LexUZ sharhi
Mazkur qaror O‘zbekistan Respublikasi Vazirlar Mahkamasining 2023-yil 7-iyundagi 233-sonli ““Elektron raqamli imzo to‘g‘risida”gi O‘zbekiston Respublikasining Qonuni qabul qilinganligi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash haqida”gi qaroriga asosan o‘z kuchini yo‘qotgan.
“Elektron raqamli imzo to‘g‘risida”gi O‘zbekiston Respublikasi Qonunini, O‘zbekiston Respublikasi Prezidentining “Axborot-kommunikatsiya texnologiyalarini yanada rivojlantirishga oid qo‘shimcha chora-tadbirlar to‘g‘risida” 2005-yil 8-iyuldagi PQ-117-son qarorini ijro etish yuzasidan hamda elektron raqamli imzolar kalitlarini ro‘yxatga olish markazlari faoliyatini tashkil etish maqsadida Vazirlar Mahkamasi qaror qiladi:
Elektron raqamli imzolar kalitlarini ro‘yxatga olish markazlarini davlat ro‘yxatidan o‘tkazish tartibi to‘g‘risidagi nizom 1-ilovaga muvofiq;
Elektron raqamli imzolar kalitlarini ro‘yxatga olish markazlarining faoliyat yuritishi tartibi to‘g‘risidagi nizom 2-ilovaga muvofiq tasdiqlansin.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2012-yil 19-dekabrdagi 355-sonli qaroriga asosan o‘z kuchini yo‘qotgan — O‘R QHT, 2012-y., 52-son, 589-modda)
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Aripov zimmasiga yuklansin.
1. Mazkur Nizom “Elektron raqamli imzo to‘g‘risida”gi O‘zbekiston Respublikasi Qonuniga muvofiq ishlab chiqilgan va elektron raqamli imzolar kalitlarini ro‘yxatga olish markazlarini davlat ro‘yxatidan o‘tkazish tartibini belgilaydi.
2. Elektron raqamli imzolar kalitlarini ro‘yxatga olish markazi (keyingi o‘rinlarda matnda “Ro‘yxatga olish markazi” deb yuritiladi) O‘zbekiston Respublikasi Axborot texnologiyalari va kommunikatsiyalarini rivojlantirish vazirligida (keyingi o‘rinlarda matnda “Ro‘yxatga olish organi” deb yuritiladi) davlat ro‘yxatidan o‘tgan yuridik shaxs hisoblanadi.
(2-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
arizani ko‘rib chiqishni va Ro‘yxatga olish markazini davlat ro‘yxatidan o‘tkazish yoki davlat ro‘yxatidan o‘tkazishni rad etish to‘g‘risida qaror qabul qilishni;
Ro‘yxatga olish markazining vakolatli shaxslariga elektron raqamli imzolar kalitlari sertifikatlarini berishni o‘z ichiga oladi.
4. Ro‘yxatga olish markazini davlat ro‘yxatidan o‘tkazish uchun ariza beruvchi Ro‘yxatga olish organiga 1-ilovaga muvofiq shakl bo‘yicha ariza beruvchi tashkilotning rahbari imzosi va muhri bilan tasdiqlangan ro‘yxatga olish to‘g‘risidagi arizani yuboradi.
Ro‘yxatga olish markazini davlat ro‘yxatidan o‘tkazish to‘g‘risidagi arizaga quyidagilar ilova qilinadi:
Oldingi tahrirga qarang.
(4-bandning uchinchi xatboshisi O‘zbekiston Respublikasi Vazirlar Mahkamasining 2021-yil 27-dekabrdagi 774-sonli qaroriga asosan chiqarilgan — Qonunchilik ma’lumotlari milliy bazasi, 27.12.2021-y., 09/21/774/1198-son)
Ro‘yxatga olish markazining axborot xavfsizligi talablarini o‘z ichiga oladigan uning axborot tizimi bo‘yicha loyiha hujjatlari;
Ro‘yxatdan o‘tkazuvchi organ Ro‘yxatga olish markazini davlat ro‘yxatidan o‘tkazish uchun boshqa vakolatli organlarda mavjud bo‘lgan zarur hujjatlar va axborotlarni belgilangan tartibda o‘zaro axborot hamkorligi yo‘li bilan, shu jumladan elektron tarzda mustaqil ravishda oladi, ushbu bandda nazarda tutilgan hujjatlar va axborotlar bundan mustasno.
(4-band O‘zbekiston Respublikasi Vazirlar Mahkamasining 2014-yil 31-dekabrdagi 377-sonli qaroriga asosan xatboshi bilan to‘ldirilgan — O‘R QHT, 2015-y., 1-son, 9-modda)
sertifikatlar, litsenziyalar va boshqa texnik hujjatlarni ilova qilgan holda belgilangan sertifikatsiyalangan apparat va litsenziya dasturiy vositalari ro‘yxatini taqdim etishga;
axborot xavfsizligi, texnika xavfsizligi talablariga va yong‘inga qarshi talablarga javob beradigan zarur xonalarga ega bo‘lishga;
maxfiy axborotning saqlanishini va ruxsat berilmagan foydalanishdan himoya qilishni ta’minlashga majburdir.
