Xorazm viloyatidagi Hazorasp qand-shakar zavodining barqaror ishlashini ta’minlash maqsadida Vazirlar Mahkamasi qaror qiladi:

1. O‘zbekiston Respublikasi Makroiqtisodiyot va statistika vazirligi hamda Qishloq va suv xo‘jaligi vazirligining qand lavlagi ekin maydonlari va uning yalpi hosili to‘g‘risidagi taklifi 1-ilovaga* muvofiq qabul qilinsin.

2. O‘zbekiston Respublikasi Qishloq va suv xo‘jaligi vazirligi Tashqi iqtisodiy aloqalar vazirligi, “O‘zqishloqxo‘jalikta’minottuzatish” davlat-kooperativ qo‘mitasi va “Oziqovqatsanoat” uyushmasi bilan birgalikda MDHning lavlagi ekiladigan mintaqalarida va uzoq xorijiy mamlakatlarda qand lavlagi yetishtirish tajribasini o‘rgansin. Qoraqalpog‘iston Respublikasi va Xorazm viloyatining agroiqlim sharoitlarini hisobga olgan holda qand lavlagi yetishtirish bo‘yicha tavsiyanomalar hamda texnologik xaritalar ishlab chiqilsin va xo‘jaliklarga yetkazilsin. Qandliligi kamida 17 foiz bo‘lgan qand lavlagi olinishi ta’minlansin.

3. “Oziqovqatsanoat” uyushmasi (Qosimxo‘jayev):

O‘zbekiston Respublikasi Qishloq va suv xo‘jaligi vazirligi, Qoraqalpog‘iston Respublikasi Vazirlar Kengashi va Xorazm viloyati hokimligi bilan birgalikda 1998-yil 1-fevralgacha 1998-yil hosilidan qand lavlagi xarid qilish yuzasidan xo‘jaliklar bilan kontraktatsiya shartnomalari tuzishni tugallasin;

1998-yil 1-martgacha xo‘jaliklarga shartnomaviy narx bo‘yicha xarid qilinadigan xomashyo qiymatining kamida 40 foizi miqdorida avans to‘lasin;

tayyor (qand-shakar) va qo‘shimcha mahsulot (jom)ning bir qismini xomashyo uchun to‘lov hisobiga xo‘jaliklarga ajratishni nazarda tutsin;

qand lavlagini qabul qilib olish va saqlash uchun qand-shakar zavodi hududida 50 ming tonna qand lavlagi g‘aramlab saqlanadigan maydonni, shuningdek respublikaning qayd etilgan mintaqalarida 4 ta qand lavlagi qabul qilish punktlarini tayyorlasin.

4. “O‘zkimyosanoat” uyushmasi (Yusupbekov) lavlagi ekadigan xo‘jaliklarga 2-ilovaga* muvofiq miqdorda mineral o‘g‘itlar va gerbitsidlar yetkazib berishni ta’minlasin.

5. “O‘zqishloqxo‘jalikta’minottuzatish” davlat-kooperativ qo‘mitasi (Olimjonov) 1998-yil 1-martgacha mashina-traktor parklari uchun 3-ilovaga* muvofiq qand lavlagi yetishtirish va hosilini yig‘ishtirib olish texnikasini yetkazib berish masalasini ishlab chiqsin.

“O‘zqishloqxo‘jalikmash-xolding” kompaniyasi (Matchonov) 1998-1999-yillarda respublika sanoat korxonalarida “O‘zqishloqxo‘jalikta’minottuzatish” davlat-kooperativ qo‘mitasi va Qishloq va suv xo‘jaligi vazirligi buyurtmanomalariga binoan qand lavlagi yetishtirish va lavlagichilik texnikasi parkini yangilash uchun shunday texnika ishlab chiqarishni tashkil etsin.

6. Qishloq va suv xo‘jaligi vazirligi lavlagi yetishtirish tajribasini o‘rganish asosida bir kurtakli qand lavlagi urug‘ini yetkazib berishi mumkin bo‘lgan tashkilotlarni aniqlasin, “O‘zdonmahsulot” korporatsiyasi (Otayev) esa kontraktlar tuzishni va 4-ilovaga* muvofiq urug‘lik yetkazib berishni ikki oy muddatda ta’minlasin.

7. “Paxta-bank” va “G‘alla-bank” “Oziqovqatsanoat” uyushmasiga yetishtiriladigan qand lavlagi uchun xo‘jaliklarga avans berish uchun 761 mln. so‘m miqdorida va “O‘zdonmahsulot” korporatsiyasiga navli (bir kurtakli) lavlagi urug‘lari sotib olish uchun 1200 ming AQSh dollariga teng miqdorda qayta moliyalash stavkasi bo‘yicha bir yilgacha muddatga kreditlar ajratsinlar.

11. “O‘zavtotrans” davlat korporatsiyasi va “O‘zbekiston temir yo‘llari” kompaniyasi “Oziqovqatsanoat” uyushmasiga qand lavlagi tashish uchun zarur miqdorda avtotransport vositalari va temir yo‘l vagonlari ajratsinlar.

12. “Oziqovqatsanoat” uyushmasi O‘zbekiston Respublikasi Tashqi iqtisodiy aloqalar vazirligi, Qishloq va suv xo‘jaligi vazirligi bilan birgalikda mavsum oralig‘ida shakar xomashyosini qayta ishlash hisobiga Hazorasp qand-shakar zavodining yillik ishlab chiqarish quvvatlarini 125 ming tonnagacha oshirish masalasini bir oy muddatda ishlab chiqsin va takliflar kiritsin.

13. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari I. H. Jo‘rabekov va Bosh vazir o‘rinbosari M. Z. Usmonov zimmasiga yuklansin.