O‘zbekiston Respublikasi Prezidentining 2017-yil 15-fevraldagi PQ-2778-son “O‘zbekiston Respublikasi Madaniyat vazirligi faoliyatini tashkil etish to‘g‘risida”gi qarori hamda Vazirlar Mahkamasining 2008-yil 13-oktabrdagi 226-son “O‘zbekiston iqtidorli yoshlarini taqdirlash va moddiy rag‘batlantirish to‘g‘risida”gi qaroriga muvofiq O‘zbekiston Respublikasi Madaniyat vazirligi hamda Oliy va o‘rta maxsus ta’lim vazirligining O‘rta maxsus, kasb-hunar ta’limi markazi qaror qiladi:
1. Ijodkor yoshlar respublika tanlovlarini o‘tkazish tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Madaniyat vazirligi, Oliy va o‘rta maxsus ta’lim vazirligining O‘rta maxsus, kasb-hunar ta’limi markazining 2017-yil 3-maydagi 10-Q/Q, 34/QQ-son qaroriga
ILOVA
ILOVA
Mazkur Nizom O‘zbekiston Respublikasi Vazirlar Mahkamasining 2008-yil 13-oktabrdagi 226-son “O‘zbekiston iqtidorli yoshlarini taqdirlash va moddiy rag‘batlantirish to‘g‘risida”gi qaroriga muvofiq ijodkor yoshlar respublika tanlovlarini (bundan buyon matnda tanlov deb yuritiladi) o‘tkazish tartibini belgilaydi.
1. Tanlovlar bolalar musiqa va san’at maktablari va ixtisoslashtirilgan musiqa-badiiy maktab-internatlari (bundan buyon matnda bolalar musiqa va san’at maktablari deb yuritiladi), o‘rta maxsus, kasb-hunar ta’limi muassasalari (respublika ixtisoslashtirilgan musiqa akademik litseylari) o‘quvchilari o‘rtasida o‘tkaziladi.
o‘quv-tarbiya jarayonini, o‘qituvchilarning pedagogik mahoratini takomillashtirish, ular tomonidan qobiliyatli o‘quvchilar bilan aniq maqsadga yo‘naltirilgan yakka tartibdagi ishlarni o‘tkazish.
3. Tanlovlar bosqichlari va turlarini tashkil etish uchun mas’uliyat ta’lim muassasalarining rahbarlari, tegishli ravishda vazirlik va idoralar hamda ularning hududiy bo‘linmalari zimmasiga yuklanadi.
4. Tanlovlarni o‘tkazish muddatlari va joylari tegishli hokimliklar bilan kelishiladi, ular qatnashchilarni turar joy, oziq-ovqat bilan ta’minlashda va boshqa tashkiliy masalalarni hal etishda yordam ko‘rsatadi.
5. Bolalar musiqa va san’at maktablari o‘quvchilarining musiqa fanlari bo‘yicha tanlovlari har uch yilda bir marta quyidagi bosqichlar bo‘yicha o‘tkaziladi:
6. Tanlovda ishtirok etadigan o‘quvchilarni tavsiya etishda ularning tanlov shartlari talablariga mosligi bo‘yicha ta’lim muassasasi rahbari, Qoraqalpog‘iston Respublikasi Madaniyat vaziri, viloyatlar madaniyat boshqarmalari va Toshkent shahar madaniyat bosh boshqarmasi boshliqlari mas’ul hisoblanadilar.
7. Tanlovning respublika bosqichida ishtirok etishlari uchun ta’lim muassasasi rahbariyati nomzodlarning quyidagi hujjatlarini O‘zbekiston Respublikasi Madaniyat vazirligiga taqdim qiladi:
nomzodga ta’lim muassasasi rahbariyati tomonidan berilgan ijodiy tavsifnoma (asosiy ta’lim olayotgan mutaxassisligi ko‘rsatilgan holda);
nomzodning 5 tagacha ijodiy ishlarining fotosuratlari joylashtirilgan fotoalbom (tasviriy va amaliy san’at mutaxassisliklari uchun).
