1. | X. Xaga | — | “Digital Knowledge Co., Ltd.” aksiyadorlik jamiyati (Yaponiya) prezidenti, Vasiylik kengashi raisi |
2. | U. Begimkulov | — | O‘zbekiston Respublikasi oliy va o‘rta maxsus ta’lim vazirining fan va innovatsiyalar bo‘yicha o‘rinbosari, Vasiylik kengashi raisi o‘rinbosari |
3. | O. Pekos | — | O‘zbekiston Respublikasi axborot texnologiyalari va kommunikatsiyalarini rivojlantirish vazirining birinchi o‘rinbosari |
4. | U. Azizov | — | O‘zbekiston davlat jahon tillari universiteti rektori |
5. | S. Babaxodjayev | — | Toshkent axborot texnologiyalari universiteti rektori |
6. | Ch. Kobayashi | — | “Digital Knowledge Co., Ltd.” aksiyadorlik jamiyati (Yaponiya) loyiha menejeri (kelishuv asosida) |
7. | X. Torigoye | — | Otemaye universiteti (Yaponiya) prezidenti (kelishuv asosida) |
8. | Y. Muraoka | — | Tokio onlayn universiteti (Yaponiya) prezidenti (kelishuv asosida) |
9. | lavozimi bo‘yicha | — | Toshkent shahridagi Yaponiya raqamli universiteti rektori, Vasiylik kengashi kotibi |
O‘zbekiston Respublikasi Vazirlar Mahkamasining qarori, 02.12.2020 yildagi 762-son
Кучга кириш санаси
03.12.2020
Рус
Ўзб
O’zb
O‘zb|Рус
O‘zbekiston Respublikasi Prezidentining “O‘zbekiston Respublikasi va Yaponiya o‘rtasida ikki tomonlama hamkorlikni yanada kengaytirish va mustahkamlash chora-tadbirlari to‘g‘risida” 2019-yil 28-dekabrdagi PQ-4553-son qarorida belgilangan vazifalar hamda oliy ta’lim sohasida xalqaro hamkorlikni kengaytirish va ta’lim jarayoniga ilg‘or xorijiy tajribani tatbiq etish, umume’tirof etilgan xalqaro standartlar asosida ehtiyoj yuqori bo‘lgan yo‘nalishlarda oliy ma’lumotli malakali mutaxassislarni tayyorlash maqsadida Vazirlar Mahkamasi qaror qiladi:
1. O‘zbekiston Respublikasi Oliy va o‘rta maxsus ta’lim vazirligi, O‘zbekiston davlat jahon tillari universiteti bilan “Digital Knowledge Co., Ltd.” kompaniyasi (Yaponiya) o‘rtasida 2020-yil 17-aprelda “JDU — Japan Digital Universities” satellit kampusini tashkil etish bo‘yicha hamkorlik to‘g‘risidagi shartnoma (keyingi o‘rinlarda — Shartnoma) imzolanganligi ma’lumot uchun qabul qilinsin.
2. O‘zbekiston Respublikasi Oliy va o‘rta maxsus ta’lim vazirligi hamda muassis sifatidagi “Digital Knowledge Co., Ltd.” kompaniyasining (Yaponiya) Toshkent shahrida Yaponiya raqamli universitetini (keyingi o‘rinlarda — Universitet) tashkil etish to‘g‘risidagi taklifiga rozilik berilsin.
axborot-kommunikatsiya texnologiyalari, dasturiy ta’minotni ishlab chiqish, axborot tizimi va kompyuter tarmoqlarini boshqarish hamda iqtisodiyotning ehtiyoj yuqori bo‘lgan boshqa sohalari bo‘yicha oliy ma’lumotli raqobatbardosh kadrlarni xalqaro standartlar darajasida sifatli tayyorlashni ta’minlash;
respublikaning oliy ta’lim tizimiga o‘quv jarayonini zamonaviy ta’lim texnologiyalari asosida tashkil etish bo‘yicha ilg‘or xorijiy tajribani joriy etish, ochiq axborot-ta’lim muhitining rivojlanishiga ko‘maklashish;
o‘quv va ilmiy loyihalarni amalga oshirishda, shuningdek, ilm-fan va ishlab chiqarish sohalaridagi dolzarb muammolarni hal etishga yo‘naltirilgan ilmiy-amaliy tadqiqotlar olib borishda respublika va xorijiy yetakchi oliy ta’lim va ilmiy-tadqiqot muassasalari bilan hamkorlik qilish;
kadrlar tayyorlash, qayta tayyorlash va ularning malakasini oshirish tizimini takomillashtirish hamda modernizatsiya qilishga yo‘naltirilgan yangi ta’lim dasturlari, o‘qitishning masofaviy shakllarini ishlab chiqish va joriy etish;
ta’lim va ilm-fan sohalarida xorijiy mamlakatlarning, xususan Yaponiyaning yetakchi oliy ta’lim muassasalari, ilmiy-tadqiqot markazlari hamda biznes hamjamiyatlari bilan uzoq muddatli aloqalarni rivojlantirish va mustahkamlash.
