O‘zbekiston Respublikasining Havo kodeksiga muvofiq Davavianazorat tomonidan O‘zbekiston Respublikasining eksperimental havo kemalarini davlat ro‘yxatiga olish qoidalari ishlab chiqildi, buyuraman:
1. O‘zbekiston Respublikasining eksperimental havo kemalarini davlat ro‘yxatiga olish qoidalari* (yangi tahriri) tasdiqlansin.
*Qoidalar rus tilidagi matnda berilgan.
2. Parvoz xavfsizligi nazorati bo‘yicha O‘zbekiston Respublikasi davlat nozirligi boshlig‘i 1999-yil 6-aprel kuni tasdiqlagan va 1999-yil 30-iyulda 786-son bilan O‘zbekiston Respublikasi Adliya vazirligida ro‘yxatga olingan “O‘zbekiston Respublikasining eksperimental havo kemalarini davlat ro‘yxatiga olish qoidalari” o‘z kuchini yo‘qotgan deb hisoblansin.
3. Mazkur Aviatsion qoidalar O‘zbekiston Respublikasi Adliya vazirligida davlat ro‘yxatiga olingan kundan boshlab o‘n kun o‘tgach amalga kiritilsin.
4. Ish boshqaruvchi tomonidan devonxona bilan hamkorlikda Adliya vazirligida ro‘yxatga olingan kundan boshlab o‘n kun ichida Aviatsion qoidalar ko‘paytirilib, barcha aviakompaniyalar va manfaatdor tashkilotlarga tarqatilishi ta’minlansin.
5. Mazkur buyruq bajarilishi ustidan nazorat Sertifikatlash, litsenziyalash va parvoz xavfsizligi ustidan nazorat boshqarmasi boshlig‘ining zimmasiga yuklatilsin.