LexUZ sharhi
Mazkur farmon O‘zbekiston Respublikasi Prezidentining 2018-yil 1avgustdagi PF-5497-sonli “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining 2018-yil 17-apreldagi PF-5418-sonli “Qishloq va suv xo‘jaligi davlat boshqaruvi tizimini tubdan takomillashtirish chora-tadbirlari to‘g‘risida”gi Farmoni va O‘zbekiston Respublikasi Prezidentining 2018-yil 17-apreldagi PQ-3671-sonli “O‘zbekiston Respublikasi Qishloq xo‘jaligi vazirligi faoliyatini tashkil etish chora-tadbirlari to‘g‘risida” hamda 2018-yil 17-apreldagi PQ-3672-sonli “O‘zbekiston Respublikasi Suv xo‘jaligi vazirligi faoliyatini tashkil etish chora-tadbirlari to‘g‘risida”gi qarorlari)”gi Farmoniga asosan o‘z kuchini yo‘qotgan.
Qayd etib o‘tilsinki, so‘nggi yillarda respublikada qishloq xo‘jaligi tovar ishlab chiqaruvchilari manfaatlarini ishonchli ta’minlash uchun zarur iqtisodiy va huquqiy shart-sharoitlar yaratildi, tayyorlov, qayta ishlash korxonalari, moddiy-texnika resurslari yetkazib beruvchilar, moliya-bank muassasalari va qishloq xo‘jaligiga xizmat ko‘rsatuvchi boshqa tashkilotlarning mas’uliyati oshirildi. Tarmoqda tarkibiy o‘zgartirishlar amalga oshirildi va qishloqda mutlaqo yangi iqtisodiy munosabatlar joriy qilindi, fermer xo‘jaliklari qishloq xo‘jaligi mahsulotlari yetishtiruvchi asosiy subyektlar sifatida shakllandi.
Shu bilan birga, O‘zbekiston Respublikasi Qishloq va suv xo‘jaligi vazirligi tomonidan yetarli ish olib borilmaganligi oqibatida qishloq va suv xo‘jaligini boshqarish sohasida hal etilmagan bir qator muammolar saqlanib qolmoqda, bu esa tarmoqni rivojlantirishning barqaror sur’atlari va samaradorligini ta’minlashga salbiy ta’sir o‘tkazmoqda:
birinchidan, qishloq xo‘jaligini boshqarishning tarkib topgan tizimini agrar sohada amalga oshirilayotgan bozor munosabatlarini joriy etishga va qishloq xo‘jaligi ishlab chiqarishi samaradorligini oshirishga qaratilgan tarkibiy o‘zgartirishlarning hozirgi talablariga javob bermayapti;
ikkinchidan, zamonaviy resurslar va suvni tejovchi agrotexnologiyalar hamda ilg‘or tajribani joriy etishga, tarmoqni modernizatsiya qilish va texnik jihozlashga yetarlicha e’tibor berilmayapti, ta’lim, fan va qishloq xo‘jaligi ishlab chiqarishini integratsiyalash, agrar sektorda innovatsion ilmiy ishlanmalarni tatbiq etish darajasi pastligicha qolmoqda;
uchinchidan, suv xo‘jaligini boshqarish tizimida kamchiliklar mavjud, suv resurslaridan foydalanish samaradorligi va ratsionalligi tegishli darajada ta’minlanmayapti;
to‘rtinchidan, agrar sektorning infratuzilma tizimi yetarlicha rivojlanmagan, xizmat ko‘rsatuvchi tashkilotlar bilan fermer xo‘jaliklarining hamkorlik mexanizmi samaradorligi pastligi qishloq xo‘jaligi tovar ishlab chiqaruvchilarining huquq va qonuniy manfaatlari buzilishiga, ko‘rsatilayotgan xizmatlar sifati pasayishiga va ularning tariflari oshib ketishiga olib kelmoqda.
