LexUZ sharhi
Mazkur qaror O‘zbekiston Respublikasi Vazirlar Mahkamasining 2003-yil 12-sentabrdagi 395-sonli “Kapital qurilishda xo‘jalik munosabatlari mexanizmini takomillashtirish chora-tadbirlari to‘g‘risida”gi qarori bilan o‘z kuchini yo‘qotgan.
Vazirlar Mahkamasining 1999-yilning I yarim yilligida respublikani ijtimoiy-iqtisodiy rivojlantirishning yakunlari, iqtisodiy islohotlarning borishini hamda iqtisodiyotni rivojlantirish ustuvor yo‘nalishlarining amalga oshirilishini baholash yuzasidan qaroriga muvofiq, shuningdek O‘zbekiston Respublikasi investitsiya dasturlarini shakllantirish va amalga oshirish samaradorligini yanada oshirish maqsadida Vazirlar Mahkamasi qaror qiladi:
O‘zbekiston Respublikasi investitsiya dasturida nazarda tutilgan kapital qurilishni mablag‘ bilan ta’minlash va kreditlash tartibi 2-ilovaga muvofiq tasdiqlansin.
Oldingi tahrirga qarang.
2. Vazirlar Mahkamasining Tashqi iqtisodiy aloqalar va xorijiy investitsiyalar departamenti, O‘zbekiston Respublikasi Iqtisodiyot vazirligi, Moliya vazirligi, Markaziy banki, vazirliklar, idoralar, uyushmalar, korporatsiyalar va kompaniyalar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari investitsiya loyihalarini shakllantirish va amalga oshirishda mazkur qaror bilan tasdiqlangan me’yoriy-huquqiy hujjatlarga qat’iy ravishda amal qilsinlar.
(2-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
3. Vazirlar Mahkamasining “Investitsiya faoliyatini ta’minlash bo‘yicha normativ-huquqiy hujjatlarni tasdiqlash to‘g‘risida” 1998-yil 15-maydagi 215-son qarori o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi Bosh vaziri O‘.T. Sultonov zimmasiga yuklansin.
1. Mazkur Tartib O‘zbekiston Respublikasi investitsiya dasturini shakllantirish qoidalari va tartibotini tartibga soladi.
O‘zbekiston Respublikasi investitsiya dasturi (keyingi o‘rinlarda — Dastur deb ataladi) respublikani ijtimoiy-iqtisodiy rivojlantirish prognozlarining tarkibiy qismi hisoblanadi va davlat investitsiya siyosatining ustuvor yo‘nalishlarini aks ettiradi.
2. O‘zbekiston iqtisodiyotini barqaror va tadrijiy rivojlantirishga va iqtisodiyotga zarur tarkibiy o‘zgartirishlarni, tabiiy, mineral-xomashyo, moliyaviy, moddiy va mehnat resurslaridan oqilona foydalanishni ta’minlovchi investitsiyalar qo‘yish asosida uning jahon iqtisodiy tizimiga keng integratsiyalashuviga erishish Dasturning asosiy maqsadi hisoblanadi.
ustuvor investitsiya takliflarining yig‘ma ro‘yxati (keyingi o‘rinlarda — Yig‘ma ro‘yxat deb ataladi);
tabiiy, mineral-xomashyo, moliyaviy, moddiy va mehnat resurslaridan foydalanishning samaradorligini oshirishni;
mablag‘ bilan ta’minlashning tasdiqlangan manbalari bilan obyektlarni ishga tushirish va kreditlarni uzishni, shuningdek, qurilish industriyasi va qurilish materiallari sanoati quvvatlarini muvozanatlashni;
mablag‘ bilan ta’minlashning tasdiqlangan manbalari bilan obyektlarni ishga tushirish va kreditlarni uzishni, shuningdek, qurilish industriyasi va qurilish materiallari sanoati quvvatlarini muvozanatlashni;
Oldingi tahrirga qarang.
5. Dasturni ishlab chiqish va ro‘yobga chiqarishga oid barcha ishlarni Vazirlar Mahkamasining Tashqi iqtisodiy aloqalar va xorijiy investitsiyalar departamenti muvofiqlashtiradi.
(5-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Oldingi tahrirga qarang.
6. Dasturni shakllantirish davlat maqsadli dasturlari, iqtisodiyotning ustuvor yo‘nalishlarini va alohida mintaqalarni rivojlantirish bo‘yicha direktiv qarorlar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar, uyushmalar, korporatsiyalar, kompaniyalar, mulkchilikning barcha shakllaridagi korxonalar va tashkilotlar, shu jumladan, xorijiy investitsiyalar ishtirokidagi korxonalarning takliflari asosida O‘zbekiston Respublikasi Iqtisodiyot vazirligi tomonidan Moliya vazirligi va Markaziy bank bilan birgalikda amalga oshiriladi va oldingi yil dekabr oyining birinchi o‘n kunligidan kechikmay Vazirlar Mahkamasiga kiritiladi.
