“Oʻzbekiston Respublikasida maʼmuriy-hududiy tuzilish masalalarini hal etish tartibi toʻgʻrisida”gi Oʻzbekiston Respublikasi Qonunining 5 va 13-moddalariga muvofiq Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi qonunchilik palatasining “Fargʻona viloyatining Fargʻona shahri va Fargʻona tumani chegaralarini oʻzgartirish toʻgʻrisida”gi 2012-yil 17-maydagi 482-II-sonli qarori maʼlumot uchun qabul qilinsin.

2. Oʻzbekiston Respublikasi Vazirlar Mahkamasining taklifi maʼqullansin, Fargʻona viloyatining Fargʻona shahri va Fargʻona tumani chegaralari oʻzgartirilsin.

3. Fargʻona viloyati Fargʻona tumani hududining maydoni 576 gektardan iborat bir qismi (“Chekshoʻra” qishloq fuqarolar yigʻini “Usmonobod” va “Oʻrtashoʻra” mahallalari hududining bir qismi, “Avval” qishloq fuqarolar yigʻini “Oqtepa” mahallasi hududining bir qismi, “Damkoʻl” qishloq fuqarolar yigʻini “Damkoʻl” mahallasi hududining bir qismi) Fargʻona viloyatining Fargʻona shahri tarkibiga;

Fargʻona viloyati Fargʻona shahri hududining maydoni 43,8 gektardan iborat bir qismi (“Oʻrmonchilar” mahalla fuqarolar yigʻini hududining bir qismi) Fargʻona viloyatining Fargʻona tumani tarkibiga oʻtkazilsin.

4. Oʻzbekiston Respublikasi Vazirlar Mahkamasi tomonidan taqdim etilgan Fargʻona viloyatining Fargʻona shahri va Fargʻona tumani chegaralari ilova qilinayotgan tavsiflar va chizma shakllarga muvofiq tasdiqlansin (1 — 5-sonli ilovalar*).

5. Oʻzbekiston Respublikasi Vazirlar Mahkamasi ushbu qarorni bajarishga doir kompleks chora-tadbirlarning amalga oshirilishini taʼminlasin.

6. Ushbu qaror qabul qilingan kundan eʼtiboran kuchga kiradi.

Boshlangʻich 1-sonli nuqta sifatida Janubiy Fargʻona kanali bilan Isfayramsoy daryosi kesishgan joy qabul qilingan.

Chegara 1-sonli nuqtadan janubi-sharqiy yoʻnalishda Isfayramsoy daryosining oʻng qirgʻogʻi boʻyicha 13 400 metr masofada dala shiyponining janubi-sharqiy burchagida joylashgan 2-sonli nuqtagacha davom etadi.

Chegara 2-sonli nuqtadan janubi-gʻarbiy yoʻnalishda toʻgʻri chiziq boʻyicha 550 metr masofada, Isfayramsoy daryosi oʻzanini va Fargʻona – Qizilqiya temir yoʻlini kesib oʻtib, beton qoplangan Boʻrdoqi kanali bilan kesishgan joydagi 3-sonli nuqtagacha davom etadi.

Chegara 3-sonli nuqtadan shimoli-gʻarbiy yoʻnalishda beton qoplangan Boʻrdoqi kanalining chap qirgʻogʻi boʻyicha 600 metr masofada beton qoplangan Boʻrdoqi kanalidan Boʻrdoqi-2 sugʻorish arigʻi ajralib chiqqan joydagi 4-sonli nuqtagacha davom etadi.

Chegara 4-sonli nuqtadan janubi-gʻarbiy yoʻnalishda Boʻrdoqi-2 sugʻorish arigʻining oʻng qirgʻogʻi boʻyicha 360 metr masofada ushbu ariq gʻarbga burilgan joydagi 5-sonli nuqtagacha davom etadi.

Chegara 5-sonli nuqtadan gʻarbiy yoʻnalishda Boʻrdoqi-2 sugʻorish arigʻining oʻng qirgʻogʻi boʻyicha 400 metr masofada ushbu ariq janubi-gʻarbga burilgan joydagi 6-sonli nuqtagacha davom etadi.

Chegara 6-sonli nuqtadan janubi-gʻarbiy yoʻnalishda Boʻrdoqi-2 sugʻorish arigʻining oʻng qirgʻogʻi boʻyicha 350 metr masofada 7-sonli nuqtagacha davom etadi.

Chegara 7-sonli nuqtadan shimoli-gʻarbiy yoʻnalishda sabzavot bazasining devori boʻylab 200 metr masofada Fargʻona shahrining aylanma avtomobil yoʻliga tutashgan joydagi 8-sonli nuqtagacha davom etadi.

