LexUZ sharhi
Mazkur qaror O‘zbekiston Respublikasi Vazirlar Mahkamasining 2001-yil 13-fevraldagi 74-son “O‘zkommunxizmat” agentligi to‘g‘risidagi nizomni, Qoraqalpog‘iston Respublikasi vazirlar kengashi, viloyatlar va Toshkent shahar hokimliklarining hududiy kommunal-foydalanish birlashmasi to‘g‘risidagi Namunaviy nizomni tasdiqlash haqida”gi qaroriga muvofiq o‘z kuchini yo‘qotgan.
Vazirlar Mahkamasi qaror qiladi:
1. O‘zbekiston Respublikasi Kommunal xizmat ko‘rsatish vazirligi to‘g‘risida ilova qilinayotgan Nizom tasdiqlansin.
2. O‘zbekiston SSR Ministrlar Sovetining “O‘zbekiston SSR Uy-joy-kommunal xo‘jaligi ministrligi to‘g‘risidagi Nizomni tasdiqlash haqida” 1988-yil 5-noyabrdagi 418-son (O‘zSSR QT, 1988-y., 10-11-son, 35-modda) va “O‘zbekiston SSR Uy-joy-kommunal xo‘jaligi vazirligi to‘g‘risidagi Nizomga qo‘shimchalar kiritish haqida” 1990-yil 30-iyuldagi 267-son (O‘zSSR QT, 1990-y., 7-son, 23-modda) qarorlari o‘z kuchini yo‘qotgan deb hisoblansin.
1.O‘zbekiston Respublikasi Prezidentining 1993-yil 15-iyuldagi Farmoni va O‘zbekiston Respublikasi Vazirlar Mahkamasining 1993-yil 22-iyuldagi 371-son qaroriga muvofiq tashkil qilingan O‘zbekiston Respublikasi Kommunal xizmat ko‘rsatish vazirligi davlat boshqaruv organi hisoblanadi va o‘z faoliyatida O‘zbekiston Respublikasi Vazirlar Mahkamasiga bo‘ysunadi.
2. Kommunal xizmat ko‘rsatish vazirligi o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisining boshqa qarorlariga, O‘zbekiston Respublikasi Prezidentining farmonlariga, O‘zbekiston Respublikasi Vazirlar Mahkamasining qarorlari va farmoyishlariga, mazkur Nizomga va davlat hokimiyati va boshqaruv organlarining me’yoriy hujjatlariga amal qiladi.
3. Quyidagilar Kommunal xizmat ko‘rsatish vazirligi faoliyatining asosiy vazifalari va yo‘nalishlari hisoblanadi:
respublikada uy-joy fondidan foydalanish va uning saqlanishini ta’minlash, kommunal xizmat ko‘rsatishni rivojlantirish sohasida davlat siyosatini shakllantirish va o‘tkazish;
respublika shaharlari, shaharchalari va tuman markazlarida aholining, ijtimoiy-maishiy soha korxonalari va boshqa iste’molchilarning kommunal xizmatlarga, qishloq joylarda esa kommunal gaz ta’minotiga, bo‘lgan ehtiyojini yanada to‘laroq qondirish uchun kommunal xo‘jaligini rivojlantirish tamoyillarini, istiqbolli dasturlarini va sxemalarini ishlab chiqish;
tarmoqda yagona ilmiy-texnika siyosatini o‘tkazish, kommunal korxonalarni loyihalash, qurish va ulardan foydalanish masalalarida boshqa davlatlarning tajribasini o‘rganish va yoyish;
muhandislik (suv quvuri, kanalizatsiya, issiqlik va gaz) tarmoqlari va inshootlarini loyihalash, qurish, tuzatish va saqlash masalalarining uzviy hal etilishini ta’minlash;
bozor munosabatlariga o‘tishda Vazirlik tarkibiga kiruvchi korxonalar va tashkilotlarga ularni aksionerlik, jamoa, ijara va boshqa tashkiliy-huquqiy shakllarga bosqichma-bosqich aylantirishda ko‘maklashish.