8. Hujjatlar tanlovning 3-bosqichi boshlanishiga bir oy qolgunga qadar qabul qilinadi. Mazkur muddatdan kechikib topshirilgan hujjatlar qabul qilinmaydi.
9. Tanlovning birinchi bosqichida o‘z ta’lim muassasalaridagi hisobot konsertlarida eng katta e’tibor qozongan, ikkinchi bosqichda I, II, III o‘rinlarni egallagan, uchinchi — yakunlovchi bosqichda esa, tanlovga tavsiya etilgan har qaysi ixtisoslik (nominatsiya) bo‘yicha faqat I o‘rinni egallagan o‘quvchilar ishtirok etadi.
10. Tanlovning ijro dasturi respublika ixtisoslashtirilgan musiqa va san’at akademik litseylarining tegishli soha mutaxassislari tomonidan ishlab chiqiladi hamda Madaniyat vazirligi tomonidan tanlov o‘tkazilgunga qadar kamida bir yil oldin tasdiqlanadi.
11. Tanlovning ijro dasturi tasdiqlangandan so‘ng, unga o‘zgartirishlar kiritishga yo‘l qo‘yilmaydi.
12. Tanlov mezonlarining murakkabligiga qo‘yiladigan talablar respublika ixtisoslashtirilgan musiqa va san’at akademik litseylari, madaniyat va san’at kollejlariga qabul qilinadigan abituriyentlar bilimlari darajasiga muvofiqlashtiriladi.
13. Ishtirokchilar ijro dasturlarini yoddan ijro etadi. Ishtirokchilarning ijrosi 25 ballik tizim bo‘yicha baholanadi.
damli va zarbli cholg‘ular (11 ta nominatsiya — fleyta, goboy, klarnet, fagot, truba, saksofon, valtorna, trombon, bariton, tuba, zarbli cholg‘ular);
xalq cholg‘ulari (16 ta nominatsiya — nay, qo‘shnay, chang, rubob-prima, qashqar rubobi, afg‘on rubobi, dutor (prima, alt, tenor), dutor-bas, tanbur, doira, g‘ijjak, g‘ijjak-alt, qobuz bas, bayan, akkordeon, gitara);
an’anaviy cholg‘u ijrochiligi (11 ta nominatsiya — nay, qo‘shnay, chang, qonun, rubob, afg‘on rubob, ud, tanbur, dutor, doira, g‘ijjak);
estrada cholg‘u ijrochiligi (10 ta nominatsiya — fortepiano, skripka, truba, trombon, saksofon-alt, saksofon-tenor, klarnet, gitara, bas-gitara, zarbli cholg‘ular);
ansambllar (8 ta nominatsiya — xalq cholg‘ulari ansambli, an’anaviy sozandalar ansambli, an’anaviy ashulachilar ansambli, folklor ansambli, estrada vokal ansambli, estrada cholg‘u ansambli, xor jamoa dirijyorligi, raqs guruhi);
teatr (tomosha) san’ati (3 ta nominatsiya — drama teatri aktyorligi, musiqiy drama teatri aktyorligi, qo‘g‘irchoq teatri aktyorligi);
amaliy san’at (9 ta nominatsiya — naqqoshlik, yog‘och o‘ymakorligi, ganch o‘ymakorligi, kashtachilik, zardo‘zlik, kulolchilik, to‘quvchilik, zargarlik, popopchilik).
15. O‘rta maxsus, kasb-hunar ta’limi muassasalari (respublika ixtisoslashtirilgan musiqa akademik litseylari) o‘quvchilarining ijodiy tanlovlari musiqa ijrochilari o‘rtasida har ikki yilda bir marta, uch turda o‘tkaziladi.
