O‘zbekiston Respublikasi Prezidentining 2020-yil 19-martdagi PF-5969-son “Koronavirus pandemiyasi va global inqiroz holatlarining iqtisodiyot tarmoqlariga salbiy ta’sirini yumshatish bo‘yicha birinchi navbatdagi chora-tadbirlar to‘g‘risida”gi Farmoniga muvofiq buyuraman:
1. Karantinga oid choralar amal qilishi davrida xodimlarni masofaviy ish usulida, moslashuvchan ish grafigida yoki uyda ishlashga o‘tkazishning vaqtinchalik tartibi to‘g‘risidagi nizom ilovaga muvofiq tasdiqlansin.
3. Ushbu buyruq koronavirus pandemiyasi bilan bog‘liq karantinga oid choralar bekor qilingunga qadar amal qiladi.
O‘zbekiston Respublikasi bandlik va mehnat munosabatlari vazirining 2020-yil 25-martdagi 9-2020/B-son buyrug‘iga
ILOVA
ILOVA
Mazkur Nizom O‘zbekiston Respublikasi Prezidentining 2020-yil 19-martdagi PF-5969-son “Koronavirus pandemiyasi va global inqiroz holatlarining iqtisodiyot tarmoqlariga salbiy ta’sirini yumshatish bo‘yicha birinchi navbatdagi chora-tadbirlar to‘g‘risida”gi Farmonining (bundan buyon matnda Farmon deb yuritiladi) 18-bandiga muvofiq koronavirus infeksiyasi tarqalishini oldini olishga qaratilgan chora-tadbirlarini amalga oshirish vaqtida (bundan buyon matnda karantin davri deb yuritiladi) davlat organlari va mulkchilik shaklidan qat’i nazar barcha tashkilotlar xodimlarini masofaviy ish usulida, moslashuvchan ish grafigida yoki uyda ishlashga o‘tkazishning vaqtinchalik tartibini belgilaydi.
1. Ushbu Nizomga muvofiq karantin davrida ish beruvchilar xodimlarni roziligi bilan ularni masofaviy ish usulida, moslashuvchan ish jadvalida yoki uyda ishlashga o‘tkazishlari mumkin.
2. Masofaviy ish usulida, moslashuvchan ish jadvalida yoki uyda ishlashga o‘tish huquqidan birinchi navbatda homilador ayollar, keksalar, imkoniyati cheklangan shaxslar va surunkali kasalliklarga chalingan xodimlar foydalanadi.
3. Masofadan ish deganda, xodimning mehnat shartnomasida ko‘rsatilgan mehnat majburiyatlarini ish beruvchining joylashgan hududidan tashqarida, bevosita yoki bilvosita nazoratida bo‘lgan doimiy ish joyi, hudud yoki obyektdan tashqarida bajariladigan ish usuli tushuniladi.
4. Xodimni masofaviy ishga vaqtinchalik o‘tkazishda ish beruvchi tomonidan vaqtinchalik ishga o‘tkazish haqida muddati ko‘rsatilgan buyruq chiqariladi.
5. Xodimni masofaviy ishga vaqtinchalik o‘tkazish to‘g‘risidagi buyruqqa ish beruvchi va xodim o‘rtasida tuzilgan mehnat shartnomasiga kiritilgan o‘zgartirishlar asos bo‘ladi.
6. Masofaviy ishga o‘tkazish yuzasidan xodim bilan tuzilgan mehnat shartnomasiga kiritiladigan o‘zgartirishlarda Mehnat kodeksining 73-moddasida nazarda tutilgan shartlar bilan bir qatorda quyidagilar ko‘rsatiladi:
xodimning mehnat majburiyatlarini amalga oshirish uchun zarur bo‘lgan jihozlar va/yoki texnika vositalaridan foydalanish tartibi, agar tomonlar tarafidan xodimga tegishli jihozlar va/yoki texnika vositalaridan foydalanish to‘g‘risidagi kelishuv mavjud bo‘lsa;
ish beruvchi bilan doimiy aloqalarini ta’minlash maqsadida xodimni aloqa vositalari bilan ta’minlash, shu jumladan Internet tarmog‘idan foydalanish;
ish beruvchi tomonidan xodimga berilgan jihozlar va texnikalarning xodimning aybi bilan buzilganda, yetkazilgan zararni xodim tomonidan ish beruvchiga qoplab berish bilan bog‘liq shartlar;
xodim o‘z mehnat vazifalarini bajarish uchun shaxsiy jihozlar va/yoki texnika vositalaridan, shuningdek aloqa vositalari, shu jumladan Internet tarmog‘idan foydalangan taqdirda xarajatlarni qoplash tartibi va shartlari;
xodim va ish beruvchining zaruriy mehnat muhofazasi va mehnat sharoitlariga amal qilish bo‘yicha majburiyatlari;
Oldingi tahrirga qarang.
7. Xodim va ish beruvchi o‘rtasidagi elektron hujjat almashish yo‘li orqali aloqalar qonunchilik hujjatlarida o‘rnatilgan belgilangan tartibda amalga oshiriladi.
(7-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
8. Xodim ish vaqtining davomiyligi va tartibini ishlab chiqarish topshirig‘ining hajmi va mehnat shartnomasida ko‘rsatilgan boshqa shartlardan kelib chiqqan holda mustaqil ravishda belgilaydi. Ish jadvali taraflar kelishuviga binoan belgilanadi.
9. Masofaviy ishda ishlovchi xodim ish vaqtini o‘z xohishiga ko‘ra taqsimlanishini hisobga olgan holda, u tomonidan bajarilgan ishlar uchun bir baravar miqdorda mehnat haqi to‘lanadi. Bunda xodimga nisbatan ish vaqtidan tashqari ish, dam olish va bayram kunlaridagi ish, shuningdek tungi vaqtdagi ish uchun mehnatga haq to‘lash shartlari qo‘llanilmaydi.
10. Masofaviy ishga vaqtinchalik o‘tkazilgan xodimning mehnatiga haq to‘lash quyidagicha amalga oshiriladi:
mehnatga haq to‘lashdagi soatbay asosida — xodimning masofaviy ishga o‘tkazilgunga qadar belgilangan tarif stavkasi (lavozim okladi)dan kelib chiqqan holda;
Oldingi tahrirga qarang.
11. Xodim masofaviy ishga o‘tkazilganda uning ta’tillar jadvaliga muvofiq mehnat ta’tili, vaqtincha mehnatga layoqatsizlik bo‘yicha nafaqa olish hamda qonunchilik hujjatlarida va jamoa shartnomasida nazarda tutilgan boshqa huquqlari saqlanib qolinadi.
(11-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
12. Ish vaqti rejimining o‘zgarishi, shu jumladan ishning boshlanishi va tugash vaqti, shuningdek to‘liqsiz ish vaqtining o‘rnatilishi mehnat sharoitining o‘zgarishi hisoblanadi va ish beruvchining buyrug‘i bilan rasmiylashtiriladi.
13. Xodimni moslashuvchan ish grafigiga vaqtinchalik o‘tkazish to‘g‘risidagi buyruqqa ish beruvchi va xodim o‘rtasida tuzilgan mehnat shartnomasiga kiritiladigan o‘zgartirishlar asos bo‘ladi.
qisqartirilgan ish vaqti davomiyligi doirasida xodimning ishi boshlanishi va tugash vaqtlarini belgilash, shuningdek boshqa xodimlar uchun o‘rnatilgan ichki mehnat tartibi qoidalaridan farqli ravishda ishdagi tanaffuslar vaqti va davomiyligi.
15. Moslashuvchan ish grafigiga vaqtinchalik o‘tkazish yuzasidan xodim bilan tuzilgan mehnat shartnomasiga kiritiladigan o‘zgartirishlarda Mehnat kodeksining 73-moddasida nazarda tutilgan shartlar bilan bir qatorda quyidagilar ko‘rsatiladi:
to‘liqsiz ish vaqtida — ishning boshlanish va tugash vaqti ko‘rsatilgan kunlik ish soatlari yoki haftalik ish kunlari miqdori;
ish vaqti rejimi o‘zgarganda — ishning kunlik boshlanish va tugash vaqti, shuningdek smenali ishda ishlanadigan va ishlanmaydigan kunlarning navbati.
Oldingi tahrirga qarang.
16. Xodim moslashuvchan ish grafigiga o‘tkazilganda uning ta’tillar jadvaliga muvofiq mehnat ta’tili, vaqtincha mehnatga layoqatsizlik bo‘yicha nafaqa olish hamda qonunchilik hujjatlarida va jamoa shartnomasida nazarda tutilgan boshqa huquqlari saqlanib qolinadi.
(16-bandning birinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Moslashuvchan ish grafigiga o‘tkazilgan xodimga mehnat haqi ishlangan vaqtga yoki ishlab chiqarilgan mahsulotga mutanosib ravishda to‘lanadi.
17. Xodimning xohishiga ko‘ra va ish beruvchining roziligi bilan xodim vaqtinchalik uyda ishlashi uchun uy mehnati sharoitiga o‘tkazilishi mumkin.
18. Uyda ishlash tuzilgan mehnat shartnomasiga muvofiq xodim yashash joyi bo‘yicha yoki unga yoxud uning oila a’zolariga tegishli bo‘lgan boshqa binolarda ish beruvchining buyurtmalari bo‘yicha tovarlar ishlab chiqarish yoki xizmatlar ko‘rsatish bo‘yicha amalga oshirilayotgan ishni anglatadi.
19. Xodimni vaqtinchalik uyda ishlashga o‘tkazish to‘g‘risidagi buyruqqa ish beruvchi va xodim o‘rtasida tuzilgan mehnat shartnomasiga kiritiladigan o‘zgartirishlar asos bo‘ladi.
20. Uyda ishlashni tashkil etishga, ish beruvchi va xodim o‘rtasida tuzilgan mehnat shartnomasiga kiritilgan o‘zgartirishlarga muvofiq uyda ishlashni amalga oshirish uchun zarur bo‘lgan sharoitlar, shu jumladan turar-joyi bo‘lgan taqdirda yo‘l qo‘yiladi.
21. Xodimni vaqtinchalik uyda ishlashga o‘tkazish yuzasidan xodim bilan tuzilgan mehnat shartnomasiga kiritilgan o‘zgartirishlarda quyidagilar ko‘rsatiladi:
xodim lavozim vazifalarini bajarishi uchun jihozlar, asbob-uskunalar, butlovchi mahsulotlar, xomashyo, materiallar, yarim tayyor mahsulotlar, shuningdek ishlab chiqarish topshirig‘ini taqdim etish tartibi;
xodim va ish beruvchining zaruriy mehnat muhofazasi va sharoitlariga amal qilish bo‘yicha majburiyatlari;
xodim tomonidan o‘z mehnat majburiyatlarini bajarishda shaxsiy jihozlari, asboblari va inventarlarining ishlatilishi, shuningdek xodimning mehnat qilishi munosabati bilan energiya, suv, aloqa uchun xarajatlarini qoplash bo‘yicha shartlari va tartibi;
Oldingi tahrirga qarang.
mehnat shartnomasiga kiritilgan o‘zgartirishlarda qonunchilik hujjatlariga muvofiq boshqa shartlar ham nazarda tutilishi mumkin.
(21-bandning oltinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
mehnatga haq to‘lashdagi soatbay asosida — xodimning uyda ishlashga o‘tkazilgunga qadar belgilangan tarif stavkasi (lavozim okladi)dan kelib chiqqan holda;
Oldingi tahrirga qarang.
23. Uyda ishlashga o‘tkazilgan xodimning ta’tillar jadvaliga muvofiq mehnat ta’tili, vaqtincha mehnatga layoqatsizlik bo‘yicha nafaqa olish hamda qonunchilik hujjatlarida va jamoa shartnomasida nazarda tutilgan boshqa huquqlari saqlanib qolinadi.
(23-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
24. Mazkur Nizom talablari buzilishida aybdor bo‘lgan shaxslar qonunchilik hujjatlarda belgilangan tartibda javobgar bo‘ladilar.
(24-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)