O‘zbekiston Respublikasi Prezidentining “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari to‘g‘risida” 1994-yil 21-yanvardagi Farmoniga muvofiq Vazirlar Mahkamasi qaror qiladi:

1. Davlat qimmatbaho metallar qo‘mitasi tugatilsin.

2. Birlashmalar, korxonalar, tashkilotlarning:

1-ilovaga muvofiq birlashmalar, korxonalar va tashkilotlar tomonidan O‘zbekiston oltin qazib olish va olmosga ishlov berish korxonalari (“O‘zolmosoltin”) uyushmasini ta’sis etish to‘g‘risidagi;

“O‘zolmosoltin” uyushmasi tomonidan Davlat qimmatbaho metallar qo‘mitasi qabul qilgan majburiyatlar, tuzgan shartnomalar, bitimlar va unga tegishli mol-mulklar bo‘yicha huquqiy vorislik funksiyalarining amalga oshirilishi to‘g‘risidagi takliflari qabul qilinsin.

3. “O‘zolmosoltin” uyushmasi ijro etuvchi apparatining 2-ilovaga muvofiq tuzilmasi va xodimlari soni (xizmat ko‘rsatuvchi xodimlardan tashqari) 42 nafar, shu jumladan, Vazirlar Mahkamasi tomonidan tasdiqlanadigan uyushma raisi hamda uning ikki nafar o‘rinbosari bo‘lishiga rozilik berilsin.

Ma’lumot uchun qabul qilinsinki, ijro etuvchi apparatni mablag‘ bilan ta’minlash uyushma qatnashchilari — birlashmalar, korxonalar va tashkilotlarning ajratmalari hisobidan amalga oshiriladi.

4. Belgilab qo‘yilsinki, “O‘zolmosoltin” uyushmasining asosiy vazifalari quyidagilar hisoblanadi:

uyushma ta’sischilarini huquqiy himoya qilish hamda davlat va mahalliy hokimiyat va boshqaruv organlarida ularning qonuniy manfaatlarini ifodalash;

bozor konyunkturasi va mahsulot marketingidan kelib chiqqan holda ishlab chiqarishni rivojlantirish strategiyasini belgilash, uyushma a’zolarining — mulkchilikning barcha shakllaridagi birlashmalar, korxonalar va tashkilotlarning faoliyatini o‘zaro muvofiqlashtirish, ularning moliyaviy-iqtisodiy ahvolini mustahkamlash;

uyushma doirasida raqobatbardoshli mahsulotlarni yaratish va ishlab chiqarishni ta’minlaydigan yagona ilmiy-texnika va investitsiya siyosatini o‘tkazish, mavjud asosiy fondlardan samarali foydalanish.

5. “O‘zolmosoltin” uyushmasi Davlat mulki qo‘mitasi bilan birgalikda bir oy muddatda Vazirlar Mahkamasiga 1994-1995-yillarda davlat korxonalarining mulkchilik shakllarini qonun bilan belgilangan tartibda o‘zgartirish bo‘yicha takliflar kiritsin.

O‘zbekiston Respublikasi Davlat mulki qo‘mitasi “O‘zolmosoltin” uyushmasiga uyushma a’zolari — davlat birlashmalari, korxonalari, tashkilotlarini, davlat tasarrufidan chiqarilgandan keyin esa — davlat korxonalari negizida tashkil etilgan, uyushma tarkibiga kiruvchi aksionerlik jamiyatlarini, shirkatlarni davlatga tegishli aksiyalar (ulushlar, paylar)ga muvofiq boshqarish huquqini bersin.

6. “O‘zolmosoltin” uyushmasi ikki hafta muddatda Ustav ishlab chiqsin va Vazirlar Mahkamasi bilan kelishgan holda uni qabul qilsin.

7. “O‘zistiqbolstat” davlat qo‘mitasi “O‘zolmosoltin” uyushmasi korxonalarining barcha mahsulotlari davlat ehtiyojlariga yetkazib berilishini hisobga olib, qimmatbaho metallar ishlab chiqarish tamoyilidan kelib chiqadigan vazifalarni so‘zsiz bajarish, 1994-yildan boshlab har yili belgilangan tartibda “O‘zolmosoltin” uyushmasiga ishlab chiqarishni moddiy-texnika resurslari bilan ta’minlash maqsadida savdo va ayirboshlash operatsiyalarini amalga oshirish uchun tozalangan mis, rux, qo‘rg‘oshin ajratishni nazarda tutsin.