4. “O‘zbekiston Respublikasida mulkchilik to‘g‘risida” O‘zbekiston Respublikasining Qonuniga muvofiq kommunal xizmat ko‘rsatish vazirligi Vazirlik balansidagi davlat mol mulkini xo‘jalik yuritish huquqi bilan boshqarishni amalga oshiradi.
5. Kommunal xizmat ko‘rsatish vazirligi tarkibida bevosita o‘ziga bo‘ysunuvchi respublika ishlab chiqarish birlashmalari, trestlar, boshqarmalar, korxonalar, tashkilotlar bo‘lgan hamda Qoraqalpog‘iston Respublikasi Kommunal xizmat ko‘rsatish vazirligi, ikki tomonga (vazirlikka va hokimlikka) bo‘ysunuvchi viloyatlar va Toshkent shahar hududiy kommunal-foydalanish birlashmalari yagona tizimni tashkil qiladi.
6. Vazirlik aholiga kontrakt (shartnoma) asosida hududiy kommunal-foydalanish birlashmalari orqali kommunal xizmat ko‘rsatadi.
7. Kommunal xizmat ko‘rsatish vazirligi tarmoqni rivojlantirish uchun markazlashtirilgan holda ajratiladigan valyuta mablag‘lari, kapital mablag‘lar, moddiy-texnika resurslariga kvotalar va davlat ehtiyojlari uchun mahsulotning fond egasi;
O‘zbekiston Respublikasi kommunal xo‘jaligining ehtiyojlari uchun yangi mashinalar, jihozlar va asboblarni yaratish bo‘yicha yagona buyurtmachi hisoblanadi.
kommunal xo‘jalikni istiqbolli va yalpi rivojlantirish masalalarini hal qiladi; tarmoqda ilmiy-texnika va investitsiya siyosatini belgilaydi, ilmiy-texnika taraqqiyoti yutuqlarini umumlashtiradi va tatbiq etadi;
iqtisodiy ishlarni takomillashtiradi, bozor iqtisodiyoti munosabatlarida xo‘jalikni yuritishning yangi usullari, mehnatni me’yorlash, ish haqi to‘lash va pag‘batlashtirishni tashkil etishning ilg‘or shakllarini ishlab chiqadi va tatbiq etadi, puxta iqtisodiy tahlil asosida korxonalarni me’yoriy-uslubiy ta’minlash va ularning moliyaviy ahvolini mustahkamlash masalalarini hal qiladi;
istiqbollar, me’yoriy-tadqiqot va tajriba ishlari, shaharlar, shaharchalar, tuman markazlari aholisini kommunal xizmatlar, qishloq joylarda esa kommunal gaz bilan ta’minlash me’yorlari, uy-joy fondi, kommunal xo‘jaligi korxonalari va inshootlarini, ularning qaysi idoraga qarashligidan qat’iy nazar, but saqlanishi, ta’mirlash va ulardan foydalanish qoidalari, texnikaviy shartlari, normativlari va yo‘riqnomalarining loyihalarini belgilangan tartibda ishlab chiqadi va tasdiqlaydi;
Qopaqalpog‘icton Respublikasi Vazirlar Kengashi, viloyatlar va Toshkent shahar hokimliklari tomonidan ishlab chiqilgan hududiy kommunal-foydalanish birlashmalari kichik tarmoqlarini rivojlantirish va ulardan foydalanishning yillik, va istiqbol loyihalarini ko‘rib chiqadi va kelishib oladi;
Vazirlikning korxonalari va tashkilotlarida huquq ishlarini tegishli yo‘lga qo‘yishda yordam beradi;
respublika Hukumatiga, “O‘zistiqbolstat” davlat qo‘mitasiga tarmoq tuzilishini takomillashtirish, kommunal xizmat ko‘rsatish korxonalarini kengaytirish va qurish, o‘z ishlab chiqarish negizini rivojlantirish, tarmoqni mutanosib rivojlantirishni nazarda tutgan holda O‘zbekiston Respublikasi Kommunal xizmat ko‘rsatish vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga shu maqsadlar uchun ajratiladigan davlat kapital mablag‘lari hajmi bo‘yicha takliflar tayyorlaydi;
kommunal xo‘jaligiga oid va Vazirlik tizimining boshqa obyektlari qurilishlarining titul ro‘yxatlarini ishlab chiqadi va tasdiqlash uchun taqdim qiladi;
atrof-muhitni muhofaza qilish bilan bog‘liq chora tadbirlarni amalga oshirishda kommunal xizmat ko‘rsatish korxonalarining ishlarini muvofiqlashtiradi;
Oldingi tahrirga qarang.