16. Ta’lim muassasasi rahbariyati respublika tanlovida ishtirok etishlari uchun nomzodlarning quyidagi hujjatlarini O‘zbekiston Respublikasi Madaniyat vazirligiga taqdim qiladi:
nomzodga ta’lim muassasasi rahbariyati tomonidan berilgan ijodiy tavsifnoma (asosiy ta’lim olayotgan mutaxassisligi ko‘rsatilgan holda);
17. Hujjatlar respublika tanlovi boshlanishiga bir oy qolgunga qadar qabul qilinadi. Mazkur muddatdan kechikib topshirilgan hujjatlar qabul qilinmaydi.
18. Tanlovga saralab olish va yuborish o‘quvchilarning hisobot konsertlari yakunlari bo‘yicha amalga oshiriladi.
20. Tanlovning ijro dasturi madaniyat, san’at, musiqa yo‘nalishidagi oliy ta’lim muassasalarining tegishli yetakchi soha mutaxassislari tomonidan ishlab chiqiladi va tanlov o‘tkazilgunga qadar kamida bir yil oldin O‘zbekiston Respublikasi Madaniyat vazirligi tomonidan tasdiqlanadi.
22. O‘zbekiston Respublikasi Madaniyat vazirligi tanlov topshiriqlarining murakkabligiga qo‘yiladigan talablarning oliy ta’lim muassasalariga qabul qilinadigan abituriyentlar bilimlari darajasiga muvofiq bo‘lishini ta’minlaydi.
Zarbli cholg‘ular ijro etuvchi ishtirokchi klavishli zarbli cholg‘ular uchun yozilgan asarlarni yoddan ijro etadi, boshqa zarbli cholg‘ular uchun yozilgan asarlarni esa, ixtiyoriy ravishda notaga qarab ijro etishi mumkin.
damli va zarbli cholg‘ular (10 ta nominatsiya — fleyta, goboy, klarnet, fagot, truba, saksofon, valtorna, trombon, tuba, zarbli cholg‘ular);
xalq cholg‘ulari (17 ta nominatsiya — nay, qo‘shnay, chang, rubob-prima, qashqar rubobi, afg‘on rubobi, dutor (prima, alt, tenor), dutor-bas, tanbur, doira, g‘ijjak, g‘ijjak-alt, g‘ijjak qobuz bas, g‘ijjak qobuz kontrabas, bayan, akkordeon, klassik gitara);
an’anaviy cholg‘u ijrochiligi (12 ta nominatsiya — nay, qo‘shnay, chang, qonun, rubob, afg‘on rubob, ud, tanbur, sato, dutor, doira, g‘ijjak);
estrada cholg‘u ijrochiligi (11 ta nominatsiya — fortepiano, skripka, fleyta, truba, trombon, saksofon-alt, saksofon-tenor, klarnet, gitara, bas-gitara, zarbli cholg‘ular);
musiqashunoslik (3 ta nominatsiya — musiqa nazariyasi, jahon musiqa adabiyoti, o‘zbek musiqa adabiyoti);
teatr (tomosha) san’ati (4 ta nominatsiya — drama teatri aktyorligi, musiqiy drama teatri aktyorligi, qo‘g‘irchoq teatri aktyorligi, ommaviy bayramlar rejissorligi);
25. Tanlov o‘rta maxsus, kasb-hunar ta’limi muassasalari o‘quvchilari o‘rtasida har ikki yilda bir marta o‘tkaziladi.
26. Ta’lim muassasasi rahbariyati tanlovning respublika bosqichida ishtirok etishi uchun nomzodlarning quyidagi hujjatlarini O‘zbekiston Badiiy akademiyasiga taqdim qiladi:
27. Hujjatlar respublika tanlovi boshlanishiga besh kun qolgunga qadar qabul qilinadi. Mazkur muddatdan kechikib topshirilgan hujjatlar qabul qilinmaydi.
28. Tanlovga saralab olish va yuborish ijodiy ishlarini baholash yakunlari bo‘yicha amalga oshiriladi.
30. Tanlovning dasturi Kamoliddin Behzod nomidagi Milliy rassomlik va dizayn institutining mutaxassislari tomonidan ishlab chiqiladi va tanlov o‘tkazilgunga qadar O‘zbekiston Badiiy akademiyasi tomonidan O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi bilan kelishilgan holda tasdiqlanadi.