Chegara 8-sonli nuqtadan janubi-gʻarbiy yoʻnalishda aylanma avtomobil yoʻlining chap tomoni boʻyicha 1 850 metr masofada 9-sonli nuqtagacha davom etadi.

Chegara 9-sonli nuqtadan gʻarbiy yoʻnalishda aylanma avtomobil yoʻlining chap tomoni boʻyicha, Margʻilonsoy daryosini kesib oʻtib, 560 metr masofada aylanma avtomobil yoʻli Oqmozor arigʻi bilan kesishgan joydagi 10-sonli nuqtagacha davom etadi.

Chegara 10-sonli nuqtadan janubi-gʻarbiy yoʻnalishda aylanma avtomobil yoʻlining chap tomoni boʻyicha 1 650 metr masofada, Fargʻona – Avval avtomobil yoʻlini va Margʻilonsoy daryosini kesib oʻtib, “Oqariq” mahallasiga olib boradigan avtomobil yoʻli aylanma avtomobil yoʻliga tutashgan joydagi 11-sonli nuqtagacha davom etadi.

Chegara 11-sonli nuqtadan shimoli-gʻarbiy yoʻnalishda X. Haydarov koʻchasining chap tomoni boʻyicha 320 metr masofada, janubi-gʻarbiy yoʻnalishda chorvachilik fermasining devori boʻylab 70 metr masofada, shimoli-gʻarbiy yoʻnalishda chorvachilik fermasining devori boʻylab 100 metr masofada, shimoli-gʻarbiy yoʻnalishda X. Haydarov koʻchasining chap tomoni boʻyicha 200 metr masofada ushbu koʻcha Teshik-2 arigʻining oʻng qirgʻogʻiga tutashgan joydagi 12-sonli nuqtagacha davom etadi.

Chegara 12-sonli nuqtadan janubi-gʻarbiy yoʻnalishda Teshik-2 arigʻining oʻng qirgʻogʻi boʻyicha 790 metr masofada Teshik-2 arigʻi gʻarbga burilgan joydagi 13-sonli nuqtagacha davom etadi.

Chegara 13-sonli nuqtadan gʻarbiy yoʻnalishda Teshik-2 arigʻining oʻng qirgʻogʻi boʻyicha 550 metr masofada T. Shodiyeva nomidagi agrofirmaning bogʻdorchilik fermer xoʻjaligi mineral oʻgʻitlar ombori hududining janubi-gʻarbiy burchagida joylashgan 14-sonli nuqtagacha davom etadi.

Chegara 14-sonli nuqtadan shimoliy yoʻnalishda Teshik-2 arigʻining oʻng qirgʻogʻi boʻyicha 850 metr masofada ushbu ariq shimoli-gʻarbga burilgan joydagi 15-sonli nuqtagacha davom etadi.

Chegara 15-sonli nuqtadan shimoli-gʻarbiy yoʻnalishda Teshik-2 arigʻining oʻng qirgʻogʻi boʻyicha 315 metr masofada dala yoʻli mazkur ariqqa tutashgan joydagi 16-sonli nuqtagacha davom etadi.

Chegara 16-sonli nuqtadan gʻarbiy yoʻnalishda dala yoʻlining chap tomoni boʻyicha 920 metr masofada dala yoʻli “Sohibkorlar obihayoti” suv isteʼmolchilari uyushmasining suv taqsimlagichiga tutashgan joydagi 17-sonli nuqtagacha davom etadi.

Chegara 17-sonli nuqtadan janubiy yoʻnalishda sugʻorish novi boʻyicha 910 metr masofada T. Shodiyeva nomidagi agrofirmaning fermer xoʻjaliklari dala yoʻllari kesishgan joydagi 18-sonli nuqtagacha davom etadi.

Chegara 18-sonli nuqtadan gʻarbiy yoʻnalishda T. Shodiyeva nomidagi agrofirmaning fermer xoʻjaliklari dala yoʻlining chap tomoni boʻyicha 520 metr masofada uzumzorning beton devori shimoli-sharqiy burchagida joylashgan 19-sonli nuqtagacha davom etadi.

Chegara 19-sonli nuqtadan janubiy yoʻnalishda T. Shodiyeva nomidagi agrofirma fermer xoʻjaligining sugʻorish arigʻi chap qirgʻogʻi boʻyicha 640 metr masofada ushbu ariq Fargʻona shahrining aylanma avtomobil yoʻliga tutashgan joydagi 20-sonli nuqtagacha davom etadi.

