O‘zbekiston Respublikasi Prezidentining “Mahalla institutini yanada takomillashtirish chora-tadbirlari to‘g‘risida” 2017-yil 3-fevraldagi PF-4944-son Farmoni bilan tasdiqlangan Fuqarolarning o‘zini o‘zi boshqarish organlari faoliyatini yanada takomillashtirishga doir kompleks chora-tadbirlar dasturini bajarish yuzasidan Vazirlar Mahkamasi qaror qiladi:
1. Fuqarolarning o‘zini o‘zi boshqarish organlarida mehnat munosabatlarini tartibga solish to‘g‘risidagi nizom ilovaga muvofiq tasdiqlansin.
2. Vazirliklar va idoralar o‘zlari qabul qilgan normativ-huquqiy hujjatlarni ikki hafta muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Ta’lim, ilm-fan va yoshlar siyosati masalalari axborot-tahlil departamentiga yuklansin.
1. Ushbu Nizom O‘zbekiston Respublikasi Prezidentining “Mahalla institutini yanada takomillashtirish chora-tadbirlari to‘g‘risida” 2017-yil 3-fevraldagi PF-4944-son Farmoniga muvofiq fuqarolarning o‘zini o‘zi boshqarish organlarida mehnat munosabatlarini tartibga solish tartibini belgilaydi.
Oldingi tahrirga qarang.
(2-bobning nomi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
2. Fuqarolar yig‘ini raisi va xodimlari (mas’ul kotib va boshqalar) o‘z faoliyatini qonunchilikka muvofiq amalga oshiradilar.
(2-band O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
3. Fuqarolar yig‘ini raisi va xodimlarining mehnat majburiyatlari va huquqlari, shuningdek, ular o‘rtasidagi o‘zaro munosabat masalalari mehnat munosabatlarini tartibga soladigan normativ hujjatlarni hisobga olgan holda, fuqarolarning o‘zini o‘zi boshqarish organlari tomonidan qabul qilinadigan va fuqarolar yig‘ini raisi tasdiqlaydigan ichki hujjatlarda aniqlashtiriladi.
(3-band O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
4. Fuqarolar yig‘ini raisi fuqarolar yig‘ini vakolatlarini amalga oshirish maqsadida Fuqarolar yig‘ini kengashining qaroriga ko‘ra, fuqarolar yig‘ini aholisini xizmatlar ko‘rsatish bo‘yicha fuqarolik-huquqiy shartnoma asosida ayrim ishlarni bajarishga jalb qilish huquqiga ega.
(4-band O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
5. Fuqarolar yig‘ini raisi mahallalar hududida yashaydigan ishsiz shaxslarni jamoat ishlariga jalb qilish uchun ular bilan mehnat shartnomalari tuzish huquqiga ega va ularning mehnatiga O‘zbekiston Respublikasi Bandlik va mehnat munosabatlari vazirligi huzuridagi Jamoat ishlari jamg‘armasi mablag‘lari hisobidan haq to‘lanadi.
(5-band O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
6. Fuqarolar yig‘ini shtatiga kiradigan fuqarolar yig‘ini raisi va xodimlari mehnatiga mehnatga haq to‘lash bo‘yicha Yagona tarif setkasi asosida lavozim maoshi shaklida haq to‘lanadi. Ushbu toifadagi xodimlar mehnatiga haq to‘lash razryadlari Vazirlar Mahkamasining “Fuqarolar yig‘inlari xodimlari mehnatiga Yagona tarif setkasi bo‘yicha haq to‘lashning razryadlarini belgilash to‘g‘risida” 2017-yil 17-iyuldagi 500-son qarori bilan belgilanadi.
(6-bandning birinchi xatboshisi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Fuqarolar yig‘ini raisi va xodimlariga qo‘shimcha haq va ustamalar mehnat shartnomalari, shuningdek, ish beruvchi tomonidan kasaba uyushmasi qo‘mitasi yoki xodimlarning boshqa vakolatli organi bilan kelishgan holda qabul qilinadigan boshqa mahalliy hujjatlarga muvofiq belgilanadi.
(6-bandning ikkinchi xatboshisi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
fuqarolar yig‘ini raislariga — tegishli tumanlar (shaharlar) hokimlari — Tuman (shahar) fuqarolarning o‘zini o‘zi boshqarish organlari faoliyatini muvofiqlashtirish bo‘yicha kengash raisi qarori bilan;
(7-bandning ikkinchi xatboshisi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
fuqarolar yig‘inining boshqa xodimlariga — fuqarolar yig‘ini raisining taqdimnomasi asosida tegishli tumanlar (shaharlar) hokimlari qarori bilan to‘lanadi.
(7-bandning uchinchi xatboshisi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
8. Fuqarolar yig‘ini xodimlari hisoblanmagan fuqarolar mehnatiga haq to‘lash shartlari va miqdori Fuqarolar yig‘ini kengashi tomonidan belgilanadi.
Oldingi tahrirga qarang.
Fuqarolar yig‘ini vakolatlarini amalga oshirish uchun jalb qilinadigan fuqarolarga pul mukofoti qonunchilikda nazarda tutilgan budjetdan tashqari manbalar hisobidan to‘lanadi.
(8-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
(4-bobning nomi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
9. Fuqarolar yig‘ini raisi va xodimlarining ish tartibi qirq soatlik va olti kunlik ish haftasidan kelib chiqqan holda Fuqarolar yig‘ini kengashi tomonidan tasdiqlanadigan ichki tartib qoidalariga ko‘ra belgilanadi.
(9-band O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
10. Fuqarolarning o‘zini o‘zi boshqarish organida qonunchilikda belgilangan vakolatlarni amalga oshirish bo‘yicha fuqarolar yig‘ini faoliyatini tashkil etishning o‘ziga xos xususiyatlari inobatga olinib, ish vaqtining jamlangan hisobi yuritiladi va ish kuni soat 7-00 dan 22-00 gacha taqsimlanadi.
(10-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Fuqarolar yig‘ini xodimlarining moslashtirilgan ish vaqti sharoitidagi ish jadvali xodimlarning lavozim majburiyatlarini bajarishini optimallashtirishni hisobga olgan holda fuqarolar yig‘ini raisi tomonidan, fuqarolar yig‘ini raisining ish vaqti jadvali — Fuqarolar yig‘ini kengashi tomonidan belgilanadi.
(10-bandning ikkinchi xatboshisi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
Fuqarolar yig‘ini raisi va xodimlarining ish jadvali ularning bevosita fuqarolar yig‘ini binosida bo‘lish vaqti ko‘rsatilgan holda umumiy ko‘rinadigan joyda osib qo‘yiladi.
(10-bandning uchinchi xatboshisi O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
11. Fuqarolar yig‘ini raisi va xodimlariga har yili 24 kunlik haq to‘lanadigan mehnat ta’tili beriladi.
(11-band O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
12. Fuqarolar yig‘ini raisi va xodimlarining vakolatlari “Fuqarolarning o‘zini o‘zi boshqarish organlari to‘g‘risida”gi Qonun va fuqarolar yig‘ini raisi hamda xodimlarining mehnat munosabatlarini tartibga soladigan normativ hujjatlarda nazarda tutilgan tartibda tugatiladi.
(12-band O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)
Oldingi tahrirga qarang.
13. Fuqarolar yig‘ini raisi va xodimlarining mehnat munosabatlarini tartibga solish sohasidagi nizolar qonunchilikda nazarda tutilgan tartibda hal etiladi.
(13-band O‘zbekiston Respublikasi Vazirlar Mahkamasining 2023-yil 31-iyuldagi 327-sonli qarori tahririda — Qonunchilik ma’lumotlari milliy bazasi, 01.08.2023-y., 09/23/327/0549-son)