Ўзбекистон Республикасининг «Ўзбекистон Республикасининг Марказий банки тўғрисида»ги ва «Шахсга доир маълумотлар тўғрисида»ги қонунларига мувофиқ Ўзбекистон Республикаси Марказий банки бошқаруви қарор қилади:

1. Ўзбекистон Республикаси Марказий банки бошқарувининг 2020 йил 27 июндаги 15/6-сон «Микромолия ташкилотлари, ломбардлар ва ипотекани қайта молиялаштириш ташкилотларининг ахборот тизимларида ахборот хавфсизлигига доир минимал талаблар тўғрисидаги низомни тасдиқлаш ҳақида»ги қарорига (рўйхат рақами 3260, 2020 йил 30 июнь) (Қонун ҳужжатлари маълумотлари миллий базаси, 30.06.2020 й., 10/20/3260/1079-сон) иловага мувофиқ ўзгартиришлар ва қўшимча киритилсин.

2. Мазкур қарор расмий эълон қилинган кундан эътиборан кучга киради.

1. Қарорда:

1) номи қуйидаги таҳрирда баён этилсин:

2) 1-банд қуйидаги таҳрирда баён этилсин:

«1. Микромолия ташкилотлари, ломбардлар, ипотекани қайта молиялаштириш ташкилотлари, кафолатлар бериш ташкилотлари ҳамда факторинг ташкилотларининг ахборот тизимларида ахборот хавфсизлигига доир минимал талаблар тўғрисидаги низом иловага мувофиқ тасдиқлансин.».

2. Низомда:

1) номи қуйидаги таҳрирда баён этилсин:

2) муқаддима қуйидаги таҳрирда баён этилсин:

«Мазкур Низом микромолия ташкилотлари, ломбардлар, ипотекани қайта молиялаштириш ташкилотлари, кафолатлар бериш ташкилотлари ҳамда факторинг ташкилотларининг (бундан буён матнда нобанк кредит ташкилотлари деб юритилади) ахборот тизимларида ахборот хавфсизлигига доир минимал талабларни белгилайди.»;

3) 4-банднинг тўртинчи ва ўнинчи хатбошиларидаги «махфий» деган сўз «конфиденциал» деган сўз билан алмаштирилсин;

4) қуйидаги мазмундаги 4¹-банд билан тўлдирилсин:

«4¹. Нобанк кредит ташкилотлари томонидан мижозларни идентификация қилиш ва аутентификациядан ўтказиш жараёнида фойдаланиладиган жисмоний шахсларнинг биометрик маълумотлари Ўзбекистон Республикаси ҳудудида сақланиши шарт.

Мижозга тегишли биометрик бўлмаган бошқа турдаги шахсга доир маълумотлар Ўзбекистон Республикаси «Шахсга доир маълумотлар тўғрисида»ги Қонунининг 27¹-моддаси учинчи қисмига мувофиқ Ўзбекистон Республикаси ҳудудидан ташқарида сақланиши ва уларга ишлов берилиши мумкин.»;

5) 6-бандда:

учинчи хатбоши қуйидаги таҳрирда баён этилсин:

«иш жараёнида ходимларга маълум бўлган конфиденциал ва шахсга доир маълумотларни сир сақлаш мажбурияти ҳамда жавобгарликлари тўғрисида тушунтириш ишларини олиб бориш;»;

ўн олтинчи хатбошидаги «махфий» деган сўз «конфиденциал» деган сўз билан алмаштирилсин;

6) 8-банднинг еттинчи хатбошисидаги «махфийлигини» деган сўз «конфиденциаллигини» деган сўз билан алмаштирилсин.