Universitetda o‘qitish Yaponiyaning Otemaye universiteti, Tokio onlayn universiteti va boshqa nufuzli oliy ta’lim muassasalari (keyingi o‘rinlarda — Yaponiya universitetlari) hamda O‘zbekiston Respublikasi davlat ta’lim standartlari talablari inobatga olingan, O‘zbekiston Respublikasi Oliy va o‘rta maxsus ta’lim vazirligi bilan kelishilgan holda Universitet tomonidan tasdiqlanadigan o‘quv rejalari va fan dasturlariga muvofiq yapon va o‘zbek tillarida to‘lov-kontrakt asosida amalga oshiriladi;
Universitetda bakalavriat ta’lim yo‘nalishlari bo‘yicha kunduzgi va masofaviy ta’lim shakllarida kadrlar tayyorlash amalga oshiriladi;
Universitetga abituriyentlarni qabul qilish va bitiruvchilarni attestatsiyadan o‘tkazish “Digital Knowledge Co., Ltd.” kompaniyasi (keyingi o‘rinlarda — Muassis) hamda O‘zbekiston Respublikasi Oliy va o‘rta maxsus ta’lim vazirligi bilan kelishilgan holda Universitet tomonidan belgilanadigan talablar, tartib va muddatlarga muvofiq amalga oshiriladi;
Shartnoma shartlariga muvofiq Universitet bitiruvchilariga oliy ta’lim to‘g‘risidagi hujjat sifatida tan olinadigan Yaponiya universitetlari hamda O‘zbekiston Respublikasining belgilangan namunadagi diplomlari beriladi;
Universitetda talabalar o‘qishi uchun to‘lov-kontrakt mablag‘lari miqdori Muassis tomonidan belgilanadi;
Universitetga belgilangan tartibda O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasidan litsenziya olingandan so‘ng ta’lim faoliyati bilan shug‘ullanishga ruxsat etiladi.
Universitetning moddiy-texnik va o‘quv bazasini shakllantirish bo‘yicha tashkiliy tadbirlarni, shu jumladan ta’mirlash-tiklash ishlarini olib borish;
Universitetni zamonaviy laboratoriya uskunalari, o‘quv va ilmiy adabiyotlar, mebel, kompyuter texnikasi bilan ta’minlash hamda o‘quv jarayoniga axborot-kommunikatsiya texnologiyalarini joriy etish;
Universitetni tanlov asosida malakali professor-o‘qituvchilar tarkibi bilan to‘ldirish hamda Yaponiya universitetlari ta’lim dasturlari asosida sifatli ta’lim jarayonini ta’minlash;
har yili ijtimoiy himoyaga muhtoj oilalarning qobiliyatli, iqtidorli hamda o‘zlashtirish ko‘rsatkichlari yuqori bo‘lgan farzandlari orasidan tanlov asosida bepul (Universitet granti asosida) 10 nafardan kam bo‘lmagan abituriyentlarni o‘qishga qabul qilish.
