LexUZ sharhi
Mazkur qaror O‘zbekiston Respublikasi Vazirlar Mahkamasining 2004-yil 19-oktabrdagi 483-sonli “O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi faoliyatini tashkil etish to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasining iqtisodiy va tabiiy potensialini hisobga olish hamda baholashga yagona umumdavlat, yaxlit va kompleks yondashuvni ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasi huzuridagi Geodeziya va kartografiya boshqarmasi O‘zbekiston Respublikasi Vazirlar Mahkamasi huzuridagi Geodeziya, kartografiya va davlat kadastri Bosh boshqarmasi (“O‘zgeodezkadastr”)ga aylantirilsin, unga hozirgi vaqtda geodeziya va kartografiya bo‘yicha bajarayotgan funksiyalari saqlab qolingan holda, Davlat kadastrlari yagona tizimini yuritish yuklansin.
2. Belgilab qo‘yilsinki, quyidagilar Geodeziya, kartografiya va davlat kadastri Bosh boshqarmasining asosiy vazifalari hisoblanadi:
tabiiy resurslar va ko‘chmas mulkning, ularni kompleks hisobga olish, baholash va monitoringini amalga oshirish uchun, Davlat kadastrlari yagona tizimini yuritish;
manfaatdor vazirliklar va idoralar bilan birgalikda Davlat kadastrlari yagona tizimini yuritishning tamoyillarini, ilmiy prinsiplari va uslubiyatini ishlab chiqish;
vazirliklar, idoralar va joylardagi davlat hokimiyati organlarining Davlat kadastrlari yagona tizimiga kiruvchi kadastrlarni yuritish sohasidagi faoliyatlarini muvofiqlashtirish;
O‘zbekiston Respublikasining Barcha hududlarida topografiya-geodeziya, kartografiya va kadastr ishlarini amalga oshirish;
xalq xo‘jaligi, ilm-fan, muhofaza tarmoqlarini va aholini geodeziya, kartografiya va kadastr axborotlari bilan ta’minlash.
Oldingi tahrirga qarang.
(2-band O‘zbekiston Respublikasi Vazirlar Mahkamasining 1998-yil 25-dekabrdagi 534-sonli qaroriga muvofiq yettinchi xatboshi bilan to‘ldirilgan)
“O‘zgeodezkadastr” ning markaziy apparati tuzilmasi 2-ilovaga muvofiq 17 nafar xodimdan iborat qilib (xizmat ko‘rsatuvchi xodimlar bunga kirmaydi). “O‘zgeodezkadastr” boshlig‘iga belgilangan xodimlar soni va mehnat haqi fondi doirasida markaziy apparat tuzilmasiga o‘zgartirishlar kiritish huquqi berilsin.
4. Belgilangan tartibga muvofiq aniqlangan hisobga olish uchastkalarining, ma’muriy va boshqa hududiy tuzilmalarning huquqiy maqomi, topografiya-geodeziya, tarmoq kadastrlari ma’lumotlari va kadastr chegaralari Davlat kadastrlari yagona tizimining asosi hisoblansin.
5. Belgilab qo‘yilsinki, shaharlar va shaharchalarning ko‘chmas mulki kadastrlarini yaratish uchun, mulkchilik shakllari hamda qaysi idoraga bo‘ysunishlaridan qat’i nazar, barcha yuridik shaxslar, shuningdek yer va ko‘chmas mulkning egalari va foydalanuvchilari hisoblanadigan jismoniy shaxslar yer maydonlari va ko‘chmas mulkning kadastr suratlari va sertifikatsiyalashga oid hujjatlarga ega bo‘lishlari shart.
6. Belgilab qo‘yilsinki, Davlat kadastrlari yagona tizimining ma’lumotlari va asoslashlari davlat boshqaruvining barcha organlari, yuridik va jismoniy shaxslar, shu jumladan, xorijiy yuridik va jismoniy shaxslar uchun majburiy kuchga egadir. Kadastr hujjatlari mulkchilik va xo‘jalik yuritishning barcha shakllaridagi obyektlar to‘g‘risidagi huquqiy, iqtisodiy va texnik ma’lumotlarning asl manbai sifatida qabul qilinishi kerak.
7. “O‘zgeodezkadastr” O‘zbekiston Respublikasi Davlat mulki qo‘mitasi, Davlat tabiatni muhofaza qilish qo‘mitasi, Davlat o‘rmon qo‘mitasi, Davlat geologiya qo‘mitasi, Davlat soliq qo‘mitasi, “Davarxitektqurilish” qo‘mitasi, Qishloq xo‘jaligi vazirligi, Melioratsiya va suv xo‘jaligi vazirligi, Kommunal xizmat ko‘rsatish vazirligi, “Boshgidromet”, joylardagi davlat hokimiyati organlari va boshqa manfaatdor idoralar bilan birgalikda:
bir oy muddatda qonun hujjatlari, tashkiliy-texnik tadbirlar, normativ hujjatlar, kadastr ishlarini amalga oshirish davlat standartlari loyihalarini ishlab chiqish uchun idoralararo komissiya tuzsin;
ikki oy muddatda Davlat kadastrlari yagona tizimi to‘g‘risidagi Nizomni hamda mavjud kadastrlarni takomillashtirish va Yangi kadastrlarni yaratishga doir tadbirlarni ishlab chiqsin va tasdiqlash uchun Vazirlar Mahkamasiga taqdim etsin.
8. Qoraqalpog‘iston Respublikasi Vazirlar Kengashi, viloyatlar, tuman va shaharlar hokimliklari 1996-1997-yillarda “O‘zgeodezkadastr” bilan birgalikda shahar va shaharchalar ko‘chmas mulki kadastrlarining xo‘jalik hisobidagi xizmatlarini tuzsinlar va ularni zarur xonalar, aloqa vositalari, jihozlar hamda tashkiliy texnik bilan ta’minlasinlar.
Oldingi tahrirga qarang.
Davlat kadastrlari yagona tizimining davlat yer kadastrini tashkil etish va uni yuritish bilan bog‘liq ishlarni;
(9-bandning ikkinchi xatboshisi O‘zbekiston Respublikasi Vazirlar Mahkamasining 1998-yil 25-dekabrdagi 534-sonli qarori tahririda)
kadastr suratga olishlar, monitoringlar yuritish va kadastr axborotini shakllantirish, qayta ishlash va uzatishning kompyuter tarmog‘ini yaratish uchun texnika vositalari hamda texnologiyalar xarid qilishni;
umumiy foydalanishdagi avtoxo‘jaliklardan ikkita xizmat yengil avtomobilini yollash uchun limit belgilasin.
10. “O‘zbekiston Respublikasi Aloqa vazirligi bir oy muddatda “O‘zgeodezkadastr” markaziy apparatini 2 ta hukumat aloqasi telefoni bilan ta’minlasin.
11. Geodeziya, kartografiya va davlat kadastri Bosh boshqarmasida boshliqning 2 nafar o‘rinbosari, shu jumladan, 1 nafar birinchi o‘rinbosari va 7 kishidan iborat hay’at bo‘lishiga ruxsat etilsin.
12. “O‘zgeodezkadastr” boshlig‘i va uning o‘rinbosarlariga tegishli ravishda respublika vaziri, vazirning birinchi o‘rinbosari va vazirning o‘rinbosarlari uchun belgilangan maishiy ta’minot, tibbiy va transport xizmati ko‘rsatish shart-sharoitlari tatbiq etilsin.
13. O‘zbekiston Respublikasi davlat geodeziya nazorati to‘g‘risidagi Nizom ushbu qarorga muvofiqlashtirilsin.
O‘zbekiston Respublikasi Vazirlar Mahkamasining “O‘zbekiston Respublikasi Vazirlar Mahkamasi huzuridagi Geodeziya va kartografiya boshqarmasi (“O‘zgeodeziya”) faoliyati masalalari to‘g‘risida” 1992-yil 24-martdagi 139-son qarori 1-bandining ikkinchi va to‘rtinchi xatboshi, 2, 3, 4, 6, 7, 8-bandlari o‘z kuchini yo‘qotgan deb hisoblansin.
14. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari Q.J. Haqqulov zimmasiga yuklansin.
1. O‘zbekiston Respublikasi Vazirlar Mahkamasi huzuridagi geodeziya, kartografiya va davlat kadastri Bosh boshqarmasi (“O‘zgeodezkadastr”) topografiya-geodeziya va kartografiya ishlarini, shuningdek ularning bajarilishi ustidan davlat geodeziya nazoratini amalga oshiruvchi hamda Davlat kadastrlari yagona tizimini yurituvchi davlat boshqaruv organi hisoblanadi.
Oldingi tahrirga qarang.
Aerogeodeziya korxonalari, kartografiya fabrikalari, hududiy geodeziya va kadastr xizmatlari, Geoinformatika va kadastr milliy markazi, Geodeziya nazorati davlat inspeksiyasi, ilmiy-tadqiqot bo‘linmalari, o‘quv yurtlari hamda tasdiqlangan ustavlar va nizomlar asosida faoliyat ko‘rsatuvchi geodeziya va kartografiya yo‘nalishidagi boshqa muassasalar bosh boshqarmaga bevosita bo‘ysunadilar.
(1-bandning ikkinchi xatboshisi O‘zbekiston Respublikasi Vazirlar Mahkamasining 1998-yil 25-dekabrdagi 534-sonli qarori tahririda)
2. Bosh boshqarma o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi qarorlariga, O‘zbekiston Respublikasi Prezidentining farmonlariga, O‘zbekiston Respublikasi Hukumatining qarorlari va farmoyishlariga hamda boshqa normativ hujjatlarga, ushbu Nizomga amal qiladi.
Oldingi tahrirga qarang.
shaharlar va shaharchalarda davlat yer kadastri yuritilishini tashkil etish, tabiiy va xo‘jalik resurslarning barcha turlarini kompleks hisobga olish, baholash va monitoringini amalga oshirish uchun tarmoq kadastrlari asosida tabiiy muhit va ko‘chmas mulk obyektlarining Davlat kadastrlari yagona tizimini yuritish;
(3-bandning ikkinchi xatboshisi O‘zbekiston Respublikasi Vazirlar Mahkamasining 1998-yil 25-dekabrdagi 534-sonli qarori tahririda)
manfaatdor vazirliklar va idoralar bilan birgalikda Davlat kadastrlari yagona tizimini yuritish tamoyillarini, ilmiy prinsiplari va uslubiyatlarini ishlab chiqish;
vazirliklar, idoralar va joylardagi davlat hokimiyati organlarining Davlat kadastrlari yagona tizimiga kiruvchi kadastrlarni yuritish sohasidagi faoliyatlarini muvofiqlashtirish;
er va ko‘chmas mulkdan foydalanishning maxsus qoidalarini belgilash, hududlarni baholash va rayonlashtirish uchun kadastr suratga olishlarni amalga oshirish;
xalq xo‘jaligi tarmoqlarini va aholini topografiya-geodeziya, kartografiya muhandislik-geodeziya va kadastr xizmatlari bilan ta’minlash.
rivojlantirish istiqbollarini belgilash, yangi geoaxborot texnologiyalari va tizimlarini joriy qilish sohasida ustuvor davlat ilmiy-texnika dasturlarini ishlab chiqish va amalga oshirish;
O‘zbekiston Respublikasining butun hududidagi koordinatalar va balandliklarning yagona tizimida topografiya-geodeziya, muhandislik-geodeziya va aerokosmik suratga olish ishlarini bajarish;
O‘zbekiston Respublikasining tabiiy-resurs imkoniyatlarini eng to‘liq va ishonarli ifodalovchi tematik, geografik, tabiatni muhofaza qilish va boshqa maxsus kartalar, rejalar hamda atlaslarni aerokosmik va kadastr axborotini qo‘llagan holda yaratish, shuningdek tabiiy resurslardan oqilona foydalanishga oid tavsiyalarni ishlab chiqish;
O‘zbekiston Respublikasi hududidagi tabiiy resurslar va ko‘chmas mulklarning geografik, huquqiy, xo‘jalik, ekologik va iqtisodiy holati to‘g‘risidagi ma’lumotlarni to‘plash, qayta ishlash, tartibga solish, tahlil qilish, saqlash va aktuallashtirish jarayonlarini boshqarishning yaxlit tizimi sifatida O‘zbekiston Respublikasi mintaqalari, shaharlari va shaharchalarining majburiy kuchga ega bo‘lgan davlat kadastrlari yagona tizimini, geoaxborot tizimlarini yaratish hamda yuritish;
soliq solish stavkalarini aniqlash uchun yer va ko‘chmas mulkni kadastr suratga olishlarni, yer maydonlarini sertifikatsiyalash va komasatsiyalashni, hududlarni baholash va rayonlashtirishni amalga oshirish, shaharlar va shaharchalar ko‘chmas mulki kadastrlarini yaratish uchun ko‘chmas mulkni — yuridik va jismoniy shaxslarni rasmiylashtirish tadbirida qatnashish;
manfaatdor idoralar bilan birgalikda Davlat kadastrlari yagona tizimini va kadastr ma’lumotlaridan foydalanish qoidalarini yaratish va yuritishga oid qonunchilik va normativ hujjatlar loyihalarini ishlab chiqish;
Davlat kadastrlari yagona tizimi xizmatining tarkibiy bo‘linmalariga tashkiliy va uslubiy rahbarlik qilish;
koordinatalar va balandliklarning yagona tizimini saqlash hamda aniqlash sohasida yaqin xorijiy davlatlarning geodeziya, kartografiya va kadastr xizmatlari bilan ilmiy-texnika hamda ishlab chiqarish aloqalarini o‘rnatish, geodeziya va kartografiya mahsulotlariga normativ-texnikaviy talablarni kelishib olish va birgalikdagi ishlarni bajarish;
O‘zbekiston Respublikasi davlat chegaralarini belgilashda, kartaga olishda va demarkatsiya qilishda qatnashish;
Oldingi tahrirga qarang.
O‘zbekiston Respublikasi Yer resurslari davlat qo‘mitasi bilan birgalikda viloyatlar, tumanlar va aholi yashash joylarining ma’muriy chegaralarini belgilash (aniqlash) ishlarini tashkil etish va ularni olib borish;
(4-bandning o‘n birinchi xatboshisi O‘zbekiston Respublikasi Vazirlar Mahkamasining 1998-yil 25-dekabrdagi 534-sonli qarori tahririda)
davlat boshqaruv organlarini soliqlarni undirish, xo‘jalik, loyiha va boshqaruv qarorlarini qabul qilish uchun zarur bo‘ladigan geodeziya, kartografiya va kadastr ma’lumotlari hamda asoslari bilan belgilangan tartibda ta’minlash;
manfaatdor korxonalar, tashkilotlar, muassasalar hamda fuqarolarni zarur geodeziya, kartografiya va kadastr ma’lumotlari hamda asoslari bilan shartnoma asosida ta’minlash;
geodeziya tarmoqlarini, kartografiya va kadastr materiallari va ma’lumotlarini ularni doimo yangilab borish yo‘li bilan zamonaviy darajada saqlash;
O‘zbekiston Respublikasining topografik-geodeziya, kartografiya, aerokosmik va kadastr axboroti davlat fondini tashkil qilish hamda yuritish;
geoaxborot tizimlarini tuzish va yuritish, topografik-geodeziya, muhandislik-geodeziya, kartografiya va kadastr ishlarini amalga oshirishga oid normativ-texnik hujjatlarni ishlab chiqish;
O‘zbekiston Respublikasi bilan umumiy davlat chegaralariga ega bo‘lgan davlatlar bilan shartnoma asosida geodeziya, topografiya va kartografiya ishlarini muvofiqlashtirish;
O‘zbekiston Respublikasi Oliy va o‘rta maxsus ta’lim vazirligi bilan birgalikda geodeziya, kartografiya va kadastr sohasi kadrlarini uzluksiz o‘qitish va tayyorlash tizimini tashkil qilish;
respublika va xorijiy oliy o‘quv yurtlari hamda akademiya institutlari bilan birgalikda davlat geodeziya tarmoqlarini, kosmik tabiatshunoslik, topografiya, kadastr va aerokosmik suratga olishlarni, muhandislik-geodeziya ishlarini, geoaxborot texnologiyalarini, geodeziya asbobsozligi va boshqalarni takomillashtirish hamda rivojlantirish muammolari bo‘yicha fundamental va amaliy tadqiqotlarni, ishlanmalarni tashkil qilish;
manfaatdor idoralar bilan birgalikda tabiiy va texnogen xavfi yuqori bo‘lgan zonalarda maxsus geoaxborot monitoringlarini tashkil qilish hamda yuritish;
qaysi idoraga mansubligidan qat’i nazar, barcha turdagi topografiya-geodeziya, muhandislik-geodeziya, kartografiya va kadastr ishlarini metrologik ta’minlashni tashkil qilish va yuritish;
respublikani geodeziya va fotogrammetrik asbob-uskunalar bilan ta’minlash bo‘yicha takliflar tayyorlash;
yangi yerlarni o‘zlashtirish, shaharlarning bosh rejalarini ishlab chiqish, foydali qazilmalarni qidirish, shuningdek, mamlakat tarixini qayta tiklash va saqlashni ilmiy asoslash uchun aholi yashash joylari, suv manbalari, kon-ruda korxonalari, arxeologik va madaniy yodgorliklar, qishloq xo‘jaligi yerlari, tabiiy ofatlar va texnogen halokatlar manbalari va shu kabilar topografiyasi hamda toponimikasi to‘g‘risidagi tarixiy sana va ma’lumotlarni o‘rganish.
O‘zbekiston Respublikasi Yer resurslari davlat qo‘mitasini aerokosmik s’yomka materiallari, turli masshtablardagi reja-kartografiya asoslari, topografiya asoslari, topografiya ishlari va davlat yer kadastrini yuritish uchun zarur bo‘lgan ma’lumotlar bilan belgilangan tartibda ta’minlash.
(4-band O‘zbekiston Respublikasi Vazirlar Mahkamasining 1998-yil 25-dekabrdagi 534-sonli qaroriga muvofiq yigirma to‘rt va yigirma beshinchi xatboshilar bilan to‘ldirilgan)
Bosh boshqarmada boshliq (Rais), o‘rinbosarlar, Bosh boshqarmaning boshqa rahbar xodimlari, shuningdek Mudofaa vazirligining Harbiy-topografiya xizmati boshlig‘idan iborat tarkibda hay’at tuziladi. Hay’at a’zolari Vazirlar Mahkamasi tomonidan tasdiqlanadi.
vazirliklarda, idoralarda, joylardagi davlat hokimiyati organlarida topografiya-geodeziya, muhandislik-geodeziya, kartografiya va kadastr ishlarini rivojlantirishda ishtirok etish, turli maqsadlarda foydalanish manfaatlarini ko‘zlab, shuningdek, parallelizm va bir-birini takrorlashlarga yo‘l qo‘ymaslik maqsadlarida respublikada ularning bajarilishini muvofiqlashtirib borish;
qaysi idoraga mansubligidan va mulkchilik shaklidan qat’i nazar, korxonalar va tashkilotlarda topografiya-geodeziya, kartografiya, aerokosmik va kadastr materiallaridan hamda ma’lumotlaridan foydalanish tartibini belgilash va ushbu materiallarni hisobga olish, ko‘paytirish hamda saflashni nazorat qilishni amalga oshirish;
O‘zbekiston Respublikasi hududida fizikaviy-geografik nomlar shakllarini standartlashtirish ishlarida qatnashish;
geodeziya, kartografiya va kadastr masalalari bo‘yicha xalqaro tashkilotlarda O‘zbekiston Respublikasi nomidan vakillik qilish, boshqa davlatlarning geodeziya va kadastr xizmatlari bilan munosabatlar o‘rnatish, chet ellarda hukumatlararo bitim va kontraktlarga muvofiq topografiya-geodeziya ishlarini bajarish;
tasarrufidagi korxonalar va tashkilotlarni belgilangan tartibda qayta tuzish, tashkil qilish va tugatish, ularning ustavlarini tasdiqlash;
ishlarni bajarish yuzasidan litsenziyalar bo‘lmagan, aniqlik belgilangan standartlarga nomuvofiq bo‘lgan va texnologiyalar buzilgan hollarda topografiya-geodeziya, muhandislik-geodeziya, kartografiya va kadastr ishlarini qonunchilikda belgilangan butunlay to‘xtatib qo‘yishgacha bo‘lgan ta’sir ko‘rsatish choralarini qo‘llash;
ko‘chmas mulk bilan bo‘ladigan barcha ishlarda va sud tekshirishlarida, zarur bo‘lgan hollarda vazirliklar, idoralar va joylardagi davlat hokimiyati organlarining kadastr xizmatlarini jalb qilib, kadastr hujjatlarini ekspertizadan o‘tkazishni bajarish;
Davlat kadastrlari yagona tizimini yuritish uchun zarur bo‘lgan ma’lumotnoma va boshqa ma’lumotlarni vazirliklar, idoralar, joylardagi davlat hokimiyati organlaridan, yuridik va jismoniy shaxslardan olish;
ilmiy-tadqiqot, tajriba-konstruktorlik, joriy etish, xo‘jalik hisobidagi konsalting bo‘linmalarini va vaqtinchalik ijodiy jamoalarni tashkil qilish;
yangi kadastr tizimlarini tashkil qilish ishlarini bajarish uchun ayrim vazirliklar va idoralarning ixtisoslashgan korxonalari hamda tashkilotlarini belgilangan tartibda jalb qilish.
7. Bosh boshqarma o‘z vakolati doirasida, topografiya-geodeziya, muhandislik-geodeziya, kartografiya va kadastr ishlarini amalga oshirishga doir, barcha vazirliklar, idoralar, korxonalar, tashkilotlar, muassasalar va fuqarolar uchun majburiy bo‘lgan normativ-texnikaviy hujjatlar chiqaradi.
Bosh boshqarmaning ushbu Nizomda belgilangan vakolati doirasida, Bosh boshqarma tizimidagi bo‘linmalar hamda O‘zbekiston Respublikasi hududida topografiya-geodeziya, muhandislik-geodeziya, kartografiya va kadastr ishlarini amalga oshiruvchi boshqa tashkilotlar bajarishi majburiy bo‘lgan buyruqlar, yo‘riqnomalar va ko‘rsatmalar chiqaradi, normativ-texnikaviy hujjatlarni tasdiqlaydi, zarur hollarda esa O‘zbekiston Respublikasining boshqa vazirliklari va idoralari bilan birgalikda qo‘shma hujjatlar chiqaradi;
barcha davlat organlarida va korxonalarida Bosh boshqarma manfaatlarini ifodalaydi, shartnomalar tuzadi, banklarda schyotlar ochadi, belgilangan xodimlar soni va mehnat haqi fondi doirasida Bosh boshqarma markaziy apparatining shtat jadvalini tasdiqlaydi;
“O‘zbekiston Respublikasida korxonalar to‘g‘risida” O‘zbekiston Respublikasi Qonuniga muvofiq tasarrufidagi korxonalar va tashkilotlar faoliyatini tashkil qiladi hamda muvofiqlashtiradi;
Bosh boshqarma tasarrufida bo‘lgan davlat korxonalari va tashkilotlarining rahbarlarini kontrakt asosida lavozimga tayinlaydi va lavozimdan ozod qiladi.
9. Bosh boshqarma geodeziya, kartografiya va davlat kadastri muammolari bo‘yicha ilmiy-texnika va ishlab chiqarish jurnalini, ilmiy asarlarni, o‘quv-uslubiy qo‘llanmalarni, axborot va referat to‘plamlarini, reklama prospektlarini nashr qiladi.
10. Geodeziya, kartografiya va kadastr ishlarini rivojlantirishning asosiy yo‘nalishlari bo‘yicha takliflarni ko‘rib chiqish, yagona ilmiy-texnika siyosatini belgilash, mamlakatimiz va chet el fani, texnikasi, texnologiyasi va ilg‘or tajribasining eng yangi yutuqlaridan foydalanish va ularni joriy etish bo‘yicha tavsiyalarni ishlab chiqish uchun Bosh boshqarmada olimlar, yuqori malakali mutaxassislar, ilmiy-texnika jamiyatlari va boshqa tashkilotlarning rahbarlaridan iborat Ilmiy-texnika kengashi tashkil etiladi. Ilmiy-texnika kengashining tarkibi va uning haqidagi Nizom Bosh boshqarma boshlig‘i tomonidan tasdiqlanadi.
11. Bosh boshqarma davriy hisobotni tuzadi hamda tegishli davlat organlariga taqdim etadi. Bosh boshqarma o‘ziga biriktirilgan mulkni xo‘jalik jihatidan to‘liq yuritish huquqini amalga oshiradi.
12. Bosh boshqarma yuridik shaxs hisoblanadi, mustaqil balansga, banklarda hisob-kitob va boshqa schyotlarga ega bo‘ladi, o‘z tarkibiga kiruvchi korxonalar hamda tashkilotlarning balanslarini hisobga olgan holda yig‘ma balans tuzadi, O‘zbekiston Respublikasining Davlat gerbi tasviri tushirilgan hamda o‘z nomi yozilgan muhrga, shuningdek, firma blanklariga ega bo‘ladi.
Bosh boshqarmani qayta tashkil etish va tugatish qonunchilikda belgilangan tartibda amalga oshiriladi.