(6-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Oldingi tahrirga qarang.
7. Dasturni ishlab chiqish uchun O‘zbekiston Respublikasi Iqtisodiyot vazirligi har yili investitsiya takliflarini tayyorlashga oid metodik ko‘rsatmalarni va ularni taqdim etish muddatlarini manfaatdor vazirliklar hamda idoralarga, uyushmalar, korporatsiyalar va kompaniyalarga, Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga, korxonalar va tashkilotlarga yetkazadi.
(7-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
8. Ishlab chiqilgan Dastur Vazirlar Mahkamasining Ish tartibiga muvofiq Vazirlar Mahkamasi tomonidan tasdiqlanadi.
Oldingi tahrirga qarang.
9. Kapital qo‘yilmalar prognozi O‘zbekiston Respublikasi Iqtisodiyot vazirligi tomonidan Moliya vazirligi, Markaziy bank, vazirliklar va idoralar bilan birgalikda joriy yil va prognozlashtirilayotgan yillar uchun ishlab chiqarish va noishlab chiqarish qurilishlari bo‘yicha ishlab chiqiladi.
(9-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
tashqi qarzlar limitlaridan kelib chiqib hukumat kafolati ostida beriladigan chet el investitsiyalari va kreditlari;
korxonalar mablag‘lari, shu jumladan, qo‘shma korxonalar, xorijiy korxonalar va xususiy korxonalarning mablag‘lari, shuningdek, O‘zbekiston Respublikasining norezidentlari mablag‘lari;
Davlat budjeti va davlat budjetdan tashqari fondlar mablag‘lari — belgilangan tartibda O‘zbekiston Respublikasi Davlat budjetini shakllantirish chog‘ida va yig‘ma budjet tarkibida tasdiqlanadi;
Hukumat kafolati ostida jalb qilinadigan xorijiy investitsiyalar va kreditlar — alohida ustuvor investitsiya loyihalarini amalga oshirish bo‘yicha Vazirlar Mahkamasi qarorlariga muvofiq.
respublika iqtisodiyotini rivojlantirishning ustuvor yo‘nalishlari bo‘yicha investitsiya loyihalarini, davlat maqsadli dasturlarini va davlatlararo bitimlarni amalga oshirishga;
yangi yerlarni o‘zlashtirish va sug‘oriladigan yerlarni tiklashga, suv xo‘jaligi qurilishi va kichik gidroenergetikani rivojlantirishga;
aholi yashaydigan joylarning, birinchi navbatda, yakka tartibda qurilgan uy-joy mavzelarining muhandislik infratuzilmasini rivojlantirishga;
maorif, sog‘liqni saqlash, madaniyat va ijtimoiy infratuzilmaning boshqa tarmoqlari obyektlari qurilishiga;
davlat boshqaruvi organlari, huquqni muhofaza qilish organlari, davlat ilmiy muassasalarining moddiy-texnika bazasini rivojlantirish va mustahkamlashga;
umumdavlat tabiatni muhofaza qilish tadbirlarini amalga oshirishga va tabiiy ofatlardan himoya qilish inshootlari qurilishiga.
Oldingi tahrirga qarang.
13. Ustuvor investitsiya takliflarining yig‘ma ro‘yxati Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar, uyushmalar, korporatsiyalar, kompaniyalar, mulkchilik shakllaridan qat’i nazar, korxonalar va tashkilotlarning takliflaridan kelib chiqib, O‘zbekiston Respublikasi Iqtisodiyot vazirligi tomonidan Moliya vazirligi, Tashqi iqtisodiy aloqalar agentligi va Xorijiy sarmoyalar bo‘yicha agentlik bilan birgalikda tuziladi.
(13-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
14. Quyidagilar (ekologiya normalari va talablariga muvofiq kelishi ular uchun majburiy shartdir) investitsiya takliflarini Dasturga kiritish uchun tanlab olishning asosiy mezoni hisoblanadi:
mahalliy xomashyo va mineral resurslarni chuqur qayta ishlash ko‘lamini kengaytirish, ularni raqobatbardosh tayyor mahsulot darajasigacha yetkazish;
eksport salohiyatini rivojlantirishga mo‘ljallangan rentabelli, yuqori texnologiyali va resurslarni tejovchi ishlab chiqarishlarni tashkil etish;
kommunikatsiyalar, sug‘orish, ishlab chiqarish infratuzilmasining zamonaviy tizimlarini rivojlantirish;
qishloq joylarda va ishchi kuchi ortiqcha bo‘lgan mintaqalarda joylashtiriladigan kichik va o‘rta biznes;
respublikaning eksport salohiyatini rivojlantirishni ta’minlaydigan takliflar ustuvor huquqqa ega bo‘ladi.