uy-joy mulkdorlari va uy-joy fondiga xizmat ko‘rsatuvchi, ularni tuzatuvchi korxonalar, shuningdek, aholiga kommunal xizmatlar ko‘rsatuvchi korxonalar tomonidan uy-joy fondidan texnik foydalanish normalari va qoidalariga rioya etilishi ustidan nazoratni amalga oshiradi;
(8-band O‘zbekiston Respublikasi Vazirlar Mahkamasining 1999-yil 16-iyuldagi 345-son qaroriga muvofiq o‘ninchi xatboshi bilan to‘ldirilgan)
Vazirlik tizimi korxonalari va tashkilotlari tomonidan mehnatni muhofaza qilish va xavfsizlik texnikasi tadbirlarini ishlab chiqish va hayotga joriy qilishni nazorat etishni amalga oshiradi;
kommunal xizmat ko‘rsatish korxonalarining Vazirlik sanoat korxonalari mahsulotlariga, kommunal va boshqa obyektlarning jihozlarini sozlash va montaj qilish ishlariga bo‘lgan ehtiyojlarni shartnoma asosida qondirishni ta’minlaydi;
tarmoqning texnikaviy darajasini yuksaltirish uchun chet el valyutalarini jalb qilish maqsadida boshqa davlatlarning firmalari, qo‘shma korxonalar, respublikaning mahsulotni eksportga chiqaruvchi korxonalari va tashkilotlari bilan tashqi iqtisodiy aloqalarni rivojlantirish va hamkorlik qilishning yangi shakllarini joriy qilishni amalga oshiradi;
ichki kooperatsiya va tashqi iqtisodiy aloqalar hisobiga tarmoqni moddiy-texnika resurslari bilan ta’minlashni tashkil etadi; markazlashtirilgan holda taqsimlanadigan mahsulot bilan korxonalarning moddiy-texnika ta’minoti istiqbollarini belgilangan muddatlarda ishlab chiqadi va ularni amalga oshirishda korxonalarga amaliy yordam ko‘rsatadi; tarmoq korxonalarining mahsulot ishlab chiqaruvchilar bilan bevosita aloqalarini rivojlantirishni har tomonlama qo‘llab-quvvatlaydi;
amaldagi qonunlarga muvofiq va o‘z vakolatlari doirasida uy-joy-kommunal xizmatlar uchun narx belgilash sohasida davlat siyosatini o‘tkazadi, narxlarning davlat intizomiga rioya qilinishini ta’sirli nazorat etishni amalga oshiradi;
davlat mulkining but saqlanishi, Vazirlikning davlat korxonalari va tashkilotlariga budjetdan ajratilgan mablag‘lardan belgilangan maqsad uchun foydalanish, mazkur korxonalar va tashkilotlarning faoliyatida qonunlarga rioya qilishini nazorat etadi; ularning ishlab chiqarish, moliya-xo‘jalik faoliyatini taftish qiladi;
kadrlarni tayyorlash, qayta tayyorlash va ularning malakasini oshirishning samarali tizimini tashkil etadi; mehnat jamoalarining o‘z-o‘zini boshqarish prinsiplarini rivojlantiradi;
9. Kommunal xizmat ko‘rsatish vazirligi o‘ziga yuklatilgan vazifalarga muvofiq quyidagi huquqlarga ega:
Vazirlik tasarrufidagi korxonalar va tashkilotlarning kommunal, ijtimoiy-madaniy va boshqa maqsadlardagi korxonalar va korxonalar obyektlari qurilishi va qayta qurilishining loyiha smeta hujjatlarini belgilangan tartibda ishlab chiqish va tasdiqlash, buyurtmachi hamda kommunal xo‘jaligi obyektlarining qurilishi bo‘yicha pudratchi vazifasini amalga oshirish;
Oldingi tahrirga qarang.