Chegara 20-sonli nuqtadan gʻarbiy yoʻnalishda Fargʻona shahri aylanma avtomobil yoʻlining chap tomoni boʻyicha 780 metr masofada ushbu aylanma avtomobil yoʻli Fargʻona – Vodil avtomobil yoʻli bilan kesishgan joydagi 21-sonli nuqtagacha davom etadi.

Chegara 21-sonli nuqtadan janubiy yoʻnalishda Fargʻona – Vodil avtomobil yoʻlining chap tomoni boʻyicha 270 metr masofada ushbu avtomobil yoʻli yuqori bosimli “Buxoro – Andijon” gaz quvuri trassasi bilan kesishgan joydagi 22-sonli nuqtagacha davom etadi.

Chegara 22-sonli nuqtadan shimoli-gʻarbiy yoʻnalishda yuqori bosimli “Buxoro – Andijon” gaz quvuri trassasining oʻng tomoni boʻyicha 720 metr masofada ushbu gaz quvuri gʻarbga burilgan joydagi 23-sonli nuqtagacha davom etadi.

Chegara 23-sonli nuqtadan gʻarbiy yoʻnalishda yuqori bosimli “Buxoro – Andijon” gaz quvuri trassasining oʻng tomoni boʻyicha 1 050 metr masofada ushbu gaz quvuri Tangi arigʻi bilan kesishgan joydagi 24-sonli nuqtagacha davom etadi.

Chegara 24-sonli nuqtadan shimoli-sharqiy yoʻnalishda toʻgʻri chiziq boʻyicha 90 metr masofada 25-sonli nuqtagacha davom etadi.

Chegara 25-sonli nuqtadan shimoli-sharqiy yoʻnalishda 69769-sonli harbiy qism 49-sonli kommunal-foydalanish qismi hududining janubiy tomoni boʻyicha 550 metr masofada ushbu qism hududi “Yangi Rus” qabristoni devoriga tutashgan joydagi 26-sonli nuqtagacha davom etadi.

Chegara 26-sonli nuqtadan shimoli-gʻarbiy yoʻnalishda “Yangi Rus” qabristoni devori boʻyicha 220 metr masofada ushbu qabristonning eng chetki gʻarbiy nuqtasida joylashgan 27-sonli nuqtagacha davom etadi.

Chegara 27-sonli nuqtadan shimoli-sharqiy yoʻnalishda “Yangi Rus” qabristoni devori boʻyicha 500 metr masofada ushbu qabristonning eng chetki shimoliy nuqtasida joylashgan 28-sonli nuqtagacha davom etadi.

Chegara 28-sonli nuqtadan janubi-sharqiy yoʻnalishda “Yangi Rus” qabristoni devori boʻyicha 200 metr masofada shoxobcha yoʻl ushbu qabriston hududiga tutashgan joydagi 29-sonli nuqtagacha davom etadi.

Chegara 29-sonli nuqtadan “Yangi Rus” qabristoniga olib boradigan shoxobcha yoʻlning chap tomoni boʻyicha 1 200 metr masofada shoxobcha yoʻl Oʻrmonchilar koʻchasi bilan kesishgan joydagi 30-sonli nuqtagacha davom etadi.

Chegara 30-sonli nuqtadan shimoliy yoʻnalishda Oʻrmonchilar koʻchasining oʻng tomoni boʻyicha 770 metr masofada 69769-sonli harbiy qism 49-sonli kommunal-foydalanish qismining beton devori Oʻrmonchilar koʻchasi bilan tutashgan joydagi 31-sonli nuqtagacha davom etadi.

Chegara 31-sonli nuqtadan gʻarbiy yoʻnalishda 69769-sonli harbiy qism 49-sonli kommunal-foydalanish qismining beton devori boʻylab 250 metr masofada ushbu beton devor shimolga burilgan joydagi 32-sonli nuqtagacha davom etadi.

Chegara 32-sonli nuqtadan shimoliy yoʻnalishda 69769-sonli harbiy qism 49-sonli kommunal-foydalanish qismining beton devori boʻylab 1 420 metr masofada Aeroport koʻchasi ushbu beton devorga tutashgan joydagi 33-sonli nuqtagacha davom etadi.

Chegara 33-sonli nuqtadan shimoli-gʻarbiy yoʻnalishda Aeroport koʻchasining chap tomoni boʻyicha 650 metr masofada Aeroport koʻchasi shimoli-gʻarb tomonga burilgan joydagi 34-sonli nuqtagacha davom etadi.

