Yuksak sport mahoratini yanada oshirganlikni rag‘batlantirish, O‘zbekistonning eng yuqori natijalarga erishgan sportchilarini taqdirlash maqsadida, shuningdek yosh avlodni xalqaro sport maydonlarida mamlakatni mashhur qilgan hamda O‘zbekiston sportining shonli an’analarini yanada boyitgan eng yaxshi sportchilar misolida vatanparvarlik va Vatanga cheksiz sadoqat ruhida tarbiyalashga alohida ahamiyat berib Vazirlar Mahkamasi qaror qiladi:
1. O‘zbekiston Respublikasi Davlat jismoniy tarbiya va sport qo‘mitasi hamda Milliy Olimpiya qo‘mitasining “Yilning eng yaxshi sportchisi” O‘zbekiston Milliy Kubogini ta’sis etish to‘g‘risidagi taklifi qabul qilinsin.
2. “Yilning eng yaxshi sportchisi” O‘zbekiston Milliy Kubogi to‘g‘risidagi Nizom va Respublika komissiyasi tarkibi 1 va 2-ilovalarga muvofiq tasdiqlansin.
LexUZ sharhi
“Yilning eng yaxshi sportchisi” O‘zbekiston Milliy kubogini berish bo‘yicha respublika komissiyasi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qaroriga asosan yangi tarkibda tasdiqlangan.
3. “Yilning eng yaxshi sportchisi” O‘zbekiston Milliy Kubogi bilan mukofotlash har yili yil yakuni bo‘yicha o‘tkazilsin.
4. “Mahalliy sanoat” davlat korporatsiyasi 1997-yil 1-martgacha “Yilning eng yaxshi sportchisi” O‘zbekiston Milliy Kubogini va uning nusxalarini tayyorlasin.
Oldingi tahrirga qarang.
5. O‘zbekiston Respublikasi Moliya vazirligi yilning eng yaxshi sportchisiga berish uchun Jismoniy tarbiya va sport vazirligiga har yili 10 (o‘n) ming AQSh dollariga teng miqdorda pul mablag‘lari ajratishni nazarda tutsin.
(5-band O‘zbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari ma’lumotlari milliy bazasi, 09.07.2018-y., 09/18/508/1477-son)
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A. Azizxo‘jayev zimmasiga yuklansin.
“Yilning eng yaxshi sportchisi” O‘zbekiston Milliy Kubogi (bundan keyin Kubok deb ataladi) eng yuksak natijalar, sport sharafi va shuhrati, mardlik, sadoqatli vatanparvarlik hamda xalqaro sport maydonlarida O‘zbekiston sporti an’analarini boyitishga, respublika nufuzini ko‘tarishga qo‘shilgan ulush ramzi hisoblanadi.
Oldingi tahrirga qarang.
1. Kubok yil mobaynida chempion unvoniga sazovor bo‘lgan, Jahon, Olimpiya o‘yinlarida rekord o‘rnatgan va rasmiy xalqaro sport musobaqalarida eng yuksak sport natijalariga erishgan, o‘zining sportdagi jasorati va g‘alabaga bo‘lgan mustahkam irodasi bilan o‘sib kelayotgan avlodga munosib namuna ko‘rsatgan sportchiga beriladi.
(1-band O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
Oldingi tahrirga qarang.
2. Kubok bilan mukofotlashga nomzodlar sport jamiyatlari va idoralari trenyerlari, sport turlari bo‘yicha respublika sport federatsiyalari (uyushmalari), Sport jurnalistlari uyushmasi tomonidan ko‘rsatiladi.
(2-bandning birinchi xatboshisi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT, 2016-y., 43-son, 499-modda)
Respublika komissiyasi tavsiya etilgan nomzodlarni o‘rganadi, ulardan eng munosiblarini tanlaydi va “Yilning eng yaxshi sportchisi” O‘zbekiston Milliy Kubogini berish to‘g‘risida qaror qabul qiladi.
Oldingi tahrirga qarang.
“Yilning eng yaxshi sportchisi” O‘zbekiston Milliy Kubogini berish bilan bog‘liq barcha zarur tashkiliy tadbirlarni ta’minlash O‘zbekiston Respublikasi Jismoniy tarbiya va sport vazirligi tomonidan amalga oshiriladi.
(2-bandning uchinchi xatboshisi O‘zbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari ma’lumotlari milliy bazasi, 09.07.2018-y., 09/18/508/1477-son)
3. “Yilning eng yaxshi sportchisi” O‘zbekiston Milliy Kubogi, belgilangan namunadagi guvohnoma va pul mukofoti tantanali vaziyatda topshiriladi.
Laureatning familiyasi va ismi o‘yib yoziladigan “Yilning eng yaxshi sportchisi” O‘zbekiston Milliy Kubogi Olimpiya shon-shuhrati muzeyida saqlanadi. Kubok aslining nusxasi laureatga topshiriladi.
Oldingi tahrirga qarang.
Oldingi tahrirga qarang.
1. | Sh.X. Isroilov | — | Jismoniy tarbiya va sport vaziri, respublika komissiyasi raisi |
2. | U.M. Axmatdjanov | — | O‘zbekiston Milliy olimpiya qo‘mitasi raisi, respublika komissiyasi raisining o‘rinbosari |
3. | K.K. Quronboyev | — | O‘zbekiston Respublikasi Prezidentining yoshlar siyosati masalalari bo‘yicha Davlat maslahatchisi — O‘zbekiston yoshlar ittifoqi Markaziy Kengashi raisi |
4. | O.O. Qosimov | — | Jismoniy tarbiya va sport vazirining birinchi o‘rinbosari |
5. | Sh.F. Mominjanov | — | Jismoniy tarbiya va sport vazirining o‘rinbosari |
6. | Lavozimi bo‘yicha | — | Olimpiya shon-shuhrati muzeyi direktori |
7. | Lavozimi bo‘yicha | — | “Sport” gazetasi bosh muharriri |
8. | O.L. Fayziyev | — | “Xalq so‘zi” gazetasining sport sharhlovchisi |
9. | Lavozimi bo‘yicha | — | respublika oliy sport mahorati maktablari direktorlari |
(2-ilovaning matni O‘zbekiston Respublikasi Vazirlar Mahkamasining 2018-yil 5-iyuldagi 508-sonli qarori tahririda — Qonun hujjatlari ma’lumotlari milliy bazasi, 09.07.2018-y., 09/18/508/1477-son)