Chora-tadbirlar | Amalga oshirish mexanizmi | Ijro muddati | Moliyalashtirish manbalari | Mas’ul ijrochilar | |
I. Yunus Rajabiy nomidagi O‘zbek milliy musiqa san’ati instituti faoliyatini yo‘lga qo‘yish | |||||
1. | Yunus Rajabiy nomidagi O‘zbek milliy musiqa san’ati instituti (keyingi o‘rinlarda ― Institut) tuzilmasini ishlab chiqish va tasdiqlash. | 1. Institut oldiga qo‘yilgan maqsadlar va vazifalarni, musiqa san’ati ta’limi borasida nufuzli xorijiy oliy ta’lim muassasalari tajribasini tahlil qilish. 2. Fakultetlar, umumkasbiy va mutaxassislik kafedralari hamda funksional bo‘limlar tarkibini qaytadan ko‘rib chiqqan holda Institutning tuzilmasini tasdiqlash. | 2020-yil sentyabr | - | Madaniyat vazirligi Oliy va o‘rta maxsus ta’lim vazirligi (I. Madjidov) |
2. | Institut ustavini ishlab chiqish va belgilangan tartibda tasdiqlash. | 1. Institutning ustavi loyihasini ishlab chiqish. 2. Ustav loyihasini belgilangan tartibda tasdiqlash. | 2020-yil sentyabr | - | Madaniyat vazirligi |
3. | Institutning shtatlar jadvali va xarajatlari smetasini ishlab chiqish hamda belgilangan tartibda tasdiqlash. | 1. Institutning shtatlar jadvali va xarajatlari smetasi loyihalarini ishlab chiqish. 2. Shtatlar jadvali va xarajatlar smetasini tasdiqlash. | 2020-yil sentyabr | - | Madaniyat vazirligi |
4. | Institut o‘quv-normativ bazasini yaratish. | Kadrlar buyurtmachilari tomonidan madaniyat sohasining tarmoq kvalifikatsiya doirasi, har bir kasb va lavozimi bo‘yicha professional standartlarni ishlab chiqish va ular asosida davlat ta’lim standartlari, malaka talablari, o‘quv-reja va fan dasturlarini tasdiqlash. | 2020 ― 2023-yillar | - | Madaniyat vazirligi Oliy va o‘rta maxsus ta’lim vazirligi (I. Madjidov), O‘zbek milliy musiqa san’ati instituti |
5. | Institutni yuqori malakali kadrlar bilan ta’minlash maqsadida professor-o‘qituvchi va xodimlar tarkibini shakllantirish hamda ishga qabul qilish jarayonini tanlov asosida tashkil etish. | 1. Yuqori malakali professor-o‘qituvchi va xodimlarni ishga jalb qilish bo‘yicha Ishchi guruh tashkil etish. 2. O‘zbek milliy musiqa san’atining o‘ziga xos xususiyatlarini hisobga olgan holda professor-o‘qituvchi va xodimlar tarkibini tanlov asosida shakllantirish. | 2020-yil 10-sentabrga qadar | - | Madaniyat vazirligi |
6. | O‘qitishning kredit-modul tizimiga bosqichma-�osqich o‘tish. | 1. O‘qitishda kredit-modul tizimini joriy etish bo‘yicha mahalliy va xalqaro tajribalarni o‘rganish. 2. 2021/2022 o‘quv yilidan boshlab birinchi bosqich talabalarini o‘qitishda kredit-modul tizimini joriy etish. | 2021/2022 o‘quv yili | Madaniyat vazirligi huzuridagi Madaniyat va san’atni rivojlantirish jamg‘armasi mablag‘lari | Madaniyat vazirligi Oliy va o‘rta maxsus ta’lim vazirligi (I. Madjidov), O‘zbek milliy musiqa san’ati instituti |
II. Yunus Rajabiy nomidagi O‘zbek milliy musiqa san’ati institutida ta’lim dasturlari doirasida kadrlar tayyorlash tizimini takomillashtirish | |||||