6. Toshkent shahridagi Yaponiya raqamli universitetining Vasiylik kengashi tarkibi ilovaga muvofiq ma’qullansin.
Vasiylik kengashi quyidagi yo‘nalishlar bo‘yicha Universitet faoliyatini rivojlantirishga ko‘maklashuvchi jamoatchilik organi ekanligi inobatga olinsin:
Universitet faoliyatini tashkil etishni ta’minlash, to‘laqonli yo‘lga qo‘yish bilan bog‘liq tashkiliy, moliyaviy, huquqiy, iqtisodiy, o‘quv-metodik, moddiy-texnik va boshqa masalalarni hal etish;
Universitetni moddiy-texnik jihatdan ta’minlash uchun moliyaviy yordam tashkil etish, budjetdan tashqari mablag‘larni jalb etish;
zarur loyiha, qurilish-montaj va ta’mirlash ishlarini amalga oshirish, Universitetni jihozlash, uning infratuzilmasini yaratish, moddiy-texnik ta’minlashga doir tarmoq jadvallarini ishlab chiqish va tasdiqlash;
Universitet faoliyatini tashkil etish bo‘yicha tasdiqlangan tarmoq jadvallarida belgilangan vazifalarning bajarilishi yuzasidan muntazam nazorat va monitoring olib borish;
ta’lim jarayonini, talabalarning ishlab chiqarish amaliyotini Yaponiya va O‘zbekistondagi tegishli tashkilotlarda samarali tashkil etish va takomillashtirish, bakalavriat ta’lim yo‘nalishlari bo‘yicha mutaxassislar tayyorlash sifatini tizimli ravishda oshirish, Universitet bitiruvchilarini ishga joylashtirish, mehnat bozorining keyingi rivojini hisobga olgan holda mutaxassislar va ilmiy-texnik kadrlar tayyorlashning istiqbolli yo‘nalishlarini belgilashda ko‘maklashish;
ijtimoiy-iqtisodiy sohaning yuqori malakali mutaxassislarga bo‘lgan ehtiyojlaridan kelib chiqib, 2020/2021 o‘quv yili hamda keyingi o‘quv yillarida Universitetga qabul qilish parametrlarini O‘zbekiston Respublikasi Oliy va o‘rta maxsus ta’lim vazirligi bilan kelishilgan holda belgilash;
Universitet faoliyatining jadal rivojlanishini ta’minlash uchun homiylik hayriyalari, texnik ko‘mak mablag‘larini (grantlarni) va boshqa budjetdan tashqari mablag‘larni jalb etish;
Universitetning moddiy-texnik, o‘quv-metodik bazasini mustahkamlash, shu jumladan uni zamonaviy axborot-kommunnikatsiya vositalari va jihozlari, o‘quv-laboratoriya uskunalari hamda o‘quv-metodik adabiyotlar bilan ta’minlashga, Universitet infratuzilmasini yaxshilashga ko‘maklashish;
ta’lim dasturi asosida Yaponiyadagi yetakchi universitetlarda talabalar o‘qishini davom ettirishni, shuningdek, maxsus stipendiyalar berish orqali xorijdagi boshqa yetakchi ta’lim muassasalariga malakaviy amaliyot o‘tashga yuborish uchun iqtidorli talabalarni tanlov asosida saralab olishni tashkil etish.
7. Belgilab qo‘yilsinki, “Muhandis-dasturchi” bakalavriat ta’lim yo‘nalishi bo‘yicha Universitetga talabalarni qabul qilish 2020/2021 o‘quv yilidan, “Kompyuter grafikasi va dizayn” bakalavriat ta’lim yo‘nalishi bo‘yicha — keyingi o‘quv yilidan boshlab amalga oshiriladi.
Bunda, kelgusi yillarda, respublika iqtisodiyot tarmoqlarining yuqori malakali kadrlarga bo‘lgan ehtiyojidan kelib chiqqan holda, Universitetda Vasiylik kengashi qaroriga asosan zarur yangi bakalavriat ta’lim yo‘nalishlari bo‘yicha kadrlar tayyorlanadi.
8. Universitet O‘zbekiston davlat jahon tillari universitetining Toshkent shahar, Uchtepa tumani, Kichik xalqa yo‘li ko‘chasi, 21-a uy manzilidagi 3-o‘quv binosining birinchi qavatiga tekin foydalanish huquqi asosida joylashtirilsin.
Bunda, mazkur bino va inshootlar hamda unga tegishli hududni saqlash bilan bog‘liq barcha xarajatlar, jumladan, kommunal to‘lovlar Universitet mablag‘lari hisobiga qoplanadi.
9. O‘zbekiston Respublikasi Oliy va o‘rta maxsus ta’lim vazirligi O‘zbekiston davlat jahon tillari universiteti bilan birgalikda Universitetda yapon tili, ingliz tili, O‘zbekiston tarixi va boshqa fanlar bo‘yicha nazariy va amaliy mashg‘ulotlar olib borish uchun respublika oliy ta’lim va ilmiy-tadqiqot muassasalarining yuqori malakali o‘qituvchilari va mutaxassislarini jalb etsin hamda istiqbolda ularning stajirovka o‘tashi va malaka oshirishini tashkil etsin.
Oldingi tahrirga qarang.
(10-bandning yettinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Universitetni tanlov asosida malakali professor-o‘qituvchilar tarkibi bilan ta’minlashda zarur yordam ko‘rsatsin.
12. Universitetga o‘quv va ilmiy-tadqiqot ishlariga taklif qilinadigan xorijiy professor-o‘qituvchilarning yashash hamda transport xarajatlarini tuziladigan shartnomalar asosida O‘zbekiston Respublikasi fuqarolari uchun belgilangan tariflarda to‘lashga ruxsat berilsin.
13. O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi Universitetda ta’lim sifatini ta’minlash hamda qonunchilikka rioya etilishini belgilangan tartibda nazorat qilsin.
14. O‘zbekiston Respublikasi Oliy va o‘rta maxsus ta’lim vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
15. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari B.A. Musayev hamda O‘zbekiston Respublikasi oliy va o‘rta maxsus ta’limi vaziri I.U. Madjidov zimmasiga yuklansin.