T/r | Tarkibiy bo‘linmalar va lavozimlarning nomi | Shtat birligining soni |
Ma’muriy boshqaruv xodimlari | ||
1. | Direktor | 1 |
2. | Bosh muhandis | 1 |
3. | Bosh hisobchi | 1 |
Badiiy boshqaruv xodimlari | ||
4. | Badiiy rahbar | 1 |
5. | Truppa rahbari | 1 |
Badiiy xodimlar | ||
6. | Sahnalashtiruvchi rejissor | 2 |
7. | Rassom | 1 |
8. | Ovoz rejissori | 1 |
9. | Libos (kostyum) bo‘yicha rassom | 1 |
Ijodiy xodimlar | ||
10. | Drama artistlari | 20 |
Mutaxassislar | ||
11. | Yuriskonsult | 0,5 |
12. | Kadrlar bo‘yicha inspektor | 0,5 |
13. | O‘qituvchi | 10 |
Texnik va xizmat ko‘rsatuvchi xodimlar | ||
14. | Ishlab chiqarish va xizmat xonalari farroshi | |
15. | Qorovul (oxrannik) | |
16. | Yuk avtomashinasi haydovchisi | |
17. | Yengil avtomashina haydovchisi | |
18. | Avtobus haydovchisi | |
19. | Chiroq ustasi | 1 |
20. | Butafor | 1 |
21. | Sahna mashinisti | 3 |
22. | Pardoz ustasi (grimer-postijer) | 1 |
23. | Liboschi (kostyumer) | 1 |
24. | Kiyim bichuvchi (zakroyщik) | 1 |
25. | Ish yurituvchi (deloproizvoditel) | 1 |
O‘zbekiston Respublikasi Vazirlar Mahkamasining qarori, 30.03.2019 yildagi 266-son
Кучга кириш санаси
01.04.2019
Рус
Ўзб
O’zb
O‘zb|Рус
O‘zbekiston Respublikasi Prezidentining “Madaniyat va san’at sohasini yanada rivojlantirish va takomillashtirishga qaratilgan chora-tadbirlar to‘g‘risida” 2017-yil 31-maydagi PQ-3022-son qarori hamda mamlakatimizda teatr san’atini yanada rivojlantirish, teatrlashtirilgan tadbirlar o‘tkazishning g‘oyaviy-badiiy saviyasini, ta’sirchanligini kuchaytirish, iste’dodli yoshlarni qo‘llab-quvvatlash, ularning ijodiy salohiyatini oshirish, yuqori malakali teatr rejissorlari va aktyorlarini amaliy tayyorlash maqsadida Vazirlar Mahkamasi qaror qiladi:
1. O‘zbekiston Respublikasi Madaniyat vazirligi, O‘zbekiston teatr arboblari uyushmasi va Toshkent shahar hokimligining Madaniyat vazirligi muassisligidagi “Diydor” rejissorlik va aktyorlik mahorati teatr-studiyasi” davlat muassasasi negizida “Diydor” yoshlar eksperimental teatr-studiyasi” davlat muassasasini (keyingi o‘rinlarda teatr-studiya deb ataladi) tashkil etish to‘g‘risidagi taklifi ma’qullansin.
mamlakatimizda teatr san’atini yanada rivojlantirish, teatrlashtirilgan ommaviy tadbirlarning g‘oyaviy-badiiy saviyasi va ta’sirchanligini kuchaytirish, iste’dodli yoshlarni qo‘llab-quvvatlash, ularning ijodiy salohiyatini oshirish, yuqori malakali teatr ijodkorlarini amaliy tayyorlash;
teatr san’ati sohasida malakali yosh rejissorlar, aktyorlar, dramaturglar, notiqlik san’ati bo‘yicha mutaxassislarni izlab topish va ularning mahoratini oshirish maqsadida professional truppa hamda havaskorlik jamoasini tashkil etish;
aktyorlik san’ati va rejissorlik bo‘yicha teatr va san’at muassasalarining ijodiy xodimlari hamda oliy va o‘rta maxsus ta’lim muassasalarining talaba va o‘quvchilari uchun amaliyot kurslari (ijodiy ustaxona) tashkil etish;
xorijiy davlatlardan malakali mutaxassislarni jalb etgan holda Qoraqalpog‘iston Respublikasi, viloyatlar va Toshkent shahridagi teatrlarning yosh iste’dodli aktyorlari va boshqa ijodiy xodimlari uchun doimiy ravishda trening, mahorat darslari, teatr san’ati bilan bog‘liq o‘quv-tajriba mashg‘ulotlari hamda maxsus loyiha bo‘yicha tajriba spektakllari yaratish;
mamlakatimizda va xorijiy davlatlarda gastrol faoliyati, festival, ko‘rik-tanlov, teatrlashtirilgan shoular, ma’ruzalar, madaniyat, san’at, ilm-fanning atoqli arboblari bilan uchrashuvlar, dam olish va ijodiy kechalar, maqsadli teatrlashtirilgan marosim kechalari va boshqa tomosha tadbirlarini tashkil qilish va o‘tkazishni ta’minlash.
3. O‘zbekiston Respublikasi Madaniyat vazirligining “Diydor” yoshlar eksperimental teatr-studiyasi” davlat muassasasi shtatlari 1-ilovaga muvofiq tasdiqlansin.
Oldingi tahrirga qarang.
(4-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Bunda, teatr-studiyaga O‘zbekiston Respublikasi Davlat budjetidan mablag‘lar uning o‘z daromadlari bilan qoplanmagan qismi uchun ajratiladi.
5. Belgilab qo‘yilsinki, teatr-studiya “Diydor” rejissorlik va aktyorlik mahorati teatr-studiyasi” davlat muassasasining barcha huquq va majburiyatlari bo‘yicha huquqiy vorisi hisoblanadi.
6. Toshkent shahar hokimligi va O‘zbekiston Respublikasi Madaniyat vazirligining teatr-studiyaning moddiy-texnik bazasini mustahkamlash maqsadida Toshkent shahar, Mirzo Ulug‘bek tumani, Buyuk Ipak yo‘li ko‘chasi, Markaz-1 mavzesi, 9-uy manzilida joylashgan binoning bir qismini (248 kv.m.) teatr-studiyaga operativ boshqaruv huquqi asosida tekin berish to‘g‘risidagi taklifi ma’qullansin.
Toshkent shahar hokimligi bir oy muddatda mazkur obyektni belgilangan tartibda topshirsin, O‘zbekiston Respublikasi Madaniyat vazirligi qabul qilib olsin hamda undan samarali foydalanilishini ta’minlasin.
bir oy muddatda teatr-studiyaning yangi tahrirdagi ustavining belgilangan tartibda davlat ro‘yxatidan o‘tkazilishini;
O‘zbekiston davlat san’at va madaniyat instituti, O‘zbekiston davlat konservatoriyasi talabalarining tajriba-amaliyot darslarini teatr-studiyada tashkil etish hamda teatr-studiyada tahsil olayotgan iqtidorli yosh rejissor va aktyorlarning Toshkent shahrida yashashi uchun O‘zbekiston Respublikasi Madaniyat vazirligiga qarashli yotoqxonalarda zarur shart-sharoitlar yaratishni ta’minlasin.
8. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirishlar kiritilsin.
9. O‘zbekiston Respublikasi Vazirlar Mahkamasining “Diydor” rejissorlik va aktyorlik mahorati teatr-studiyasi” davlat muassasasini tashkil etish to‘g‘risida” 2012-yil 20-fevraldagi 43-son qarori (O‘zbekiston Respublikasi QHT, 2012-y., 8-9-son, 80-modda) o‘z kuchini yo‘qotgan deb hisoblansin.
10. O‘zbekiston Respublikasi Madaniyat vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
11. Mazkur qarorning bajarilishini nazorat qilish O‘zbekiston Respublikasi madaniyat vaziri B.S. Sayfullayev zimmasiga hamda Vazirlar Mahkamasining Yoshlar siyosati, madaniyat, ma’naviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
1. Vazirlar Mahkamasining “O‘zbekistonda teatr va musiqa san’atini yanada rivojlantirishni qo‘llab-quvvatlash va rag‘batlantirish chora-tadbirlari to‘g‘risida”gi Farmonni amalga oshirish masalalari haqida” 1995-yil 28-oktabrdagi 415-son qarorining 1-ilovasidagi “Diydor” rejissorlik va aktyorlik mahorati teatr-studiyasi” davlat muassasasi” so‘zlari “Diydor” yoshlar eksperimental teatr-studiyasi” davlat muassasasi” so‘zlari bilan almashtirilsin.
2. Vazirlar Mahkamasining “Davlat madaniyat muassasalari va davlat arxivlari xodimlari mehnatiga haq to‘lash va ularni moddiy rag‘batlantirishning takomillashtirilgan tizimini tasdiqlash haqida” 2018-yil 19-iyundagi 458-son qarorining (O‘zbekiston Respublikasi QHT, 2018-y., 25-son, 500-modda) rus tili matnidagi 2-ilovasida “Teatra-studii “Diydor” rejissorskogo i akterskogo masterstva” so‘zlari “Gosudarstvennogo uchrejdeniya “Molodejnogo eksperimentalnogo teatra-studii “Diydor”” so‘zlari bilan almashtirilsin.