7. | Kadrlarni tanlash va tayinlashning samarali mexanizmini joriy etish. | 1. Rektorat, fakultetlar, kafedralar rahbar xodimlari va professor-o‘qituvchilari tarkibini shakllantirish va ularning ish samaradorligini baholashning reyting tizimini bosqichma-bosqich joriy etish. 2. Institut boshqaruv kadrlari zaxirasini shakllantirish, ularni maqsadli o‘qitish tizimini yo‘lga qo‘yish. | 2020/2021 o‘quv yilidan boshlab | - | Madaniyat vazirligi O‘zbek milliy musiqa san’ati instituti |
8. | Institutning 2021/2022 o‘quv yili va kelgusi yillar uchun o‘qishga qabul qilish kvotasini istiqbolda hududlarni rivojlantirish bilan bog‘liq dasturlarni hamda o‘zbek milliy musiqa san’ati sohasi bo‘yicha mutaxassislarga bo‘lgan ehtiyojni hisobga olgan holda shakllantirish. | 1. Madaniyat sohasida mehnat resurslariga bo‘lgan talabni aniqlash. | 2021-yil mart | - | Madaniyat vazirligi Iqtisodiy taraqqiyot va kambag‘allikni qisqartirish vazirligi (A. Ortiqov), Oliy va o‘rta maxsus ta’lim vazirligi (I. Madjidov) |
2. Tahlil natijasi bo‘yicha aniqlangan ehtiyojni oliy ta’lim muassasalariga kvota ajratish rejasiga kiritish. | har yili aprel oyida | ||||
9. | Institutda mahorat darslari va maxsus mashg‘ulotlarni o‘tkazish uchun yetakchi xorijiy ta’lim va ilmiy muassasalarning yuqori malakali olimlari va san’at arboblarini taklif etish. | 1. Yetakchi turdosh xorijiy oliy ta’lim muassasalari professor-o‘qituvchilari va tajribali mutaxassislarning mahorat darslarini tajriba almashish maqsadida tashkil etish. 2. Konferensiya va ilmiy seminarlarga hamda ilmiy ishlar muhokamalariga malakali olim va san’at arboblarini taklif etish. | doimo | Madaniyat vazirligi huzuridagi Madaniyat va san’atni rivojlantirish jamg‘armasi mablag‘lari | Madaniyat vazirligi |
10. | Xorijiy oliy ta’lim muassasalari bilan o‘zaro almashinuv amaliyotini kengaytirish. | 1. Professor-o‘qituvchilarni xorijiy mamlakatlardagi yetakchi oliy ta’lim muassasalarida stajirovkadan o‘tkazish. 2. Turdosh hamkor xorijiy oliy ta’lim muassasalari yozgi maktablarining integratsiyalashgan innovatsion ta’lim dasturlarida qatnashuvchi talabalar qamrovini kengaytirish. | 2020 ― 2023-yillar | Madaniyat vazirligi huzuridagi Madaniyat va san’atni rivojlantirish jamg‘armasi mablag‘lari, yuridik va jismoniy shaxslarning homiylik xayriyalari | Madaniyat vazirligi Oliy va o‘rta maxsus ta’lim vazirligi (I. Madjidov), Innovatsion rivojlanish vazirligi (I. Abdurahmonov) |
11. | Ish beruvchilarning kadrlarga bo‘lgan talablarini Institutning mutaxassis tayyorlash dasturlari bilan muvofiqlashtirish. | 1. Talabalarda amaliy va ijodiy ko‘nikmalarni shakllantirishda ish beruvchi tashkilotlarning ishtiroki va mas’uliyatini oshirish mexanizmini ishlab chiqish. 2. Institut marketing xizmati faoliyati samaradorligini oshirish. | 2021-yil dekabr | - | Madaniyat vazirligi |
III. Institutda ta’lim-tarbiya sifatini yanada yaxshilash va o‘qitishning ilg‘or usullarini joriy etish | |||||
12. | Iqtidorli yosh musiqashunos va san’atshunos olimlarni xorijiy mamlakatlar bilan ilmiy-ijodiy tajriba almashish maqsadida xizmat safarlariga yuborish hamda ularning xalqaro miqyosdagi ilmiy anjumanlarda ishtirokini ta’minlash. | 1. Iqtidorli yosh musiqashunos va san’atshunos olimlar orasidan nomzodlarni saralab olish mexanizmini ishlab chiqish. 2. Musiqashunos va san’atshunos olimlarni xorijiy mamlakatlar bilan ilmiy-ijodiy tajriba almashish maqsadida xizmat safarlariga yuborish. 3. Ularning xalqaro miqyosdagi ilmiy-amaliy anjumanlarda qatnashishlari uchun zarur shart-sharoitlar yaratish. | 2020/2021 o‘quv yilidan boshlab | Madaniyat vazirligi huzuridagi Madaniyat va san’atni rivojlantirish jamg‘armasi mablag‘lari, yuridik va jismoniy shaxslarning homiylik xayriyalari | Madaniyat vazirligi |
13. | Ta’limning zamonaviy pedagogik texnologiyalari va metodlaridan foydalanish samaradorligini oshirish. | 1. Yetakchi xorijiy ta’lim muassasalarining zamonaviy pedagogik texnologiyalar va metodlardan foydalanish tajribasini o‘rganish. | 2020/2021 o‘quv yili davomida | Madaniyat vazirligi huzuridagi Madaniyat va san’atni rivojlantirish jamg‘armasi mablag‘lari, yuridik va jismoniy shaxslarning homiylik xayriyalari | Madaniyat vazirligi |
2. Professor-o‘qituvchilar tomonidan o‘quv jarayoni uchun zamonaviy pedagogik texnologiyalar va metodlar bo‘yicha taqdimot va muhokamalar o‘tkazish tizimini joriy qilish. | 2021-yil mart-aprel | ||||
3. Samarali ta’lim innovatsiyalarini rag‘batlantirish, zamonaviy ta’lim texnologiyalarini qo‘llaydigan o‘qituvchilarni rag‘batlantirish choralarini ko‘rish. | 2021-yil avgust | ||||
IV. Institutning moddiy-texnik bazasini yanada mustahkamlash va samarali faoliyat ko‘rsatishini ta’minlash | |||||
14. | Institutni tegishli darslik, o‘quv qo‘llanmalari va ilmiy-metodik adabiyotlar bilan ta’minlash. | 1. O‘zbekiston davlat konservatoriyasi, O‘zbekiston davlat san’at va madaniyat institutidagi ta’lim yo‘nalishlari bo‘yicha cholg‘ular hamda o‘quv-metodik adabiyotlarni xatlovdan o‘tkazish. 2. Xatlov natijasiga ko‘ra aniqlangan talabdan kelib chiqib o‘quv-metodik adabiyotlarni xarid qilish va chop etish uchun zarur mablag‘lar ajratish. 3. Yangi avlod o‘quv adabiyotlarini yaratish va nashr etish. | 2020/2021 o‘quv yilidan boshlab muntazam | Ajratilgan budjet va budjetdan tashqari mablag‘lar | Madaniyat vazirligi |
15. | Institutda jahon standartlariga mos keladigan zamonaviy axborot-resurs markazini tashkil etish. | 1. Axborot-resurs markazini o‘quv va badiiy adabiyotlar bilan ta’minlash. 2. Axborot-resurs markazida kompleks elektron xizmatlar ko‘rsatuvchi zamonaviy avtomatlashtirilgan axborot tizimini yaratish. 3. Veb va bulutli texnologiyalar asosida kutubxonaning raqamli resurslari elektron katalogini yaratish. 4. RFED texnologiyasi asosida kutubxona fondini ro‘yxatga olish, hisobga qo‘yish, tarqatish va himoya qilish tizimini yaratish. | 2021-yil dekabr | Ajratilgan budjet va budjetdan tashqari mablag‘lar | Madaniyat vazirligi Oliy va o‘rta maxsus ta’lim vazirligi (I. Madjidov), Axborot texnologiyalari va kommunikatsiyalarini rivojlantirish vazirligi (Sh. Sadikov) |
16. | Institutni zamonaviy axborot-kommunikatsiya texnologiyalari bilan ta’minlash. | 1. Axborot kommunikatsiya texnologiyalariga bo‘lgan ehtiyojni aniqlash. 2. Ehtiyojdan kelib chiqib Institutni zamonaviy axborot-kommunikatsiya texnologiyalari bilan ta’minlash. | 2020-yil sentyabr | Ajratilgan budjet va budjetdan tashqari mablag‘lar | Madaniyat vazirligi |
17. | Ta’lim jarayonini axborot-kommunikatsion qo‘llab-quvvatlash tizimini takomillashtirish. | 1. Masofaviy ta’lim va modul tizimiga o‘tishda zarur axborot texnologiyalari jihozlari bilan ta’minlash hamda vebinar xonalar tashkil etish. 2. Institutdagi ma’ruza, amaliy va laboratoriya mashg‘ulotlarini onlayn translatsiya qilishga hamda ularning sifatini monitoring qilishga mo‘ljallangan elektron platformani bosqichma-bosqich joriy etish. 3. Axborot-resurs markazi bazasidagi o‘quv adabiyotlarini raqamlashtirish hamda Institut platformasiga joylashtirish. | 2021-2022-yillar davomida | Ajratilgan budjet va budjetdan tashqari mablag‘lar | Madaniyat vazirligi Axborot texnologiyalari va kommunikatsiyalarini rivojlantirish vazirligi (Sh. Sadikov), Innovatsion rivojlanish vazirligi (I. Abdurahmonov) |
18. | Institutni Toshkent shahar, Mirzo Ulug‘bek tumani, Mustaqillik shox ko‘chasi, 31-uydagi binoga belgilangan tartibda joylashtirish. | 2020-yil sentyabr | - | Madaniyat vazirligi Toshkent shahar hokimligi | |
19. | Institutni musiqa cholg‘ulari, mebel jihozlari, zarur uskunalar va ovoz yozish studiyasi anjomlari bilan ta’minlash. | 1. Institutga zarur bo‘lgan musiqa cholg‘ulari, mebel jihozlari, uskunalar hamda ovoz yozish studiyasi va boshqa anjomlar ro‘yxatini shakllantirish. 2. Ehtiyojdan kelib chiqqan holda mazkur anjom�arni xarid qilish uchun Moliya vazirligiga tegishli hisob-kitoblarni taqdim etish. | 2020-yil sentyabr | Oliy va o‘rta maxsus ta’lim vazirligining oliy ta’lim muassasalarini rivojlantirish jamg‘armasi mablag‘lari va Institut budjetdan tashqari mablag‘lari | Madaniyat vazirligi Oliy va o‘rta maxsus ta’lim vazirligi (I. Madjidov) |
O‘zbekiston Respublikasi Vazirlar Mahkamasining qarori, 02.09.2020 yildagi 536-son
Кучга кириш санаси
03.09.2020
Рус
Ўзб
O’zb
O‘zb|Рус
Maqom va baxshichilik san’ati sohasi uchun yuqori malakali kadrlar tayyorlash tizimini tubdan takomillashtirish, ta’lim jarayoniga o‘qitishning innovatsion shakl va metodlari hamda zamonaviy pedagogik va axborot texnologiyalarini keng joriy etish, soha mutaxassislarining ilmiy salohiyatini yanada oshirish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining “Madaniyat va san’at sohasining jamiyat hayotidagi o‘rni va ta’sirini yanada oshirish chora-tadbirlari to‘g‘risida” 2020-yil 26-maydagi PF-6000-son Farmoniga muvofiq O‘zbekiston Respublikasi Madaniyat vazirligi tizimida O‘zbekiston davlat konservatoriyasining “O‘zbek maqom san’ati fakulteti” hamda O‘zbekiston davlat san’at va madaniyat institutining tegishli ta’lim yo‘nalishlari va mutaxassisliklari negizida maqom ijrochiligi, baxshichilik va katta ashula yo‘nalishlari bo‘yicha kadrlar tayyorlovchi tayanch oliy ta’lim muassasasi ― Yunus Rajabiy nomidagi O‘zbek milliy musiqa san’ati instituti (keyingi o‘rinlarda ― Institut) tashkil etilganligi ma’lumot uchun qabul qilinsin.
2. Yunus Rajabiy nomidagi O‘zbek milliy musiqa san’ati institutiga O‘zbekiston davlat konservatoriyasi hamda O‘zbekiston davlat san’at va madaniyat institutidan o‘tkaziladigan ta’lim yo‘nalishlari (mutaxassisliklar) ro‘yxati 1-ilovaga muvofiq tasdiqlansin.
yuridik shaxs maqomiga, o‘z ustaviga, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhrga hamda blankalarga, mustaqil balansga, O‘zbekiston Respublikasi Moliya vazirligining G‘aznachiligida shaxsiy g‘azna hisobvarag‘iga ega bo‘lgan, ushbu qarorga 1-ilovada keltirilgan ta’lim yo‘nalishlari (mutaxassisliklar) bo‘yicha oliy ma’lumotli mutaxassislar va ilmiy-pedagog kadrlarni tayyorlash bo‘yicha tayanch oliy ta’lim muassasasi hisoblanadi;
bir qancha xalqaro ta’lim standartlari hamda o‘quv dasturlariga muvofiq, 2021/2022 o‘quv yilidan boshlab ta’limning kredit-modul tizimini bosqichma-bosqich joriy etadi;
madaniyat sohasi ehtiyojlaridan kelib chiqib maqom ijrochiligi va baxshichilik san’ati bo‘yicha yuqori malakali mutaxassislar va ilmiy-pedagog kadrlarni tayyorlash, ularning ilmiy-ijodiy faoliyat bilan shug‘ullanishlari uchun keng imkoniyatlar yaratish;
maqom ijrochiligi va baxshichilik san’ati bo‘yicha fundamental, amaliy va ijodiy izlanish hamda tadqiqotlar olib borish, sohada shakllangan ijodiy maktablarning o‘ziga xos ijro uslublari va an’analarini qayta tiklash va rivojlantirish;
milliy musiqa san’ati va xalq ijodiyoti yo‘nalishlarida o‘quv-metodik adabiyotlar yaratish, atoqli bastakorlar, hofiz va sozandalar, baxshi va oqinlarning ijodiy merosini chuqur o‘rganish va qayta tiklash, shuningdek, mumtoz musiqa san’ati namunalarini notaga ko‘chirish;
milliy musiqa san’ati va xalq ijodiyoti yo‘nalishlarida xorijiy ta’lim muassasalari va markazlari bilan xalqaro hamkorlikni yo‘lga qo‘yish, o‘zaro tajriba almashish, qo‘shma ta’lim dasturlari va ilmiy loyihalarni amalga oshirish;
o‘quv jarayonining amaliyot bilan uzviyligini ta’minlash maqsadida madaniyat muassasalari va badiiy jamoalar bilan talabalar amaliyotini tashkil etish, bitiruvchilarni ish bilan ta’minlash bo‘yicha maqsadli hamkorlikni yo‘lga qo‘yish;
milliy musiqa san’ati va xalq ijodiyoti yo‘nalishlarining ijodiy, ilmiy-metodik va ijro an’analarini puxta o‘zlashtirish maqsadida madaniyat va san’at sohasidagi ta’lim muassasalari tegishli o‘quv dasturlarining uzluksizligi va uzviyligini ta’minlash, ta’lim muassasalariga taniqli san’atkorlarni biriktirish va shu asosda “ustoz-shogird” an’analarini keng joriy etish;
respublikadagi bolalar musiqa va san’at maktablari, ixtisoslashtirilgan madaniyat va san’at maktablari, maktab-internatlar hamda musiqa va san’at kollejlarida ta’lim olayotgan, turli ko‘rik-tanlovlarda muvaffaqiyatli ishtirok etayotgan iqtidorli yoshlarning seleksiyasini amalga oshirish va ularni Institutga o‘qishga jalb etish tizimini ishlab chiqish;
maqom va baxshichilik san’atiga ixtisoslashtirilgan maktab-internatlarda ta’lim olayotgan o‘quvchilar, “Xalqaro maqom festivali” va “Xalqaro baxshichilik san’ati festivali” doirasida tashkil etiladigan ko‘rik-tanlovlarda iste’dodli yoshlarning seleksiyasini amalga oshirish;
O‘zbekiston Respublikasi Prezidenti tomonidan ilgari surilgan beshta muhim tashabbusni amaliyotga keng joriy etish, xususan, yoshlarni musiqa va san’atga keng jalb qilish, ularda estetik did va kasb odob-axloqini tarbiyalash maqsadida madaniyat, musiqa va san’at yo‘nalishida turli tanlovlar, ko‘rgazmalar, ansambllar va to‘garaklar tashkil etish.
2020/2021 o‘quv yilida O‘zbekiston davlat konservatoriyasi hamda O‘zbekiston davlat san’at va madaniyat institutiga ushbu qarorga 1-ilovada keltirilgan yo‘nalishlar (mutaxassisliklar) bo‘yicha o‘qishga qabul qilingan, shuningdek, ushbu yo‘nalishlar (mutaxassisliklar)da tahsil olayotgan talabalar o‘qishlarini Institutda davom ettiradilar;
2021/2022 o‘quv yilidan boshlab Institutga talabalarni bakalavriat ta’lim yo‘nalishlari va magistratura mutaxassisliklari bo‘yicha qabul qilish soni har yili belgilangan tartibda tasdiqlanadigan respublika oliy ta’lim muassasalariga o‘qishga qabul qilish parametrlaridan kelib chiqqan holda belgilanadi;
2021/2022 o‘quv yilidan boshlab Institutda maxsus sirtqi ta’lim tashkil etiladi hamda unga madaniyat va san’at ta’limi yo‘nalishi bo‘yicha o‘rta maxsus, kasb-hunar ma’lumotiga va ta’lim yo‘nalishiga muvofiq soha, kasb, lavozimlarda kamida uch yillik amaliy ish stajiga (pedagogika yo‘nalishlari uchun pedagogik stajga) ega bo‘lgan, O‘zbekiston Respublikasi Madaniyat vazirligi tomonidan berilgan tavsiyanomaga ega, test sinovlaridan (kirish imtihonlari yoki kasbiy suhbatdan) muvaffaqiyatli o‘tgan abituriyentlar qabul qilinadi.
O‘zbekiston Respublikasi Oliy va o‘rta maxsus ta’lim vazirligi bilan kelishgan holda o‘quv rejalari va dasturlarini, bitiruvchilarga qo‘yiladigan malaka talablarini o‘quv jarayonining o‘ziga xos xususiyatlarini hisobga olib mustaqil ishlab chiqish va tasdiqlash;
kredit-modul tizimini o‘quv jarayoniga joriy etish borasida professor-o‘qituvchilar o‘quv yuklamasini mustaqil me’yorlashtirish, shuningdek, pedagog xodimlar tomonidan olib borilayotgan o‘quv-metodik, ilmiy-tadqiqot ishlari olib borilishini, “ustoz-shogird” an’analari joriy qilinishini rag‘batlantirib borish;
o‘quv rejalaridagi nazariy ta’lim ulushini qisqartirish hisobiga amaliy mashg‘ulotlar hajmini oshirish.
7. 2020/2021 o‘quv yilidan boshlab O‘zbekiston Respublikasi Madaniyat vazirligi tizimidagi oliy ta’lim muassasalarida faoliyat yuritib kelayotgan professor-o‘qituvchilarning ijodiy faoliyati natijalari quyidagilarga tenglashtirilsin:
“O‘zbekiston Respublikasi san’at arbobi”, “O‘zbekiston Respublikasi xalq artisti”, “O‘zbekiston Respublikasi xalq baxshisi”, “O‘zbekiston Respublikasi xalq hofizi” faxriy unvonlari ― professor ilmiy unvoniga;
“O‘zbekiston Respublikasida xizmat ko‘rsatgan artist”, “O‘zbekiston Respublikasida xizmat ko‘rsatgan madaniyat xodimi” faxriy unvonlari ― dotsent ilmiy unvoniga;
ijodiy ishlar (sahnalashtirilgan musiqiy spektakl, musiqiy asarlar, konsertlar, badiiy, hujjatli, qisqa metrajli va animatsion filmlarga yozilgan musiqalar) muallifligi ― ilmiy, o‘quv-metodik ishlarga.
8. Yunus Rajabiy nomidagi O‘zbek milliy musiqa san’ati instituti faoliyatini tashkil etish va rivojlantirish chora-tadbirlari dasturi 2-ilovaga muvofiq tasdiqlansin.
O‘zbekiston Respublikasi Innovatsion rivojlanish vazirligi tomonidan o‘tkaziladigan tanlovlar natijalari bo‘yicha ajratiladigan grantlar;
ta’lim xizmatlari ko‘rsatishdan, ilmiy-o‘quv, o‘quv-metodik, ilmiy-ijodiy va axborot-tahliliy mahsulotlarni ishlab chiqishdan, konsert-tomosha va boshqa faoliyat turlaridan olingan daromadlar;
Oldingi tahrirga qarang.
(9-bandning sakkizinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
10. O‘zbekiston Respublikasi Madaniyat vazirligi bir oy muddatda Institut Toshkent shahar, Mirzo Ulug‘bek tumani, Mustaqillik shoh ko‘chasi, 31-uy manzilidagi O‘zbekiston davlat konservatoriyasiga tegishli bo‘lgan binoga belgilangan tartibda joylashtirilishini ta’minlasin.
Oliy va o‘rta maxsus ta’lim vazirligi bilan birgalikda ilg‘or xorijiy tajribani atroflicha o‘rgangan holda, Institutning o‘quv reja va o‘quv dasturlarini ishlab chiqish va tasdiqlash;
bakalavriat ta’lim yo‘nalishlari va magistratura mutaxassisliklari bo‘yicha o‘quv jarayonini sifatli tashkil etish;
Institutning ilmiy-pedagog kadrlari tarkibini oliy ta’lim va ilmiy-tadqiqot muassasalarida hamda O‘zbekiston Respublikasi Madaniyat vazirligi tizimida faoliyat ko‘rsatayotgan, shu jumladan, xorijiy ta’lim va ilmiy muassasalarda malakasini oshirib kelgan professor-o‘qituvchilar va ilmiy xodimlar, shuningdek, sohadagi salohiyatli amaliyotchi mutaxassislar orasidan shakllantirish;
o‘zbek milliy musiqa san’ati va xalq ijodiyotining ijodiy, ilmiy-metodik va ijro an’analarini puxta o‘zlashtirish va munosib davom ettirish, bunda ta’lim muassasalariga maqom va baxshichilik san’ati hamda xalq musiqasi ustalarini jalb etish;
respublikadagi mavjud bolalar musiqa va san’at maktablari, ixtisoslashtirilgan san’at va madaniyat maktablari, maktab-internatlar hamda madaniyat, musiqa va san’at kollejlarida o‘zbek milliy musiqa san’ati va xalq ijodiyotini o‘qitish tizimining uzluksizligi va uzviyligini ta’minlash;
respublikadagi bolalar musiqa va san’at maktablari, ixtisoslashtirilgan san’at va madaniyat maktablari, maktab-internatlar hamda madaniyat, musiqa va san’at kollejlariga Institutning yetakchi professor-o‘qituvchilarini biriktirish orqali “mahorat maktablari”ni yo‘lga qo‘yish;
iqtidorli talabalarning mamlakatimizda va xorijiy mamlakatlarda o‘tkaziladigan nufuzli tanlov, festival va ilmiy-ijodiy tadbirlarda muntazam ishtirok etishlarini ta’minlash yuzasidan zarur choralarni ko‘rsin.
12. Belgilab qo‘yilsinki, Institut faoliyatini moliyalashtirish hamda uni musiqa cholg‘ulari, mebel jihozlari, zarur uskunalar va ovoz yozish studiyasi anjomlari bilan ta’minlash 2020-yilda O‘zbekiston Respublikasining respublika budjetidan birinchi darajali budjet mablag‘larini taqsimlovchi sifatida O‘zbekiston Respublikasi Madaniyat vazirligiga ajratiladigan mablag‘lar doirasida, 2021-yildan boshlab esa Institut faoliyatini moliyalashtirish bilan bog‘liq xarajatlar O‘zbekiston Respublikasi davlat budjeti parametrlarida nazarda tutiladi.
13. Toshkent shahar hokimligi, O‘zbekiston Respublikasi Davlat aktivlarini boshqarish agentligi Institutning respublikaning boshqa hududlaridan kelib ta’lim olayotgan talabalarining turar joyga bo‘lgan ehtiyojini inobatga olib Institutga yaqin bo‘lgan hududdan talabalar turar joyi uchun mos bino yoki yer maydoni ajratish yuzasidan bir oy muddatda O‘zbekiston Respublikasi Vazirlar Mahkamasiga taklif kiritsin.
14. Institutga 3 ta, shu jumladan, 2 ta yengil va 1 ta navbatchi avtotransport vositasini saqlash uchun limit ajratilsin.
15. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Institut faoliyatini samarali tashkil qilish maqsadida Institutni aloqa vositalari, keng qamrovli Internet jahon axborot tarmog‘i va boshqa texnik vositalar bilan belgilangan tartibda ta’minlash choralarini ko‘rsin.
16. O‘zbekiston Respublikasi Madaniyat vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
17. Mazkur qarorning ijrosini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari B.A. Musayev zimmasiga yuklansin.