Корхоналарни модернизация қилиш, техник ва технологик қайта жиҳозлаш жараёнларини амалга оширишда Ўзбекистон Республикасининг Тикланиш ва тараққиёт жамғармаси ролини ошириш ҳамда иштироки кўламини кенгайтириш, мамлакат саноатининг етакчи тармоқларида ва ишлаб чиқариш инфратузилмасидаги стратегик инвестиция лойиҳаларини биргаликда молиялаш ҳажмларини кўпайтириш учун Жамғарманинг ресурс базасини мустаҳкамлаш мақсадида:
1. Маълумот учун қабул қилинсинки, Ўзбекистон Республикаси Президентининг «Ўзбекистон Республикасининг Тикланиш ва тараққиёт жамғармаси ресурс базасини янада мустаҳкамлаш чора-тадбирлари тўғрисида» 2010 йил 11 августдаги ПҚ-1387-сон қарорига мувофиқ Тикланиш ва тараққиёт жамғармасининг устав капитали белгиланган 10 млрд АҚШ доллари миқдорида шакллантирилди.
2. Ўзбекистон Республикаси Молия вазирлиги, Марказий банки, Иқтисодиёт вазирлиги, Ташқи иқтисодий алоқалар, инвестициялар ва савдо вазирлигининг 2012 — 2016 йиллар мобайнида Ўзбекистон Республикаси Тикланиш ва тараққиёт жамғармасининг устав капиталини босқичма-босқич 15 млрд АҚШ долларига етказиш тўғрисидаги таклифига розилик берилсин.
Олдинги таҳрирга қаранг.
(3-банд Ўзбекистон Республикаси Президентининг 2023 йил 18 декабрдаги ПҚ-397-сонли қарорига асосан ўз кучини йўқотган — Қонунчилик маълумотлари миллий базаси, 19.12.2023 й., 07/23/397/0948-сон)
4. Ўзбекистон Республикаси Президентининг айрим ҳужжатларига 2-иловага мувофиқ ўзгартиш ва қўшимчалар киритилсин.
6. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.
1. Ўзбекистон Республикаси Президентининг «Ўзбекистон Республикасининг Тикланиш ва тараққиёт жамғармаси фаолиятини ташкил қилиш чора-тадбирлари тўғрисида» 2006 йил 16 майдаги ПҚ-350-сон қарорида:
«Ўзбекистон Республикаси Президенти ва Ўзбекистон Республикаси Ҳукумати қарорларига мувофиқ бошқа тушумлар».
2. Ўзбекистон Республикаси Президентининг 2006 йил 16 майдаги ПҚ-350-сон қарори билан тасдиқланган Ўзбекистон Республикасининг Тикланиш ва тараққиёт жамғармаси, Жамғарма маблағларини шакллантириш ва улардан фойдаланиш принциплари тўғрисидаги низомда:
республиканинг айрим стратегик ресурслари бўйича жаҳон бозорларидаги қулай нархлар натижасида ҳосил бўлиб, ортиқча фойдадан олинадиган солиқлар, ер бағридан фойдаланганлик учун солиқ ва акциз солиғи тарзида республика бюджетига режадан ортиқча тушадиган маблағлар;
ҳар йили Давлат бюджети параметрларини тасдиқлаш чоғида Вазирлар Маҳкамасининг қарорлари билан қимматбаҳо металларга белгиланадиган чегара нархидан жаҳон нархининг ошиши натижасида тушадиган маблағлар.
давлат мулкини хорижий инвесторларга чет эл валютасига сотишда Давлат бюджети даромадларини шакллантиришда ҳисобга олинган ҳажмлардан ортиқча тушадиган маблағлар;
Жамғарма активларини бошқаришдан, шу жумладан Жамғарма маблағларининг бўш қолдиқларини жойлаштиришдан олинадиган инвестиция даромадлари;
Ўзбекистон Республикаси Президенти ва Ўзбекистон Республикаси Ҳукумати қарорларига мувофиқ бошқа тушумлар»;
«Жамғарма маблағлари ҳисобидан биргаликда молиялаштириладиган импорт контрактлари бўйича аванс тўловларини тўлаш, қоидага кўра, етказиб берувчи томонидан қайта молиялаштирувчи тижорат банкига биринчи даражали хорижий банк томонидан, аванс тўловини қайтаришга берилган кафолатномани тақдим этган ҳолда амалга оширилади»;
25-банднинг учинчи хатбошидаги «Марказий банкининг амалдаги меъёрий ҳужжатларига» сўзлари «Марказий банкнинг ҳужжатлари ва бошқа қонун ҳужжатларига» сўзлари билан алмаштирилсин.