15. Yig‘ma ro‘yxat mamlakatimiz investorlarini va xorijiy investorlarni jalb qilish uchun aniq ustuvor yo‘nalishlarning qisqacha bayoni hisoblanadi, u ommaviy axborot vositalarida e’lon qilinadi va tegishli kanallar, xalqaro axborotnomalar, moliya institutlari, INTERNET tarmog‘i orqali potensial investorlarga yetkaziladi.
keyinchalik Investitsiya loyihalarining aniq dasturiga kiritish uchun ular investitsiya loyihasi jarayoniga kelgunga qadar shakllantirishning barcha bosqichlarida ular ustidan doimiy monitoring amalga oshirilishi va injiniring jihatidan kompleks kuzatib borilishi kerak;
Hukumat kafolati ostidagi xorijiy kredit liniyalaridan foydalanishning ustuvor huquqiga ega bo‘ladi.
16. Yig‘ma ro‘yxatga kiritilgan investitsiya taklifining tashabbuskori uni amalga oshirishda qatnashishdan manfaatdor bo‘lgan xorijiy sheriklar (potensial investorlar) bilan oldindan erishilgan kelishuv yakunlari bo‘yicha “O‘zinvestloyiha” kompaniyasi yoki boshqa injiniring tashkiloti bilan birgalikda yoki mustaqil ravishda loyihaning texnik-iqtisodiy asoslanishini ishlab chiqadi, loyiha ekspertiza qilinadi, belgilangan tartibda tasdiqlanadi.
17. Hukumat kafolati ostida beriladigan xorijiy investitsiyalar va kreditlar hisobiga mo‘ljallanayotgan investitsiya takliflarini amalga oshirish uchun potensial investorlarni (bosh pudratchilarni) jalb qilish, qoidaga ko‘ra, tender asosida amalga oshiriladi.
18. Investitsiya loyihalarining aniq dasturi (keyingi o‘rinlarda — Aniq dastur deb ataladi) har yili ishlab chiqiladi va mablag‘ bilan ta’minlashning asosiy manbalari bo‘yicha buyurtmachilar va xorijiy sheriklar ko‘rsatilgan holda ustuvor investitsiya loyihalari, eng avvalo, kelgusi yilga o‘tuvchi investitsiya loyihalari ro‘yxatini, joriy yil uchun kapital qo‘yilmalarni o‘zlashtirish prognozini ifodalaydi.
19. Investitsiya loyihalarining aniq dasturi Dastur tarkibida tasdiqlanadi va unga yil davomida qo‘shimcha investitsiya loyihalari kiritilishiga yo‘l qo‘yilmaydi, xorijiy investitsiyalar ishtirokidagi loyihalar bundan mustasno.
mablag‘ bilan ta’minlash manbalarining va kreditlar shartnomada belgilangan muddatlarda uzilishining isbotlanganligi.
Oldingi tahrirga qarang.
21. Tasdiqlangan Aniq dasturga muvofiq buyurtmachilar tomonidan O‘zbekiston Respublikasi Iqtisodiyot vazirligi bilan kelishilgan holda qurilishlarning aniq ro‘yxati tasdiqlanadi.
(21-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
22. Investitsiya dasturiga kiritilgan investitsiya loyihalarini davlat tomonidan qo‘llab-quvvatlash chora-tadbirlari mablag‘ bilan ta’minlashda ko‘maklashish, soliq imtiyozlari va boshqa imtiyozlar berish, davlat monitoringini tashkil etish yo‘li bilan amalga oshiriladi.
23. Mablag‘ bilan ta’minlashda ko‘maklashish ustuvor investitsiya loyihalarini amalga oshirish, shu jumladan, xorijiy kreditlar bo‘yicha majburiy avans to‘lovlari va boshqa to‘lovlarni to‘lash uchun qaytarish yoki qaytarmaslik asosida budjet mablag‘lari ajratish, shuningdek, xorijiy kreditlar uchun Hukumat kafolatlari berish yo‘li bilan amalga oshiriladi.
Oldingi tahrirga qarang.
Amalga oshirilishi uchun markazlashtirilgan kapital qo‘yilmalar hisobiga davlat tomonidan qo‘llab-quvvatlash zarur bo‘lgan ustuvor investitsiya loyihalari Vazirlar Mahkamasining Tashqi iqtisodiy aloqalar va xorijiy investitsiyalar departamentining O‘zbekiston Respublikasi Iqtisodiyot vazirligi, Moliya vazirligi, boshqa vazirliklar va idoralar bilan birgalikda tayyorlagan takliflari asosida O‘zbekiston Respublikasi Hukumati tomonidan belgilanadi.