Qishloq xo‘jaligini kompleks modernizatsiya qilish va barqaror rivojlantirishni ta’minlash, qishloq xo‘jaligi ishlab chiqarishini boshqarishning zamonaviy talablarga mos tashkiliy tuzilmasini joriy etish hamda O‘zbekiston Respublikasi Qishloq va suv xo‘jaligi vazirligi faoliyatini tubdan takomillashtirish maqsadida:
1. Quyidagilar O‘zbekiston Respublikasi Qishloq va suv xo‘jaligi vazirligi faoliyatining asosiy vazifalari va yo‘nalishlari etib belgilansin:
tarmoqni kompleks modernizatsiya qilish, qishloq va suv xo‘jaligi tarmoqlarida fan va texnika yutuqlarini, zamonaviy resurslar va suvni tejovchi agrotexnologiyalarni, ilg‘or mahalliy va xorijiy tajribani joriy qilishga yo‘naltirilgan yagona agrotexnika va suv xo‘jaligi siyosatini amalga oshirish;
qishloq xo‘jaligini jadal hamda mutanosib ravishda rivojlantirishni, mamlakatning oziq-ovqat xavfsizligini ta’minlashga, qishloq aholisining bandligi va daromadlarini oshirishga, ichki bozorda oziq-ovqat mahsulotlari narxlarining barqaror darajasini saqlab qolishga yo‘naltirilgan kompleks maqsadli, tarmoq va hududiy dasturlarini ishlab chiqish;
qishloq xo‘jaligi tarmog‘iga xorijiy investitsiyalarni va texnik ko‘maklashish mablag‘lari (grantlar)ni jalb etish, loyihani boshqarish tamoyillariga muvofiq ulardan samarali foydalanilishini ta’minlash;
suv resurslarini boshqarish tamoyillari va tizimini takomillashtirish, ulardan tejab-tergab va oqilona foydalanishni ta’minlash, sug‘oriladigan yerlarning meliorativ holatini yaxshilash, suv xo‘jaligi obyektlari, gidrotexnika inshotlarini rekonstruksiyalash va modernizatsiya qilish;
qishloq xo‘jaligi tovar ishlab chiqaruvchilariga xizmat ko‘rsatuvchi infratuzilma obyektlarining faoliyatini bozor tamoyillari va mexanizmlari asosida tubdan takomillashtirish;
ta’lim, fan va qishloq xo‘jaligi ishlab chiqarishini tizimli asosda chambarchas integratsiyalash, qishloq va suv xo‘jaligi tarmoqlarining yuqori malakali soha mutaxassislariga bo‘lgan joriy va istiqboldagi ehtiyojlarini hisobga olgan holda kadrlar tayyorlash, qayta tayyorlash va ularning malakasini oshirishni ta’minlash.
O‘zbekiston Respublikasi Bosh vazirining o‘rinbosari — qishloq va suv xo‘jaligi vaziri Z.T. Mirzayev zimmasiga vazirlikka yuklatilgan vazifalar hamda faoliyat yo‘nalishlari sifatli hamda to‘liq hajmda amalga oshirilishi yuzasidan shaxsiy mas’uliyat yuklansin.
