O‘zbekiston Respublikasi Prezidentining “Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida” 2018-yil 2-fevraldagi PF-5325-son Farmoni ijrosini ta’minlash hamda aholining reproduktiv salomatligini mustahkamlash, qizlar va ayollarga sifatli akusher-ginekologik va tibbiy yordam xizmatlarini tashkil etish, homiladorlik davrida ayollar parvarishi sifatini yaxshilash maqsadida Vazirlar Mahkamasi qaror qiladi:
Toshkent pediatriya tibbiyot instituti klinikasining bolalar ginekologiyasi bo‘limi negizida Respublika qizlar salomatligi markazini (keyingi o‘rinlarda Respublika markazi deb ataladi);
Qoraqalpog‘iston Respublikasi va viloyatlar bolalar ko‘p tarmoqli tibbiyot markazlari hamda Toshkent shahar o‘smirlar dispanserining bolalar ginekologiyasi bo‘limlari negizida qizlar salomatligi markazlarini (keyingi o‘rinlarda hududiy qizlar salomatligi markazlari deb ataladi) tashkil etish to‘g‘risidagi taklifi ma’qullansin.
qizlarga yuqori malakali ginekologik ixtisoslashtirilgan tibbiy yordam ko‘rsatish, bolalar ginekologiyasi sohasida yuqori texnologiyalarga asoslangan ilmiy izlanishlarni tashkil etish;
qizlar ginekologiyasi sohasida yuqori texnologiyalarga asoslangan ixtisoslashtirilgan tibbiy yordam ko‘rsatish yo‘li bilan davolash, profilaktika tadbirlarini o‘tkazish va reabilitatsiyani tashkil etish;
hududiy qizlar salomatligi markazlari faoliyatini muvofiqlashtirish, ularga tashkiliy-metodik va ilmiy-amaliy yordam ko‘rsatish;
Toshkent vrachlar malakasini oshirish instituti hamda Toshkent pediatriya tibbiyot instituti bilan birgalikda qizlar ginekologiyasi bo‘yicha magistrlar va klinik ordinatorlar uchun muntazam o‘quv seminarlarini tashkil etish;
qizlar ginekologiyasi bo‘yicha o‘quv-metodik va axborot materiallarini tayyorlash, shuningdek, onalik va bolalikni muhofaza qilish bo‘yicha respublika dasturlarini va hududiy dasturlarni ishlab chiqish va amalga oshirishda ishtirok etish.
qizlarga yuqori malakali ginekologik ixtisoslashtirilgan tibbiy yordam ko‘rsatish, zaruratga ko‘ra tibbiy yordam ko‘rsatish uchun Respublika markaziga yo‘naltirish;
biriktirilgan hudud qizlarining ginekologik sog‘lom o‘sishini nazorat qilish, qizlarda ginekologik madaniyatni shakllantirish, belgilangan dasturlar asosida tibbiy ko‘riklarni tashkil etish;
qizlarning ginekologik salomatligini muhofaza qilish bo‘yicha tumanlararo ilmiy-amaliy va metodik seminarlar, davra suhbatlari tashkil etish.
4. O‘zbekiston Respublikasi Prezidentining “Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida” 2018-yil 2-fevraldagi PF-5325-son Farmoni bilan o‘smir qizlar va fertil yoshidagi ayollar uchun “ayollar maslahatxonalari” tashkil etilganligi ma’lumot uchun qabul qilinsin.
Belgilab qo‘yilsinki, “ayollar maslahatxonalari” Qoraqalpog‘iston Respublikasi va viloyatlar tuman (shahar) markaziy ko‘p tarmoqli poliklinikalari, oilaviy poliklinikalari va qishloq vrachlik punktlari, shuningdek, Toshkent shahrining oilaviy poliklinikalari tuzilmasida tashkil etiladi.
erta turmushga chiqishning oldini olish, oila qurishni rejalashtirish, tug‘ruqlar o‘rtasidagi davrni uzaytirish yuzasidan tibbiy va ijtimoiy-psixologik nuqtai nazardan ilmiy asoslangan maslahatlar berish;
jinsiy tarbiya va madaniyatni oshirishga qaratilgan va jinsiy yo‘llar orqali yuqadigan kasalliklarning oldini olish yuzasidan, shu jumladan, anonim tarzda maslahatlar berish;
Oldingi tahrirga qarang.
onalar va bolalar salomatligini muhofaza qilish to‘g‘risidagi qonunchilikka muvofiq akusher-ginekologik va ijtimoiy-huquqiy yordam ko‘rsatish;
(5-bandning beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
reproduktiv salomatlikni muhofaza qilish, ona va bola perinatal kasalliklarining va o‘lim holatlarining oldini olish maqsadida aholining bilimi va sanitariya madaniyatini oshirishga qaratilgan tadbirlarni o‘tkazish.
a) 2018-yil 15-mayga qadar birlamchi tibbiy-sanitariya yordami muassasalarida qizlar va fertil yoshidagi ayollarga ko‘rsatilayotgan akusher-ginekologik va tibbiy yordam xizmatlarining mavjud me’yorlarini hamda asbob-uskunalar va inventarlar bilan ta’minlanganligi holatini tanqidiy ko‘rib chiqsin;
Moliya vazirligi hamda Bandlik va mehnat munosabatlari vazirligi bilan birgalikda hududiy qizlar salomatligi markazlari hamda “ayollar maslahatxonalari”ning shtatlari sonini ularga biriktirilgan hududdagi tegishli 18 yoshgacha bo‘lgan qizlar va fertil yoshidagi ayollar sonidan kelib chiqqan holda O‘zbekiston Respublikasi Sog‘liqni saqlash vazirligi tizimidagi umumiy shtatlar soni va uning muassasalarini saqlashga ajratilgan budjet mablag‘lari doirasida;
“ayollar maslahatxonalari” faoliyatini tashkil etish uchun zarur bo‘lgan tibbiy asbob-uskunalar hamda inventarlar bilan jihozlash me’yorlarini;
tasdiqlangan me’yorlarga muvofiq “ayollar maslahatxonalari”ni tibbiy asbob-uskunalar hamda inventarlar bilan jihozlash yuzasidan chora-tadbirlar rejasini ishlab chiqsin va belgilangan tartibda tasdiqlasin;
v) 2018-yil 1-avgustga qadar O‘zbekiston Respublikasi Axborot texnologiyalari va kommunikatsiyalarini rivojlantirish vazirligi hamda Moliya vazirligi bilan birgalikda Sog‘liqni saqlash vazirligining “ishonch telefoni” (1003) tarmog‘i tarkibida Qoraqalpog‘iston Respublikasi, Toshkent shahar va viloyatlarda kunu-tun faoliyat ko‘rsatuvchi “tezkor aloqa” tarmog‘i tizimini ishlab chiqsin va joriy etsin;
reproduktiv salomatlikni muhofaza qilish, oila qurishni rejalashtirish, kontratsepsiya usullari va jinsiy yo‘llar orqali yuqadigan kasalliklarning oldini olish bo‘yicha maslahatlar berish;
oilada notinchlik holatlari yuzasidan ayollar tomonidan bildirilgan murojaatlarga ko‘ra oilani saqlab qolishga doir tegishli maslahatlar berish;
reproduktiv salomatlik va jinsiy tarbiya yuzasidan aholi bilimi va madaniyatini oshirishga qaratilgan maslahatlar berish;
qizlar va ayollarning murojaatlarida ko‘tarib chiqilayotgan masalalarni tahlil qilish, umumlashtirish va sohaga oid tizimli muammolarning oldini olish borasida tegishli tashkilotlarga takliflar kiritish.
“Tezkor aloqa” tarmog‘i tizimining chaqiriqlarga xizmat ko‘rsatish tartibi ilovadagi sxemaga muvofiq amalga oshiriladi.
8. “Tezkor aloqa” tarmog‘ining samarali va sifatli faoliyat yuritishiga O‘zbekiston Respublikasi sog‘liqni saqlash vaziri A.K. Shadmanov shaxsan mas’ul ekanligi belgilab qo‘yilsin.
9. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi “tezkor aloqa” tarmog‘i aloqa xizmatiga ulanishini ta’minlasin.
Respublika qizlar salomatligi markazi to‘g‘risidagi nizomni hamda hududiy qizlar salomatligi markazlari va “ayollar maslahatxonalari” to‘g‘risidagi nizomlarni hamda “tezkor aloqa” tarmog‘i xizmatining nizomini ishlab chiqsin va tasdiqlasin;
“tezkor aloqa” tarmog‘ida faoliyat ko‘rsatuvchi mutaxassislarni tayyorlashni hamda ularning malakasini muntazam oshirib borishni ta’minlasin.
11. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
12. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari Q.V. Akmalov va O‘zbekiston Respublikasi sog‘liqni saqlash vaziri A.K. Shadmanov zimmasiga yuklansin.