(23-bandning ikkinchi xatboshi O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Oldingi tahrirga qarang.
Ko‘rib chiqilayotgan yil uchun markazlashtirilgan moliyaviy resurslarning prognoz limitlari O‘zbekiston Respublikasi Iqtisodiyot vazirligi, Moliya vazirligi tomonidan oldingi yilning sentyabr oyidan kechikmay e’lon qilinadi.
(23-bandning uchinchi xatboshi O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
24. Soliq imtiyozlariga va boshqa imtiyozlarga soliqlardan vaqtincha ozod qilish, imtiyozli soliq solish va jadallashtirilgan amortizatsiya tartibini belgilash, bojxona imtiyozlari berish va boshqalar kiradi. Har bir loyiha yoki umuman dastur bo‘yicha imtiyozlar ro‘yxati amaldagi qonun hujjatlariga muvofiq belgilanadi.
25. Davlat monitoringi Dasturga kiritilgan investitsiya loyihalarining amalga oshirilishi ustidan davlat nazoratining asosiy mexanizmi hisoblanadi.
26. Quyidagilar Dasturga kiritilgan investitsiya loyihalari ustidan Davlat monitoringini amalga oshirishning asosiy vazifalari hisoblanadi:
investitsiya loyihalarining va, birinchi navbatda, markazlashtirilgan investitsiyalar hisobiga ro‘yobga chiqarilayotgan investitsiya loyihalarining o‘z vaqtida va samarali amalga oshirilishi, shu jumladan, loyihalarning belgilangan tartibda tasdiqlangan texnik-iqtisodiy asoslashlarining asosiy ko‘rsatkichlariga rioya qilinishiga oid qismi ustidan nazoratni ta’minlash;
davlat hokimiyati va boshqaruvi organlari, investitsiya jarayoni boshqa qatnashchilarining faoliyatini muvofiqlashtirish, Dasturda nazarda tutilgan investitsiya loyihalarini amalga oshirish bilan bog‘liq masalalarning o‘z vaqtida hal qilinishi uchun ularning javobgarligini oshirish;
investitsiya loyihalarini tasdiqlangan hajmlar va muddatlarga qat’iy muvofiq mablag‘ bilan uzluksiz ta’minlash;
loyihalarni amalga oshirishda paydo bo‘ladigan muammoli masalalarni kuzatib borish va ularning tezkorlik bilan bartaraf etilishini ta’minlash;
Oldingi tahrirga qarang.
27. Davlat monitoringi investitsiya loyihalari Dasturga kiritilgan manfaatdor vazirliklar va idoralar, uyushmalar, korporatsiyalar, kompaniyalar, korxonalar va tashkilotlar, mahalliy hokimiyat va boshqaruv organlari tomonidan taqdim etiladigan axborotlar asosida Vazirlar Mahkamasining Tashqi iqtisodiy aloqalar va xorijiy investitsiyalar departamenti tomonidan tashkil etiladi.
(27-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
28. Axborot taqdim etish, shuningdek, Davlat monitoringini amalga oshirish tartibi va muddatlari Vazirlar Mahkamasi tomonidan belgilanadi.
29. Investitsiya dasturiga kiritilgan investitsiya loyihalarini amalga oshirish uchun javobgarlik loyihalarning buyurtmachilari zimmasiga yuklanadi.
1. Mazkur Tartib “Investitsiya faoliyati to‘g‘risida”gi O‘zbekiston Respublikasi Qonuniga muvofiq ishlab chiqilgan hamda O‘zbekiston Respublikasi investitsiya dasturida nazarda tutilgan kapital qurilishni mablag‘ bilan ta’minlash va kreditlash jarayonini tartibga soladi.
2. Tasdiqlangan davlat investitsiya dasturiga muvofiq mablag‘ bilan ta’minlanadigan va kreditlanadigan obyektlarning aniq ro‘yxati (bundan keyin qurilishlarning aniq ro‘yxati deb ataladi) shakllantiriladi.
Oldingi tahrirga qarang.
3. Investitsiya dasturida nazarda tutilgan kapital qo‘yilmalar doirasida investitsiya loyihalarini mablag‘ bilan ta’minlash va kreditlash buyurtmachilar (investorlar, investorlar tomonidan investitsiya loyihalarini amalga oshirish vakolati berilgan boshqa jismoniy va yuridik shaxslar — keyingi o‘rinlarda “buyurtmachi” deb ataladi) tomonidan tasdiqlangan va O‘zbekiston Respublikasi Iqtisodiyot vazirligi belgilagan tartibda kelishilgan qurilishlarning aniq ro‘yxatiga muvofiq amalga oshiriladi.