(9-band O‘zbekiston Respublikasi Vazirlar Mahkamasining 1999-yil 16-iyuldagi 345-son qaroriga muvofiq uchinchi xatboshi bilan to‘ldirilgan)
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshiriladigan kommunal xo‘jaligi obyektlarini loyihalash va qurish uchun titul ro‘yxatlari loyihalarini ko‘rib chiqish va kelishib olish;
Vazirlar Mahkamasi tasdiqlashi kerak bo‘lgan shaharlar bosh rejalarining loyihalari va kommunal obyektlar qurilishiga xulosalar berish; turar joy va kommunal xo‘jaligi obyektlarining namunaviy loyihalarini ko‘rib chiqish va ular bo‘yicha xulosalar berish;
belgilangan tartibda O‘zbekiston Respublikasining tegishli organlariga yig‘ma hisobot taqdim etish uchun Vazirlik tizimi korxonalari va tashkilotlarining statistika, hisob-kitob va boshqa hisobotlarini olish va ko‘rib chiqish;
umumtarmoq dasturlarini moliyaviy ta’minlash, Vazirlik apparatini saqlash va Vazirlikka bevosita bo‘ysunuvchi hududiy- kommunal foydalanish birlashmalari, korxonalari va tashkilotlarining daromadlaridan ajratmalar hisobiga kommunal xizmat ko‘rsatishni barqarorlashtirish va rivojlantirishning yagona fondini barpo etish;
o‘ziga qarashli kommunal xizmat ko‘rsatish korxonalari va tashkilotlarini tashkil etish, qayta tashkil etish va tugatish;
O‘zbekiston Respublikasi tashqi iqtisodiy faoliyatining vakolatli banklarida valyuta hisob raqamlarini ochish, daromad olish maqsadida o‘z kapitallari bilan banklarni tashkil etishda qatnashish;
belgilangan tartibda hokimliklar, jamoat va boshqa tashkilotlar vakillarining ishtirokida kengashlar chaqirish va ularda O‘zbekiston Respublikasi Prezidenti va Hukumatining muhim qarorlarini bajarish bo‘yicha tadbirlarini, tarmoqni rivojlantirish muammolarini va kommunal xizmat ko‘rsatishni yaxshilash bilan bog‘liq bo‘lgan masalalarni muhokama qilish;
tarmoq xodimlarini belgilangan tartibda ko‘krakka taqiladigan nishonlar, Faxriy yorliqlar bilan mukofotlash va rag‘batlantirishning boshqa turlarini qo‘llash;
Tapmoq xodimlarini ijtimoiy va iqtisodiy himoya qilish yuzasidan tarmoq kasaba uyushmasi MQ bilan har yili shartnomalar tuzish.
Oldingi tahrirga qarang.
10. O‘zbekiston Respublikasi Kommunal xizmat ko‘rsatish vazirligining o‘z vakolatlari doirasida chiqariladigan kommunal xo‘jaligi obyektlaridan, uy-joy fondidan foydalanish va ularning saqlanishini ta’minlash sohasidagi normativ hujjatlarini bajarish davlat organlari va boshqa organlar, yuridik va jismoniy shaxslar uchun majburiy hisoblanadi.
(10-band O‘zbekiston Respublikasi Vazirlar Mahkamasining 1999-yil 16-iyuldagi 345-son qarori tahririda)
11. Kommunal xizmat ko‘rsatish vazirligining o‘ziga bo‘ysunuvchi korxonalar (birlashmalar) va tashkilotlar bilan munosabatlari iqtisodiy tahlil, tarmoqni rivojlantirishning asoslangan istiqbollari, to‘la xo‘jalik hisobi prinsiplariga rioya qilish, o‘z-o‘zini mablag‘ bilan ta’minlash va o‘z-o‘zini boshqarish asosiga quriladi.
Korxonalar (birlashmalar) va tashkilotlarga rahbarlik qilish davlat buyurtmalari va uzoq muddatli iqtisodiy normativlar asosida iqtisodiy usullar bilan amalga oshiriladi.
