Oʻzbekiston Respublikasining Bojxona kodeksiga muvofiq Oʻzbekiston Respublikasi Davlat bojxona qoʻmitasi qaror qiladi:

1. Oʻzbekiston Respublikasi Davlat bojxona qoʻmitasining 2017-yil 16-yanvardagi 01-02/8-1-son qarori (roʻyxat raqami 2856, 2017-yil 3-fevral) (Oʻzbekiston Respublikasi qonun hujjatlari toʻplami, 2017-y., 5-son, 65-modda) bilan tasdiqlangan Bojxona kirim orderining shakli va uni toʻldirish qoidalariga ilovaga muvofiq oʻzgartirish va qoʻshimchalar kiritilsin.

2. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.

1. 2-bandda:

ikkinchi xatboshi quyidagi tahrirda bayon etilsin:

“jismoniy shaxslar tomonidan qoʻl yukida yoki kuzatib borilayotgan bagajida olib oʻtilayotgan tovarlarning, shuningdek xalqaro pochta va kuryerlik joʻnatmalarida yuborilayotgan shunday tovarlarning qiymati va (yoki) miqdori qonunchilik hujjatlarida belgilangan tovarlarni olib kirishning bojxona toʻlovlari undirilmaydigan cheklangan meʼyoridan oshganda, ortiqcha qismiga yagona bojxona toʻlovi undirilishida;”;

toʻrtinchi xatboshidagi “oʻn baravarigacha” degan soʻzlar “oʻttiz baravarigacha” degan soʻzlar bilan almashtirilsin.

2. Quyidagi mazmundagi 2¹-band bilan toʻldirilsin:

“2¹. BKO Oʻzbekiston Respublikasi Bojxona kodeksining 291-moddasida keltirilgan xatti-harakat yoki tartib-taomillarni bajargan bojxona organi tomonidan rasmiylashtiriladi.”.

3. 3-band quyidagi mazmundagi xatboshi bilan toʻldirilsin:

“Bojxona rasmiylashtiruvi bilan bogʻliq boʻlmagan bojxona yigʻimlari va bojxona organlari tomonidan undirilishi nazarda tutilgan boshqa yigʻimlarni undirishda mazkur Qoidalarning 3-ilovasiga muvofiq soddalashtirilgan shakldagi BKO shaklidan foydalaniladi.”.

4. 7-band quyidagi tahrirda bayon etilsin:

“7. BKO bojxona toʻlovlarini toʻlovchi shaxs taqdim qilgan hujjatlardagi maʼlumotlar asosida bojxona xodimi tomonidan elektron tarzda roʻyxatga olinib rasmiylashtiriladi va ikki nusxada chop etiladi hamda bojxona xodimining shaxsiy muhri va imzosi bilan tasdiqlanadi. BKOning birinchi nusxasi unga ilova qilingan hujjatlar bilan birga BKO rasmiylashtirilgan bojxona organida saqlanadi, ikkinchi nusxasi bojxona toʻlovlarini toʻlagan shaxsga topshiriladi (yuboriladi).

Bojxona xodimining elektron raqamli imzosi bilan tasdiqlangan BKOlarga hamda soddalashtirilgan shaldagi BKOlarga bojxona xodimi tomonidan muhr va imzo qoʻyilishi talab etilmaydi.

BKO bojxona toʻlovlarini toʻlovchi shaxs, yaʼni deklarant hamda bojxona brokeri (shu jumladan, bojxona rasmiylashtiruvi boʻyicha mutaxassis) tomonidan Davlat bojxona qoʻmitasining rasmiy saytida shaxsiy kabinet orqali elektron tarzda shakllantirilgan holda bojxona organlariga taqdim etilishi mumkin.”.

5. 8-banddan “kompleksi yoki” degan soʻzlar chiqarib tashlansin;

6. 10-bandda:

a) 1-kichik bandda:

sakkizinchi xatboshidagi ““TR”;” degan qisqartma ““TR”.” degan qisqartma bilan almashtirilsin;

toʻqqizinchi xatboshi chiqarib tashlansin;

oʻninchi — oʻn toʻrtinchi xatboshilar tegishli ravishda toʻqqizinchi — oʻn uchinchi xatboshilar deb hisoblansin;

oʻn uchinchi xatboshi chiqarib tashlansin;

b) 3-kichik bandning uchinchi xatboshisidan “kompleksi yoki” degan soʻzlar chiqarib tashlansin.