6. Ariza beruvchi arizada ko‘rsatilgan faoliyat turi bo‘yicha ishlarni olib borish uchun zarur shart-sharoitlar mavjudligini hamda faoliyatni amalga oshirish vakolati berilgan shaxslarning kasbiy yaroqliligini tasdiqlovchi boshqa hujjatlar va ma’lumotlarni taqdim etish huquqiga egadir.
7. Ro‘yxatga olish organi ro‘yxatga olish to‘g‘risida ariza olingan kundan boshlab bir oy muddatda arizani ko‘rib chiqadi va taqdim etilgan ma’lumotlar asosida Ro‘yxatga olish markazini davlat ro‘yxatidan o‘tkazish yoki davlat ro‘yxatidan o‘tkazishni rad etish to‘g‘risida qaror qabul qiladi.
8. Arizani ko‘rib chiqish jarayonida Ro‘yxatga olish organi davlat ro‘yxatidan o‘tkazish to‘g‘risida qaror qabul qilish uchun zarur bo‘lgan boshqa axborotni talab qilishi mumkin.
10. Davlat ro‘yxatidan o‘tkazish to‘g‘risida qaror qabul qilingan taqdirda Ro‘yxatga olish organi davlat ro‘yxatidan o‘tganlik to‘g‘risida guvohnoma beradi. Ro‘yxatga olish markazlari davlat ro‘yxatidan o‘tkazilganligi to‘g‘risidagi guvohnoma maxsus blankalarda rasmiylashtiriladi. Guvohnoma blankalari qat’iy hisobot beriladigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi.
Ro‘yxatga olish organi rahbari guvohnomalar blankalari hisobga olinishi, saqlanishi va ulardan maqsadli foydalanilishi uchun belgilangan tartibda javob beradi.
ariza beruvchi tomonidan mazkur Nizomning 4 va 5-bandlarida bayon qilingan talablarning bajarilmasligi;
ariza beruvchi tashkilot muassislaridan hech bo‘lmaganda bittasi O‘zbekiston Respublikasi rezidenti hisoblanmasligi.
Ro‘yxatga olish markazini davlat ro‘yxatidan o‘tkazish rad etilishi to‘g‘risidagi qaror asoslanishi va qaror qabul qilingandan so‘ng 3 kun mobaynida yozma shaklda ariza beruvchiga yuborilishi kerak.
12. Ro‘yxatga olish organining Ro‘yxatga olish markazini davlat ro‘yxatidan o‘tkazishni rad etish to‘g‘risidagi qarori ustidan belgilangan tartibda sudga shikoyat qilish mumkin.
13. Ro‘yxatga olish markazini davlat ro‘yxatidan o‘tkazish uchun hujjatlar taqdim etishda bayon qilingan ma’lumotlar o‘zgargan taqdirda ariza beruvchi bu haqda uch kun muddatda yozma shaklda Ro‘yxatga olish organini xabardor qilishi shart.
Davlat ro‘yxatidan o‘tganlik to‘g‘risidagi guvohnoma yo‘qolganda (yo‘qotilganda, yo‘q qilinganda va boshqa hollarda) ro‘yxatga olish markazining murojaati asosida Ro‘yxatga olish organi tomonidan “Dublikat” belgisi bilan yangi guvohnoma beriladi.
14. Ro‘yxatga olish organi 2-ilovaga muvofiq shakl bo‘yicha tuzilgan ariza asosida Ro‘yxatga olish markazi vakolatli shaxslarining elektron raqamli imzolar kalitlarini tayyorlaydi va elektron raqamli imzolar kalitlari sertifikatlarini (keyingi o‘rinlarda matnda “Elektron raqamli imzolar kalitlari sertifikati” deb yuritiladi) beradi.
Elektron raqamli imzoning ochiq kaliti elektron raqamli imzoning yopiq kalitiga mos kelishini tasdiqlovchi va Ro‘yxatga olish markazi tomonidan elektron raqamli imzoning yopiq kaliti egasiga berilgan hujjat Elektron raqamli imzo kalitining sertifikati hisoblanadi.
Ustav, shartnoma, tegishli xatti-harakatlari sodir etish huquqiga ishonchnoma asosida Ro‘yxatga olish markazi nomidan ish ko‘ruvchi uning xodimi Ro‘yxatga olish markazining vakolatli shaxsi hisoblanadi.
Elektron raqamli imzoni yaratgan (elektron hujjatga imzo qo‘ygan) va uning nomiga Ro‘yxatga olish markazi tomonidan Elektron raqamli imzolar kalitlari sertifikati berilgan jismoniy shaxs elektron raqamli imzoning yopiq kaliti egasi (keyingi o‘rinlarda matnda “elektron raqamli imzo egasi” deb yuritiladi) hisoblanadi.
15. Vakolatli shaxslarning elektron raqamli imzo kalitlari sertifikatlarini olish uchun Ro‘yxatga olish markazi Ro‘yxatga olish organiga elektron raqamli imzo kalitlari sertifikatlariga kiritish uchun zarur bo‘lgan ushbu shaxslar to‘g‘risidagi ma’lumotlarni, ularning o‘z qo‘li bilan qo‘yilgan imzolari, ariza beruvchi tashkilotning rahbari imzosi va dumaloq (rasmiy) muhri bilan tasdiqlangan ma’lumotlarni qog‘oz hujjat shaklida taqdim etishi shart.