Chegara 34-sonli nuqtadan shimoli-gʻarbiy yoʻnalishda Aeroport koʻchasining chap tomoni boʻyicha 900 metr masofada Aeroport koʻchasi Forobiy koʻchasi bilan kesishgan joydagi 35-sonli nuqtagacha davom etadi.

Chegara 35-sonli nuqtadan shimoliy yoʻnalishda Fargʻona shahri kichik halqa avtomobil yoʻlining chap tomoni boʻyicha 650 metr masofada Sohibqiron Temur koʻchasi kichik halqa avtomobil yoʻliga tutashgan joydagi 36-sonli nuqtagacha davom etadi.

Chegara 36-sonli nuqtadan shimoli-gʻarbiy yoʻnalishda Sohibqiron Temur koʻchasining davomi boʻlgan loyihalashtirilayotgan 5-5-koʻchaning chap tomoni boʻyicha 950 metr masofada “Fargʻona-1” stansiyasiga olib boradigan temir yoʻl tarmogʻi shoxobchasi loyihalashtirilayotgan 5-5-koʻcha bilan kesishgan joydagi 37-sonli nuqtagacha davom etadi.

Chegara 37-sonli nuqtadan shimoli-gʻarbiy yoʻnalishda “Fargʻona-1” stansiyasiga olib boradigan temir yoʻl tarmogʻi shoxobchasining chap tomoni boʻyicha 3 250 metr masofada ushbu temir yoʻl tarmogʻi shoxobchasi “Shoʻro” kollektori bilan kesishgan joydagi 38-sonli nuqtagacha davom etadi.

Chegara 38-sonli nuqtadan shimoli-gʻarbiy yoʻnalishda “Shoʻro” kollektorining oʻng qirgʻogʻi boʻyicha 660 metr masofada “Shoʻro” kollektori ichki xoʻjalik kollektori bilan kesishgan joydagi 39-sonli nuqtagacha davom etadi.

Chegara 39-sonli nuqtadan shimoli-gʻarbiy yoʻnalishda “Shoʻro” kollektorining oʻng qirgʻogʻi boʻyicha Fargʻona – Qoʻqon avtomobil yoʻlini kesib oʻtib, 1 150 metr masofada “Shoʻro” kollektori Qirtagi koʻchasining tor koʻchasi bilan kesishgan joydagi 40-sonli nuqtagacha davom etadi.

Chegara 40-sonli nuqtadan sharqiy yoʻnalishda Qirtagi koʻchasining tor koʻchasi oʻng tomoni boʻyicha 90 metr masofada ushbu tor koʻcha Qirtagi koʻchasiga tutashgan joydagi 41-sonli nuqtagacha davom etadi.

Chegara 41-sonli nuqtadan janubi-sharqiy yoʻnalishda Qirtagi koʻchasining oʻng tomoni boʻyicha 340 metr masofada yuqori kuchlanishli elektr uzatish liniyasi Qirtagi koʻchasi bilan kesishgan joydagi 42-sonli nuqtagacha davom etadi.

Chegara 42-sonli nuqtadan shimoli-sharqiy yoʻnalishda yuqori kuchlanishli elektr uzatish liniyasining oʻng tomoni boʻyicha 860 metr masofada ushbu elektr uzatish liniyasi “Fargʻona-1” stansiyasiga olib boradigan temir yoʻl tarmogʻi shoxobchasi bilan kesishgan joydagi 43-sonli nuqtagacha davom etadi.

Chegara 43-sonli nuqtadan shimoli-gʻarbiy yoʻnalishda “Fargʻona-1” stansiyasiga olib boradigan temir yoʻl tarmogʻi shoxobchasining chap tomoni boʻyicha 260 metr masofada “Mustaqillik” mahallasining Ziynat koʻchasi ushbu temir yoʻl tarmogʻi shoxobchasiga tutashgan joydagi 44-sonli nuqtagacha davom etadi.

Chegara 44-sonli nuqtadan shimoli-sharqiy yoʻnalishda Ziynat koʻchasining oʻng tomoni boʻyicha 410 metr masofada ushbu koʻcha yuqori kuchlanishli elektr uzatish liniyasiga tutashgan joydagi 45-sonli nuqtagacha davom etadi.

Chegara 45-sonli nuqtadan shimoli-gʻarbiy yoʻnalishda yuqori kuchlanishli elektr uzatish liniyasi boʻyicha 100 metr masofada ushbu yuqori kuchlanishli elektr uzatish liniyasi “Boltakoʻl” elektr podstansiyasining beton devori bilan kesishgan joydagi 46-sonli nuqtagacha davom etadi.

