Respublika baliqchilik tabiiy suv havzalaridan oqilona foydalanish maqsadida Vazirlar Mahkamasi qaror qiladi:

1. O‘zbekiston Respublikasi Davlat tabiatni muhofaza qilish qo‘mitasi tomonidan ishlab chiqilgan va O‘zbekiston Respublikasi Adliya vazirligi hamda “O‘zbaliq” aksiyadorlik kompaniyasi bilan kelishilgan respublika baliqchilik tabiiy suv havzalarini biriktirib qo‘yish va ulardan foydalanish tartibi tasdiqlansin (ilova qilinadi).

2. Belgilab qo‘yilsinki:

baliq ovlash uchun suv havzalarini yoki ularning uchastkalarini biriktirib qo‘yish joylardagi davlat hokimiyati organlari bilan kelishilgan holda, Davlat tabiatni muhofaza qilish qo‘mitasi huzuridagi Hayvonot va o‘simlik dunyosini muhofaza qilish va undan oqilona foydalanish respublika davlat inspeksiyasi (“Davlatbionazorat” inspeksiyasi) bilan baliq ovlovchi tashkilotlar yoki jismoniy shaxs (foydalanuvchi) o‘rtasida tuzilgan shartnoma asosida, bepul amalga oshiriladi;

baliq xo‘jaligi inshootlari va boshqa imoratlar qurish uchun yer uchastkalari qonun bilan belgilangan tartibda ajratiladi.

yuridik va jismoniy shaxslar tomonidan baliq va boshqa suv hayvonlarini ovlash uchun baliq xo‘jaligi suv havzalaridan foydalanishga har yili majburiy ravishda mayda baliqlar bilan to‘ldirish ishlari olib borilgan, baliq ovlash qoidalariga rioya qilingan va muhofaza qilish tadbirlari amalga oshirilgan taqdirdagina yo‘l qo‘yiladi.

baliq ovlovchi jismoniy va yuridik shaxslar har oyda joylardagi tabiatni muhofaza qilish organlariga va “Davlatbionazorat” inspeksiyasiga tutilgan baliq va boshqa suv hayvonlarining miqdori va turi to‘g‘risida hisobot va tasdiqlangan shakllar bo‘yicha baliqlarni ko‘paytirish va muhofaza qilish tadbirlari o‘tkazilganligi to‘g‘risida bir yilda ikki marta (yarim yillik va yillik) statistika hisoboti taqdim etadilar;

yuridik va jismoniy shaxslar tomonidan baliq, baliq mahsulotlari, boshqa suv hayvonlari bilan savdo qilish faqat ovlash va mahsulot xarid qilishning qonuniyligini tasdiqlovchi hujjatlar va mahsulotga sifat sertifikati mavjud bo‘lgan taqdirda amalga oshirilishi mumkin.

3. Mazkur qarorning bajarilishini nazorat qilish Vazirlar Mahkamasining Agrosanoat kompleksi kotibiyatiga yuklansin.

1. Baliq va boshqa suv hayvonlarini ovlash yoki ularni ko‘paytirish uchun foydalaniladigan yoki foydalanilishi mumkin bo‘lgan barcha suv havzalari (dengizlar, daryolar, suv omborlari, ko‘llar va ularning qo‘shimcha suv havzalari, sun’iy ko‘l xo‘jaliklari va baliq ko‘paytiriladigan joylardan tashqari) baliq xo‘jaliklari hisoblanadi. Baliq ovlanadigan yoki ovlanishi mumkin bo‘lgan baliq xo‘jaligi suv havzalari baliq ovlash joylari hisoblanadi. Baliq xo‘jaligi suv havzalaridan sport-havaskorlik baliqchiligi uchun ham foydalanilishi mumkin.

2. Barcha baliq xo‘jaligi suv havzalari uch toifaga bo‘linadi:

I toifa — maydoni 25 ming gektardan ortiq bo‘lgan yirik suv havzalari;

II toifa — maydoni 5 ming gektardan 25 ming gektargacha bo‘lgan o‘rtacha suv havzalari;

III toifa — maydoni 5 ming gektardan kam bo‘lgan kichik suv havzalari.

3. I toifa suv havzalari asosan “O‘zbaliq” aksiyadorlik kompaniyasi korxonalari va tashkilotlariga biriktirib qo‘yiladi, II va III toifa suv havzalari boshqa yuridik, shuningdek, jismoniy shaxslarga ham biriktirib qo‘yilishi mumkin.

4. Baliq ovlash uchun suv havzalari yoki ularning uchastkalarini biriktirib qo‘yish joylardagi davlat hokimiyati organlari bilan kelishilgan holda, Davlat tabiatni muhofaza qilish qo‘mitasi huzuridagi) hayvonot va o‘simlik dunyosini muhofaza qilish va undan oqilona foydalanish respublika davlat inspeksiyasi (“Davlatbionazorat” inspeksiyasi) bilan baliq ovlovchi tashkilotlar yoki jismoniy shaxslar (foydalanuvchi) o‘rtasida tuzilgan shartnoma asosida (1-ilova), bepul amalga oshiriladi.