16. Vakolatli shaxsning elektron raqamli imzo kaliti sertifikati elektron hujjat shaklda hamda ikki nusxada qog‘oz hujjat shaklida yaratiladi. Qog‘oz hujjat shaklidagi elektron raqamli imzo kaliti sertifikatlari Ro‘yxatga olish organi mas’ul shaxsining imzosi va muhri bilan tasdiqlanadi hamda sertifikat egasi (vakolatli shaxs)ning o‘z qo‘li bilan imzolanadi. Qog‘oz hujjat shaklidagi sertifikatning bir nusxasi vakolatli shaxsga beriladi. Sertifikatning qog‘oz hujjat shaklidagi ikkinchi nusxasi Ro‘yxatga olish organida saqlanadi.
17. Sertifikat pasport yoki shaxsni tasdiqlaydigan boshqa hujjat ko‘rsatilgan holda shaxsan vakolatli shaxs tomonidan olinadi. Sertifikat egasi sertifikat qog‘oz hujjat shaklida va elektron hujjat shaklda olinganligi to‘g‘risida tegishli jurnalga imzo chekadi.
18. Ro‘yxatga olish markazi Ro‘yxatga olish markazining muassisi (muassislari) nomi, manzili o‘zgarishi, shuningdek davlat ro‘yxatidan o‘tkazish to‘g‘risidagi guvohnomaning amal qilish muddati tamom bo‘lishi munosabati bilan qayta ro‘yxatdan o‘tkaziladi.
19. Davlat ro‘yxatidan o‘tkazish to‘g‘risidagi guvohnomaning amal qilish muddati tamom bo‘lgandan keyin Ro‘yxatga olish markazi guvohnomaning amal qilish muddati tamom bo‘lishidan kamida bir oy oldin qayta ro‘yxatga olish to‘g‘risida ariza yuboradi.
20. Ro‘yxatga olish markazi davlat ro‘yxatidan o‘tkazilganligi to‘g‘risidagi guvohnomaning amal qilishi Ro‘yxatga olish markazi faoliyatida qonunchilik va mazkur Nizom talablari buzilganligi aniqlangan taqdirda Ro‘yxatga olish organining qarori bilan to‘xtatib turilishi mumkin.
(20-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
21. Ro‘yxatga olish markazi davlat ro‘yxatidan o‘tkazilganligi to‘g‘risidagi guvohnoma quyidagi hollarda Ro‘yxatga olish organi qarori bilan bekor qilinishi mumkin:
davlat ro‘yxatidan o‘tganlik to‘g‘risidagi guvohnomaning amal qilish muddati tamom bo‘lishiga ko‘ra;
Ro‘yxatga olish markazini ta’sis etgan yuridik shaxsning davlat ro‘yxatidan o‘tkazilganligi to‘g‘risidagi guvohnoma bekor qilinganda.
qonunchilikka, shu jumladan axborot xavfsizligi sohasidagi qonunchilikka muntazam ravishda rioya qilinmagan taqdirda;
(21-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
davlat ro‘yxatidan o‘tganlik to‘g‘risidagi guvohnomaning amal qilishi to‘xtatib turilishiga olib kelgan qonunni buzishlar Ro‘yxatga olish organi tomonidan belgilangan muddatlarda bartaraf etilmagan taqdirda;
(21-bandning sakkizinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
22. Ro‘yxatga olish organining Ro‘yxatga olish markazini davlat ro‘yxatidan o‘tkazish to‘g‘risidagi guvohnomaning amal qilishini to‘xtatib turish yoki bekor qilish to‘g‘risidagi qarori ustidan Ro‘yxatga olish markazi belgilangan tartibda sudga shikoyat qilishi mumkin.
23. Ro‘yxatga olish markazini davlat ro‘yxatidan o‘tkazish to‘g‘risidagi guvohnomaning amal qilishi to‘xtatib turilgandan yoki bekor qilingandan keyin Ro‘yxatga olish organi tomonidan Elektron raqamli imzolar kalitlari sertifikatlari reyestriga yozuv qayd etiladi va Ro‘yxatga olish markaziga rasmiy bildirishnoma yuboriladi.
(24-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
25. Ro‘yxatga olish markazi tugatilgan taqdirda ushbu Ro‘yxatga olish markaziga berilgan elektron raqamli imzo kalitlari reyestri va elektron raqamli imzo kalitlari sertifikatlari elektron raqamli imzo egalarining roziligi bilan boshqa Ro‘yxatga olish markazlariga berilishi mumkin.
Boshqa Ro‘yxatga olish markazlariga berilmagan elektron raqamli imzo kalitlari reyestri va elektron raqamli imzo kalitlari sertifikatlari bekor qilinadi va saqlash uchun Ro‘yxatga olish organiga beriladi. Elektron raqamli imzoning ochiq kalitlaridan foydalanuvchilar bundan xabardor qilinadi. Elektron raqamli imzoning haqiqiyligini tasdiqlash uchun elektron raqamli imzoning ochiq kalitidan foydalanuvchi yuridik yoki jismoniy shaxs elektron raqamli imzoning ochiq kalitlaridan foydalanuvchi (keyingi o‘rinlarda “Elektron imzodan foydalanuvchi” deb yuritiladi) hisoblanadi.