Chegara 46-sonli nuqtadan gʻarbiy yoʻnalishda “Boltakoʻl” elektr podstansiyasining beton devori boʻyicha 170 metr masofada ushbu elektr podstansiyaning devori shimolga burilgan joydagi 47-sonli nuqtagacha davom etadi.

Chegara 47-sonli nuqtadan shimoliy yoʻnalishda “Boltakoʻl” elektr podstansiyasining beton devori boʻyicha 200 metr masofada ushbu beton devor sharqqa burilgan joydagi 48-sonli nuqtagacha davom etadi.

Chegara 48-sonli nuqtadan sharqiy yoʻnalishda “Boltakoʻl” elektr podstansiyasining beton devori boʻyicha 330 metr masofada ushbu elektr podstansiyaning hududi Eski Fargʻona koʻchasiga tutashgan joydagi 49-sonli nuqtagacha davom etadi.

Chegara 49-sonli nuqtadan shimoli-gʻarbiy yoʻnalishda Eski Fargʻona koʻchasining chap tomoni boʻyicha 360 metr masofada ushbu koʻcha Sokin koʻchasiga tutashgan joydagi 50-sonli nuqtagacha davom etadi.

Chegara 50-sonli nuqtadan gʻarbiy yoʻnalishda Sokin koʻchasining chap tomoni boʻyicha 430 metr masofada ushbu koʻcha “Fargʻona-1” stansiyasiga olib boradigan temir yoʻl tarmogʻi shoxobchasiga tutashgan joydagi 51-sonli nuqtagacha davom etadi.

Chegara 51-sonli nuqtadan shimoli-sharqiy yoʻnalishda “Fargʻona-1” stansiyasiga olib boradigan temir yoʻl tarmogʻi shoxobchasining oʻng tomoni boʻyicha, soʻngra Margʻilon – Andijon temir yoʻlining oʻng tomoni boʻyicha 2 250 metr masofada ushbu temir yoʻlga “Surxtepa” mahallasiga olib boradigan Uzun koʻchasi tutashgan joydagi 52-sonli nuqtagacha davom etadi.

Chegara 52-sonli nuqtadan sharqiy yoʻnalishda toʻgʻri chiziq boʻyicha 30 metr masofada qabriston devorining eng chetki gʻarbiy nuqtasida joylashgan 53-sonli nuqtagacha davom etadi.

Chegara 53-sonli nuqtadan janubiy yoʻnalishda qabriston devori boʻyicha 570 metr masofada qabriston devori sharqqa burilgan joydagi 54-sonli nuqtagacha davom etadi.

Chegara 54-sonli nuqtadan sharqiy yoʻnalishda qabriston devori boʻyicha 100 metr masofada qabriston devori shimolga burilgan joydagi 55-sonli nuqtagacha davom etadi.

Chegara 55-sonli nuqtadan “Surxtepa” mahallasidagi Xoʻjamagʻiz koʻchasining chap tomoni boʻyicha 750 metr masofada Xoʻjamagʻiz koʻchasining tor koʻchasi ushbu koʻchaga tutashgan joydagi 56-sonli nuqtagacha davom etadi.

Chegara 56-sonli nuqtadan janubi-sharqiy yoʻnalishda Xoʻjamagʻiz koʻchasining tor koʻchasi chap tomoni boʻyicha 250 metr masofada ushbu tor koʻcha Janubiy Fargʻona kanalining chap qirgʻogʻiga tutashgan joydagi 57-sonli nuqtagacha davom etadi.

Chegara 57-sonli nuqtadan shimoli-sharqiy yoʻnalishda Janubiy Fargʻona kanalining chap qirgʻogʻi boʻyicha 4 500 metr masofada, ushbu kanalni kesib oʻtib, oʻng qirgʻoq boʻyicha 1 460 metr masofada davom etadi va Janubiy Fargʻona kanali bilan Isfayramsoy daryosi kesishgan joydagi boshlangʻich 1-sonli nuqtaga tutashadi.

Boshlangʻich 1-sonli nuqta sifatida Fargʻona – Vodil avtomobil yoʻli yuqori bosimli “Buxoro – Andijon” gaz quvuri bilan kesishgan joy qabul qilingan.

Chegara 1-sonli nuqtadan janubiy yoʻnalishda Fargʻona – Vodil avtomobil yoʻlining chap tomoni boʻyicha 860 metr masofada oʻrmon xoʻjaligi arigʻining chap qirgʻogʻi ushbu avtomobil yoʻliga tutashgan joydagi 2-sonli nuqtagacha davom etadi.