12. Kommunal xizmat ko‘rsatish vazirligi o‘z ishini tarmoqqa rahbarlik qilishga oid barcha masalalarni muhokama qilish va hal etishda kollegiallik va oshkoralikni uyg‘unlashtirishning demokratik prinsiplari asosida, lavozimli shaxslarning topshirilgan uchastkadagi ishlarning ahvoli va ayrim topshiriqlarning bajarilishi uchun javobgarligini belgilash yo‘li bilan tashkil etadi.
13. Kommunal xizmat ko‘rsatish vazirligi fuqarolarning takliflari, arizalari va shikoyatlarini o‘z vaqtida diqqat bilan ko‘rib chiqishini tashkil qiladi va ularda ko‘tarilgan masalalarni to‘g‘ri hal etishga harakat qiladi hamda fuqarolarning xatlarida xabar qilingan Vazirlik korxonalari faoliyatidagi kamchiliklarni bartaraf etish chora-tadbirlarini ko‘radi.
14. Kommunal xizmat ko‘rsatish vazirligiga respublika Konstitutsiyasiga muvofiq O‘zbekiston Respublikasi Prezidenti tomonidan tayinlanadigan va keyinchalik O‘zbekiston Respublikasi Oliy Majlisi tasdig‘iga taqdim qilinadigan Vazir boshchilik qiladi. Kommunal xizmat ko‘rsatish vazirining O‘zbekiston Respublikasi Vazirlar Mahkamasi tayinlaydigan o‘rinbosarlari bo‘ladi. Vazir o‘rinbosarlari o‘rtasida vazifalarni Vazir taqsimlaydi.
15. Vazirlik markaziy apparatining tuzilishi va xodimlari soni Vazirlar Mahkamasi tomonidan tasdiqlanadi.
Vazirlik zimmasiga yuklatilgan vazifalarning bajarilishi uchun shaxsan javob beradi, Vazir o‘rinbosarlari, Vazirlik markaziy apparati tarkibiy bo‘linmalari rahbarlarining Vazirlik faoliyatining ayrim sohalariga rahbarlik qilish va Vazirlik korxonalarining ishini tashkil qilish uchun javobgarlik darajasini belgilaydi;
Vazirlik markaziy apparati xarajatlar smetasini, uning xodimlari shtat jadvalini va Vazirlik markaziy apparati tarkibiy bo‘linmalari to‘g‘risidagi nizomlarni tasdiqlaydi;
belgilangan xodimlar soni doirasida Vazirlik markaziy apparati tuzilmasiga o‘zgartirishlar kiritishi mumkin;
Vazirlik birlashmalari, davlat korxonalari va tashkilotlari to‘g‘risidagi ustav (nizom) larni belgilangan tartibda tasdiqlaydi;
Qoraqalpog‘iston Respublikasi kommunal xizmat ko‘rsatish vazirini lavozimga tayinlash (ozod qilish)ni kelishib oladi;
viloyatlar va Toshkent shahar hokimliklarining taqdimiga ko‘ra hududiy-foydalanish birlashmalari boshliqlarini lavozimga tayinlaydi va lavozimdan ozod qiladi;
Vazirlikka bevosita bo‘ysunuvchi davlat korxonalari va tashkilotlarining rahbarlarini tayinlaydi va ozod qiladi.
17. Kommunal xizmat ko‘rsatish vazirligida vazir (rais) va lavozimlari bo‘yicha vazir o‘rinbosarlari hamda tarmoqning boshqa rahbar xodimlaridan iborat tarkibda hay’at tuziladi. Vazirlik hay’ati a’zolari Vazirlar Mahkamasi tomonidan tasdiqlanadi.
Hay’at to‘g‘risidagi nizom va uning ish tartibi kommunal xizmat ko‘rsatish vaziri tomonidan tasdiqlanadi.