(3-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
4. Investitsiya dasturida nazarda tutilgan markazlashtirilgan kapital qo‘yilmalar limitlari doirasida qurilishlarning aniq ro‘yxatini shakllantirish buyurtmachi tomonidan amalga oshiriladi.
Oldingi tahrirga qarang.
5. Buyurtmachi investitsiya dasturi tasdiqlangandan keyin bir hafta muddatda O‘zbekiston Respublikasi Iqtisodiyot vazirligiga qurilishlarning aniq ro‘yxatlarini kelishish uchun taqdim etadi.
(5-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
6. Qurilishlarning aniq ro‘yxatlariga birinchi navbatda keyingi yilga o‘tuvchi obyektlar, shu jumladan bajarilgan ishlar uchun isbotlangan kreditorlik qarzlar mavjud bo‘lgan obyektlar kiritiladi.
7. Aniq ro‘yxatlarga yangidan boshlanadigan obyektlarni kiritishga, agar keyingi yilga o‘tuvchi qurilishlar va obyektlar, shu jumladan shunga o‘xshash quvvatlar yaratiladigan qurilishlar va obyektlar, kapital qo‘yilmalarning zarur hajmlari bilan ta’minlangan taqdirdagina yo‘l qo‘yiladi.
Oldingi tahrirga qarang.
8. O‘zbekiston Respublikasi Iqtisodiyot vazirligi Moliya vazirligi ishtirokida buyurtmachilar tomonidan taqdim etilgan yangidan boshlanadigan qurilishlar bo‘yicha aniq ro‘yxatlarni ularga rozilik berish yuzasidan qaror qabul qilish uchun ko‘rib chiqadi.
(8-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Oldingi tahrirga qarang.
9. Keyingi yilga o‘tuvchi obyektlar bo‘yicha qurilishning borishini va obyektlarning tayyorlik darajasini hisobga olgan holda Iqtisodiyot vazirligi tomonidan Moliya vazirligi bilan kelishgan holda kapital qo‘yilmalar hajmlariga aniqliklar kiritilishi mumkin.
(9-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
10. Belgilangan tartibda tasdiqlangan texnik-iqtisodiy asoslash, loyiha-smeta hujjatlari va mablag‘ bilan ta’minlash manbalari bilan ta’minlanmagan qurilishlarning aniq ro‘yxatlarini tasdiqlashga yo‘l qo‘yilmaydi.
11. Qurilish materiallari va konstruksiyalar, butlovchi buyumlar, foydalanish davrida xomashyo va materiallar hamda bajarilgan pudrat ishlari uchun erkin muomaladagi valyuta xarajatlari bilan amalga oshiriladigan qurilishlarning aniq ro‘yxatlari Pul-kredit siyosati bo‘yicha respublika komissiyasi bilan kelishib olinishi kerak.
12. Yangidan boshlanadigan qurilishlar uchun ishlarni bajaruvchilarni va moddiy-texnika resurslari yetkazib beruvchilarni tanlash buyurtmachilar tomonidan, qoidaga ko‘ra, tender asosida amalga oshiriladi.
13. Markazlashtirilgan kapital qo‘yilmalar ajratiladigan buyurtmachi ulardan maqsadli va samarali foydalanilishi uchun javob beradi.
Oldingi tahrirga qarang.
14. O‘zbekiston Respublikasi Moliya vazirligi tomonidan budjet mablag‘lari ajratish buyurtmachi tomonidan tasdiqlangan ish hajmlarini bajarish, asbob-uskunalar, butlovchi materiallar, buyumlar va konstruksiyalar yetkazib berish hamda mablag‘ bilan ta’minlash jadvaliga muvofiq Iqtisodiyot vazirligi bilan kelishilgan qurilishlarning aniq ro‘yxatlariga binoan amalga oshiriladi.
(14-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
qurilishlarning aniq ro‘yxatlariga kiritilgan obyektlarda bajariladigan ishlar bo‘yicha joriy yilning hisobot oyidagi kreditorlik qarzlarni to‘lash;
hisobot oyi kapital qo‘yilmalari hajmlarini o‘zlashtirish asosida aniqlangan joriy oyda kapital qo‘yilmalarni kutilayotgan o‘zlashtirishning 40 foizigacha miqdorda avans to‘lash.
Bunda avans miqdori xarid qilinadigan asbob-uskunalar, buyurtmachi tomonidan materiallar yetkazib berish, pudrat tashkilotlarga avans to‘lash, shuningdek har bir aniq holatda Hukumatning qaroriga ko‘ra respublika obyektlari qurilishini jadallashtirish maqsadida respublika tashqarisidan mahsulotlar sotib olish uchun konvertatsiya qilish mablag‘lari miqdorini hisobga olgan holda aniqlashtirilishi mumkin (tegishli hisob-kitoblar bilan isbotlangan taqdirda).