Chegara 2-sonli nuqtadan sharqiy yoʻnalishda oʻrmon xoʻjaligi arigʻining chap qirgʻogʻi boʻyicha 190 metr masofada ushbu ariq janubga burilgan joydagi 3-sonli nuqtagacha davom etadi.

Chegara 3-sonli nuqtadan janubiy yoʻnalishda oʻrmon xoʻjaligi arigʻining chap qirgʻogʻi boʻyicha 600 metr masofada ushbu ariq janubi-gʻarbga burilgan joydagi 4-sonli nuqtagacha davom etadi.

Chegara 4-sonli nuqtadan janubi-gʻarbiy yoʻnalishda oʻrmon xoʻjaligi arigʻining chap qirgʻogʻi boʻyicha 440 metr masofada ushbu ariq Fargʻona – Vodil avtomobil yoʻli bilan tutashgan joydagi 5-sonli nuqtagacha davom etadi.

Chegara 5-sonli nuqtadan Fargʻona–Vodil avtomobil yoʻlini kesib oʻtib, gʻarbiy yoʻnalishda 40 metr masofada, shimoli-gʻarbiy yoʻnalishda oʻrmon xoʻjaligi arigʻining chap qirgʻogʻi boʻyicha 940 metr masofada ushbu ariq shimoli-sharqqa burilgan joydagi 6-sonli nuqtagacha davom etadi.

Chegara 6-sonli nuqtadan shimoli-sharqiy yoʻnalishda oʻrmon xoʻjaligi arigʻining chap qirgʻogʻi boʻyicha 280 metr masofada ushbu ariq shimolga burilgan joydagi 7-sonli nuqtagacha davom etadi.

Chegara 7-sonli nuqtadan shimoliy yoʻnalishda oʻrmon xoʻjaligi arigʻining chap qirgʻogʻi boʻyicha 870 metr masofada yuqori bosimli “Buxoro – Andijon” gaz quvuri bilan kesishgan joydagi 8-sonli nuqtagacha davom etadi.

Chegara 8-sonli nuqtadan sharqiy yoʻnalishda yuqori bosimli “Buxoro–Andijon” gaz quvuri boʻyicha 60 metr masofada davom etadi va Fargʻona – Vodil avtomobil yoʻli yuqori bosimli “Buxoro – Andijon” gaz quvuri bilan kesishgan joydagi boshlangʻich 1-sonli nuqtaga tutashadi.

Boshlangʻich 1-sonli nuqta sifatida aylanma avtomobil yoʻli Oqmozor arigʻi bilan kesishgan joy qabul qilingan.

Chegara 1-sonli nuqtadan janubi-gʻarbiy yoʻnalishda aylanma avtomobil yoʻlining chap tomoni boʻyicha 1 650 metr masofada, Fargʻona – Avval avtomobil yoʻlini va Margʻilonsoy daryosini kesib oʻtib, “Oqariq” mahallasiga olib boradigan avtomobil yoʻli aylanma avtomobil yoʻliga tutashgan joydagi 2-sonli nuqtagacha davom etadi.

Chegara 2-sonli nuqtadan shimoli-gʻarbiy yoʻnalishda X. Haydarov koʻchasining chap tomoni boʻyicha 320 metr masofada, janubi-gʻarbiy yoʻnalishda chorvachilik fermasining devori boʻylab 70 metr masofada, shimoli-gʻarbiy yoʻnalishda chorvachilik fermasining devori boʻylab 100 metr masofada, shimoli-gʻarbiy yoʻnalishda X. Haydarov koʻchasining chap tomoni boʻyicha 200 metr masofada ushbu koʻcha Teshik-2 arigʻining oʻng qirgʻogʻiga tutashgan joydagi 3-sonli nuqtagacha davom etadi.

Chegara 3-sonli nuqtadan shimoli-sharqiy yoʻnalishda Teshik-2 arigʻining oʻng qirgʻogʻi boʻyicha 540 metr masofada Teshik-2 arigʻi Margʻilonsoy daryosiga quyiladigan joydagi 4-sonli nuqtagacha davom etadi.

Chegara 4-sonli nuqtadan Margʻilonsoy daryosini kesib oʻtib, shimoliy yoʻnalishda Margʻilonsoy daryosining oʻng qirgʻogʻi boʻyicha 590 metr masofada ushbu daryoga Oqsuv koʻchasi tutashgan joydagi 5-sonli nuqtagacha davom etadi.