Shartnomaga “Davlatbionazorat” inspeksiyasi tomonidan biriktirib qo‘yiladigan suv havzasi yoki uning uchastkasining to‘lov asosida beriladigan pasporti ilova qilinadi (2-ilova).

5. Baliq xo‘jaligi suv havzalari yoki ularning uchastkalarini sport-baliq ovlash xo‘jaliklari tashkil etish uchun ovchilar va baliq ovlovchilar jamiyatlariga biriktirib qo‘yish 4-bandda belgilangan tartibda amalga oshiriladi.

Jamiyatlarga ayrim hollarda shu maqsad uchun biriktirib qo‘yilgan havzalarda belgilangan tartibda baliq ovlashga ruxsat etilishi mumkin.

6. Suv havzalari shartnomada belgilangan muddatga biriktirib qo‘yiladi. Agar foydalanuvchiga biriktirib qo‘yilgan suv havzasidan shartnoma imzolangan kundan boshlab ikki yil davomida foydalanilmagan yoxud shartnoma shartlari muntazam yoki qo‘pol ravishda bo‘zilgan hollarda u belgilangan tartibda “Davlatbionazorat”ning talabiga binoan bekor qilinishi mumkin.

7. Yuridik va jismoniy shaxslar tomonidan baliq va boshqa suv hayvonlarini ovlash uchun baliq xo‘jaligi suv havzalaridan foydalanishga har yili majburiy ravishda mayda baliqlar bilan to‘ldirish, baliqchilik melioratsiyasi, suv kelmay qolgan kichik havzalarda ov qilinadigan mayda baliqlarni saqlab qolish ishlari olib borilgan, baliq ovlash qoidalariga rioya qilingan va muhofaza qilish tadbirlari amalga oshirilgan taqdirdagina yo‘l qo‘yiladi.

8. Baliq ovlash uchastkalarini, hisobga olish, ro‘yxatdan o‘tkazish va baliq va boshqa suv hayvonlarini ovlash uchun “O‘zbaliq” aksiyadorlik kompaniyasi tarkibiga kiruvchi tashkilotlarga ov biletlarini korporatsiya, qolgan foydalanuvchilarga — “Davlatbionazorat” inspeksiyasi beradi.

9. Baliq ovlash uchun ruxsatnomaga ega bo‘lgan yuridik va jismoniy shaxslar o‘zlariga biriktirilgan suv havzalarida baliq tutish huquqini boshqa shaxslarga bera olmaydilar.

10. “O‘zbaliq” aksiyadorlik kompaniyasi baliq ovlash huquqi berilgan boshqa yuridik va jismoniy shaxslar har yili dekabr oyida o‘zlariga biriktirilgan suv havzalaridagi baliq zaxiralarining ahvoli to‘g‘risida “Davlatbionazorat” inspeksiyasiga axborot beradilar.

11. “Davlatbionazorat” inspeksiyasi olingan ma’lumotlar va Fanlar akademiyasining xulosasi asosida yanvar oyida joriy yilga baliq ovlash kvotasini belgilaydi va foydalanuvchilarning takliflarini hisobga olgan holda ularga biriktirilgan suv havzalari bo‘yicha taqsimlaydi. Kvota to‘lov asosida beriladi. To‘lov miqdori hayvonlarni ovlashga berilgan ruxsatnomalar qiymati indekslaridan kelib chiqqan holda belgilanadi.

Kvota olish uchun to‘lov, amalda ovlangan baliq miqdoridan qat’i nazar, kvotada belgilangan baliq va boshqa suv hayvonlarining umumiy soni uchun undiriladi, bunda to‘lov miqdori foydalanuvchi tomonidan biriktirilgan suv havzalarida baliq resurslarini ko‘paytirish tadbirlarini va bunga ko‘maklashuvchi boshqa ishlarni bajarish uchun sarflangan xarajatlar summasiga kamaytiriladi.

12. Baliq boshqa suv hayvonlarini ovlash faqat ular uchun kvota belgilangan suv havzalarida amalga oshirilishi mumkin. Baliq va boshqa suv hayvonlarini tasdiqlangan kvotasiz ovlash yoki kvotada ko‘rsatilgan miqdordan ortiq ovlash belgilangan tartibda ma’muriy, mulkiy va boshqa javobgarlikka olib keladi.

