LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Халқ истеъмол товарлари, айниқса болалар учун товарлар ва бадиий ҳунармандчилик буюмлари ишлаб чиқаришни ривожлантиришни давлат томонидан қўллаб-қувватлаш, корхоналарни замонавий техника ва илғор технология базасида қуриш ва техника билан қайта жиҳозлашни тугаллаш, рақобатбардошли ва импортнинг ўрнини босувчи маҳсулотлар ишлаб чиқариш ўсишини рағбатлантириш, енгил ва маҳаллий саноат корхоналари ишини барқарорлаштириш ва уларни молиявий соғломлаштириш мақсадида Вазирлар Маҳкамаси қарор қилади:
1. 1996 — 1998 йилларда банкларнинг кредитлари ҳисобига қуриш, реконструкция қилиш, кенгайтириш, техника билан қайта жиҳозлаш ва қўшма корхоналар ташкил этиш бўйича «Ўзбекенгилсаноат» уюшмаси ва «Маҳаллий саноат» корпорацияси томонидан ишлаб чиқилган тармоқларни ривожлантириш дастури 1 ва 2-иловаларга* мувофиқ маъқуллансин.
Ўзбекистон Республикасининг тижорат банклари — «Ўзсаноатқурилишбанк», «Пахта-банк», Ташқи иқтисодий фаолият миллий банки, «Ўзбекенгилсаноатбанк»ка 1 ва 2-иловаларда назарда тутилган объектларни қуриш, реконструкция қилиш ва техника билан қайта жиҳозлашни маблағ билан таъминлаш учун устувор тартибда узоқ муддатли кредитлар бериш тавсия этилсин.
Ўзбекистон Республикаси Ташқи иқтисодий фаолият миллий банки (Азимов) лойиҳаларнинг самарадорлиги ва ўзини қоплашини тасдиқловчи экспертиза асосида «Ўзбекенгилсаноат» уюшмаси ва «Маҳаллий саноат» корпорациясига техника билан қайта жиҳозлаш ва мазкур қарорга 2-иловада кўрсатилган ташкил этилаётган қўшма корхоналар учун хорижий валютада кредит ажратсин.
2. Хорижий сармоялар бўйича агентлик республика енгил ва маҳаллий саноат корхоналарини реконструкция қилиш ва қуришнинг лойиҳаларини кенг реклама қилишни, шунингдек уларни амалга оширишга хорижий инвесторлар сифатида банклар, компаниялар ва халқаро молия органларини фаол жалб қилишни ўз фаолиятининг асосий вазифаларидан бири деб ҳисобласин.
Агентлик ва «Ўзбекинвест» компанияси мазкур банднинг қандай бажарилаётганлиги тўғрисида йилнинг ҳар чорагида Ўзбекистон Республикаси Вазирлар Маҳкамасига ахборот берсин.
4. «Ўзистиқболстат» давлат қўмитаси (Исмоилов) республиканинг 1997-1998 йилларга мўлжалланган инвестиция дастурини шакллантиришда унга енгил ва маҳаллий саноат объектлари киритилишини назарда тутсин.
5. Мазкур қарорга 1-иловада кўрсатилган корхоналар объектлар қурилиши тугалланиши муддатигача, бироқ норматив муддатдан ортиқ эмас, ер солиғи тўлашдан озод қилинсин.
Олдинги таҳрирга қаранг.
(6-банд Ўзбекистон Республикаси Вазирлар Маҳкамасининг 1998 йил 3 февралдаги 55-сон қарорига мувофиқ ўз кучини йўқотди)
Олдинги таҳрирга қаранг.
(7-банд Ўзбекистон Республикаси Президентининг 2015 йил 22 декабрдаги ПҚ-2455-сонли қарорига асосан ўз кучини йўқотган — ЎР ҚҲТ, 2015 й., 52-сон, 646-модда)
9. Пул-кредит сиёсати бўйича республика комиссияси «Ўзбекенгилсаноат» уюшмасига пиллани мавсумий харид қилиш учун 1996 йилда ўз оборот маблағларини тўлдиришга 200 млн. сўм миқдорида кредит ажратиш масаласини белгиланган тартибда ҳал этсин.
10. Тижорат банклари (Иботов, Сайфутдинов, Муҳитдинов) ва Ўзбекистон Республикаси Ташқи иқтисодий фаолият миллий банки (Азимов) пилла, табиий жун, қанд лавлаги харид қилиш учун илгари берилган ва қайтарилмаган кредитлар учун фоиз ставкаларини пасайтириш масаласини кўриб чиқсинлар ҳамда уларни тўлаш муддатини 1997 йил 1 январгача кечиктирсинлар, «Ўзбекенгилсаноат» уюшмаси ва «Маҳаллий саноат» корпорациясининг ипакчилик, жун ва қандолатчилик тармоқлари корхоналарини муддати ўтказиб юборилган тўловлар бўйича пеня тўлашдан озод қилсинлар.
Олдинги таҳрирга қаранг.
(11-банд Ўзбекистон Республикаси Вазирлар Маҳкамасининг 2002 йил 2 июлдаги 240-сон қарорига мувофиқ ўз кучини йўқотди)
12. «Ўзбекенгилсаноат» уюшмаси, «Маҳаллий саноат» корпорацияси, «Ўзбексавдо» уюшмаси, Ўзбекбирлашув Ўзбекистон Республикаси Молия вазирлиги ва Давлат солиқ қўмитаси билан келишган ҳолда ишлаб чиқаришдан олиб ташланган харидоргир бўлмаган ва касод товарлар қолдиқлари нархларини ўз даромад манбалари ҳисобига арзонлаштирсинлар.
13. Ўзбекистон Республикаси Адлия вазирлиги икки ҳафта муддатда қонунчиликка мазкур қарордан келиб чиқувчи ўзгартиришлар киритишга доир таклифларни тақдим этсин.