Chegara 5-sonli nuqtadan janubi-sharqiy yoʻnalishda Oqsuv koʻchasining oʻrtasi boʻyicha 380 metr masofada ushbu koʻcha shimoli-sharq tomonga buriladigan joydagi 6-sonli nuqtagacha davom etadi.

Chegara 6-sonli nuqtadan Oqsuv koʻchasining oʻrtasi boʻyicha shimoli-sharqiy yoʻnalishda 130 metr masofada, shimoli-gʻarbiy yoʻnalishda 420 metr masofada, shimoli-sharqiy yoʻnalishda 410 metr masofada ushbu koʻcha shimoli-gʻarbga burilgan joydagi 7-sonli nuqtagacha davom etadi.

Chegara 7-sonli nuqtadan Oqsuv koʻchasining oʻrtasi boʻyicha shimoli-gʻarbiy yoʻnalishda 130 metr masofada, shimoli-sharqiy yoʻnalishda 230 metr masofada, janubi-sharqiy yoʻnalishda 320 metr masofada, sharqiy yoʻnalishda 250 metr masofada ushbu koʻcha Oqmozor arigʻi bilan kesishgan joydagi 8-sonli nuqtagacha davom etadi.

Chegara 8-sonli nuqtadan janubi-sharqiy yoʻnalishda Oqsuv koʻchasining oʻrtasi boʻyicha 270 metr masofada davom etadi va aylanma avtomobil yoʻli Oqmozor arigʻi bilan kesishgan joydagi boshlangʻich 1-sonli nuqtaga tutashadi.

Boshlangʻich 1-sonli nuqta sifatida aylanma avtomobil yoʻli Oqmozor arigʻi bilan kesishgan joy qabul qilingan.

Chegara 1-sonli nuqtadan shimoli-gʻarbiy yoʻnalishda Oqsuv koʻchasining oʻrtasi boʻyicha 270 metr masofada ushbu koʻcha Oqmozor arigʻi bilan kesishgan joydagi 2-sonli nuqtagacha davom etadi.

Chegara 2-sonli nuqtadan Oqmozor arigʻining oʻng qirgʻogʻi boʻyicha janubi-sharqiy yoʻnalishda 220 metr masofada ushbu ariq janubi-gʻarb tomonga burilgan joydagi 3-sonli nuqtagacha davom etadi.

Chegara 3-sonli nuqtadan Oqmozor arigʻining oʻng qirgʻogʻi boʻyicha janubi-gʻarbiy yoʻnalishda 120 metr masofada davom etadi va aylanma avtomobil yoʻli Oqmozor arigʻi bilan kesishgan joydagi boshlangʻich 1-sonli nuqtaga tutashadi.

Boshlangʻich 1-sonli nuqta sifatida dala yoʻli Teshik-2 arigʻiga tutashgan joy qabul qilingan.

Chegara 1-sonli nuqtadan gʻarbiy yoʻnalishda dala yoʻlining chap tomoni boʻyicha 920 metr masofada ushbu dala yoʻli “Sohibkorlar obihayoti” suv isteʼmolchilari uyushmasining suv taqsimlagichiga tutashgan joydagi 2-sonli nuqtagacha davom etadi.

Chegara 2-sonli nuqtadan janubiy yoʻnalishda sugʻorish novi boʻyicha 910 metr masofada T. Shodiyeva nomidagi agrofirma fermer xoʻjaliklarining dala yoʻllari kesishgan joydagi 3-sonli nuqtagacha davom etadi.

Chegara 3-sonli nuqtadan gʻarbiy yoʻnalishda T. Shodiyeva nomidagi agrofirma “Zarhamroh” fermer xoʻjaligi dala yoʻlining chap tomoni boʻyicha 520 metr masofada uzumzor beton devorining shimoli-sharqiy burchagida joylashgan 4-sonli nuqtagacha davom etadi.

Chegara 4-sonli nuqtadan janubiy yoʻnalishda T. Shodiyeva nomidagi agrofirmaning fermer xoʻjaligi sugʻorish arigʻining chap qirgʻogʻi boʻyicha 640 metr masofada ushbu ariq Fargʻona shahrining aylanma avtomobil yoʻliga tutashgan joydagi 5-sonli nuqtagacha davom etadi.

Chegara 5-sonli nuqtadan gʻarbiy yoʻnalishda aylanma avtomobil yoʻlining chap tomoni boʻyicha 780 metr masofada ushbu aylanma avtomobil yoʻli Fargʻona – Vodil avtomobil yoʻli bilan kesishgan joydagi 6-sonli nuqtagacha davom etadi.