15. Belgilangan tartibda tasdiqlangan texnik-iqtisodiy asoslash, loyiha-smeta hujjatlari, boshqa zarur hujjatlar va mablag‘ bilan ta’minlash manbalari bilan ta’minlanmagan qurilishlarning aniq ro‘yxatlari bo‘yicha mablag‘ bilan ta’minlash boshlanishiga yo‘l qo‘yilmaydi.
16. Kapital qo‘yilmalarni mablag‘ bilan ta’minlash uchun buyurtmachilar har oyda Moliya vazirligiga to‘lovlar sxemasi bilan birgalikda mablag‘ bilan ta’minlash hisob-kitobini hamda markazlashtirilgan kapital qo‘yilmalarni mablag‘ bilan ta’minlashga yo‘naltiriladigan ajratilgan budjet mablag‘laridan foydalanilishi to‘g‘risida hisobotning belgilangan shakli bo‘yicha axborot ham taqdim etadilar.
17. Kapital qo‘yilmalarni mablag‘ bilan ta’minlash davlat budjeti xarajatlari iqtisodiy tasnifnomasiga muvofiq xarajat jadvali bilan rasmiylashtiriladi.
Xarajat jadvali asosida buyurtmachilar mablag‘ bilan ta’minlovchi banklarga moliya organlari tomonidan budjet mablag‘lari bilan qoplangan mablag‘ bilan ta’minlash limitlarini yetkazadilar.
18. Davlat budjeti hisobidan mablag‘ bilan ta’minlashni rasmiylashtirish uchun buyurtmachilar mablag‘ bilan ta’minlovchi banklarga:
loyihaning belgilangan tartibda tasdiqlangan texnik-iqtisodiy asoslanishini (loyiha-smeta hujjatlarini);
Oldingi tahrirga qarang.
Iqtisodiyot vazirligi bilan kelishilgan yangidan boshlanayotgan qurilishlarning yillar bo‘yicha bo‘lingan aniq ro‘yxatlarini, keyingi yilga o‘tuvchi qurilishlarning aniqlashtirilgan aniq ro‘yxatlarini;
(18-bandning uchinchi xatboshi O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
qurilishning barcha davri uchun bajarilgan ishlar uchun hisob-kitob shakllari ko‘rsatilgan pudrat shartnomalari (kontraktlar)ni;
loyiha hujjatlari bo‘yicha “Davarxitektqurilish” qo‘mitasining davlat idoradan tashqari ekspertizasi va davlat ekologiya ekspertizasining xulosalarini taqdim etadilar.
Bajaruvchilari tender asosida aniqlanadigan obyektlar bo‘yicha loyihaning belgilangan tartibda tasdiqlangan texnik-iqtisodiy asoslanishi, aniq ro‘yxat va pudrat shartnomasi (kontrakt) taqdim etiladi.
19. Buyurtmachilar davlat budjeti mablag‘lari hisobiga mablag‘ bilan ta’minlash limitlarini quruvchi korxonalarga yetkazadilar hamda ularga har oyda bir yilga tasdiqlangan limitlar doirasida amalda bajarilgan ishlar hajmi uchun ajratilgan mablag‘larni o‘tkazadilar.
20. Smetalarda nazarda tutilgan asbob-uskunalarni sotib olishga kontraktlar (shartnomalar) bo‘yicha, shuningdek buyurtmachi tomonidan materiallar yetkazib berish yuzasidan import operatsiyalarga haq to‘lash ular belgilangan tartibda ro‘yxatdan o‘tkazilgandan keyin amalga oshiriladi.
21. Budjet mablag‘larini o‘tkazish yuzasidan buyurtmachilarning topshirig‘ini bajarishda bank shifrlar va summalar bo‘yicha ko‘rsatkichlarning xarajat jadvaliga muvofiqligini tekshiradi, loyiha-smeta va qurilish-montaj ishlariga, asosiy fondlarni sotib olishga xarajatlarga haq to‘lashning yig‘ma hisobini yuritadi.
22. Qurilayotgan obyektlarni kafolatli va o‘z vaqtida mablag‘ bilan ta’minlash maqsadida, budjetdan mablag‘ bilan ta’minlanadigan obyektlar bo‘yicha mablag‘lar vaqtincha bo‘lmagan taqdirda, mablag‘ bilan ta’minlovchi banklar Moliya vazirligi bilan kelishgan holda va uning belgilangan tartibda berilgan kafolati ostida qarz oluvchiga qisqa muddatli kreditlar berishi mumkin.