26. Ro‘yxatga olish organi ro‘yxatga olish markazlari vakolatli shaxslarining elektron raqamli imzosi kalitlari sertifikatlarining yagona davlat reyestrini yuritadi hamda yuridik va jismoniy shaxslarning undan erkin foydalanishini ta’minlaydi.
davlat ro‘yxatidan o‘tganlik to‘g‘risidagi guvohnoma berilgan sana, tartib raqami va uning amal qilish muddati;
davlat ro‘yxatidan o‘tganlik to‘g‘risidagi guvohnomaning qayta ro‘yxatdan o‘tkazilishi, amal qilishining to‘xtatib turilishi va qayta tiklanishi, bekor qilinishining asosi va sanasi;
elektron raqamli imzo kaliti sertifikati uzaytirilishi, to‘xtatib turilishi, qayta tiklanishi va bekor qilinishining asosi va sanasi.
28. Ro‘yxatga olish markazlari vakolatli shaxslarining elektron raqamli imzosi kalitlari sertifikatlaridan faqat davlat yagona reyestriga kiritilgandan keyin foydalanish mumkin. Ushbu sertifikatlardan imzolar kalitlari sertifikatlarini tasdiqlash bilan bog‘liq bo‘lmagan maqsadlar uchun foydalanishga yo‘l qo‘yilmaydi.
29. Sertifikat yagona davlat reyestridan chiqarilgandan keyin Ro‘yxatga olish organi bir ish kuni mobaynida Ro‘yxatga olish markaziga tegishli bildirishnoma yuboradi.
Ro‘yxatga olish markazi vakolatli shaxsining sertifikati yagona davlat reyestridan chiqarilgan paytdan boshlab haqiqiy hisoblanmaydi.
30. Foydalanilayotgan elektron raqamli imzoning yopiq kalitiga ishonch yo‘qolgan taqdirda Ro‘yxatga olish markazi Ro‘yxatga olish organini bundan xabardor qiladi. Ro‘yxatga olish organi bildirishnoma olingandan keyin sertifikatning amal qilinishini to‘xtatib qo‘yadi va mazkur Ro‘yxatga olish markazi vakolatli shaxsining sertifikatini bekor qilingan sertifikatlar ro‘yxatiga kiritadi.
Elektron raqamli imzolar kalitlarini ro‘yxatga olish markazlarini davlat ro‘yxatidan o‘tkazish tartibi to‘g‘risidagi nizomga
1-ILOVA
1-ILOVA
Elektron raqamli imzo kalitlarini Ro‘yxatga olish markazini davlat ro‘yxatidan o‘tkazish to‘g‘risida
Elektron raqamli imzolar kalitlarini ro‘yxatga olish markazlarini davlat ro‘yxatidan o‘tkazish tartibi to‘g‘risidagi nizomga
2-ILOVA
2-ILOVA
Nomlariga elektron raqamli imzo kaliti sertifikati berilishi zarur bo‘lgan vakolatli shaxslar ro‘yxati:
1. Ushbu Nizom “Elektron raqamli imzo to‘g‘risida”gi O‘zbekiston Respublikasi Qonuniga muvofiq ishlab chiqilgan hamda elektron raqamli imzolar kalitlarini ro‘yxatga olish markazlarining (keyingi o‘rinlarda matnda “Ro‘yxatga olish markazi” deb yuritiladi) funksiyalari, huquqlari va majburiyatlarini belgilaydi, shuningdek ularga qo‘yiladigan asosiy talablarni belgilab beradi.
2. Ro‘yxatga olish markazlari o‘z faoliyatida “Elektron raqamli imzo to‘g‘risida”gi O‘zbekiston Respublikasi Qonuniga, O‘zbekiston Respublikasining boshqa qonunchiligiga, shuningdek mazkur Nizomga amal qiladi.
(2-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
elektron raqamli imzo kalitlari sertifikatlarining reyestrini yuritish, uning o‘z vaqtida yangilanishini hamda undan yuridik va jismoniy shaxslarning erkin foydalana olish imkoniyatini ta’minlash;
yuridik va jismoniy shaxslarga elektron raqamli imzo kalitlarining sertifikatlarini elektron hujjatlar shaklida va qog‘oz hujjatlar shaklida berish;
elektron raqamli imzo kalitlari sertifikatlarining amal qilishini to‘xtatib turish va qayta tiklash, shuningdek ularni bekor qilish;
yuridik va jismoniy shaxslarning murojaatiga binoan elektron raqamli imzo kalitlari sertifikatlarining ko‘chirma nusxalari berilishini, shuningdek elektron raqamli imzo kalitlarining to‘xtatib turilgan va bekor qilingan sertifikatlari to‘g‘risidagi ma’lumotlardan erkin foydalanilishini ta’minlash;
yuridik va jismoniy shaxslarning murojaatiga binoan elektron hujjatlardagi elektron raqamli imzoning haqiqiyligini tasdiqlash;
elektron raqamli imzo kalitining sertifikatidan bundan buyon foydalanish imkoniyatiga ta’sir etishi mumkin bo‘lgan hollar haqida elektron raqamli imzo yopiq kalitining egasini xabardor qilish;
elektron raqamli imzo yopiq kalitining egalarini elektron raqamli imzodan foydalanish qoidalariga o‘qitish imkoniyatini ta’minlash.
4. Ro‘yxatga olish markazi elektron raqamli imzo kalitlarini ro‘yxatga olish bo‘yicha o‘z faoliyatini O‘zbekiston Respublikasi Axborot texnologiyalari va kommunikatsiyalarini rivojlantirish vazirligida (keyingi o‘rinlarda matnda “Ro‘yxatga olish organi” deb yuritiladi) davlat ro‘yxatidan o‘tgandan keyin va Ro‘yxatga olish markazining vakolatli shaxsi tomonidan elektron raqamli imzo kaliti sertifikati olingandan keyin amalga oshirishi kerak.
