Oʻzbekiston Respublikasi Prezidentining “Ish haqi, pensiyalar, stipendiyalar va nafaqalar miqdorini oshirish toʻgʻrisida” 2019-yil 12-iyuldagi PF-5765-son Farmoniga muvofiq Vazirlar Mahkamasi qaror qiladi:

1. Vazirlar Mahkamasining “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga hamda Oʻzbekiston Respublikasining Mehnat kodeksiga oʻzgartish va qoʻshimchalar kiritish haqida”gi Oʻzbekiston Respublikasi Qonunini amalga oshirish uchun zarur boʻlgan normativ-huquqiy hujjatlarni tasdiqlash haqida” 2011-yil 7-apreldagi 107-son qaroriga (Oʻzbekiston Respublikasi QT, 2011-y., 4-son, 27-modda) ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Moliya vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari – moliya vaziri J.A. Qoʻchqorov zimmasiga yuklansin.

1. 1-bandning uchinchi xatboshisiga “farzandi bor” soʻzlaridan keyin “(boʻlgan)” soʻzi qoʻshilsin.

2. 2-ilovada:

a) Nizomning nomlanishiga, 1-bandning birinchi xatboshisiga, 6-bandning toʻrtinchi xatboshisiga hamda 8-bandning birinchi va uchinchi xatboshilariga “farzandi bor” soʻzlaridan keyin “(boʻlgan)” soʻzi qoʻshilsin;

b) 16-banddagi “pensiya tayinlash uchun zarur boʻlgan ish stajiga ega boʻlmagan qariyalar va mehnatga layoqatsiz fuqarolarning nafaqasi” soʻzlari “yoshga doir pensiyaning eng kam” soʻzlari bilan almashtirilsin;

v) 18-bandda:

“v¹” kichik band quyidagi tahrirda bayon etilsin:

“v¹) bolalikdan nogironligi boʻlgan farzandi bor (boʻlgan) onalarga yoshga doir nafaqa tayinlashda – bolalikdan nogironligi boʻlgan farzandining tugʻilganlik yoki vafot etganligi haqidagi guvohnomasi nusxasi, farzandi bolalikdan nogiron deb eʼtirof etilganligi toʻgʻrisida TMK tomonidan berilgan tibbiy xulosa yoki TMEKning nogironlik toʻgʻrisidagi maʼlumotnomasining tegishli qismi;”;

“g” kichik bandga “boquvchining vafot etganligi toʻgʻrisidagi guvohnoma” soʻzlaridan keyin “nusxasi” soʻzi qoʻshilsin;

beshinchi xatboshiga “farzandi bor” soʻzlaridan keyin “(boʻlgan)” soʻzi qoʻshilsin;

g) 35-banddagi “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi” soʻzlari “Oʻzbekiston Respublikasining respublika budjeti” soʻzlari bilan almashtirilsin.