7. 11-bandning 1-kichik bandi ikkinchi va uchinchi xatboshilaridagi “kompleksi yoki” degan soʻzlar chiqarib tashlansin.

8. 12-band oʻz kuchini yoʻqotgan deb topilsin.

9. Quyidagi mazmundagi 3¹-bob bilan toʻldirilsin:

14¹. Bojxona xodimi tomonidan bojxona rasmiylashtiruvi bilan bogʻliq boʻlmagan hollarda soddalashtirilgan shakldagi BKO toʻldiriladi.

14². Soddalashtirilgan shakldagi BKOning 2-grafasi BKO asosiy varagʻi 4-grafasiga, soddalashtirilgan shakldagi BKOning 4 va 5-grafalari BKO asosiy varagʻi 19 va 20-grafalariga muvofiq toʻldiriladi. Bojxona toʻlovlarini toʻlovchi shaxs tomonidan soddalashtirilgan shakldagi BKOning 6-grafasi BKO asosiy varagʻi 22-grafasiga muvofiq toʻldiriladi.

Bojxona yigʻimlari Davlat bojxona qoʻmitasining rasmiy saytida shaxsiy kabinet orqali elektron tarzda shakllantirilgan BKO asosida undirilganda soddalashtirilgan shakldagi BKOning 6-grafasi elektron raqamli imzo bilan tasdiqlanadi.

14³. Bojxona xodimi tomonidan grafalarning toʻldirilishi:

1) 1-grafa. “BKO roʻyxat raqami”.

BKO roʻyxat raqami quyidagi boʻlmalarda koʻrsatiladi:

birinchi boʻlmada:

a) bojxona posti tomonidan BKO rasmiylashtirilishida Yoʻriqnomaning 4-ilovasiga muvofiq bojxona postining kodi;

b) bojxona postidan boshqa tarkibiy tuzilmalar tomonidan amalga oshirilgan harakatlar boʻyicha dastur tomonidan avtomatik tarzda qoʻyiladigan kod;

ikkinchi boʻlmada BKO rasmiylashtirilgan kun, oy, yil;

uchinchi boʻlmada dastur tomonidan avtomatik tarzda beriladigan tartib raqam koʻrsatiladi.

Masalan: Bojxona posti tomonidan rasmiylashtirilgan hollarda — 27001/01.01.2022/0000001.

Davlat bojxona qoʻmitasi va uning hududiy boshqarmalari hamda “Toshkent-AERO” ixtisoslashtirilgan bojxona kompleksining masʼul tarkibiy tuzilmalari tomonidan rasmiylashtirilgan hollarda — 1727/01.01.2022/0000001.

2) 3-grafa. “Taqdim etiladigan hujjatlar/qoʻshimcha maʼlumotlar”.

Grafada BKO toʻldirishga asos boʻladigan hujjatlar:

a) dastlabki qarorni olish uchun taqdim etilgan ariza raqami va sanasi;

b) egasi bojxona organi boʻlgan bojxona omborida yoki chegara bojxona postida vaqtincha tovarlarni saqlash uchun asos boʻlgan hujjat raqami va sanasi;

v) transport vositasini bojxona kuzatuvini amalga oshirish yoki bojxona nazorati ostida tashilayotgan tovar va transport vositalari uchun belgilangan yetkazib berish muddati oʻtkazib yuborilgan holatda tranzit deklaratsiyasi raqami va sanasi (masalan, TR № 27001/01.01.2022/0000105);

g) avtotransport vositasini bir kalendar yil davomida toʻqson kalendar kundan ortiq muddatga vaqtinchalik olib kirganlikda transport vositasini qaytarib olib chiqish majburiyatnomasi raqami va sanasi;

d) qonunchilikda nazarda tutilgan boshqa yigʻimlarni undirish uchun asos boʻlgan hujjat raqami va sanasi.”.

10. 15-band quyidagi tahrirda bayon etilsin:

“15. Rasmiylashtirilgan BKOning bir nusxasi va unga ilova qilingan hujjatlar, shu jumladan uning dasturdagi elektron shakli tovarlar bojxona nazorati ostida turgan tovar maqomini yoʻqotgan yoki bojxona organi tomonidan mazkur Qoidalarda belgilangan xatti-harakat va tartib-taomillar amalga oshirilgan yildan keyingi yildan eʼtiboran bevosita BKO rasmiylashtirilgan bojxona organida uch yil davomida saqlanadi.”.

11. Mazkur oʻzgartirish va qoʻshimchalarning ilovasiga muvofiq tahrirda 3-ilova bilan toʻldirilsin.