(4-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
elektron raqamli imzoni shakllantirish va tekshirish, kalitlar sertifikatlarini saqlash, shakllantirishning sertifikatlashtirilgan apparat vositalariga;
elektron raqamli imzo kalitlarini hisobga olish, saqlash va ulardan foydalanish bo‘yicha zarur hujjatlarga;
6. Elektron raqamli imzo vositalarini sertifikatsiyalash qonunchilikda belgilangan tartibda amalga oshiriladi.
(6-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
7. Ro‘yxatga olish markazining axborot tizimi belgilangan talablarga muvofiq ruxsatsiz foydalanishdan muhofaza qilingan bo‘lishi kerak.
8. Elektron raqamli imzo kalitlarining sertifikatlari yuridik va jismoniy shaxslarning murojaatiga ko‘ra Ro‘yxatga olish markazi tomonidan beriladi. Murojaat qilgan shaxs elektron raqamli imzo kaliti sertifikatini ro‘yxatga olish va uni olish uchun Ro‘yxatga olish markazining ommaviy ofertasi bilan oldindan tanishishi lozim.
9. Elektron raqamli imzo kaliti sertifikatini olish uchun murojaat qilgan shaxs elektron raqamli imzo kaliti sertifikatini ro‘yxatga olish va uni olish uchun imzolangan ariza taqdim etishi kerak. Imzolangan ariza ommaviy ofertada belgilangan shartlarga rozilikdan dalolat beradi. Arizani ko‘rib chiqish muddati besh ish kunidan oshmasligi kerak.
10. Elektron raqamli imzo kaliti sertifikatini ro‘yxatga olish va uni olish uchun beriladigan ariza shakli hamda Ro‘yxatga olish markazi tomonidan yuridik va jismoniy shaxsga elektron raqamli imzo kaliti sertifikatini berish, shuningdek elektron raqamli imzo kalitlari sertifikatlari reyestrini yuritish uchun zarur bo‘lgan hujjatlar ro‘yxati Ro‘yxatga olish markazi tomonidan belgilanadi.
Ro‘yxatga olish markaziga elektron raqamli imzo kalitlari sertifikatlarini berish maqsadlariga muvofiq bo‘lmagan ma’lumotlarni so‘rab olish taqiqlanadi.
11. Ariza berilgunga qadar ariza beruvchi elektron raqamli imzo kalitini mustaqil yaratishi va uni ro‘yxatga olish uchun Ro‘yxatga olish markaziga taqdim etishi mumkin.
Elektron raqamli imzoning ochiq va yopiq kalitlarini yaratish yuridik va jismoniy shaxslarning arizasiga ko‘ra Ro‘yxatga olish markazi tomonidan amalga oshirilishi mumkin.
12. Elektron raqamli imzoning ochiq va yopiq kalitlarini yaratishda Ro‘yxatga olish markazi bir vaqtning o‘zida elektron raqamli imzo kaliti sertifikatini berishi kerak.
13. Elektron raqamli imzo kalitining sertifikati elektron raqamli imzo egasiga elektron hujjat shaklida va qog‘oz hujjat shaklida beriladi.
14. Yuridik va jismoniy shaxslar elektron raqamli imzoning bir nechta kalitlariga ega bo‘lishi mumkin. Elektron raqamli imzo har bir kalitining sertifikati belgilangan tartibda alohida ro‘yxatga olinadi.
15. Elektron raqamli imzo ochiq va yopiq kalitlarini yaratish, elektron raqamli imzo kalitini ro‘yxatga olish va elektron raqamli imzo kaliti sertifikatini berish bo‘yicha xizmatlar pulli hisoblanadi.
Ko‘rsatiladigan pulli xizmatlar tarkibi va qiymati belgilangan tartibda shartnomaviy asosda belgilanadi.
16. Ro‘yxatga olish markazi o‘zi tomonidan yaratilgan elektron raqamli imzo ochiq va yopiq kalitlari muhofaza qilinishini ta’minlashi lozim.
elektron raqamli imzoning ochiq kalitidan foydalanishda yordam berishi mumkin bo‘lgan elektron raqamli imzo vositalarining nomi;
Elektron raqamli imzo egasi tashabbusi bilan elektron raqamli imzo kaliti sertifikatiga boshqa ma’lumotlar ham kiritilishi mumkin.
18. Elektron raqamli imzo kaliti sertifikatining amal qilish muddati elektron raqamli imzo ro‘yxatga olingan vaqtdan boshlab 24 oydan oshmasligi kerak. Keyinchalik elektron raqamli imzo kaliti sertifikatining amal qilish muddati shartnoma bilan uzaytiriladi, biroq ikki martadan ortiq uzaytirilmaydi.
(18-band O‘zbekiston Respublikasi Vazirlar Mahkamasining 2014-yil 9-iyuldagi 185-sonli qarori tahririda — O‘R QHT, 2014-y., 28-son, 343-modda)
19. Elektron hujjat shaklidagi elektron raqamli imzo kalitining sertifikati Ro‘yxatga olish markazi vakolatli shaxsining elektron raqamli imzosi bilan tasdiqlanadi.
