“Bankrotlik toʻgʻrisida”gi Oʻzbekiston Respublikasi Qonuniga hamda Oʻzbekiston Respublikasi Prezidentining “Bank tizimini yanada isloh qilish va erkinlashtirish chora-tadbirlari toʻgʻrisida” 2005-yil 15-apreldagi PQ-56-son qaroriga muvofiq Vazirlar Mahkamasi qaror qiladi:

1. Vazirlar Mahkamasining “Amalga oshirilayotgan iqtisodiy nochor korxonalarni tarkibiy oʻzgartirish va moliyaviy sogʻlomlashtirish samaradorligini oshirish chora-tadbirlari toʻgʻrisida” 2003-yil 18-apreldagi 188-son qarorida (Oʻzbekiston Respublikasi QT, 2003-y., 4-son, 31-modda):

a) 4-band quyidagi mazmundagi uchinchi—yettinchi xatboshi bilan toʻldirilsin:

“Qarzdor korxona bankrot deb eʼlon qilinganda va tugatish ishlari boshlanganda, agar qarzdor kreditori kreditorlar talabnomalari reyestriga kiritilgan, kreditor qarzi boʻyicha qarzdor kreditor qarzining umumiy summasidan 70 va undan koʻp foizi talabiga ega tijorat banki hisoblangan taqdirda, ushbu kreditor, garov predmeti hisoblangan mol-mulkdan tashqari, qarzdor korxonasi (mol-mulki)ni oʻz mulkiga oʻtkazish toʻgʻrisida sudga ariza bilan murojaat qilish huquqiga egadir.

Bunda, agar kreditorlik qarz boʻyicha bank talabi “Bankrotlik toʻgʻrisida”gi Oʻzbekiston Respublikasi Qonunining 131-moddasiga muvofiq aniqlangan korxonani baholash qiymatidan koʻp yoki teng boʻlsa, bank tomonidan “Bankrotlik toʻgʻrisida”gi Oʻzbekiston Respublikasi Qonunining 134-moddasi birinchi qismida koʻrsatilgan tartibda navbatdan tashqari xarajatlarni qoplash uchun mablagʻlar qarzdorning yagona hisob raqamiga oʻtkazilganda hamda korxona xodimlarining ish haqlari boʻyicha qarzdorlik qoplanganda korxona bank mulkiga oʻtkaziladi.

Bankning kreditorlik qarz boʻyicha, shuningdek korxona xodimlariga ish haqi toʻlashdagi qarzlarni hamda “Bankrotlik toʻgʻrisida”gi Oʻzbekiston Respublikasi Qonunining 134-moddasi birinchi qismida belgilangan navbatdan tashqari xarajatlarni toʻlash boʻyicha talablari summasi korxonaning baholash qiymatidan kam boʻlgan taqdirda korxonani bank mulkiga oʻtkazish koʻrsatilgan tafovut hamda navbatdan tashqari xarajatlarni qoplash va korxona xodimlarining ish haqi boʻyicha qarzlarni toʻlash uchun mablagʻlarni bank tomonidan qarzdorning yagona hisob raqamiga oʻtkazish sharti bilan amalga oshiriladi. Ushbu mablagʻlar tugatish boshqaruvchisi tomonidan, birinchi navbatda — navbatdan tashqari toʻlovlarga va korxona xodimlarining ish haqi boʻyicha qarzlarni toʻlashga, shuningdek “Bankrotlik toʻgʻrisida”gi Oʻzbekiston Respublikasi Qonunining 134-moddasida koʻrsatilgan tartibda yoʻnaltiriladi”.

Ushbu bandning toʻrtinchi va beshinchi xatboshida koʻrsatib oʻtilgan shartlar bank tomonidan bajarilganda, qarzdorning mol-mulki sud boshqaruvchisi tomonidan sud hujjatlari asosida tijorat bankining mulkiga oʻtkaziladi.

Mazkur bandning uchinchi—oltinchi xatboshida koʻrsatilgan tartib 2005—2007-yillarda amal qiladi”;

b) 1-ilovada:

16-banddagi “bankrotlik tartibotini oʻtkazish uchun xoʻjalik sudi tasdiqlagan shaxs” soʻzlari “sud boshqaruvchisi” soʻzlari bilan almashtirilsin;

20 va 21-bandlardagi “bankrotlik tartibotini oʻtkazish uchun xoʻjalik sudi tasdiqlagan shaxs” soʻzlari “sud boshqaruvchisi” soʻzlari bilan almashtirilsin;

23-banddagi “bankrotlik tartibotini oʻtkazish uchun xoʻjalik sudi tasdiqlagan shaxs” soʻzlari “sud boshqaruvchisi” soʻzlari bilan almashtirilsin;

26-banddagi “bankrotlik tartibotini oʻtkazish uchun xoʻjalik sudi tasdiqlagan shaxs” soʻzlari “sud boshqaruvchisi” soʻzlari bilan hamda “83” raqami “134” raqami bilan almashtirilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Golishev zimmasiga yuklansin.