“Davlat soliq xizmati to‘g‘risidagi” Qonunning 7 bandi, O‘zbekiston Respublikasi Soliq kodeksi va O‘zbekiston Respublikasi Vazirlar Mahkamasining 1998-yil 19-yanvardagi 31-sonli “Xalqaro va xorijiy tashkilotlar va fondlar (jamg‘armalar) grantlari bo‘yicha xalqaro ilmiy-texnika aloqalar, ilmiy dasturlar va loyihalarni rivojlantirishni davlat tomonidan qo‘llab-quvvatlash to‘g‘risidagi” qaroriga muvofiq O‘zbekiston Respublikasi Vazirlar Mahkamasi huzuridagi Ilmiy texnika taraqqiyotini Muvofiqlashtirish Kengashi huzuridagi Fan va texnologiyalar markazi, O‘zbekiston Respublikasi Moliya vazirligi, O‘zbekiston Respublikasi Davlat soliq qo‘mitasi, O‘zbekiston Respublikasi Davlat bojxona qo‘mitasi QAROR QILADI:

1. “Xalqaro va xorijiy tashkilotlar va jamg‘armalarning grantlari hamda ilmiy-texnikaviy hamkorlik bo‘yicha xalqaro bitimlar doirasida xorijdan keltirilayotgan pul mablag‘lari va asbob-uskunalar yuzasidan xulosalar berish Tartibiga (1998-yil 18-may qayd soni 438) ilova bo‘yicha o‘zgartirishlar kiritilsin.

2. Ushbu qaror O‘zbekiston Respublikasi adliya vazirligida davlat ro‘yxatidan o‘tkazilganidan 10 kun o‘tgandan so‘ng kuchga kiradi.

1. 1.2 band quyidagi tahrirda o‘zgartirilsin:

1.2. “Xulosalar berish obyekti bo‘lib xalqaro va xorijiy tashkilotlar va fondlar grantlari bo‘yicha, shuningdek ilmiy-texnika hamkorligi sohasida xalqaro bitimlar doirasida beg‘araz, gumanitar va texnik yordam tariqasida yuridik va jismoniy shaxslarga berilgan ilmiy-tadqiqot, ilmiy-texnik va innovatsiya dastur va loyihalarini bajarishga qaratilgan pul mablag‘lari va moddiy-texnika vositalari hisoblanadi”.

2. 1.3 band quyidati tahrirda o‘zgartirilsin:

1.3. “Markaz xulosasi Xalqaro va xorijiy tashkilotlar va fondlar grantlari bo‘yicha shuningdek ilmiy-texnika hamkorligi bo‘yicha xalqaro bitimlar doirasida beg‘araz, gumanitar va texnik yordam tariqasida berilgan, ilmiy-tadqiqot, ilmiy-texnik va innovatsiya dastur va loyihalarini bajarishga qaratilgan pul mablag‘lari va moddiy-texnika vositalarini oluvchi O‘zbekiston Respublikasining yuridik va jismoniy shaxslariga beriladi”.

3. 3.1 band quyidagi taxrirda o‘zgartirilsin:

3.1. “Jismoniy shaxslarning umumiy yillik daromadiga soliq olish maqsadlari uchun Markaz xulosalari asosida xalqaro va xorijiy tashkilotlar va fondlar grantlari bo‘yicha, shuningdek ilmiy-texnika hamkorligi sohasida xalqaro bitimlar doirasida olingan pul mablag‘lari kiritilmaydi.

Ushbu imtiyoz loyihalarni bajarish doirasida grant olgan yuridik shaxs bilan tuzilgan shartnoma asosida yuridik shaxsga berilgan grantdan pul mablag‘lari olgan grant ijrochilariga — jismoniy shaxslarga ham tarqatiladi”.