20. Qog‘oz hujjat shaklidagi elektron raqamli imzo kalitining sertifikati ikki nusxada rasmiylashtiriladi. Bunday sertifikatning har bir nusxasi Ro‘yxatga olish markazining vakolatli shaxsi tomonidan imzolanishi va Ro‘yxatga olish markazining muhri bilan tasdiqlanishi kerak. Elektron raqamli imzo kaliti sertifikatining bir nusxasi elektron raqamli imzo kalitining egasiga beriladi, boshqa nusxasi esa Ro‘yxatga olish markazida saqlanadi. Ro‘yxatga olish markazida saqlanadigan elektron raqamli imzo kaliti sertifikati nusxasi elektron raqamli imzo egasi tomonidan imzolanishi kerak.
21. Elektron raqamli imzo kaliti sertifikatini berishda Ro‘yxatga olish markazi tomonidan elektron raqamli imzo egasiga elektron raqamli imzodan foydalanish va uni saqlash qoidalari to‘g‘risida, shuningdek elektron raqamli imzo egasining majburiyatlari va javobgarligi to‘g‘risida to‘liq axborot berilishi kerak.
22. Elektron raqamli imzo kalitini ro‘yxatga olish elektron raqamli imzo kaliti sertifikatini Ro‘yxatga olish markazining elektron raqamli imzo kalitlari sertifikatlari reyestriga kiritish yo‘li bilan amalga oshiriladi.
23. Ro‘yxatga olish markazi yuridik va jismoniy shaxslarning murojaatlariga binoan elektron hujjatlar shaklida va/yoki qog‘oz hujjatlar shaklida elektron raqamli imzo kalitlari sertifikatlarining ko‘chirma nusxalarini berishi shart.
24. Yuridik va jismoniy shaxsga beriladigan qog‘oz hujjat shaklidagi elektron raqamli imzo kaliti sertifikati ko‘chirma nusxasi Ro‘yxatga olish markazining vakolatli shaxsi tomonidan imzolanishi va muhri bilan tasdiqlanishi kerak.
25. Qog‘oz hujjat shaklidagi elektron raqamli imzo kalitining sertifikati ko‘chirma nusxasi quyidagi majburiy rekvizitlarni o‘z ichiga oladi:
elektron raqamli imzo kalitining sertifikati nashr etuvchisining identifikatsiya ma’lumotlari (Ro‘yxatga olish markazi vakolatli shaxsining elektron raqamli imzo kaliti sertifikatidan identifikatsiya ma’lumotlari);
Ro‘yxatga olish markazi vakolatli shaxsining elektron raqamli imzo vositalari to‘g‘risida ma’lumotlar;
elektron raqamli imzo egasining elektron raqamli imzo kaliti va uning shakllantirilishi qoidalari to‘g‘risidagi ma’lumotlar;
elektron raqamli imzo kalitidan va elektron raqamli imzo kaliti sertifikatidan foydalanish sohalari to‘g‘risidagi ma’lumotlar;
26. Elektron hujjatlar shaklidagi elektron raqamli imzo kalitlari sertifikatlarining ko‘chirma nusxalarini berishga doir xizmatlar Ro‘yxatga olish markazi tomonidan bepul ko‘rsatiladi.
27. Qog‘oz hujjat shaklidagi elektron hujjatning tasdiqlangan ko‘chirma nusxasida quyidagilar bo‘lishi kerak:
elektron hujjatni jo‘natuvchining — yuridik shaxsning nomi yoki jismoniy shaxsning familiyasi, ismi, otasining ismi;
elektron hujjatni jo‘natuvchining pochta manzili va elektron pochta manzili; uning yaratilgan sanasi;
28. Qog‘oz hujjat shaklidagi elektron hujjatning ko‘chirma nusxasi amaldagi qonunchilik talablariga va davlat standartlariga muvofiq bo‘lishi, shuningdek “Elektron hujjatning ko‘chirma nusxasi” majburiy belgisiga ega bo‘lishi kerak
(28-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
29. Kalitlar sertifikatlari reyestri qog‘oz va elektron shaklda yuritiladi, elektron raqamli imzodan foydalanuvchilar uchun uning elektron versiyasiga kirish bemalol bo‘lishi kerak.
30. Ro‘yxatga olish markazi elektron raqamli imzo kalitlari sertifikatlari reyestri o‘z vaqtida yangilanib borilishini ta’minlashi shart. Reyestrdagi o‘zgartirishlar elektron raqamli imzo kaliti sertifikatini berish, to‘xtatib turish va uning amal qilishini tiklash hamda uni bekor qilish vaqtidan boshlab amalga oshirilishi kerak.
31. Reyestrda elektron hujjatlar shaklida berilgan, amalda bo‘lgan, to‘xtatib qo‘yilgan va bekor qilingan elektron raqamli imzo kalitlarining sertifikatlari bo‘lishi kerak.
32. Ro‘yxatga olish markazining kalitlar sertifikatlari reyestrida elektron raqamli imzo egasi to‘g‘risidagi quyidagi ma’lumotlar ko‘rsatiladi:
elektron raqamli imzo kaliti sertifikati amal qilishini uzaytirish, to‘xtatib turish va qayta tiklash, uni bekor qilish asosi va sanasi
33. Ro‘yxatga olish markazida elektron hujjat shaklidagi elektron raqamli imzo kaliti sertifikatini saqlash tartibi va muddati Ro‘yxatga olish markazi va elektron raqamli imzo egasi o‘rtasida tuziladigan shartnomada belgilanadi.