2. O‘zbekiston Respublikasi Qishloq va suv xo‘jaligi vazirligi, Moliya vazirligi, Investitsiyalar bo‘yicha davlat qo‘mitasining:
O‘zbekiston Respublikasi Qishloq va suv xo‘jaligi vazirligining markaziy apparati tarkibida tashkil etilgan qishloq xo‘jaligi tarmoqlari muammolarini hal etish bo‘yicha tegishli kengashlarni tugatish;
qarzga oid bitimlarda va O‘zbekiston Respublikasi Prezidentining tegishli qarorlarida nazarda tutilgan xodimlar sonini hisobga olgan holda Qishloq va suv xo‘jaligi vazirligining tegishli investitsiya loyihalarini amalga oshirish guruhlari negizida O‘zbekiston Respublikasi Qishloq va suv xo‘jaligi vazirligi huzurida Qishloq va suv xo‘jaligida investitsiya loyihalarini amalga oshirish markazini (keyingi o‘rinlarda — Markaz deb ataladi) tashkil etish;
Quyisirdaryo, Quyiamudaryo va Zarafshon irrigatsiya tizimlari havza boshqarmalarini qayta tashkil etish va ularning negizida Quyisirdaryo, Sirdaryo — Zarafshon, Quyiamudaryo, Amudaryochapqirg‘oq, Zarafshon va Quyizarafshon irrigatsiya tizimlari havza boshqarmalarini tashkil etish;
irrigatsiya tizimlari havza boshqarmalari huzurida tuman irrigatsiya bo‘limlarini tashkil etish, ularga irrigatsiya tizimlari boshqarmalarining tegishli shtat birliklari bilan birga tuman ahamiyatidagi irrigatsiya obyektlarining bir qismini berish;
O‘zbekiston Respublikasi Qishloq va suv xo‘jaligi vazirligining suv xo‘jaligi foydalanish tashkilotlari ishlab chiqarish xodimlarining 1324 shtat birligini, shu jumladan 756 shtat birligini amaldagi boshqaruv xodimlari sonini ko‘paytirish uchun, O‘zbekiston Respublikasi Qishloq va suv xo‘jaligi vazirligi, Qoraqalpog‘iston Respublikasi Qishloq va suv xo‘jaligi vazirligi, qishloq va suv xo‘jaligi viloyat boshqarmalari, qishloq va suv xo‘jaligi tuman bo‘limlari yordamchi xodimlarining 244 shtat birligi, shuningdek, 324 shtat birligini — irrigatsiya tizimlari havza boshqarmalari huzuridagi tuman irrigatsiya bo‘limlari boshqaruv apparatini shakllantirish uchun berish to‘g‘risidagi takliflari qabul qilinsin.
3. Quyidagilar Qishloq va suv xo‘jaligida investitsiya loyihalarini amalga oshirish markazining asosiy vazifalari va faoliyat yo‘nalishlari etib belgilansin:
xorijiy investitsiyalar, imtiyozli kreditlar va texnik ko‘maklashish mablag‘lari (grantlar)ni jalb qilishda ishtirok etish, loyihani boshqarish tamoyillariga muvofiq investitsiya loyihalarining o‘z vaqtida va samarali amalga oshirilishini ta’minlash;
tender (tanlov) savdolarining belgilangan tartibda o‘z vaqtida o‘tkazilishini, kontraktlar tuzilishini, ularning vakolatli organlarda ekspertizadan o‘tkazilishini ta’minlash;
O‘zbekiston Respublikasi qonunchiligi, tegishli xalqaro moliyaviy institutlar va xorijiy hukumat moliya tashkilotlarining xalqaro qoida va taomillariga muvofiq tuzilgan kontraktlar bo‘yicha asbob-uskunalar va materiallar yetkazib berilishi, ishlar bajarilishi va xizmatlar ko‘rsatilishi monitoringini amalga oshirish.
Qoraqalpog‘iston Respublikasi Vazirlar Kengashi Raisining qishloq va suv xo‘jaligi masalalari bo‘yicha o‘rinbosari bir vaqtning o‘zida Qoraqalpog‘iston Respublikasi qishloq va suv xo‘jaligi vaziri hisoblanadi, viloyatlar hokimlarining qishloq va suv xo‘jaligi masalalari bo‘yicha o‘rinbosarlari bir vaqtning o‘zida viloyat qishloq va suv xo‘jaligi boshqarmalari boshliqlari hisoblanadi, tumanlar (Quvasoy shahri) qishloq va suv xo‘jaligi bo‘limlari boshliqlari lavozimi bo‘yicha tumanlar (Quvasoy shahri) hokimlarining o‘rinbosarlari hisoblanadi;
Quyiamudaryo irrigatsiya tizimlari havza boshqarmasi boshlig‘i lavozimi bo‘yicha Qoraqalpog‘iston Respublikasi qishloq va suv xo‘jaligi vazirining o‘rinbosari hisoblanadi;
irrigatsiya tizimlari havza boshqarmalari boshliqlari lavozimi bo‘yicha viloyat qishloq va suv xo‘jaligi boshqarmalari boshliqlarining o‘rinbosarlari hisoblanadi;
irrigatsiya tizimlari havza boshqarmalari huzuridagi tuman irrigatsiya bo‘limlari boshliqlari lavozimi bo‘yicha tuman qishloq va suv xo‘jaligi bo‘limlari boshliqlarining o‘rinbosarlari hisoblanadi.