Chegara 6-sonli nuqtadan shimoliy yoʻnalishda Mustaqillik koʻchasining oʻng tomoni boʻyicha 1 880 metr masofada ushbu koʻcha Istiqlol koʻchasiga tutashgan joydagi 7-sonli nuqtagacha davom etadi.

Chegara 7-sonli nuqtadan sharqiy yoʻnalishda Istiqlol koʻchasining oʻrtasi boʻyicha 170 metr masofada Istiqlol koʻchasi shimolga burilgan joygacha, shimoliy yoʻnalishda Istiqlol koʻchasining oʻrtasi boʻyicha 760 metr masofada Istiqlol koʻchasi T. Shodiyeva koʻchasi bilan kesishgan joygacha, gʻarbiy yoʻnalishda T. Shodiyeva koʻchasining oʻrtasi boʻyicha 190 metr masofada T. Shodiyeva koʻchasi Mustaqillik koʻchasiga tutashgan joydagi 8-sonli nuqtagacha davom etadi.

Chegara 8-sonli nuqtadan shimoliy yoʻnalishda Mustaqillik koʻchasining oʻng tomoni boʻyicha 100 metr masofada Mustaqillik koʻchasi Mexanizatorlar koʻchasiga tutashgan joydagi 9-sonli nuqtagacha davom etadi.

Chegara 9-sonli nuqtadan sharqiy yoʻnalishda Mexanizatorlar koʻchasining oʻrtasi boʻyicha 800 metr masofada ushbu koʻcha nomsiz ariqqa tutashgan joydagi 10-sonli nuqtagacha davom etadi.

Chegara 10-sonli nuqtadan janubi-sharqiy yoʻnalishda nomsiz ariqning oʻng qirgʻogʻi boʻyicha 1 430 metr masofada ushbu ariq Teshik-2 arigʻi bilan kesishgan joydagi 11-sonli nuqtagacha davom etadi.

Chegara 11-sonli nuqtadan Teshik-2 arigʻining oʻng qirgʻogʻi boʻyicha janubi-gʻarbiy yoʻnalishda 360 metr masofada, janubi-sharqiy yoʻnalishda 550 metr masofada davom etadi va dala yoʻli Teshik-2 arigʻiga tutashgan joydagi boshlangʻich 1-sonli nuqtaga tutashadi.

Boshlangʻich 1-sonli nuqta sifatida Aeroport koʻchasi Forobiy koʻchasi bilan kesishgan joy qabul qilingan.

Chegara 1-sonli nuqtadan shimoliy yoʻnalishda Fargʻona shahri kichik halqa avtomobil yoʻlining chap tomoni boʻyicha 650 metr masofada Sohibqiron Temur koʻchasi kichik halqa avtomobil yoʻliga tutashgan joydagi 2-sonli nuqtagacha davom etadi.

Chegara 2-sonli nuqtadan shimoli-gʻarbiy yoʻnalishda Sohibqiron Temur koʻchasining davomi boʻlgan loyihalashtirilayotgan 5-5-koʻchaning chap tomoni boʻyicha 950 metr masofada “Fargʻona-1” stansiyasiga olib boradigan temir yoʻl tarmogʻi shoxobchasi loyihalashtirilayotgan 5-5-koʻcha bilan kesishgan joydagi 3-sonli nuqtagacha davom etadi.

Chegara 3-sonli nuqtadan sharqiy yoʻnalishda Oʻrtashoʻra koʻchasining oʻrtasi boʻyicha 880 metr masofada ushbu koʻcha janubi-gʻarb tomonga burilgan joydagi 4-sonli nuqtagacha davom etadi.

Chegara 4-sonli nuqtadan janubi-gʻarbiy yoʻnalishda Oʻrtashoʻra koʻchasining oʻrtasi boʻyicha 1 350 metr masofada ushbu koʻcha Fargʻona koʻchasi bilan kesishgan joydagi 5-sonli nuqtagacha davom etadi.

Chegara 5-sonli nuqtadan gʻarbiy yoʻnalishda Fargʻona koʻchasining oʻng tomoni boʻyicha 50 metr masofada, janubi-gʻarbiy yoʻnalishda dori-darmonlar omborining devori boʻyicha 70 metr masofada, janubi-sharqiy yoʻnalishda Forobiy koʻchasining chap tomoni boʻyicha 80 metr masofada davom etadi va Aeroport koʻchasi Forobiy koʻchasi bilan kesishgan joydagi boshlangʻich 1-sonli nuqtaga tutashadi.