34. Elektron hujjat shaklidagi elektron raqamli imzo kaliti sertifikatini saqlash muddati tugagandan keyin u Ro‘yxatga olish markazining elektron raqamli imzo kalitlari sertifikatlari reyestridan chiqariladi va arxivda saqlash rejimiga o‘tkaziladi.
35. Bekor qilingan elektron hujjat shaklidagi elektron raqamli imzo kaliti sertifikati Ro‘yxatga olish markazida kamida uch yilgacha saqlanadi.
36. Qog‘oz hujjat shaklidagi elektron raqamli imzo kaliti sertifikati qonunchilikda belgilangan tartibda saqlanadi.
(36-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
37. Elektron raqamli imzo kaliti sertifikatining amal qilishini to‘xtatib turish elektron raqamli imzo egasining arizasi asosida amalga oshiriladi.
38. Elektron raqamli imzo kaliti sertifikatining amal qilishini to‘xtatib turish muddati ushbu elektron raqamli imzo kaliti sertifikatining amal qilish muddatidan oshmasligi kerak.
39. Elektron raqamli imzo kaliti sertifikatining amal qilishi to‘xtatib turilganda Ro‘yxatga olish markazi Elektron raqamli imzo kalitlari sertifikatlari reyestriga tegishli yozuvni kiritadi hamda uch kun mobaynida bu to‘g‘risida elektron raqamli imzo egasini yozma ravishda xabardor qiladi.
40. Elektron raqamli imzo kaliti ushbu sertifikatining amal qilishini qayta tiklash elektron raqamli imzo egasining arizasiga asosan elektron raqamli imzo kaliti sertifikatining amal qilishi to‘xtatib turilgan muddat mobaynida amalga oshiriladi.
41. Elektron raqamli imzo kaliti sertifikati elektron raqamli imzo egasining arizasiga asosan bekor qilinadi. Elektron raqamli imzo kaliti sertifikatini bekor qilish uchun ariza ariza beruvchi tomonidan elektron yoki qog‘oz shaklida beriladi.
42. Elektron raqamli imzo kaliti sertifikati shuningdek Ro‘yxatga olish markazi tomonidan elektron raqamli imzo egasining roziligisiz quyidagi hollarda:
elektron raqamli imzo kaliti sertifikati berilishiga asos bo‘lgan hujjatning amal qilishi to‘xtatilganda;
elektron raqamli imzo kalitining egasi “Elektron raqamli imzo to‘g‘risida”gi O‘zbekiston Respublikasi Qonuni 10-moddasining ikkinchi qismida nazarda tutilgan o‘z majburiyatlarini bajarmagan hollar aniqlanganda;
elektron raqamli imzo kaliti sertifikatining amal qilishi to‘xtatib turilgan muddat tugaganda va uni qayta tiklash uchun elektron raqamli imzo egasining arizasi mavjud bo‘lmaganda bekor qilinadi.
43. Elektron raqamli imzo kaliti sertifikatlarini bekor qilish elektron raqamli imzo egasining arizasi olingan yoki ushbu Nizomning 42-bandida bayon qilingan holatlar vujudga kelgan kunda Ro‘yxatga olish markazi tomonidan amalga oshiriladi.
44. Elektron raqamli imzo kaliti bekor qilingandan keyin Ro‘yxatga olish markazi tomonidan elektron raqamli imzo kalitlari sertifikatlari reyestriga yozuv kiritiladi va uning egasiga rasmiy bildirishnoma (bekor qilingan sertifikatlar ro‘yxati) yuboriladi.
45. Ro‘yxatga olish markazi tegishli yopiq kalitga putur yetkazish holati aniqlangan taqdirda, bekor qilingan elektron raqamli imzo kaliti sertifikati egasini xabardor qilgan hamda asoslangan sabablarni ko‘rsatgan holda elektron raqamli imzo kaliti sertifikatini bekor qilish huquqiga egadir.
46. Ro‘yxatga olish markazi aybi bilan elektron raqamli imzo egasining yopiq kalitiga putur yetkazilganda, Markaz elektron raqamli imzo egasi oldida yetkazilgan moddiy zarar uchun javobgar bo‘ladi, shuningdek elektron raqamli imzo egasiga yangi elektron raqamli imzo kaliti sertifikatini bepul tayyorlaydi va beradi.
