Tovarlar va xizmatlar bozorlarida samarali raqobat muhitini yaratish hamda monopoliyani bosqichma-bosqich kamaytirish, taqsimlash tizimi elementlarini tugatish, xo‘jalik yurituvchi barcha subyektlarning moddiy-texnika resurslari bilan ta’minlanishida teng shart-sharoitlarni vujudga keltirish, yoqilg‘i-energetika resurslari hamda yuqori likvidli mahsulotlar bilan ta’minlash sohasida suiiste’molchiliklar va talon-torojliklarning oldini olish, tag-tomiri bilan tugatish hamda ularni profilaktika qilish, debitorlik va kreditorlik qarzlarini kamaytirish, shuningdek, valyuta siyosatini liberallashtirish sharoitida qishloq xo‘jaligi va sanoat bazaviy tarmoqlarining moliyaviy barqarorligini ta’minlash maqsadida:

1. O‘zbekiston Respublikasi Moliya vazirligi, Iqtisodiyot vazirligi hamda Xususiylashtirilgan korxonalarga ko‘maklashish va raqobatni rivojlantirish davlat qo‘mitasining:

a) 2018-yilning 1-yanvaridan boshlab davlat organlari, tashkilotlari va hukumat komissiyalarining mahsulot, xom ashyo va materiallarning chegaralangan narxlari darajasini, ularni taqsimlash hajmlari va dislokatsiyasini tasdiqlash bo‘yicha ushbu qaror qoidalariga mos kelmaydigan vakolatlarini bekor qilish to‘g‘risidagi (Vazirlar Mahkamasi tomonidan ro‘yxati belgilanadigan ijtimoiy ahamiyatdagi mahsulotlar va ularning strategik turlari bundan mustasno);

b) monopolist korxonalar va (yoki) ustav fondida (kapitalida) davlat ulushi 50 foiz va undan ortiq bo‘lgan yuridik shaxslar yoki ustav fondining (kapitalining) 50 foizi va undan ortig‘i 50 foiz va undan ortiq miqdorda davlat ulushiga ega yuridik shaxsga tegishli bo‘lgan yuridik shaxslar tomonidan ichki bozorda faqat birja savdolari orqali bozor tamoyillari asosida sotiladigan yuqori likvidli va (yoki) monopol turdagi mahsulotlar, xomashyo va materiallarning ro‘yxatini ilovaga muvofiq tasdiqlash to‘g‘risidagi;

v) 2018-yilning 1-yanvaridan boshlab mahsulotning ayrim turlari, xom ashyo va materiallarni ishlab chiqarish va iste’mol qilishning qisqa muddatli hamda o‘rta muddatli prognozlarini tahlil qilish va shakllantirish maqsadidagina ular bo‘yicha tasdiqlanadigan yiriklashtirilgan moddiy balanslarni shakllantirishga o‘tish to‘g‘risidagi takliflari qabul qilinsin.

2. O‘zbekiston Respublikasi Vazirlar Mahkamasi o‘n kun muddatda bozor narxlarida neft mahsulotlari va boshqa yuqori likvidli mahsulot turlari, xom ashyo va materiallarning moddiy balanslariga muvofiq iqtisodiyot tarmoqlari va aholining talab-ehtiyojlarini uzluksiz hamda o‘z vaqtida qondirishni ta’minlash, shuningdek, butun respublika bo‘yicha ular taqchilligining oldini olish yuzasidan Vazirlar Mahkamasi tegishli komplekslari, idoralar va xo‘jalik birlashmalari rahbarlarining shaxsiy javobgarligini belgilovchi hukumat qarorini qabul qilsin.

3. O‘zbekiston Respublikasi Moliya vazirligi:

2017-yilning oxiriga kadar “O‘zneftmahsulot” AJning neftni qayta ishlash zavodlariga 2,0 trillion so‘m miqdorida foizsiz budjet ssudalari, shulardan 600 milliard so‘mi uglevodorod xom ashyosi va tayyor neft mahsulotlarini import qilishga maqsadli yo‘naltirilgan holda uch kun mobaynida ajratib berilishini ta’minlasin;

Toshkent shahrida transport tashuvlarining tariflari keskin o‘sishiga yo‘l qo‘ymaslik maqsadida 2017-2018-yillarda “Toshshahartransxizmat” AJga O‘zbekiston Respublikasi Davlat budjeti mablag‘lari hisobidan subsidiyalar ajratilishini ta’minlasin;

neft mahsulotlariga bozor narxlari belgilanishiga o‘tilishi munosabati bilan 2017-yilda O‘zbekiston Respublikasi Davlat budjeti xarajatlarining tegishli moddalarini va Investitsiya dasturi parametrlarini oshirsin;

2018-yildan boshlab O‘zbekiston Respublikasining Davlat budjeti va rivojlanish davlat dasturlari parametrlarida budjetdan mablag‘ oluvchilar tomonidan yuqori likvidli tovarlarning asosiy turlarini bozor narxlarida xarid qilishga zarur mablag‘larni nazarda tutsin.

5. 2020-yilning 1-yanvariga kadar muddatda:

mulkchilik shaklidan va foydalanish maqsadlaridan qat’i nazar, respublika korxonalari tomonidan import qilinadigan uglevodorod xom ashyosi — bojxona to‘lovlari (qo‘shilgan qiymat solig‘i va bojxona rasmiylashtiruvchi uchun yig‘imlardan tashqari) to‘lashdan;

“O‘zbekneftgaz” AJning neftni qayta ishlash korxonalari — foyda solig‘ini to‘lashdan ozod qilinsin, bo‘shayotgan mablag‘lar ishlab chiqarish quvvatlarini yangilash, modernizatsiya qilish, texnik va texnologik qayta jihozlashga, shuningdek, ana shu quvvatlarni oshirishga maqsadli yo‘naltirilsin.

7. 2018-yilning 1-yanvaridan boshlab:

“Yuqori likvidli mahsulot turlarini, xom ashyo va metariallarni sotishning bozor mexanizmlarini yanada joriy etish to‘g‘risida” Vazirlar Mahkamasining 2004-yil 5-fevraldagi 57-sonli qarori 3-ilovasi bilan tasdiqlangan moddiy-texnika resurslari strategik turlarini sotishning maxsus tartibi;

markazlashtirilgan manbalar hisobiga sotib olinadigan mahsulotlar, xom ashyo va materiallarni istisno qilganda, birja savdolarida xarid qilingan mahsulotni qaytadan sotishga qo‘yilgan taqiq bekor qilinsin.

8. O‘zbekiston Respublikasi Moliya vazirligi Iqtisodiyot vazirligi hamda Qishloq xo‘jaligi vazirligi bilan birgalikda 2018-yil hosilidan boshlab:

paxta xom ashyosi va g‘allani qayta ishlash natijasida hosil bo‘ladigan texnik urug‘lik, o‘simlik yog‘i, shrot, shulxa va boshqa mahsulotlar bozor narxlarini shakllantirishning yangi mexanizmini joriy etgan holda fermer xo‘jaliklarining pirovard natijalarga erishishdan moddiy manfaatdorligi oshishiga imkon beruvchi rentabellik ta’minlanishini hisobga olib, paxta xom ashyosi va g‘allaning xarid narxlari oshirilishini;

qishloq xo‘jaligi mahsulotlari davlat xaridini moliyalashtirishning amaldagi tartibi va mexanizmi qayta ko‘rib chiqilishini nazarda tutsin.

9. O‘zbekiston Respublikasi Vazirlar Mahkamasi bir oy muddatda elektron savdo maydonchalari kengaytirilishini hamda barcha tadbirkorlik subyektlarining birja bozorida teng ishtirok etishini ta’minlash, birja savdolarini shaffof tarzda amalga oshirib, bozor narxi belgilanishini shakllantirishni hisobga olgan holda “O‘zbekiston Respublika Tovar-xom ashyo birjasi” AJ faoliyati takomillashtirilishini nazarda tutuvchi hukumat qarorini qabul qilsin.

10. O‘zbekiston Respublikasi Hisob palatasi ushbu qarorga muvofiq birja savdolarida narxlar shakllantirilishi va O‘zbekiston Respublikasi Davlat budjetidan ajratilayotgan mablag‘lardan maqsadli foydalanilishi ustidan doimiy monitoringni ta’minlasin.

11. O‘zbekiston Respublikasi Moliya vazirligi, Iqtisodiyot vazirligi, Xususiylashtirilgan korxonalarga ko‘maklashishi va raqobatni rivojlantirish davlat qo‘mitasi manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.

12. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari J.A. Qo‘chqorov, O‘zbekiston Respublikasi Bosh vazirining o‘rinbosari — “O‘zbekneftgaz” AJ boshqaruvi raisi A.S. Sultonov, O‘zbekiston Respublikasi Prezidentining Davlat maslahatchisi V.A. Golishev va O‘zbekiston Respublikasi Hisob palatasi raisi M.M. Ikromov zimmasiga yuklansin.

1. Avtomobil benzini

2. Ekstraksion benzin

3. Dizel yoqilg‘isi

4. Polipropilen

5. Polietilen

6. Polivinilxlorid (PVX)

7. Texnik oltingugurt

8. Ko‘mir

9. Mineral o‘g‘itlar

10. Katodli mis

11. Misli katanka

12. Ikkilamchi aluminiy

14. Metal rux

15. Sement

16. Sementli klinker

17. Shakar

18. Etil spirti

19. Bug‘doy

20. Arpa (Yachmen)

21. Paxta-tolasi

22. Paxta linti

23. O‘simlik yog‘i (paxta)*

24. Ekstraksiya yog‘i (paxta)*

25. Paxta chigiti sheluxasi*

26. Paxta chigiti shroti*

27. Texnik chigit*

28. Texnik moylar

29. O‘choq moyi

30. Bug‘doy uni

31. Omuxta yem

32. Yoqilg‘i mazuti

33. Suyultirilgan gaz

34. Xo‘jalik sovuni

35. Neft eritkichi

36. Neft bitumi

37. Mis kuporosi

38. Kumush**