8. “O‘zolmosoltin” uyushmasi bir oy muddatda Chodak oltin qazib olish konining moliyaviy ahvolini sog‘lomlashtirish va Oltinkon ishchilar shaharchasining ijtimoiy-maishiy sharoitlarini yaxshilash maqsadida Chodak oltin qazib olish konining balansida bo‘lgan ijtimoiy infrastruktura muassasalarini uy-joy fondi bilan birgalikda belgilangan tartibda Namangan viloyati hokimligiga bersin.

Namangan viloyati hokimligi qayd etilgan obyektlarni qabul qilib olsin. O‘zbekiston Respublikasi Moliya vazirligi Namangan viloyati hokimiyati bilan birgalikda berilayotgan obyektlarni saqlash uchun 1994-yildan boshlab zarur mablag‘lar ajratish masalasini ko‘rib chiqsin va hal qilsin.

9. O‘zbekiston Respublikasi Aloqa vazirligi tugatilayotgan Davlat qimmatbaho metallar qo‘mitasidagi o‘rnatilgan barcha telefonlarni va aloqa turlarini “O‘zolmosoltin” uyushmasida saqlab qolsin.

10. “O‘zolmosoltin” uyushmasi Toshkent shahar, To‘raqo‘rg‘on tor ko‘chasi, 26-uyda joylashgan.

11. Vazirlar Mahkamasining “O‘zbekiston Respublikasi Davlat qimmatbaho metallar qo‘mitasi masalalari to‘g‘risida” 1991-yil 19-sentabrdagi 238-9-son va “Vazirlar Mahkamasining 1991-yil 19-sentabrdagi 238-9-son qaroriga o‘zgartirish va qo‘shimchalar kiritish to‘g‘risida” 1993-yil 7-iyundagi 273-18-son qarorlari o‘z kuchini yo‘qotgan deb hisoblansin.

12. Mazkur qarorning bajarilishini nazorat qilish Bosh vazir o‘rinbosari A.N. Voznenko zimmasiga yuklansin.

1. Angren oltin qazib olish koni.

2. “Zarnitsa” oltin qidiruvchilar arteli, Angren shahri.

3. Chodak oltin qazib olish koni, Namangan viloyati.

4. Kauldi oltin qazib olish koni, Toshkent viloyati.

5. Marjonbuloq” oltin qazib olish koni, Jizzax viloyati.

6. Zarmitan oltin qazib olish koni, Samarqand viloyati.

7. “Chilten” aksiyadorlik jamiyati, Toshkent viloyati.

8. “Qizilqum” oltin qidiruvchilar arteli, Toshkent shahri.

9. “Shaxtaquruvchi” aksiyadorlik jamiyati, Toshkent shahri.

10. “O‘zranglimetallenergiya” aksiyadorlik jamiyati, Toshkent shahri.

11. “O‘zsanoatavtomatika” jamoa korxonasi, Olmalik shahri.

12. “O‘zrangmetloyiha” aksiyadorlik jamiyati, Toshkent shahri.

13. “Oltinta’minot” mas’uliyati cheklangan jamiyat, Toshkent shahri.

14. Ishchilar ta’minoti Angren bo‘limi.

15. Ishchilar ta’minoti Chodak bo‘limi.

16. Ishchilar ta’minoti Marjonbuloq bo‘limi.

17. Ishchilar ta’minoti Zarmitan bo‘limi.

18. “Oltin Yombi” pansionati, Toshkent viloyati.

Rahbariyat

Investitsiyalar va tashqi iqtisodiy faoliyat bo‘limi

Iqtisodiy tahlil, davlat tasarrufidan chiqarish va xususiylashtirish bo‘limi

Resurslar va marketing bo‘limi

Kon-geologiya bo‘limi

Texnologiya va ilm fan bo‘limi

Xavfsizlik texnikasi va atrof muhitni muhofaza qilish bo‘limi

Markaziy buxgalteriya

Ishlar boshqarmasi

Birinchi bo‘lim

Hamma xodimlar soni - 42 kishi