Ro‘yxatga olish organini axborot texnologiyalaridagi, vositalar tarkibi va joylashuvidagi hamda axborotlashtirish tizimlaridagi, ulardan foydalanishda chora-tadbirlar samaradorligi va axborotlarni muhofaza qilish vositalariga ta’sir qilishi mumkin bo‘lgan shart-sharoitlardagi barcha o‘zgarishlar to‘g‘risida xabardor qilishi shart;
davlat ro‘yxatidan o‘tgan Ro‘yxatga olish markazining faoliyati yuzasidan nazorat va monitoringni amalga oshirish uchun zarur bo‘lgan hujjatlar;
(47-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Ro‘yxatga olish markazi vakolatli shaxsining elektron raqamli imzo yopiq kalitidan faqat ularga berilgan ochiq kalitlar sertifikatlari imzosi va bekor qilingan sertifikatlar ro‘yxatlari uchun foydalanish;
ushbu Nizomga muvofiq Ro‘yxatga olish markazi vakolatli shaxsining yopiq kalitini muhofaza qilish chora-tadbirlarini ko‘rish;
elektron raqamli imzo egalarining ro‘yxatga olish axborotlarini oshkor qilmaslik, elektron raqamli imzo kalitlari sertifikatlari egalarini identifikatsiyalash uchun foydalaniladigan va tayyorlanayotgan sertifikatlarga kiritiladigan axborotlar bundan mustasno;
ro‘yxatga olingan elektron raqamli imzo egasiga uning arizasiga ko‘ra O‘zbekiston Respublikasining amaldagi qonunchiligiga muvofiq sertifikatlashtirilgan elektron raqamli imzo vositalaridan foydalangan holda yopiq va ochiq kalitlar tayyorlash;
(47-bandning o‘ninchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
kalitlar paydo bo‘lishi tartib-qoidasini bajaruvchi dasturiy va/yoki apparat vositalaridan foydalanish bo‘yicha talablarga muvofiq kalitni o‘zga ma’lumotlar manbaiga yozib qo‘yish;
kalitlar paydo bo‘lishi tartib-qoidasini bajarish va faqat O‘zbekiston Respublikasi qonunchiligiga muvofiq sertifikatlashtirilgan dasturiy va/yoki apparat vositalaridan foydalangan holda kalitlarni o‘zga ma’lumotlar manbaiga yozish;
(47-bandning o‘n ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
elektron raqamli imzo egalarining tayyorlanadigan elektron raqamli imzo kalitlari sertifikatlari ro‘yxatga olish (seriyali) tartib raqamlarining noyobligini ta’minlash;
elektron raqamli imzo foydalanuvchilarining tayyorlangan ochiq kalitlari sertifikatlaridagi ochiq kalitlar ahamiyatining noyobligini ta’minlash;
to‘liq Internet manzil — URLni Ro‘yxatga olish markazi foydalanuvchilarining elektron raqamli imzo kalitlarining nashr etilayotgan sertifikatlari elektron raqamli imzo kalitlari sertifikatlari reyestriga kiritish.
Ro‘yxatga olish markazi tomonidan tayyorlangan, berilgan, to‘xtatib qo‘yilgan, qayta tiklangan va bekor qilingan elektron raqamli imzo kalitlari sertifikatlari ro‘yxatlarini olish;
Ro‘yxatga olish markazi vakolatli shaxsining elektron raqamli imzo kaliti sertifikatini elektron shaklda olish;
Ro‘yxatga olish markazining elektron raqamli imzo kalitlari sertifikatlari reyestrida bo‘lgan elektron raqamli imzo kaliti sertifikati ko‘chirma nusxasini elektron shaklda olish;
Ro‘yxatga olish markazi tomonidan tayyorlangan bekor qilingan elektron raqamli imzo kalitlari sertifikatlari ro‘yxatini elektron raqamli imzo kalitlari sertifikatlari maqomini tekshirish uchun qo‘llash.
49. Elektron raqamli imzo egasi elektron raqamli imzo kaliti sertifikatini yangilash uchun so‘rov yuborish huquqiga ega. So‘rov Ro‘yxatga olish markaziga amalda bo‘lgan elektron raqamli imzo kaliti sertifikatining amal qilish muddati tugashidan kamida ikki hafta oldin yuborilishi kerak.
50. Ro‘yxatga olish tartib-qoidasidan o‘tgan elektron raqamli imzo egalari ushbu Nizom va tegishli shartnoma bilan belgilanadigan hajmda ro‘yxatga olish va identifikatsiya axborotini taqdim etishi shart.
yopiq kalitni maxfiy saqlashi, uning yo‘qotilishi, oshkor bo‘lishi, o‘zgartirilishi yoki undan ruxsatsiz foydalanishning oldini olish uchun mumkin bo‘lgan barcha choralarini ko‘rishi;
agar unga ushbu kalitlardan foydalanilayotganligi yoki ilgari boshqa shaxslar tomonidan foydalanilganligi ma’lum bo‘lsa, elektron raqamli imzo yopiq kalitlaridan foydalanmasligi;
elektron raqamli imzo yopiq kalitidan faqat sertifikatda belgilangan tegishli sohalarda foydalanish ruxsat berilgan maqsadlarda foydalanishi;
elektron raqamli imzo kaliti sertifikatini bergan Ro‘yxatga olish markazini qonun buzilishlari yoki elektron raqamli imzo yopiq kalitiga kirish rejimini buzish mumkinligi to‘g‘risida xabardor qilishi va elektron raqamli imzo kaliti sertifikatining amal qilish muddatini to‘xtatib turishni yoki uni bekor qilishni talab qilishi;
o‘z vakili hisoblangan yuridik shaxsni qayta tashkil etish yoki tugatish to‘g‘risida Ro‘yxatga olish markaziga xabardor qilishi shart.
52. Elektron raqamli imzo ochiq kalitining foydalanuvchisi elektron raqamli imzo egasi to‘g‘risidagi shaxsiy ma’lumotlarning muhofaza qilinishini ta’minlashi lozim.
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2012-yil 19-dekabrdagi 355-sonli qaroriga asosan o‘z kuchini yo‘qotgan — O‘R QHT, 2012-y., 52-son, 589-modda)