5. O‘zbekiston Respublikasi Qishloq va suv xo‘jaligi vazirligining Ijtimoiy rivojlantirish va rag‘batlantirish jamg‘armasi O‘zbekiston Respublikasi Qishloq va suv xo‘jaligi vazirligining moddiy-texnika bazasini rivojlantirish, innovatsiya texnologiyalarini joriy qilish va xodimlarni rag‘batlantirish jamg‘armasi etib (keyingi o‘rinlarda — Jamg‘arma deb ataladi) qayta tashkil etilsin.
qishloq va suv xo‘jaligi sohasida fan, texnika yutuqlari va ilmiy asoslangan resurslarni tejovchi texnologiyalarni targ‘ib qilish va joriy etish bo‘yicha ko‘rsatilgan xizmatlar uchun fermer xo‘jaliklari va boshqa qishloq xo‘jaligi tashkilotlarining tuzilgan shartnomalar asosidagi ixtiyoriy ajratmalari;
xalqaro grantlar, texnik ko‘maklashish mablag‘lari, shuningdek qonunchilikda taqiqlanmagan boshqa manbalar.
6. Budjet mablag‘lari va Jamg‘arma mablag‘lari O‘zbekiston Respublikasi Qishloq va suv xo‘jaligi vazirligi, Qoraqalpog‘iston Respublikasi Qishloq va suv xo‘jaligi vazirligi, viloyat qishloq va suv xo‘jaligi boshqarmalari, tuman qishloq va suv xo‘jaligi bo‘limlari faoliyatini moliyalashtirish manbalari hisoblanadi.
7. Qishloq xo‘jaligi tovar ishlab chiqaruvchilariga xizmat ko‘rsatuvchi infratuzilma obyektlari faoliyatini takomillashtirish yuzasidan takliflar ishlab chiqish bo‘yicha ilovaga* muvofiq tarkibda Komissiya (keyingi o‘rinlarda — Komissiya deb ataladi) tashkil etilsin.
ikki oy muddatda qishloq xo‘jaligi tovar ishlab chiqaruvchilariga xizmat ko‘rsatuvchi mavjud infratuzilma obyektlari, shuningdek qishloq xo‘jaligi tovar ishlab chiqaruvchilari bilan tayyorlov, ta’minot va xizmat ko‘rsatuvchi tashkilotlar o‘rtasidagi o‘zaro munosabatlarni tartibga soluvchi me’yoriy-huquqiy bazaning xatlovdan o‘tkazilishini tashkil qilsin;
2018-yil 1-yanvargacha qishloq xo‘jaligi tovar ishlab chiqaruvchilariga xizmat ko‘rsatuvchi infratuzilma obyektlari faoliyatini takomillashtirish va rivojlantirish hamda ularning dislokatsiyasini nazarda tutuvchi tegishli me’yoriy-huquqiy hujjat loyihasini tayyorlasin va kiritsin.
8. O‘zbekiston Respublikasi Vazirlar Mahkamasi bir hafta muddatda O‘zbekiston Respublikasi Qishloq va suv xo‘jaligi vazirligi faoliyatini yanada takomillashtirish to‘g‘risidagi O‘zbekiston Respublikasi Prezidentining qarori loyihasini belgilangan tartibda kiritsin.
9. O‘zbekiston Respublikasi Prezidentining “Qishloq xo‘jaligida islohotlarni chuqurlashtirishning eng muhim yo‘nalishlari to‘g‘risida” 2003-yil 24-martdagi PF-3226-son Farmonining 6- va 7-bandlari o‘z kuchini yo‘qotgan deb hisoblansin.
10. O‘zbekiston Respublikasi Qishloq va suv xo‘jaligi vazirligi Adliya vazirligi, boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
11. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidentining Davlat maslahatchisi V.A. Golishev zimmasiga yuklansin.