Davom etayotgan jahon moliyaviy-iqtisodiy inqirozi munosabati bilan rangli metallar jahon bozorining konyunkturasi o‘zgarib turgan davrda yuqori qo‘shimcha qiymatli mahsulotlar ishlab chiqaruvchi korxonalarni qo‘llab-quvvatlash, shuningdek mis quvurlarni eksport qilishni ta’minlash uchun qulay shart-sharoitlar yaratish maqsadida Vazirlar Mahkamasi qaror qiladi:
1. Vazirlar Mahkamasining “Angren” MIZ hududida turli diametrli mis quvurlar ishlab chiqarishni tashkil etish” investitsiya loyihasini amalga oshirish chora-tadbirlari to‘g‘risida” 2013-yil 29-maydagi 146-son qaroriga ilovaga muvofiq o‘zgartirishlar kiritilsin.
2. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari G‘.I. Ibragimov zimmasiga yuklansin.
1. 2-bandning ikkinchi xatboshidagi, 3-bandning birinchi xatboshidagi, 4-banddagi, 10-bandning birinchi xatboshidagi, 11 — 13-bandlardagi “OAJ” qisqartmasi “AJ” qisqartmasi bilan almashtirilsin.
“5. O‘zbekiston Respublikasi Iqtisodiyot vazirligi, Moliya vazirligi, Xususiylashtirish, monopoliyadan chiqarish va raqobatni rivojlantirish davlat qo‘mitasi, “Olmaliq KMK” AJning “Angren” MIZ hududida turli diametrli mis quvurlar ishlab chiqarishni tashkil etish” investitsiya loyihasini amalga oshirish natijasida vujudga kelgan mulkiy kompleks negizida “Olmaliq KMK” AJ tarkibida yuridik shaxs maqomiga ega bo‘lmagan tarkibiy bo‘linma tashkil etish to‘g‘risidagi taklifi ma’qullansin”.
“jalb etilayotgan kreditlarni qaytarish va ularga xizmat ko‘rsatish bilan bog‘liq xarajatlar “Olmaliq KMK” AJning o‘z mablag‘lari hisobiga amalga oshiriladi”.