32. O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi tanlov topshiriqlarining murakkabligiga qo‘yiladigan talablarning oliy ta’lim muassasalariga qabul qilinadigan abituriyentlar bilimlari darajasiga muvofiq bo‘lishini ta’minlaydi.
Ishtirokchilarning ijodiy fanlardan bajargan ishlari tanlovga qo‘yiladi. Ishtirokchilarning ishlari 100 ballik tizim bo‘yicha baholanadi.
qayta tiklash rassomi (2 ta nominatsiya — rangtasvir asarlarini qayta tiklash, amaliy san’at asarlarini qayta tiklash);
teatr liboslari san’ati rassomi (3 ta nominatsiya — tomoshabob liboslar, kino sahnalari liboslari, dunyo liboslari);
me’moriy-dekorativ san’ati loyihalovchi dizayner (2 ta nominatsiya — interyerni loyihalovchi, esteryerni loyihalovchi);
milliy etnografik va badiiy liboslar dizayneri (3 ta nominatsiya — milliy liboslar, etnografik folklor liboslar, zamonaviy liboslar);
lokli miniatyura rassomi (3 ta nominatsiya — lokli miniatyura, illyustratsiya miniatyurasi, pano miniatyurasi);
haykaltaroshlik (4 ta nominatsiya — mayda plastika, dekorativ bezakli haykal, dastgohli, mahobatli);
chinni va kulolchilik mahsulotlari usta-rassomi (2 ta nominatsiya — chinni usta-rassomi, kulol usta-rassomi);
milliy va badiiy liboslar modelyeri (2 ta nominatsiya — milliy liboslar modelyeri, zamonaviy liboslar modelyeri);
fotograf (3 ta nominatsiya — fotografiya ishlari bo‘yicha mutaxassis, badiiy fotografiya bo‘yicha mutaxassis, kompyuter grafikasi bo‘yicha mutaxassis).
34. Tanlovlarni o‘tkazish bo‘yicha butun tadbirlar kompleksini bajarish uchun tegishli vazirlik va idoralar hamda ularning hududiy bo‘linmalari o‘z buyruqlari bilan tashkiliy qo‘mitalar, hakamlar hay’atlari, apellatsiya komissiyalari va boshqa tuzilmalarni tashkil etadi.
35. Tashkiliy qo‘mitalar tanlovlarga tayyorgarlik ko‘rish hamda ularni o‘tkazishda yagona ilmiy-uslubiy yondashuvni ta’minlaydi, hakamlar hay’atlari, apellatsiya komissiyalari va boshqa tuzilmalar tarkibini shakllantiradi va tasdiqlaydi, sinov topshiriqlarini tayyorlashni tashkil etadi, baholash mezonlarini va yakunlar chiqarish tartibini tasdiqlaydi, qatnashchilarning tanlovlarga kelishi bilan bog‘liq barcha masalalarni hal qiladi.
Bunda apellatsiya komissiyalari hakamlar hay’atlari tarkibida bo‘lmagan kamida uchta yetakchi mutaxassisdan tuziladi.
Hakamlar hay’atlari g‘oliblarni aniqlaydi va tanlovlar yakunlarini bayonnoma (protokol) qarori bilan rasmiylashtiradi.
36. Apellatsiya komissiyalari tanlovlar qatnashchilarining shikoyatlari va arizalarini ko‘rib chiqadi. Apellatsiya komissiyalariga, zarurat bo‘lganda, hakamlar hay’atlari qarorlarini bekor qilish yoki ularga o‘zgartirishlar kiritish huquqi beriladi.
Oldingi tahrirga qarang.
37. Tanlovlarni o‘tkazish jarayonlari bo‘yicha kelib chiqadigan nizolar qonunchilik hujjatlarida belgilangan tartibda hal etiladi.
(37-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)