Mablag‘ bilan ta’minlovchi bankka qisqa muddatli kreditni kreditdan foydalanilganligi uchun Markaziy bank qayta moliyalash stavkasining 50 foizidan ortiq bo‘lmagan stavka bilan berish tavsiya etiladi.
Kredit obyekt bo‘yicha joriy yilga ajratilgan mablag‘ bilan ta’minlashning umumiy limiti hisobiga, kredit bo‘yicha foizlar esa — qarz oluvchining o‘z mablag‘lari hisobiga qaytariladi.
23. Buyurtmachilarga markazlashtirilgan kapital qo‘yilmalarning tasdiqlangan limitlarida nazarda tutilgan qaytarib berish asosidagi davlat budjeti mablag‘lari O‘zbekiston Respublikasining garov haqidagi qonun hujjatlarida nazarda tutilgan tegishli hujjatlarni rasmiylashtirgan holda binolar, inshootlar, asbob-uskunalar, qurilishi tugallanmagan obyektlar, moddiy boyliklar va boshqa mol-mulkni garovga qo‘yish shartnomasi asosida vakolatli bank tomonidan beriladi.
Foizlar miqdori va ularni hisoblab qo‘shish muddatlari, shuningdek, qaytarish asosidagi budjet mablag‘lari bo‘yicha asosiy qarz va foizlarni qaytarish tartibi Moliya vazirligi bilan buyurtmachiga mablag‘larni qayta moliyalaydigan vakolatli bank o‘rtasidagi shartnoma bilan tartibga solinadi.
24. Qoidaga ko‘ra, keyinchalik qarz oluvchiga qayta moliyalagan holda budjet mablag‘lari ajratish yuzasidan Moliya vazirligi tijorat banki bilan tuzadigan shartnomada qarzni qaytarish jadvaliga muvofiq navbatdagi to‘lov summasini bankning vakillik hisobvarag‘idan so‘zsiz o‘tkazib olish mexanizmi nazarda tutiladi.
Qarz oluvchining qarzni qaytarish uchun mablag‘i va qarzni qaytarish istiqboli mavjud bo‘lmagan taqdirda Moliya vazirligi belgilangan tartibda bankrotlik to‘g‘risidagi jarayon tashabbuskori bo‘ladi.
25. Hisob-kitob operatsiyalarini amalga oshirish va kapital qo‘yilmalarni mablag‘ bilan ta’minlash jarayonida mablag‘ bilan ta’minlovchi banklar markazlashtirilgan mablag‘lardan maqsadli foydalanilishini, qurilish muddatlariga, ajratilgan mablag‘larni qaytarish muddatlariga rioya qilinishini va ulardan foydalanganlik uchun haq to‘lanishini nazorat qiladilar, bajarilgan ishlar hajmini nazorat tartibida o‘lchaydilar. Nazorat banklar tomonidan mablag‘ bilan ta’minlovchi tomon bilan tuzilgan shartnoma asosida bankka vositachilik haqi to‘langan holda amalga oshirilishi mumkin.
Qonun buzilishlar, qo‘shib yozishlar yoki ishlar hajmlarini boshqacha tarzda oshirish hollari aniqlangan taqdirda mablag‘lar belgilangan tartibda olib qo‘yiladi.
Tijorat banklari tomonidan olingan davlat budjeti mablag‘lari qat’iy ravishda maqsadli foydalanilishi kerak va ular depozit schyotlarga o‘tkazilishi, banklararo kreditlar berish uchun foydalanilishi va boshqa qisqa muddatli tusdagi operatsiyalarga jalb qilinishi mumkin emas.
Qurilishning davom etish muddatlari buzilgan, mablag‘lardan maqsadsiz foydalanilgan, kapital qo‘yilmalarni o‘zlashtirish to‘g‘risidagi hisobot ma’lumotlari oshirib ko‘rsatilgan taqdirda tijorat banklari buyurtmachilarga nisbatan, ayrim hollarda esa pudratchilarga nisbatan ham mavjud qonun hujjatlari bilan belgilangan kredit bilan ta’sir ko‘rsatish choralarini qo‘llaydilar.
26. O‘zbekiston Respublikasi tijorat banklarining uzoq muddatli kreditlari (shu jumladan, xorijiy investitsiyalar va Hukumat kafolati ostida beriladigan kreditlar) hisobiga mablag‘ bilan ta’minlash (qayta moliyalash) tomonlarning kelishuviga ko‘ra kreditlashning amaldagi qoidalari va normalariga muvofiq amalga oshiriladi.
Oldingi tahrirga qarang.
Tijorat banklari (vakolatli banklar) kreditlari hisobiga mablag‘ bilan ta’minlanadigan qurilishlarning aniq ro‘yxatlari Iqtisodiyot vazirligi bilan kelishishdan oldin ushbu banklar bilan kelishib olinishi shart.
