LexUZ sharhi
Ushbu qaror O‘zbekiston Respublikasi Vazirlar Mahkamasining 2005-yil 12-avgustdagi 196-sonli “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasini tashkil etish to‘g‘risida” 2000-yil 2-avgustdagi PF-2676-son Farmoniga muvofiq Vazirlar Mahkamasi qaror qiladi:
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi to‘g‘risidagi Nizom 1-ilovaga muvofiq;
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi markaziy apparatining tashkiliy tuzilmasi hamda uning hududiy boshqarmalari namunaviy tuzilmasi 2 va 3-ilovalarga muvofiq tasdiqlansin.
2. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi hamda uning hududiy boshqarmalari xodimlarining cheklangan soni 393 nafar, ulardan markaziy apparat xodimlari — 50 nafar (xizmat ko‘rsatuvchi xodimlardan tashqari) etib belgilansin.
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasiga raisning ikki nafar o‘rinbosari, shu jumladan, bir nafar birinchi o‘rinbosari, shuningdek, tarkibi O‘zbekiston Respublikasi Vazirlar Mahkamasi tomonidan tasdiqlanadigan 7 kishidan iborat hay’at bo‘lishiga ruxsat etilsin.
monopoliyadan chiqarish va raqobatni rivojlantirish hudud organlari boshliqlari Qoraqalpog‘iston Respublikasi Vazirlar Kengashi raisi, viloyatlar va Toshkent shahar hokimlari bilan kelishilgan holda O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi raisi tomonidan lavozimga tayinlanadilar.
Monopoliyaga qarshi qonunchilik hujjatlariga va iste’molchilar huquqlarini himoya qilish to‘g‘risidagi qonunchilik hujjatlariga rioya qilinishini nazorat qilish inspektorlari O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi raisi bilan kelishgan holda monopoliyadan chiqarish va raqobatni rivojlantirish hududiy boshqarmalari boshliqlari tomonidan lavozimga tayinlanadilar.
4. Belgilansinki, O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi markaziy apparatini va uning hududiy organlarini mablag‘ bilan ta’minlash respublika budjeti mablag‘lari hisobiga amalga oshiriladi.
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi markaziy apparati hamda uning hududiy organlari xodimlariga O‘zbekiston Respublikasi Vazirlar Mahkamasining 1996-yil 12-apreldagi 147-son qaroriga 3 va 9-ilovalarda belgilangan mehnatga haq to‘lash shartlari joriy etilsin.
O‘zbekiston Respublikasi Moliya vazirligi bilan birgalikda bir oy muddatda monopoliyadan chiqarish va raqobatni rivojlantirish tegishli hududiy organlarini qayta tashkil etsin, ular to‘g‘risidagi nizomlarni tasdiqlasin;
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki hafta muddatda Monopoliyadan chiqarish va raqobatni rivojlantirish davlat qo‘mitasi hududiy organlarini joylashtirish masalasini hal qilsin;
monopoliyadan chiqarish va raqobatni rivojlantirish organlari markaziy apparati va hududiy organlarini malakali kadrlar bilan to‘ldirish maqsadida ularning xodimlarini ikki oy muddatda attestatsiyadan o‘tkazsin.
Oldingi tahrirga qarang.
6. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasiga Qo‘mita tomonidan O‘zbekiston Respublikasi Moliya vazirligining budjetdan tashqari maxsus “Narxlarni boshqarish jamg‘armasi” hisob raqamiga yo‘naltiriladigan mablag‘larning 6 foizi miqdori hisobiga Ijtimoiy rivojlantirish va tizim xodimlarini moddiy rag‘batlantirish jamg‘armasini tashkil etishga ruxsat berilsin.
