғининг фоизли ставкасини вақти-вақти билан қайта кўриб чиқсин.
7. Белгилаб қўйилсинки, тираж ўтказиладиган жойдаги тегишли ҳокимликнинг ўринбосари тираж комиссиясининг раиси этиб тайинланади. Тираж комиссиясининг таркиби Ўзбекистон Республикаси Молия вазирлигининг буйруғи билан тасдиқланади.
8. Ўзбекистон Республикаси Молия вазирлиги, Ўзбекистон жамғармалар банки, Ўзбекистон саноат-қурилиш банки, Ўзбекистон агросаноат банки:
аҳоли ўртасида 12 фоизли ички ютуқли заёмни оммалаштириш бўйича тарғибот-реклама ва тушунтириш ишларини олиб боришни таъминласинлар. Шу мақсадда матбуотда мақолалар эълон қилинсин, мутахассисларнинг радио, телевидение орқали чиқишлари уюштирилсин;
тарғибот-реклама ишларини ташкил этишда амалий ёрдам кўрсатиш учун жойларга масъул ходимларни юборсинлар;
банк муассасаларини заём облигациялари билан доимий таъминлаш ва уларни аҳолига сотиш устидан назорат ўрнатсинлар.
9. Қорақалпоғистон Республикаси Вазирлар Кенгаши, вилоятлар, ноҳиялар ва шаҳарлар ҳокимликлари заём шартлари ва унинг пул муомаласини барқарорлаштиришдаги аҳамияти бўйича кенг реклама-тушунтириш ишларини ташкил қилсинлар.
10. Корхоналар, ташкилотлар ва муассасаларнинг раҳбарлари касаба уюшмалари органлари билан биргаликда меҳнат жамоаларида жамғарма ишига ва облигацияларни оммалаштиришга кўмаклашиш гуруҳлари тузсинлар.