(26-bandning ikkinchi xatboshi O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Banklarning buyurtmachilar bilan o‘zaro munosabatlari kredit shartnomalari asosida quriladi. Kreditlash muddatlilik, haq to‘lash, qaytarish, ta’minlanish va maqsadli foydalanish shartlarida amalga oshiriladi.
Ssuda hisobvarag‘i bo‘yicha barcha operatsiyalar banklar tomonidan smeta bo‘yicha xarajatlar moddalariga rioya qilingan holda obyektning smeta qiymati doirasida shartnoma shartlariga muvofiq amalga oshiriladi.
27. Kredit obyektlarning buyurtmachilariga va pudrat qurilish tashkilotlariga aniq vaziyatdan kelib chiqib beriladi.
Bunda, buyurtmachilar kreditni qaytarish ta’minlanishi uchun mol-mulk garovi, uchinchi shaxslarning kafilligi, bank kafolati, to‘lanmagan kredit xavfi sug‘urtasi bilan bir qatorda Moliya vazirligining belgilangan tartibda berilgan kafolatini taqdim etishlari mumkin.
28. Mablag‘ bilan ta’minlashning markazlashtirilgan resurslar bilan ta’minlanishi kechikkan taqdirda tijorat banklari ularning o‘rnini o‘z mablag‘lari yoki jalb qilingan mablag‘lar bilan vaqtincha almashtirish yo‘llarini qidirib topishlari mumkin.
29. Buyurtmachining o‘z mablag‘lari hisobiga mablag‘ bilan ta’minlash tasdiqlangan loyiha hujjatlariga muvofiq va pudrat shartnomasi asosida amalga oshiriladi.
30. Aralash investitsiyalash obyektlari qurilishini mablag‘ bilan ta’minlash va kreditlash obyektlar qurilishining barcha davri mobaynida budjet mablag‘larini, boshqa markazlashtirilgan kapital qo‘yilmalarni va o‘z mablag‘larini xarajat qilish nisbatiga rioya qilgan holda mazkur Tartibga muvofiq amalga oshiriladi.
31. Mablag‘ bilan ta’minlash bo‘yicha operatsiyalarni amalga oshiruvchi banklar buyurtmachi tomonidan taqdim etilgan hujjatlarni tekshirib chiqadilar va ular qo‘yiladigan talablarga muvofiq bo‘lganda qurilishni mablag‘ bilan ta’minlash hisobvaraqlarini ochadilar. Qurilishni hisob-kitob hisobvaraqlaridan mablag‘ bilan ta’minlashga yo‘l qo‘yilmaydi.
32. Banklar buyurtmachilar, pudrat tashkilotlari va qurilishning boshqa qatnashchilari o‘rtasida bajarilgan ishlar, yetkazib berilgan moddiy-texnika resurslari va ko‘rsatilgan xizmatlar uchun hisob-kitoblarni, shuningdek, boshqa hisob-kitoblarni amaldagi qonun hujjatlariga muvofiq amalga oshiradilar.
Qurilishning barcha davriga tuzilgan kontrakt (pudrat shartnomasi) buyurtmachi va pudrat tashkiloti o‘zaro munosabatlarini tartibga soluvchi asosiy hujjat hisoblanadi. Buyurtmachi bilan pudrat tashkiloti o‘rtasidagi hisob-kitoblar kontrakt (pudrat shartnomasi)da nazarda tutilgan tartibda amalga oshiriladi.
To‘lov hujjatlarini va ularga ilova qilingan yoyilmalarni tekshirish, shuningdek to‘lov bank tomonidan 3 kun ichida amalga oshiriladi. Asoslanmagan to‘lov hujjatlari taqdim etilgan va ularga tuzatish kiritish zaruriyati paydo bo‘lgan taqdirda to‘lov barcha tuzatishlar kiritilgandan keyin va bankka tuzatilgan hujjatlar taqdim etilgach amalga oshiriladi.
Investitsiya jarayonining boshqa qatnashchilari tomonidan tuzilgan shartnoma (kontrakt)lar ular o‘rtasidagi o‘zaro hisob-kitoblar uchun asosiy hujjat hisoblanadi.
33. Buyurtmachilar pudrat tashkilotlarining bajargan ishlari va boshqa xarajatlari uchun ularning hisobvaraqlariga to‘g‘ridan to‘g‘rihaq to‘laydilar.
Butlovchi tashkilotlar yoki mahsulot yetkazib beruvchi tashkilotlar bilan yig‘ma konstruksiyalar, buyumlar va materiallar uchun hisob-kitoblar shartnoma (kontrakt)da nazarda tutilgan tartibda amalga oshiriladi.