(6-bandning birinchi xatboshi O‘zbekiston Respublikasi Vazirlar Mahkamasining 2003-yil 19-noyabrdagi 520-son qarori tahririda — O‘R QHT, 2003-y., 22-son, 223-modda)
O‘zbekiston Respublikasi Moliya vazirligi O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi bilan birgalikda bir oy muddatda belgilangan tartibda Ijtimoiy rivojlantirish va O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi hamda O‘zbekiston Respublikasi moliya vazirligi xodimlarini moddiy rag‘batlantirish jamg‘armasi mablag‘larini shakllantirish va ulardan foydalanish tartibini ishlab chiqsin va tasdiqlasin.
har yili respublika budjetini shakllantirishda O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi va uning hududiy organlari ta’minoti va uning moddiy-texnika bazasini mustahkamlash uchun zarur mablag‘larni nazarda tutsin;
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi markaziy apparati uchun to‘rtta yengil avtomobilga va Qoraqalpog‘iston Respublikasi Monopoliyadan chiqarish va raqobatni rivojlantirish qo‘mitasi hamda viloyatlar va Toshkent shahar monopoliyadan chiqarish va raqobatni rivojlantirish hududiy boshqarmalari uchun ikkitadan yengil avtomobilga limit ajratsin;
O‘zbekiston Respublikasi Moliya vazirligi balansidan Monopoliyadan chiqarish va raqobatni rivojlantirish qo‘mitasi tomonidan vaqtincha foydalanib turilgan kompyuter va tarmoq asbob-uskunalarini O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi balansiga bersin.
8. O‘zbekiston Respublikasi Oliy va o‘rta maxsus ta’lim vazirligi, O‘zbekiston Respublikasi Prezidenti huzuridagi Davlat va jamiyat qurilishi akademiyasi, Bank-moliya akademiyasi monopoliyadan chiqarish va raqobatni rivojlantirish organlari uchun mutaxassislar tayyorlanishini va ularning malakasi oshirilishini ta’minlasinlar.
9. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining markaziy apparati Toshkent shahar Mustaqillik maydonidagi 5-uyga joylashtirilsin.
10. Vazirlar Mahkamasining “O‘zbekiston Respublikasi moliya vazirligi huzuridagi Monopoliyadan chiqarish va raqobatni rivojlantirish qo‘mitasi faoliyatini tashkil etish masalalari to‘g‘risida” 1996-yil 23-maydagi 188-son qarori o‘z kuchini yo‘qotgan deb hisoblansin.
O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonunchilik hujjatlariga mazkur qarordan kelib chiquvchi o‘zgartirishlar va qo‘shimchalar to‘g‘risida Vazirlar Mahkamasiga takliflar kiritsin.
11. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
1. Mazkur Nizom “Tovar bozorlarida monopolistik faoliyatni cheklash va raqobat to‘g‘risida”, “Tabiiy monopoliyalar to‘g‘risida” (yangi tahrirda) “Iste’molchilarning huquqlarini himoya qilish to‘g‘risida”, “Reklama to‘g‘risida”gi O‘zbekiston Respublikasi qonunlariga, Davlat qo‘mitasi faoliyatiga tegishli bo‘lgan boshqa qonun hujjatlariga, xalqaro shartnomalar (bitimlar)ga muvofiq O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining asosiy vazifalari, funksiyalari va vakolatlarini belgilab beradi.
2. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi O‘zbekiston Respublikasi Prezidentining “O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasini tashkil etish to‘g‘risida” 2000-yil 2-avgustdagi PF-2676-son Farmoniga muvofiq raqobatni rivojlantirish, monopolistik faoliyatni cheklash, tabiiy monopoliyalar faoliyatini tartibga solish, iste’molchilar huquqlarini muhofaza qilish va reklama faoliyati sohasidagi siyosatni o‘tkazish bo‘yicha davlat boshqaruvi organi hisoblanadi.
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi O‘zbekiston Respublikasi Vazirlar Mahkamasiga bo‘ysunadi va unga hisobot beradi.
3. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisining qarorlariga va boshqa hujjatlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Hukumatining qarorlari va farmoyishlariga hamda amaldagi qonunchilikning boshqa hujjatlariga, shuningdek, mazkur Nizomga amal qiladi.
4. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi unga yuklangan vazifalarni bevosita, shuningdek, o‘ziga bo‘ysunuvchi, o‘z faoliyatini O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi tomonidan tasdiqlangan ular to‘g‘risidagi Nizom asosida amalga oshiruvchi hududiy monopoliyadan chiqarish organlari orqali hal qiladi.
5. Quyidagilar O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining asosiy vazifalari va faoliyati yo‘nalishlari etib belgilansin:
respublikada sog‘lom raqobat muhitini yaratish uchun zarur tashkiliy, iqtisodiy va moliyaviy shart-sharoitlarni, mustahkam huquqiy bazani shakllantiruvchi va muvofiqlashtiruvchi markaz funksiyalarini amalga oshirish;
bozor iqtisodiyoti talablariga javob beruvchi raqobat qonunlarini, umumiy qabul qilingan normalar va qoidalarni samarali amalga oshirishni ta’minlovchi monopoliyaga qarshi tartibga solishning kuchli tizimini barpo etish;
raqobatni va tadbirkorlikni rivojlantirish asosida bozor qayta o‘zgartirishlari chuqurlashishiga ko‘maklashish;
insofsiz raqobatchilar tomonidan tovar va moliya bozorlarini, birinchi navbatda, iste’mol tovarlari bozorini monopollashtirish yuzasidan har qanday urinishlarning oldini olish, ularni cheklash va ularga barham berish;
monopoliyaga qarshi davlat siyosati konsepsiyasini amalga oshirish, monopoliyadan chiqarish bo‘yicha respublika, tarmoq va mintaqaviy dasturlar ishlab chiqilishi va amalga oshirilishini muvofiqlashtirish;
monopoliyaga qarshi qonunchilik hujjatlariga rioya qilinishi, shuningdek, o‘z vakolati doirasida tabiiy monopoliyalar subyektlari faoliyati ustidan nazoratni amalga oshirish;
reklama va iste’molchilar huquqlarini muhofaza qilish to‘g‘risidagi qonunchilik hujjatlariga rioya qilinishi ustidan nazoratni amalga oshirish;
iste’mol tovarlari narxlari va xizmatlarga tariflar monitoringini o‘tkazish, iste’molchilar huquqlarini himoya qilish jamiyatlari bilan birgalikda narxlarning asossiz ravishda o‘sib ketishiga, bozorda sifatsiz iste’mol tovarlari sotilishi va xizmatlar ko‘rsatilishiga olib keluvchi insofsiz raqobatning oldini olish chora-tadbirlarini ko‘rish;
monopol xo‘jalik yurituvchi subyektlar faoliyatini davlat tomonidan samarali tartibga solish va nazorat qilishga, raqobat muhitini rivojlantirishga, iste’molchilar huquqlarini muhofaza qilish va reklama faoliyatiga yo‘naltirilgan normativ-metodologik bazani takomillashtirish.
6. O‘zbekiston Respublikasi Monopoliyadan chiqarish va raqobatni rivojlantirish qo‘mitasi quyidagi funksiyalarni amalga oshiradi:
monopoliyaga qarshi qonunchilikka, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilikka rioya etilishi ustidan nazoratni amalga oshiradi, ularning buzilishi hollarini ko‘rib chiqadi va ular bo‘yicha belgilangan tartibda qarorlar qabul qiladi;
O‘zbekiston Respublikasi vazirliklari va idoralari, davlat qo‘mitalari, joylardagi davlat hokimiyati organlari va davlat boshqaruvi organlari tomonidan monopoliyadan chiqarish tarmoq va mintaqaviy dasturlari ishlab chiqilishi hamda amalga oshirilishini muvofiqlashtiradi;
tovar bozorida ustunlik mavqeyini egallab turgan xo‘jalik yurituvchi subyektlar va tabiiy monopoliyalar subyektlarining Davlat reyestrlarini shakllantiradi va yuritadi;
boshqa vazirliklar, idoralar va davlat qo‘mitalari bilan birgalikda iste’molchilarning huquqlarini muhofaza qilishga va insofsiz raqobatning oldini olishga qaratilgan tadbirlar ishlab chiqilishi va amalga oshirilishini muvofiqlashtiradi;
O‘zbekiston Respublikasi Makroiqtisodiyot va statistika vazirligi bilan birgalikda mintaqalarda kelishilgan dasturlar bo‘yicha narxlarning sun’iy ravishda oshirilishi, bozordagi monopol mavqeyini suiiste’mol qilish va insofsiz raqobat hollarini aniqlash maqsadida iste’mol bozori konyunkturasini tekshiradi;
joylardagi davlat hokimiyati organlari va davlat boshqaruvi organlari, xo‘jalik yurituvchi subyektlar tomonidan monopoliyaga qarshi qonunchilikka, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilikka rioya qilinishini tekshiradi;
monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik buzilishi hollarining oldini oladi (barham beradi);
monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik buzilishi to‘xtatilishi to‘g‘risida qarorlar qabul qiladi va yozma ko‘rsatmalar yuboradi;
monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik buzilishining aniqlangan hollari bo‘yicha sudga yoki xo‘jalik sudiga da’volar beradi;
xo‘jalik yurituvchi subyektlarni va tabiiy monopoliyalar subyektlarini tashkil etishda, qayta tashkil etishda va tugatishda, shuningdek, xo‘jalik yurituvchi subyektlar ustav sarmoyasidagi aksiyalar (ulushlar)ni sotib olishda monopoliyaga qarshi qonunchilik, tabiiy monopoliyalar to‘g‘risidagi qonunchilik talablariga rioya etilishi ustidan nazoratni amalga oshiradi;
narx belgilash tartibiga rioya etilishi va tovarlar (ishlar, xizmatlar)ga narxlar (tariflar) qo‘llanilishi ustidan nazoratni amalga oshiradi;
tabiiy monopoliyalar subyektlari tomonidan iste’molchilarga sotiladigan tovarlar hajmlari bo‘yicha shartnomalarga rioya etilishi ustidan nazoratni amalga oshiradi;
monopoliyaga qarshi siyosat o‘tkazish, tabiiy monopoliyalar subyektlari faoliyati, iste’molchilar huquqlarini muhofaza qilish, reklama faoliyati sohasidagi munosabatlarni tartibga soluvchi qonunlar loyihalari va boshqa normativ-huquqiy hujjatlar loyihalari bo‘yicha belgilangan tartibda xulosalar beradi, shuningdek, ularni ishlab chiqishda qatnashadi;
ishlab chiqarish va tovarlar aylanishi sohasida, shu jumladan, markazlashtirilgan investitsiyalar va kreditlar hisobiga, turdosh tuzilmalarni tashkil etish va rivojlantirish to‘g‘risida;
ayrim xo‘jalik yurituvchi subyektlarning bozordagi ustunlik mavqeyini bartaraf etish maqsadida tovarlar ishlab chiqarishni kengaytirish tadbirlarini mablag‘ bilan ta’minlash to‘g‘risida;
xorijiy investitsiyalarni jalb qilish, xorijiy investitsiyalar jalb qilingan tashkilotlar tashkil etish to‘g‘risida tavsiyalar yuboradi;
ishda oshkoralikni ta’minlaydi, iqtisodiyotni monopoliyadan chiqarish, tabiiy monopoliyalarni tartibga solish, raqobatni rivojlantirish va iste’molchilar huquqlarini muhofaza qilish chora-tadbirlari qanday amalga oshirilayotganligidan O‘zbekiston Respublikasi aholisini ommaviy axborot vositalari, shu jumladan, ixtisoslashtirilgan davriy nashrlar orqali doimiy ravishda xabardor qilib boradi;
o‘z vakolatiga tegishli masalalar bo‘yicha yuridik va jismoniy shaxslarning murojaatlarini qonun hujjatlarida belgilangan tartibda ko‘rib chiqadi;
7. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi o‘ziga yuklangan vazifalarni bajarish maqsadida quyidagi huquqlarga egadir:
joylardagi davlat hokimiyati organlariga va davlat boshqaruvi organlariga, xo‘jalik yurituvchi subyektlarga, shu jumladan, xorijiy investitsiyalar jalb qilingan xo‘jalik yurituvchi subyektlarga monopoliyaga qarshi qonun buzilishi to‘xtatilishi, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik buzilishi to‘xtatilishi, buzilishlar to‘xtatilishi yoki ularning oqibatlari bartaraf etilishi to‘g‘risida bajarilishi majburiy bo‘lgan yozma ko‘rsatmalar berish;
joylardagi davlat hokimiyati organlariga va davlat boshqaruvi organlariga ular tomonidan qabul qilingan monopoliyaga qarshi qonunchilikka, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilikka zid bo‘lgan hujjatlar bekor qilinishi yoki o‘zgartirilishi to‘g‘risida qarorlar taqdim etish;
bozorda ustunlik mavqeyini egallab turgan va monopol faoliyatni amalga oshirayotgan xo‘jalik yurituvchi subyektlarni majburiy bo‘lish to‘g‘risida qaror qabul qilish;
Davlat qo‘mitasiga kelishish uchun taqdim etiladigan xo‘jalik yurituvchi subyektlarni tashkil etish, qayta tashkil etish va tugatish to‘g‘risidagi qarorlar loyihalari, shuningdek, tovar va moliya bozorlarida ustunlik mavqeyini egallab turgan davlat korxonalarini xususiylashtirish rejalari yuzasidan xulosalar berish;
o‘z vakolatiga muvofiq xo‘jalik yurituvchi subyektlarni va ularning rahbarlarini, shuningdek, mansabdor shaxslarni monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik buzilganligi, shuningdek, monopoliyaga qarshi organning yozma ko‘rsatmalari bajarilmaganligi uchun javobgarlikka tortish to‘g‘risida qaror qabul qilish;
berilgan vakolatlar doirasida ma’muriy huquqbuzarlik to‘g‘risidagi ishlarni belgilangan tartibda ko‘rib chiqish;
O‘zbekiston Respublikasi qonunlarida nazarda tutilgan hollarda va tartibda joylardagi davlat hokimiyati organlari va davlat boshqaruvi organlarining mansabdor shaxslariga, xo‘jalik yurituvchi subyektlarga va ularning mansabdor shaxslariga jarima solish to‘g‘risida qarorlar qabul qilish;
monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik buzilishi bo‘yicha sudga murojaat qilish va ularni ko‘rib chiqishda qatnashish;
monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik buzilishi bilan bog‘liq jinoyat belgilari bo‘yicha jinoiy ish qo‘zg‘ash to‘g‘risidagi masalani hal etish uchun materiallarni prokuratura organlariga yuborish;
monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik buzilishi natijasida olingan mablag‘lar (daromad, foyda)ni olib qo‘yish to‘g‘risida, va ushbu qonunni buzishlar natijasida olingan mablag‘ miqdorida jarimalar qo‘llash to‘g‘risida qaror qabul qilish;
shartnomaviy (erkin) narxlar (tariflar) iqtisodiy jihatdan asossiz shakllantirilishi va ularning oshirilishi, davlat mablag‘lari yoki hukumat kafolatlari ostidagi kreditlar hisobiga mablag‘ bilan ta’minlanayotgan qurilish sohasidagi bajarilgan ishlar hajmlariga qo‘shib yozilishi natijasida olingan mablag‘lar (daromad, foyda)ni olib qo‘yish to‘g‘risida qaror qabul qilish;
agar jarima solish to‘g‘risidagi qarorning qonunchilik hujjatlarida belgilangan muddatlarda bajarilishi xo‘jalik yurituvchi subyektlarni bankrotlikka olib borishi mumkin bo‘lsa, xo‘jalik yurituvchi subyektga jarimani bo‘lib-bo‘lib to‘lash imkoniyatini berish;
tovar bozorlarida ustunlik mavqeyini egallab turgan xo‘jalik yurituvchi subyektlarning va tabiiy monopoliyalar subyektlarining Davlat reyestri shakllantirilishi tartibini belgilash;
Qo‘mita vakolatiga tegishli bo‘lgan masalalar bo‘yicha normativ hujjatlar loyihalarini O‘zbekiston Respublikasi Hukumatining ko‘rib chiqishi uchun belgilangan tartibda kiritish;
monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik masalalari bo‘yicha normativ hujjatlar va metodik hujjatlarni o‘z vakolatlari doirasida belgilangan tartibda tasdiqlash;
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining vakolatiga tegishli bo‘lgan masalalar bo‘yicha davlat organlari va xorijiy davlatlarning hukumatga qarashli bo‘lmagan tashkilotlari, shuningdek, xalqaro tashkilotlar bilan belgilangan tartibda hamkorlik qilish;
monopoliyaga qarshi siyosat o‘tkazish, tabiiy monopoliyalar, iste’molchilar huquqlarini muhofaza qilish va reklama sohasida xalqaro loyihalar va dasturlarni ishlab chiqishda va ularni amalga oshirishda ishtirok etish;
monopoliyaga qarshi qonunchilik, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik qo‘llanilishi masalalari bo‘yicha tushuntirishlar berish;
ilmiy-tadqiqot va ta’lim muassasalari tashkil etish to‘g‘risidagi takliflarni qonunchilik hujjatlarida belgilangan tartibda kiritish;
Xo‘jalik yurituvchi subyektlar tomonidan g‘ayriqonuniy olingan mablag‘lar (daromad, foyda), shuningdek, jarimalar O‘zbekiston Respublikasi Moliya vazirligi tomonidan akseptsiz tartibda Moliya vazirligining “Narxlarni boshqarish jamg‘armasi” maxsus budjetdan tashqari hisob raqamiga undiriladi yoki qonunchilikda belgilangan hollarda qaror (yozma ko‘rsatma) qabul qilingan paytdan boshlab bir oy davomida tegishli budjetga o‘tkaziladi. Ko‘rsatib o‘tilgan mablag‘larni “Narxlarni boshqarish jamg‘armasi”ga hisobga o‘tkazish navbatliligi mablag‘larni boshqa maqsadli budjetdan tashqari jamg‘armalarga o‘tkazishga tenglashtiriladi.
8. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining o‘z vakolatlari doirasida qabul qilgan qarorlari va yozma ko‘rsatmalari vazirliklar, idoralar, davlat qo‘mitalari, joylardagi davlat hokimiyati organlari va davlat boshqaruvi organlari, mulkchilik shakllaridan qat’i nazar, xo‘jalik yurituvchi subyektlar va ularning birlashmalari, mansabdor shaxslar va fuqarolarning bajarishlari uchun majburiy hisoblanadi.
9. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining qaroriga muvofiq olib qo‘yilishi kerak bo‘lgan mablag‘ belgilangan o‘ttiz kunlik muddatda o‘tkazilmagan taqdirda xo‘jalik yurituvchi subyekt muddati kechiktirilgan har bir kun uchun olib qo‘yilishi kerak bo‘lgan mablag‘ning 0,15 foizi miqdorida penya to‘laydi. Agar kechiktirish bankning aybi bilan yuz bergan bo‘lsa (xo‘jalik yurituvchi subyektning to‘lov topshirig‘i tushgan kundan boshlab uch kundan ortiq) 0,15 foiz miqdoridagi penya bank tomonidan to‘lanadi.
10. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasiga yuklangan vazifalar va funksiyalarni bajarish maqsadida uning mansabdor shaxslari xo‘jalik yurituvchi subyektlar hududiga kirish, shuningdek, zarur hujjatlar va axborotdan foydalanish huquqiga ega bo‘ladilar.
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining mansabdor shaxslari joylardagi davlat hokimiyati organlari va davlat boshqaruvi organlarida mavjud bo‘lgan xo‘jalik yurituvchi subyektlar faoliyati to‘g‘risidagi axborot bilan to‘siqsiz tanishish huquqiga ega bo‘ladilar.
11. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi xodimlari o‘z xizmat vazifalarini bajarish chog‘ida davlat hokimiyati vakillari hisoblanadilar va davlatning himoyasi ostida bo‘ladilar. Ularning shaxsiy va mulkiy huquqlari huquqni muhofaza qilish organlari xodimlari bilan teng ravishda qonun bilan qo‘riqlanadi.
12. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasiga O‘zbekiston Respublikasi Prezidentining Farmoni bilan lavozimga tayinlanadigan va keyinchalik O‘zbekiston Respublikasi Oliy Majlisi tomonidan tasdiqlanadigan Rais boshchilik qiladi.
Qo‘mita raisi O‘zbekiston Respublikasi Vazirlar Mahkamasi tomonidan lavozimga tayinlanadigan va ozod qilinadigan Raisning ikki nafar o‘rinbosariga. shu jumladan, bir nafar birinchi o‘rinbosariga ega bo‘ladi.
13. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi raisi:
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi faoliyatiga yakkaboshchilik asosida rahbarlik qiladi hamda O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasiga yuklangan vazifalar va majburiyatlar bajarilishi uchun shaxsan javob beradi;
Rais o‘rinbosarlari lavozimlariga tayinlash uchun nomzodlarni O‘zbekiston Respublikasi Vazirlar Mahkamasiga taqdim etadi;
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi markaziy apparati tuzilmasi va shtat jadvalini xodimlarning belgilangan soni va mehnatga haq to‘lash fondi, ularga sarflanadigan xarajatlar smetasi doirasida tasdiqlaydi;
tasdiqlangan tuzilmaga xodimlarning belgilangan soni va mehnatga haq to‘lash fondi doirasida o‘zgartirishlar kiritish, xodimlarning belgilangan umumiy soni doirasida Qoraqalpog‘iston Respublikasi, viloyatlar va Toshkent shahar hududiy organlari mehnatga haq to‘lash fondi va xodimlari sonini belgilash huquqiga ega bo‘ladi;
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi markaziy apparati xodimlarini va uning huquqiy organlari rahbarlarini lavozimga tayinlaydi va lavozimdan ozod qiladi;
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi markaziy apparati tarkibiy bo‘linmalari to‘g‘risidagi nizomni va xodimlarning lavozim yo‘riqnomalarini, shuningdek, Qo‘mitaning hududiy organlari to‘g‘risidagi nizomni tasdiqlaydi;
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi va uning hududiy organlari xodimlari tomonidan bajarilishi majburiy bo‘lgan buyruqlar, farmoyishlar va yo‘riqnomalar chiqaradi, ko‘rsatmalar beradi;
hududiy organlarning O‘zbekiston Respublikasi qonunchilik hujjatlari buzilgan holda qabul qilingan qarorlari (yozma ko‘rsatmalari)ni bekor qiladi.
14. O‘zbekiston Respublikasi qonunchilik hujjatlarida belgilangan hollarda Rais yoki uning o‘rinbosarlari joylardagi davlat hokimiyati organlariga va davlat boshqaruvi organlariga, xo‘jalik yurituvchi subyektlarga va ularning mansabdor shaxslariga bajarish uchun yozma ko‘rsatmalar beradilar.
15. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasida Qo‘mita raisi (Hay’at raisi), lavozimiga ko‘ra uning tarkibiga kiruvchi Rais o‘rinbosarlari, shuningdek, markaziy apparatning yuqori malakali rahbar xodimlaridan iborat tarkibda hay’at tashkil etiladi. Hay’at 7 kishidan iborat bo‘ladi. Hay’atning shaxsiy tarkibi (uning tarkibiga lavozimiga ko‘ra kiradigan shaxslardan tashqari) Vazirlar Mahkamasi tomonidan tasdiqlanadi. Hay’at qarorlari O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi raisining buyruqlari bilan hayotga tatbiq etiladi.
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi va uning hududiy organlari ekspert kengashlari va boshqa maslahat organlari tashkil etishga haqlidirlar, ular to‘g‘risidagi nizomlar Davlat qo‘mitasi raisi yoki hududiy organ boshlig‘i tomonidan tasdiqlanadi.
16. Rais bilan hay’at a’zolari o‘rtasida kelishmovchiliklar paydo bo‘lgan hollarda Hay’at raisi o‘z qarorini hayotga tatbiq etadi, bu haqda O‘zbekiston Respublikasi Vazirlar Mahkamasiga xabar beradi, hay’at a’zolari ham o‘z navbatida, o‘z fikrini O‘zbekiston Respublikasi Vazirlar Mahkamasiga bildirishlari mumkin.
17. Quyidagilar O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining hududiy organlari hisoblanadi:
Qoraqalpog‘iston Respublikasida — Qoraqalpog‘iston Respublikasi Monopoliyadan chiqarish va raqobatni rivojlantirish qo‘mitasi;
viloyatlar va Toshkent shahrida — monopoliyadan chiqarish va raqobatni rivojlantirish hududiy boshqarmalari.
Monopoliyadan chiqarish va raqobatni rivojlantirish hududiy boshqarmalari shtatida yirik tumanlar va shaharlar bo‘yicha monopoliyaga qarshi qonunchilik hujjatlariga va iste’molchilar huquqlarini muhofaza qilish to‘g‘risidagi qonunchilik hujjatlariga rioya qilinishini nazorat qilish inspektorlari lavozimi joriy etiladi.
Hududiy organlar o‘z faoliyatida O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasiga bo‘ysunadi va unga hisobot beradi.
18. Monopoliyadan chiqarish va raqobatni rivojlantirish hududiy organlari boshliqlari Qoraqalpog‘iston Respublikasi Vazirlar Kengashi raisi, viloyatlar va Toshkent shahar hokimlari bilan kelishilgan holda O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi raisi tomonidan lavozimga tayinlanadi va lavozimdan ozod qilinadi.
Hududiy organlar boshliqlarining o‘rinbosarlari va bosh buxgaltyerlari O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi raisi tomonidan lavozimga tayinlanadi va lavozimdan ozod qilinadi.
Yirik tumanlar va shaharlarning monopoliyaga qarshi qonunchilik hujjatlariga, tabiiy monopoliyalar, iste’molchilar huquqlarini muhofaza qilish va reklama to‘g‘risidagi qonunchilik hujjatlariga rioya qilinishini nazorat qilish inspektorlari O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi raisi bilan kelishgan holda Qoraqalpog‘iston Respublikasi Monopoliyadan chiqarish va raqobatni rivojlantirish qo‘mitasi raisi, viloyatlar va Toshkent shahar monopoliyadan chiqarish va raqobatni rivojlantirish hududiy boshqarmalari boshliqlari tomonidan lavozimga tayinlanadi va lavozimdan ozod qilinadi.
19. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasida belgilangan tartibda Ijtimoiy rivojlantirish va Davlat qo‘mitasi tizimi xodimlarini moddiy rag‘batlantirish jamg‘armasi tashkil etiladi.
20. O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi yuridik shaxs hisoblanadi, O‘zbekiston Respublikasining Davlat gerbi tasvirlangan va o‘z nomi yozilgan muhrga, bank muassasalarida hisob-kitob raqamlariga va boshqa hisob raqamlariga ega bo‘ladi.
Markaziy apparat xodimlarining cheklangan soni — 50 kishi (xizmat ko‘rsatuvchi xodimlardan tashqari)