Koronavirus pandemiyasining salbiy ta’siri oqibatida zarar ko‘rgan va ko‘rayotgan tashqi iqtisodiy faoliyat va turizm sohalarida faoliyat yurituvchi tadbirkorlik subyektlarini hamda zamonaviy uy-joy qurilishi bilan band bo‘lgan qurilish-pudrat tashkilotlarini qo‘llab-quvvatlash, shuningdek, tadbirkorlik subyektlarining avtotransport vositalari parkini yanada yangilash va modernizatsiya qilish uchun shart-sharoitlar yaratish maqsadida Vazirlar Mahkamasi qaror qiladi:

1. 2022-yil 31-dekabrga qadar quyidagilarga utilizatsiya yig‘imining nol stavkasi qo‘llanilsin:

yuk tashish uchun mo‘ljallangan yangi transport vositalari (TIF TN kodi 8704 23) hamda maxsus mo‘ljallangan yangi transport vositalari (TIF TN kodi 8705 10, 8705 40, 8705 90);

haydovchi bilan birga o‘n va undan ortiq yo‘lovchilarni tashish uchun mo‘ljallangan, “Yevro-5” va undan yuqori ekologik toifa talablariga mos keladigan transport vositalari (TIF TN kodi 8702, ishlab chiqarilganiga 4 yildan oshganlari bundan mustasno).

2. Vazirlar Mahkamasining “G‘ildirakli transport vositalari, o‘ziyurar mashinalar va ularning tirkamalari uchun utilizatsiya yig‘imini joriy etish to‘g‘risida” 2020-yil 2-iyundagi 347-son qaroriga ilovaga muvofiq o‘zgartirishlar va qo‘shimcha kiritilsin.

3. Mazkur qarorning bajarilishini nazorat qilish O‘zbekiston Respublikasi Bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri S.U. Umurzakov zimmasiga yuklansin.

1. 2-bandning “b” kichik bandida:

a) quyidagi mazmundagi to‘rtinchi xatboshi bilan to‘ldirilsin:

“davlatlararo, hukumatlararo, xalqaro tashkilotlar yo‘nalishlari bo‘yicha xayriya yordami maqsadlarida, shu jumladan texnik ko‘mak (grant) mablag‘lari hisobiga olib kiriladigan transport vositalariga;”;

b) to‘rtinchi xatboshi tegishli ravishda beshinchi xatboshi deb hisoblansin.

2. Ilovaning VI qismi quyidagi tahrirda bayon etilsin: