O‘zbekiston Respublikasi Prezidentining “Millatlararo munosabatlar va xorijiy mamlakatlar bilan do‘stlik aloqalarini yanada takomillashtirish chora-tadbirlari to‘g‘risida” 2017-yil 19-maydagi PF-5046-son Farmoni ijrosi yuzasidan:

l. O‘zbekiston Respublikasi Madaniyat vazirligi huzuridagi Millatlararo munosabatlar va xorijiy mamlakatlar bilan do‘stlik alokalari qo‘mitasi (keyingi o‘rinlarda Qo‘mita deb ataladi) tugrisidagi Nizom 1-ilovata muvofiq.

2. O‘zbekiston Respublikasi Tashqi ishlar vazirligi, Madaniyat vazirligi, milliy madaniy markazlar va do‘stlik jamiyatlarining Qo‘mita huzurida tarkibiga milliy madaniy markazlar, do‘stlik jamiyatlari, ijodiy uyushmalar, davlat va nodavlat tashkilotlari vakillari kiritiladigan Jamoatchilik kengashini tuzish to‘g‘risidagi takliflari ma’qullansin.

Qo‘mita bir oy muddatda O‘zbekiston Respublikasi Madaniyat vazirligi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi huzuridagi Jamoatchilik kengashi to‘g‘risidagi Nizom loyihasini va Jamoatchilik kengashining shaxsiy tarkibi to‘g‘risidagi takliflarni ishlab chiqsin va tasdiqlash uchun Vazirlar Mahkamasiga kiritsin.

2^1. Belgilab qo‘yilsinki:

Qo‘mita boshqaruv xodimlariga yagona tarif setkasi bo‘yicha mehnatga haq to‘lash razryadlariga ko‘ra tarif koeffitsiyentlari va bazaviy lavozim maoshlari 2 baravar miqdorda qo‘llaniladi;

Qo‘mita xodimlari oylik maoshining 50 foizi miqdorida Qo‘mita xodimlarining moddiy rag‘batlantirish maxsus jamg‘armasi shakllantiriladi;

Qo‘mita boshqaruv xodimlari uchun avvalgi ish joyida harbiy va maxsus unvonlar (martaba darajalari, malaka toifalari, diplomatik darajalar va boshqalar) uchun berilgan ustamalar va qo‘shimcha to‘lovlar saqlab qolinadi;

Qo‘mitada ishlangan davr harbiy va maxsus unvonlarni (martaba darajalari, malaka toifalari, diplomatik darajalar va boshqalarni) olish uchun zarur bo‘lgan ish stajiga qo‘shiladi;

Qo‘mita boshqaruv xodimlarining lavozim maoshiga rag‘batlantirish koeffitsiyenti hisobga olingan holda, davlat organlaridagi ko‘p yillik mehnati uchun 2 yildan 5 yilgacha — 0,1; 5 yildan 10 yilgacha — 0,2; 10 yildan 15 yilgacha — 0,3; 15 yildan 20 yilgacha — 0,4; 20 yildan ortiq — 0,5 koeffitsiyentlarda har oylik ustamalar to‘lanadi;

Qo‘mita boshqaruv xodimlarining lavozim maoshiga fan nomzodi yoki falsafa doktori (PhD) yoxud xorijiy mamlakatlarda ularga tenglashtirilgan boshqa ilmiy darajaga ega shaxslar uchun — lavozim maoshining 30 foizigacha, fan doktori (Doctor of Science) yoki xorijiy mamlakatlarda unga tenglashtirilgan ilmiy darajaga ega shaxslar uchun — lavozim maoshining 60 foizigacha har oylik qo‘shimcha haq to‘lanadi.

3. O‘zbekiston Respublikasi Madaniyat vazirligi, Tashqi ishlar vazirligi, vazirliklar va idoralar, mahalliy ijro etuvchi hokimiyat organlari Qo‘mitaning samarali tashkil etilishi va to‘laqonli faoliyat yuritishi uchun zarur shart-sharoitlar yaratishda belgilangan tartibda ko‘maklashsin.

3¹. Davlat organlari va tashkilotlari, shuningdek, mahalliy ijro etuvchi hokimiyat organlari Qo‘mitaning so‘roviga binoan Qo‘mita zimmasiga yuklangan vazifalarni amalga oshirish uchun zarur bo‘lgan tegishli axborot va statistik ma’lumotlar taqdim etilishini ta’minlasinlar.

4. O‘zbekiston Respublikasi Tashqi ishlar vazirligi xorijiy mamlakatlarda faoliyat olib borayotgan turdosh tashkilotlar, o‘zbek madaniy markazlari va jamiyatlari haqida ma’lumotlar bazasini shakllantirish va yuritishda, shuningdek xorijiy mamlakatlarda faoliyat olib borayotgan tegishli tashkilotlar bilan o‘zaro hamkorlik aloqalarini yo‘lga qo‘yishda va rivojlantirishda Qo‘mitaga amaliy yordam ko‘rsatsin.

5. O‘zbekiston Respublikasi Madaniyat vazirligi, Fanlar akademiyasi, Jismoniy tarbiya va sport davlat qo‘mitasi, Tashqi ishlar vazirligi, Turizmni rivojlantirish davlat qo‘mitasi respublikada va xorijiy davlatlarda o‘tkaziladigan ilm-fan, madaniyat, iqtisodiyot, turizm, savdo, ta’lim va boshqa sohalardagi tadbirlarga Qo‘mitani belgilangan tartibda jalb etsin.

6. Qo‘mita Toshkent shahri, Bobur ko‘chasi, 45-uyda joylashtirilsin.

Belgilansinki, Toshkent shahrida faoliyat yurituvchi milliy madaniy markazlar va do‘stlik jamiyatlari Toshkent shahri, Bobur ko‘chasi, 45-uy manzilidagi binoning Qo‘mita tomonidan belgilanadigan joylariga ijara haqining “nol stavkasi” bo‘yicha joylashtiriladi.

7. Qo‘mita O‘zbekiston Respublikasi Moliya vazirligi bilan birgalikda Qo‘mita binosini qayta ta’mirlash, uni zamonaviy asbob-uskunalar, kompyuter texnikasi va mebel bilan jixozlash yuzasidan zarur chora-tadbirlarni amalga oshirsin.

8. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi belgilangan tartibda Qo‘mitani zarur aloqa vositalari, shu jumladan Hukumat aloqa vositalari bilan ta’minlashga ko‘maklashsin.

9. O‘zbekiston Respublikasi Moliya vazirligi:

Qo‘mitaga 3 ta yengil avtotransport vositasini sotib olish va ularni saqlash uchun limit ajratsin;

ushbu qaror talablaridan kelib chiqqan holda O‘zbekiston Respublikasi Davlat budjetining 2017-yil xarajatlari parametrlariga tegishli o‘zgartirishlar kiritsin.

“O‘zbekiston” jurnalini nashr etish bilan bog‘liq bo‘lgan Qo‘mitaning o‘z mablag‘lari hisobidan qoplanmagan xarajatlar qismini qoplash uchun O‘zbekiston Respublikasi Davlat budjeti hisobidan mablag‘ ajratilishini nazarda tutsin.

10. O‘zbekiston Respublikasi Hukumatining 3-ilovaga muvofiq ayrim qarorlari o‘z kuchini yo‘qotgan deb hisoblansin.

11. Qo‘mita O‘zbekiston Respublikasi Adliya vazirligi, boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chikadigan o‘zgargirish va qo‘shimchalar to‘g‘risida takliflar kiritsin.

12. Mazkur qarorning bajarilishini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidentining Davlat maslahatchisi R.T. Kamilov zimmasiga yuklansin.

1. O‘zbekiston Respublikasi Madaniyat vazirligi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi (keyingi o‘rinlarda Qo‘mita deb ataladi) millatlararo munosabatlar va xorijiy mamlakatlar bilan do‘stlik aloqalari sohasida yagona davlat siyosatining amalga oshirilishini ta’minlovchi davlat boshqaruvi organi hisoblanadi.

2. Qo‘mita o‘z faoliyatida O‘zbekiston Respublikasi Konstitutsiya va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek ushbu Nizomga amal qiladi.

3. Qo‘mita o‘ziga yuklangan vazifalarni amalga oshirish uchun O‘zbekiston Respublikasi Madaniyat vazirligi, Xalq ta’limi vazirligi, Oliy va o‘rta maxsus ta’lim vazirligi, O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita, O‘zbekiston Fanlar akademiyasi, Oila va xotin-qizlar qo‘mitasi, Badiiy akademiya, “Tasviriy oyina” ijodiy uyushmasi, “Mahalla” xayriya jamoat fondi va “Nuroniy” jamg‘armasi, “Kamolot” yoshlar ijtimoiy harakati, fuqarolarning o‘zini o‘zi boshqarish organlari, ta’lim muassasalari hamda boshqa davlat va nodavlat tashkilotlari bilan o‘zaro hamkorlikni yo‘lga qo‘yadi.

4. Qo‘mita faoliyatini moliyalashtirish O‘zbekiston Respublikasi Davlat budjeta mablag‘lari, jismoniy va yuridik shaxslarning grantlari va homiylik mablag‘lari hamda qonun hujjatlarida taqiqlanmagan boshqa manbalar hisobiga amalga oshiriladi.

5. Qo‘mita yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘zining nomi davlat tilida yozilgan muhrga ega bo‘ladi.

6. Quyidagilar Qo‘mitaning asosiy vazifalari hisoblanadi:

jamiyatda millatlararo hamjihatlik va bag‘rikenglikni ta’minlashga qaratilgan davlat siyosatini izchil amalga oshirish, do‘stlik va ko‘pmillatli yagona oila tuyg‘usi muhitini mustahkamlash, yoshlarni milliy va umuminsoniy qadriyatlarga hurmat ruhida tarbiyalash;

do‘stona xalqaro aloqalarni yo‘lga qo‘yish, o‘zaro manfaatli hamkorlikni rivojlantirish, xorijiy mamlakatlarning fuqarolik hamjamiyatlari, shu jumladan chet ellarda istiqomat qilayotgan vatandoshlarimiz bilan do‘stlikni mustahkamlash borasidagi ishlarni samarali muvofiqlashtirish;

xorijiy mamlakatlarda davlatimiz va jamiyatimiz tomonidan erishilayotgan yutuqlarni keng targ‘ib etishda, mamlakatimiz va jamiyatimiz rivojining hozirgi bosqichi va bosib o‘tgan tarixiy yo‘li haqidagi obyektiv tasavvurlarni shakllantirishda ko‘maklashish;

millatlararo munosabatlar va xorijiy mamlakatlar bilan do‘stlik aloqalari masalalarini tartibga soluvchi qonun hujjatlari loyihalarini ishlab chiqish va ekspertiza qilishda ishtirok etish;

millatlararo munosabatlar va xorijiy mamlakatlar bilan do‘stlik aloqalarini yanada rivojlantirish va uyg‘unlashtirishga bag‘ishlangan ilmiy-tadqiqot ishlarini tashkil qilishda ko‘maklashish va bevosita qatnashish.

7. Qo‘mita o‘ziga yuklangan vazifalarni bajarish uchun quyidagi funksiyalarni amalga oshiradi:

milliy madaniy markazlarga amaliy va uslubiy yordam ko‘rsatadi;

millatlararo totuvlikning oliyjanob an’analarini, jamiyatda do‘stlik va hamjihatlik muhitini asrab-avaylashni, millati, irqi va diniy e’tiqodidan qat’i nazar har bir fuqaro ongida ko‘pmillatli yagona oila tuyg‘usini mustahkamlashni ta’minlaydi;

yoshlarni turli millatlarga mansub keksa avlod vakillari, milliy madaniy markazlar rahbarlari, olimlar va mutaxassislarning salohiyatidan samarali foydalangan holda milliy va umuminsoniy kadriyatlar ruhida tarbiyalash, ularni avloddan avlodga o‘tib kelayotgan umummilliy qadriyatlar, an’ana va urf-odatlarni saqlash va rivojlantirishga undash, millatchilik va ekstremistik g‘oyalarga nisbatan mafkuraviy immunitetga ega bo‘lgan istiqlol g‘oyalariga sadoqatli, barkamol, ma’naviy boy, mukammal avlodni shakllantirishda qo‘maklashish;

millatlararo totuvlik, do‘stlik va hamjihatlik, millatlararo munosabatlar madaniyatining qaror topishiga yo‘naltirilgan ijtimoiy tashabbuslarni rag‘batlantirish, muvofiqlashtirish va taqdirlash bo‘yicha chora-tadbirlarni ishlab chiqish va amalga oshirish;

davlat organlarida milliy madaniy markazlar va do‘stlik jamiyatlari manfaatlarini ifodalaydi, ularning faoliyatini muvofiklashtiradi, yurtimizda yashovchi turli millat va elatlar vakillarining o‘ziga xos milliy an’analari, urf-odatlari va rasm-rusumlarini asrab-avaylash va rivojlantirishga ko‘maklashadi;

xorijiy davlatlar bilan madaniy-ma’rifiy aloqalarni rivojlantirish, chet eldagi vatandoshlarimiz, ular tomonidan tuzilgan tashkilotlar, shuningdek chet eldagi turdosh tashkilotlar bilan mustahkam aloqalarni yo‘lga qo‘yishga ko‘maklashadi;

xorijiy mamlakatlar bilan do‘stlik aloqalarini rivojlantirish bo‘yicha dasturlarni ishlab chiqish va amalga oshirishda bevosita ishtirok etadi;

xorijiy mamlakatlar hamda chet elda istiqomat qilayotgan vatandoshlarimiz bilan axborot almashinuvi va hamkorlik orqali madaniy-ma’rifiy aloqalarni kengaytirishga yordam beradi;

mamlakatimizda faoliyat ko‘rsatayotgan xorijiy tashkilotlar va diplomatik vakolatxonalar, xorijiy davlatlardagi turdosh tashkilotlar bilan “xalq diplomatiyasi” asosida do‘stona munosabatlarni o‘rnatish va rivojlantirishga qaratilgan tizimli ishlarni olib boradi;

millatlararo munosabatlar va xorijiy mamlakatlar bilan do‘stlik aloqalari masalalariga tegishli qonun hujjatlari loyihalarini ishlab chiqish va ekspertiza qilishda ishtirok etadi;

jahon hamjamiyatida mamlakatimizning o‘tmish boy tarixi hamda mamlakatimiz rivojining bugungi bosqichidagi ijobiy yutuqlar haqida haqqoniy tasavvur hosil bo‘lishiga ko‘maklashadi;

xorijiy mamlakatlarda davlatimizning tinchliksevar siyosati, demokratik huquqiy davlat, kuchli fuqarolik jamiyati qurish borasida O‘zbekistonning maqsad va vazifalarini, shuningdek bugungi kunda mamlakat hayotining barcha sohalarida erishilayotgan muvaffaqiyatlarni keng targ‘ib kilish bo‘yicha tizimli ishlarni amalga oshiradi;

jahon hamjamiyatida O‘zbekiston Respublikasining nufuzini va maqomini yanada oshirishga, bag‘rikeng, mehmondo‘st o‘zbek xalqining boy tarixiy an’analari va urf-odatlarini, mustaqil davlat barpo etish yo‘lida ko‘rsatgan tengsiz jasorati va izchilligini keng jamoatchilik e’tiboriga yetkazishga qaratilgan choralarni amalga oshiradi;

xalqimizning boy tarixi, madaniyati, qadriyati va an’analarini, o‘zbek zaminida tug‘ilgan buyuk olim va mutafakkirlarning barhayot merosini, ularning jahon madaniyati rivojiga qo‘shgan hissasini keng namoyon etish bo‘yicha chora-tadbirlarni tashkil etadi va o‘tkazadi;

o‘zbek xalqining mamlakatimiz tashqarida mavjud bo‘lgan moddiy-madaniy merosi obyektlarini asrab-avaylashni ta’minlash maqsadida davlat hamda nodavlat tashkilotlar bilan faol hamkorlik qiladi;

madaniy markazlar va do‘stlik jamiyatlari faoliyatining qonuniyligini ta’minlashda adliya organlari bilan hamkorlik qiladi.

8. Qo‘mita o‘ziga yuklangan vazifalar va funksiyalarni bajarish uchun quyidagi huquqlarga ega:

vazirliklar, davlat qo‘mitalari, idoralar, mahalliy davlat hokimiyati organlaridan millatlararo munosabatlar, milliy madaniy markazlar faoliyati, millatlararo totuvlikni ta’minlash borasida davlat siyosatini amalga oshirish, ko‘p millatli yagona oila tuyg‘usini mustahkamlash, xorijiy mamlakatlar bilan do‘stlik va madaniy-ma’rifiy aloqalarga taalluqli bo‘lgan qonun hujjatlarining ijrosini ta’minlash masalalariga doir ma’lumotlar va materiallarni so‘rash va olish;

o‘z vakolati doirasida milliy madaniy markazlar, do‘stlik jamiyatlarining faoliyatini muvofiqlashtirish, ularga ushbu faoliyatni amalga oshirishda tashkiliy, huquqiy, metodik yordam ko‘rsatish;

yuklangan vazifalarni bajarish va faoliyatini zamonaviy talablarga muvofiq takomillashtirish uchun belgilangan tartibda muvofiqlashtiruvchi kengashlar, komissiyalar, ishchi guruhlar va jamg‘armalar tashkil etish;

ilmiy markazlar, studiyalar, nashriyotlar, bosmaxonalar va boshqa tuzulmalar tashkil etish yuzasidan Vazirlar Mahkamasiga taklif kiritish;

tegishli vazirliklar va idoralar bilan hamkorlikda xorijiy mamlakatlarda faoliyat olib borayotgan turdosh tashkilotlar, o‘zbek madaniyat markazlari va jamiyatlari haqida ma’lumotlar bazasini yaratish va yuritish;

madaniy markazlar va do‘stlik jamiyatlarining ro‘yxatdan o‘tishda taqdim etadigan hujjatlari bo‘yicha adliya organlari so‘rovlariga muvofiq xulosalar kiritish;

yangi madaniy markazlar va do‘stlik jamiyatlari tashkil etish doirasida tashabbuskor guruhlarga amaliy yordam ko‘rsatish;

Qo‘mita qonun hujjatlariga muvofiq boshqa huquqlarga ham ega bo‘lishi mumkin.

9. Qo‘mita o‘z vakolatlari doirasida belgilangan tartibda:

vazirliklar, idoralar, mahalliy davlat hokimiyati organlari bajarishi majburiy bo‘lgan normativ-huquqiy hujjatlarni;

boshqa vazirliklar, davlat qo‘mitalari va idoralar bilan birgalikda qo‘shma qarorlar hamda boshqa hujjatlarni qabul qilishga haqlidir.

Qo‘mita o‘ziga yuklangan vazifa va funksiyalarning samarali bajarilishi uchun javob beradi.

10. Qo‘mitaga O‘zbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan rais boshchilik qiladi.

Raisning O‘zbekiston Respublikasi Vazirlar Maxkamasi tomonidan lavozimga tayinlanadigan va lavozimdan ozod qilinadigan ikki nafar o‘rinbosari bo‘ladi.

11. Qo‘mita raisi maqomi, maishiy ta’minoti, tibbiy va transport xizmatidan foydalanish borasidagi shart-sharoitlariga ko‘ra ― vazirning birinchi o‘rinbosariga, uning o‘rinbosarlari ― vazir o‘rinbosarlariga tenglashtiriladi.

12. Rais:

Qo‘mita faoliyatiga umumiy rahbarlik qiladi, Qo‘mitaga yuklangan vazifalar va funksiyalarning sifatli bajarilishi uchun shaxsan javob beradi;

o‘z o‘rinbosarlari, Qo‘mita tizimining boshqa mansabdor shaxslari vakolatlarini belgilaydi;

xodimlarning belgilangan cheklangan umumiy shtatlar soni doirasida Qo‘mita tuzilmasiga o‘zgartirishlar kiritadi, shtatlar jadvalini va xarajatlar smetasini tasdiqlaydi;

Qo‘mita xodimlarini lavozimga tayinlaydi va lavozimdan ozod qiladi.

Rais qonun hujjatlariga muvofiq boshqa vakolatlarni ham amalga oshiradi.

13. Qo‘mitada rais (hay’at raisi), uning o‘rinbosarlari (lavozimiga ko‘ra), shuningdek Qo‘mita faoliyatining asosiy yo‘nalishlarini muvofiqlashtiruvchi tuzilmaviy bo‘limlar rahbarlaridan iborat tarkibda hay’at tashkil etiladi.

Hay’at a’zolarining soni va shaxsiy tarkibi Qo‘mita raisi taqdimnomasiga binoan O‘zbekiston Respublikasi Vazirlar Mahkamasi tomonidan tasdiqlanadi.

14. Hay’at:

vazirliklar, davlat qo‘mitalari, idoralar, mahalliy davlat boshqaruvi organlaridan millatlararo munosabatlar, milliy madaniy markazlar faoliyatini muvofiqlashtirish, millatlararo totuvlikni ta’minlash borasida davlat siyosatini amalga oshirish, ko‘p millatli yagona oila tuyg‘usini mustahkamlash, xorijiy mamlakatlar bilan do‘stlik va madaniy-ma’rifiy aloqalarga taalluqli bo‘lgan qonun hujjatlarining ijrosi hamda chet eldagi vatandoshlar va turdosh tashkilotlar bilan hamkorlik masalalarini yo‘lga qo‘yish va rivojlantirish bo‘yicha ushbu Nizomda belgilangan asosiy yo‘nalishlarni amalga oshirish yuzasidan so‘rovlarni tayyorlash, yuborish va olish;

O‘zbekiston Respublikasi Prezidentining farmonlari, qarorlari va farmoyishlarida, O‘zbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish bo‘yicha ijro intizomini mustahkamlash, ularning o‘z vaqtida va sifatli amalga oshirilishini so‘zsiz ta’minlash uchun Qo‘mita rahbarlari va xodimlarining shaxsiy javobgarligini oshirish bo‘yicha chora-tadbirlarni ko‘rish.

Hay’at o‘z vakolatlari doirasida boshqa masalalarni ham ko‘rib chiqish huquqiga ega.

Hay’at majlisiga Hay’at vakolatiga kiradigan masalalar bo‘yicha vazirliklar, davlat qo‘mitalari, idoralar, mahalliy davlat boshqaruvi organlari, korxonalar, muassasalar va boshqa tashkilotlar rahbarlari taklif etilishi mumkin.

Hay’at majlisi uning tarkibining yarmidan ko‘pi qatnashgan taqdirda vakolatli bo‘ladi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.

Hay’at qarorlari Qo‘mita qarorlari va rais buyruqlari bilan amalga oshiriladi. Rais va Hay’at a’zolari o‘rtasida fikrlar xilma-xilligi yuzaga kelgan taqdirda rais O‘zbekiston Respublikasi Vazirlar Mahkamasini xabardor qilgan holda mustaqil qaror qabul qiladi. Xay’at a’zolari ham o‘z fikrlarini O‘zbekiston Respublikasi Vazirlar Maxkamasiga ma’lum qilishlari mumkin.

Hay’at faoliyati tartibi uning hay’at tasdiqlaydigan reglamentida belgilanadi.

15. Qo‘mita faoliyatining samaradorligini oshirish maqsadida uning huzurida milliy madaniy markazlar, do‘stlik jamiyatlari, manfaatdor vazirliklar va idoralar, ijodiy uyushmalar hamda boshqa davlat va nodavlat tashkilotlar rahbarlari tarkibida Jamoatchilik kengashi tashkil etiladi.

Qo‘mita raisi ayni paytda Kengash raisi ham hisoblanadi.

O‘zbekiston Respublikasi Madaniyat vazirligi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi huzuridagi Jamoatchilik kengashi to‘g‘risidagi Nizom va uning shaxsiy tarkibi O‘zbekiston Respublikasi Vazirlar Mahkamasi tomonidan tasdiqlanadi.

16. Qo‘mitani qayta tashkil etish va tugatish qonun hujjatlarida belgilangan tartibda amalga oshiriladi.

1. O‘zbekiston Respublikasi Vazirlar Mahkamasining “Respublika baynalmilal madaniyat markazi to‘g‘risida”gi 1992-yil 13-yanvardagi 10-son qarori.

2. O‘zbekiston Respublikasi Vazirlar Mahkamasining “Vazirlar Mahkamasining “O‘zbekiston Respublikasi Xalqaro madaniy-ma’rifiy aloqalar milliy uyushmasini tashkil etish to‘g‘risida”gi 1992-yil 25-martdagi 142-son va “O‘zbekiston Respublikasi Xalqaro madaniy-ma’rifiy aloqalar milliy uyushmasini tashkil etish masalalari”ga oid 1992-yil 16-iyundagi 291-son qarorlari haqida”gi 1997-yil 27-maydagi 265-son qarori.

3. O‘zbekiston Respublikasi Vazirlar Mahkamasining “Respublika baynalmilal madaniyat markazining faoliyati masalalari to‘g‘risida”gi 2003-yil 8-apreldagi 180-son qarori (O‘zbekiston Respublikasi QT, 2003-y., 4-son, 29-modda).

4. O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash hamda ba’zilariga o‘zgartirishlar kiritish to‘g‘risida”gi 2005-yil 22-fevraldagi 73-son qaroriga (O‘zbekiston Respublikasi QT, 2005-y., 2-son, 13-modda) 2-ilovaning 15-bandi.

5. O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida”gi 2012-yil 6-sentabrdagi 261-son qaroriga (O‘zbekiston Respublikasi QT, 2012-y., 9-son, 64-modda) ilovaning 3-bandi.