18. Kommunal xizmat ko‘rsatish vazirligi hay’ati o‘zining muntazam ravishda o‘tkazib turiladigan majlislarida kommunal xo‘jaligini, uning ishlab chiqarish-texnika negizini rivojlantirishning asosiy masalalarini, mehnatni, xodimlarni ijtimoiy himoya qilishni takomillashtirish va Vazirlik faoliyatining boshqa masalalarini ko‘rib chiqadi, tarmoqlar ishining samaraliligi va uning pirovard natijalari uchun javob beradi.
Hay’at qarorlari, odatda, Vazirning buyruqlari bilan hayotga tatbiq qilinadi. Agar Vazir bilan hay’at o‘rtasida kelishmovchilik yuz bersa, Vazir kelishmovchilik to‘g‘risida Vazirlar Mahkamasiga xabar qilib o‘z qarorini hay’atga tatbiq etaveradi, hay’at a’zolari esa o‘z navbatida o‘z fikrlarini Vazirlar Mahkamasiga bildirishlari mumkin.
19. Respublika kommunal xizmat ko‘rsatish korxonalari, tashkilotlari, uyushmalari va boshqa birlashmalari rahbarlarining ish tajribalari va bilimlaridan to‘laroq foydalanish, mehnat jamoalarining manfaatlarini tarmoq manfaatlari bilan uzviy yyg‘ynlashtipish, shuningdek, umuman Vazirlik faoliyatining pirovard natijalari uchun mas’uliyatni kuchaytirish maqsadida Kommunal xizmat ko‘rsatish vazirligida tarmoq Kengashi tuziladi. Kengash to‘g‘risidagi Nizom tarmoq Kengashining majlisida tasdiqlanadi, Kengash tarkibi kommunal xizmat ko‘rsatish Vaziri tomonidan tasdiqlanadi.
Tarmoq Kengashi respublika kommunal xizmat ko‘rsatish faoliyatining eng prinsipial masalalarini ko‘rib chiqadi, ishning samaraliligini yanada oshirishga oid tavsiyalarni ishlab chiqadi va tarmoqni rivojlantirishning uzoq muddatli istiqbollarini uning birinchi darajadagi ijtimoiy ahamiyatini hisobga olgan holda belgilaydi, biron maqsad uchun mo‘ljallangan va tarmoq fondlari barpo etish va ulardan foydalanish yo‘nalishlari to‘g‘risida qaror qabul qiladi, ularning xarajatlar smetasini tasdiqlaydi, shuningdek, ularning haqiqiy ijrosi haqidagi hisobotlarni eshitadi va umuman tarmoq ishiga baho beradi.
20. Fan va texnikani rivojlantirishning asosiy yo‘nalishlari, kommunal xo‘jaligida ilmiy asoslangan yagona texnikaviy siyosatni belgilash, vatanimiz va chet el fani, texnikasi va ilg‘or tajribasining eng yangi yutuqlaridan foydalanish va ularni ishlab chiqarishga tatbiq qilish bo‘yicha tavsiyalar ishlab chiqish, shuningdek, tarmoqni rivojlantirish bo‘yicha eng muhim texnik yechimlarni ko‘rib chiqish uchun Kommunal xizmat ko‘rsatish vazirligida olimlar, yuqori malakali mutaxassislar, ishlab chiqarish novatorlari, ilmiy-texnika jamiyatlari va boshqa tashkilotlarning vakillaridan iborat ilmiy-texnika kengashi tuziladi. Ilmiy-texnika kengashining tarkibi va uning to‘g‘risidagi Nizomni kommunal xizmat ko‘rsatish Vaziri tasdiqlaydi.
21. O‘zbekiston Respublikasi Kommunal xizmat ko‘rsatish vaziri faoliyatini taftish qilish belgilangan tartibda har yili kamida bir marta o‘tkaziladi.
22. O‘zbekiston Respublikasi Kommunal xizmat ko‘rsatish vazirligini qayta tashkil qilish va tugatish qonun bilan belgilangan tartibda O‘zbekiston Respublikasi Prezidenti tomonidan amalga oshiriladi.
23. O‘zbekiston Respublikasi Kommunal xizmat ko‘rsatish vazirligi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi o‘zbek va rus tillarida yozilgan muhrga, O‘zbekiston Respublikasining bank muassasalarida budjet va hisob raqamlariga ega bo‘ladi.