13. Baliq ovlovchi jismoniy va yuridik shaxslar har oyda joylardagi tabiatni muhofaza qilish organlariga va “Davlatbionazorat” inspeksiyasiga tutilgan baliq va boshqa suv hayvonlari miqdori va turlari to‘g‘risida hisobot va tasdiqlangan shakllar bo‘yicha baliqlarni ko‘paytirish va muhofaza qilish tadbirlari o‘tkazilganligi to‘g‘risida bir yilda ikki marta (yarim yillik va yillik) statistika hisoboti taqdim etadilar.

14. Yuridik va jismoniy shaxslar tomonidan baliq, baliq mahsulotlari, boshqa suv hayvonlari bilan savdo qilish faqat ovlash yoki mahsulot xarid qilishning qonuniyligini tasdiqlovchi hujjatlar va mahsulotga sifat sertifikati mavjud bo‘lgan taqdirda belgilangan tartibda shaharlar va tumanlar hokimliklari tomonidan belgilangan joylarda amalga oshirilishi mumkin.

— o‘ziga berilgan baliq xo‘jaligi suv havzasini “Davlatbionazorat” inspeksiyasi bilan kelishmasdan boshqa tashkilotlarga bermaslik;

— tabiatni muhofaza qilish qonun hujjatlarining buzilishiga yo‘l qo‘ymaslik

— xo‘jalik chegaralarini belgilash;

— tabiatni muhofaza qilish davlat inspektorlariga ularning talablariga binoan, baliq ovlash uchun ruxsatnomani, ovlashni qayd qilish daftarini va baliq ovlashga taalluqli boshqa hujjatlarni ko‘rsatish, ov anjomlarini tekshirish va ovlangan baliqlarni, shuningdek baliq ovlashni tavsiflovchi tezkor ma’lumotlar qayd qilingan ovchilik daftarlarini ko‘zdan kechirish uchun ishlab chiqarish binolarini, suzish vositalarini, qabul punktlarini belgilangan tartibda tekshirib chiqishga to‘sqinlik qilmaslik;

— foydalanuvchini belgilaydigan ov anjomlarini markalash;

— baliq ovlash havzasidan yoki uchastkasidan to‘liq va ruxsatnomada yozilgan ov anjomlari bilan foydalanish;

— biriktirilgan qirg‘oq uchastkalari va suv havzalarini tegishli sanitariya holatida saqlash;

— baliq ovlash suv havzalarida yoki uchastkalarida “Davlatbionazorat” inspeksiyasi organlari ruxsatisiz suv havzalari tabiiy sharoitlarini o‘zgartiruvchi ishlarni amalga oshirmaslik;

— “Davlatbionazorat” inspeksiyasi bilan kelishgan holda o‘z mablag‘lari hisobidan baliq ovlash va melioratsiya ishlarini o‘z kuchlari bilan amalga oshirish;

— baliq tutish uchun berilgan kvotadan oshmaslik;

— ovchilar va baliqchilar jamiyatiga biriktirilgan suv havzalarida baliq ovlamaslik, ovlash shartnoma bo‘yicha yoki jamiyatning roziligi bilan amalga oshiriladigan hollar bundan mustasno;

— tabiatni muhofaza qilish organlari xodimlariga ular o‘z xizmat vazifalarini bajarayotgan vaqtda tunash uchun xonalar, ovlashni tekshirish uchun transport vositasi berish va yo‘lovchi transport vositalaridan foydalanish imkoniyatini yaratish.

Har bir baliqchi ovlash chog‘ida baliq ovlovchi tashkilotga tegishli ekanligini tasdiqlovchi hujjatga ega bo‘lishi kerak.

3. Shartnoma majburiyatlari buzilgan taqdirda shartnoma belgilangan tartibda bekor qilinishi mumkin.

4. Tomonlarning yuridik manzillari:

Imzolar va muhrlar.

Suv havzasi (suv havzasi uchastkasi) joylashgan manzil:

1. __________________________________ viloyati __________________________ tumani

2. Suv havzasini (dengiz, daryo, ko‘l, suv ombori va hokazo)ning nomi_____________________________________

3. Suv havzasi (suv havzasi uchastkasi)ning yerdan foydalanuvchilar, yo‘llar, imoratlar chegaralari ko‘rsatilgan xarita-chizma bo‘yicha chegarasi

4. O‘lchamlari:

a) qirg‘og‘i bo‘yicha uzunligi___________________________________________

b) eni_________________________________________________________

v) maydoni ____________________________________________

g) eng yuqori chuqurligi ____________________________________________________

5. Ushbu suv havzasi (suv havzasi uchastkasi)da so‘nggi besh yil mobaynida ovlangan baliqlar turi va zaxirasi

_________________________________________________________________________

6. Ovlashning boshqa obyektlari (ovlash turlari va hajmi)

_________________________________________________________________________

7. Suv havzasida qo‘llanadigan ov anjomlari

_________________________________________________________________________

8. Umumiy tusdagi boshqa ma’lumotlar

_________________________________________________________________________